Breaking News

కరీంనగర్‌: అతివేగంతో పాటు, కర్ణకఠోర శబ్ధాలతో దూసుకెళ్తున్న ద్విచక్రవాహనాలకు పోలీసులు కళ్లెం వేశారు. పరిమితికి మించిన వేగంతో ప్రయాణిస్తూ తోటి వాహనదారులను భయబ్రాంతులకు గురిచేయడంతో పాటు విపరీతమైన శబ్ధ కాలుష్యానికి కారణమవుతున్న 16 ద్విచక్రవాహనాలను పోలీసులు స్వాధీనం చేసుకొని వాహనదారులకు జరిమానాలు విధించారు. * * బెల‍్లంపల్లి: మంచిర్యాల జిల్లా బెల‍్లంపల్లిలోని సివిల్‌ కోర్టు ముఖద్వారం ఎదుట హోంగార్డు నారాయణ మంగళవారం ఉదయం ఆత‍్మహత్యాయత‍్నం చేశాడు. ఏడు సంవత‍్సరాలుగా హోంగార్డులకు పోస్టింగ్‌ ఇవ‍్వలేదని, విధుల‍్లోకి తీసుకోకుండా పోలీసు విభాగం అన్యాయం చేస్తోందని ఆవేదన వ‍్యక‍్తం చేస్తూ తెలంగాణ హోంగార్డుల సంఘం అధ‍్యక్షుడు నారాయణ మంగళవారం ఆత‍్మహత్యాయత‍్నం చేశాడు. * * చర‍్ల: ఖమ‍్మం జిల్లా చర‍్ల మండలంలోని తాలిపేరు ప్రాజెక్టు వద్ద మంగళవారం ఉదయం వాహనాలు తనిఖీ చేస్తుండగా ఇద్దరు వ్యక్తులు అనుమానాస్పదంగా కనిపించారు. పోలీసులు ఆ ఇద్దరిని అరెస్టుచేశారు. తనిఖీ చేయగా వారి వద్ద మెడికల్ కిట్లు ఉన్నట్లు గుర్తించారు. వారు మావోయిస్టు మిలీషియా సభ‍్యులని తేలడంతో వారిని అరెస్టు చేసినట్లు తెలిపారు. కోర్టులో హాజరుపరిచేందుకు తరలించామని చర్ల పోలీసులు వెల్లడించారు. * * వరంగల్‌: వరంగల్‌ రూరల్‌ జిల్లాలోని నర్సంపేటలో సోమవారం ఉదయం జరిగిన రోడ్డు ప్రమాదంలో తండ్రి, కుమార్తె దుర‍్మరణం చెందారు. తండ్రి, కుమార్తె వెళుతున‍్న ద్విచక్రవాహనాన్ని వేగంగా వచ్చిన కారు ఢీకొనడంతో వారు అక‍్కడికక‍్కడే మృతి చెందారు. ప్రమాదం జరిగిన వెంటనే కారు డ్రైవర్ పరారయ్యాడు. ఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు. మృతుల వివరాలు సేకరిస‍్తున్నారు * * కురవి: తేనెటీగల దాడిలో ఇద్దరికి తీవ్ర గాయాలయ్యాయి. ఈ సంఘటన మహబూబాబాద్‌ జిల్లా కురవి మండలం అయ్యగారిపల్లిలో సోమవారం వెలుగుచూసింది. స్థానిక మామిడి తోటలో కాయలు కోయడానికి వచ్చిన కూలీలపై తేనెటీగలు దాడి చేశాయి. ఈ దాడిలో ఇద్దరికి తీవ్ర గాయాలయ్యాయి. వారిని వెంటనే స్థానిక ఆస్పత్రికి తరలించారు. క్షతగాత్రులు కృష్ణా జిల్లా కంచికచర్ల మండలం పెండ్యాల గ్రామానికి చెందిన వారిగా తెలుస్తోంది. * * కరీంనగర్‌: జిల్లా కేంద్రంలోని బుట్టిరాజారాం కాలనీలో శనివారం వేకువజామున పోలీసులు కార్డన్ సెర్చ్ నిర్వహించారు. కాలనీలో ప్రతీ ఇంటిని తనిఖీ చేశారు. 31 బైక్‌లు, 8 ఆటోలు, 9 సిలిండర్లు, 3 క్వింటాళ్ల పీడీఎస్ బియ్యాన్ని స్వాధీనం చేసుకున్నారు. అదే విధంగా పలువురు అనుమానితులను కూడా అదుపులోకి తీసుకున్నారు. * * హైదరాబాద్ : తెలంగాణ రాష్ట్రంలోని పాలిటెక్నిక్ కాలేజీల్లో ప్రవేశాల కోసం గత నెల 22న నిర్వహించిన పాలిసెట్ - 2017 ఫలితాలు శనివారం విడుదలయ్యాయి. నాంపల్లిలోని ఇందిరా ప్రియదర్శిని కాలేజీ, రూసా కార్యాలయంలో డిప్యూటీ సీఎం కడియం శ్రీహరి ఫలితాలు విడుదల చేశారు. ఈ కార్యక్రమంలో సాంకేతిక విద్యాశాఖ కమిషనర్ వాణిప్రసాద్ పాల్గొన్నారు. ఏప్రిల్ 22న జరిగిన ప‌రీక్ష‌కు 1,28,118 మంది విద్యార్థులు హాజరయ్యారు. * * నిజామాబాద్‌ జిల్లా వర్నిలో వింత చోరీ వెలుగుచూసింది. పట్టణ శివారులోని భారత్‌ గ్యాస్‌ గోడౌన్‌లో దొంగలుపడి సిలిండర్లు ఎత్తుకెళ్లారు. నిన్న సాయంత్రమే గోడౌన్‌కు వచ్చిన 250 గ్యాస్‌ సిలిండర్లలో శుక్రవారం రాత్రి 204 సిలిండర్లు చోరీకి గురయ్యాయి. శనివారం ఉదయం గుర్తించిన సిబ్బంది పోలీసులకు సమాచారం అందించారు. విషయం తెలుసుకున్న సీఐ శేఖర్‌రెడ్డి సంఘటనా స్థలానికి చేరుకొని వివరాలు సేకరిస్తున్నారు. * * హైదరాబాద్‌: మిర్చి రైతులకు గిట్టుబాటు ధర ఇవ్వకుండా కేంద్ర, రాష్ట్ర ప్రభుత్వాలు కపట ప్రేమను చూపుతున్నాయని లోక్‌సత్తా పార్టీ తెలంగాణ ధ్వజ మెత్తింది. కేంద్రం తాజాగా ప్రకటించిన రూ.5వేలు ఏ మూలకూ సరిపోవని, అదనంగా రాష్ట్ర ప్రభుత్వం జోక్యం చేసుకుని మరో రూ.5వేలు ఇచ్చి రైతాంగాన్ని ఆదుకోవాలని డిమాండ్‌ చేసింది. ఈమేరకు ఆ పార్టీ ప్రధాన కార్యదర్శి జన్నేపల్లి శ్రీనివాసరెడ్డి గురువారం ప్రకటన విడుదల చేశారు. * * కడెం: నిర్మల్‌ జిల్లా కడెం మండల కేంద్రంలో పోలీసులు కార్డన్‌ సెర్చ్‌ నిర్వహించారు. సరైన పత్రాలు లేని 24 ద్విచక్ర వాహనాలు, 4 ఆటోలు, అక్రమంగా నిల్వ ఉంచిన రూ.20 వేల విలువ గల గుట్కా, మద్యం ను పోలీసులు స్వాధీనం చేసుకున్నారు. అలాగే నల్లబెల్లం, దుంగలను స్వాధీనం చేసుకున్నారు. అజార్, రమేష్ అనే ఇద్దరిపై కేసు నమోదు చేసి అరెస్టు చేశారు. * * నారాయణపూర్‌: యాదాద్రి భువనగిరి జిల్లా నారాయణపూర్‌ మండల కేంద్రంలో మావోయిస్టు పోస్టుర్లు కలకలం రేపుతున్నాయి. మండల కేంద్రంతో పాటు వావిళ్లపల్లి, జనాగం గ్రామాల్లో పోస్టర్లు వెలవడంతో స్థానికులు ఆందోళన చెందుతున్నారు. కేసీఆర్‌ నియంత పాలన నశించాలి, లంచగొండి ఎమ్మెల్యే ఖబడ్దార్‌ అంటూ పోస్లర్లపై రాసి ఉంది. * * రంగారెడ్డి: బాలాపూర్‌ పోలీస్‌ స్టేషన్‌ పరిధిలోని రాయల్‌ కాలనీలో భారీ అగ్నిప్రమాదం సంభవించింది. ప్లాస్టిక్‌ వేస్టేజ్‌ గోదాములో ప్రమాదవశాత్తు మంటలు చెలరేగడంతో.. పెద్ద ఎత్తున మంటలు ఎగిసిపడుతున్నాయి. విషయం తెలుసుకున్న అగ్నిమాపక సిబ్బంది సంఘటనా స్థలానికి చేరుకొని మంటలను అదుపులోకి తేవడానికి యత్నిస్తున్నారు. * * అమెరికాలో ఓ చిన్న విమానం నాటకీయరీతిలో నడిరోడ్డుపై కూలిపోయింది. వాషింగ్టన్‌ లోని ముకిల్‌టియోలో మంగళవారం ఓ చిన్న విమానం రద్దీగా ఉన్న నడిరోడ్డుపై కూలిపోయింది. దీంతో ఒక్కసారిగా భారీ ఎత్తున మంటలు ఎగిశాయి. అదృష్టం బాగుండి ఈ ఘటనలో ఎవరూ గాయపడలేదు. విమానం ఇంజన్‌లో సాంకేతికలోపం కారణంగానే ఈ ప్రమాదం జరిగింది. ప్రమాదాన్ని పసిగట్టిన పైలట్‌ సురక్షితంగా తప్పించుకున్నాడు. * * యాదగిరిగుట్ట మండలం బాహుపేట వద్ద జరిగిన రోడ్డు ప్రమాదంలో ఒకరు మృతి చెందారు. ఈస్ట్‌ మారెడ్‌పల్లికి చెందిన వల్లపు ఎల్లయ్య బైక్‌పై వరంగల్‌ వైపు వెళ్తున్నారు. బాహుపేట వద్దకు రాగానే ఎల్లయ్య వాహనాన్ని గుర్తు తెలియని కారు ఢీ కొట్టింది. ఈ ఘటనలో పుల్లయ్య అక్కడికక్కడే మృతిచెందాడు. ఈ రెండు ప్రమాదాలు జరిగిన ప్రదేశాలను యాదగిరిగుట్ట పోలీసులు పరిశీలించారు. కేసు నమోదు చేసి దర్యాప్తు చేస్తున్నట్లు ఎస్‌ఐ–2 నాగిరెడ్డి తెలిపారు. * * టేకులపల్లి: మహిళా సర్పంచ్ కుమారుడు ఓ విద్యార్థినిని ప్రేమ పేరుతో నమ్మించి, వివాహేతర సంబంధం కొనసాగిస్తున్నాడు. పెళ్లి చేసుకోవాలని బలవంతం చేస్తే ముఖం చాటేస్తున్న ప్రియుడి ఇంటి ముందు బాధితురాలు ఆందోళనకు దిగింది. ఈ సంఘటన భద్రాద్రి కొత్తగూడెం జిల్లా టేకులపల్లి మండలం ముత్యాలంపాడులో బుధవారం వెలుగుచూసింది. * * హైదరాబాద్: తెలంగాణ పదో తరగతి ఫలితాలు బుధవారం విడుదల కానున్నాయి. డిప్యూటీ సీఎం కడియం శ్రీహరి సాయంత్రం 4 గంటలకు పదోతరగతి ఫలితాలను విడుదల చేయనున్నారు. తెలంగాణ రాష్ట్రంలో మార్చి 14 నుంచి 30 వరకు ఎస్సెస్సీ పరీక్షలు నిర్వహించిన విషయం తెలిసిందే. 5.35 లక్షల మంది విద్యార్థులు పరీక్షలకు దరఖాస్తులు చేసుకోగా దాదాపు ఐదు లక్షల మంది హాజరయ్యారు. ఈ నెల 5న ఫలితాలు విడుదల చేయాలనుకున్నా రెండు రోజుల ముందుగానే ఫలితాలు వెల్లడిస్తున్నారు. * * హైదరాబాద్‌: సికింద్రాబాద్‌లోని శ్రీకర్‌ ఆస్పత్రిలో సోమవారం అర్థరాత్రి అగ్నిప్రమాదం చోటు చేసుకుంది. ఆస్పత్రిలో ఒక్కసారిగా మంటలు చెలరేగడంతో రోగులు, ఆస్పత్రి సిబ్బంది భయంతో పరుగులు తీశారు. అగ్నిమాపక సిబ్బంది సకాలంలో చేరుకొని మంటలార్పడంతో పెను ప్రమాదం తప్పింది. అగ్నిప్రమాదం సమయంలో విద్యుత్‌ సరఫరా నిలిచిపోవడంతో ఏం జరుగుతుందో అర్థం కాలేదని పలువురు వెల్లడించారు. ఆస్పత్రిలో చికిత్స పొందుతున్న వారిని అధికారులు వేరువేరు ఆస్పత్రులకు తరలించారు. * * కరీంనగర్‌: అదిలాబాద్‌ వన్‌టౌన్‌లో విధులు నిర్వర్తిస్తున్న సీఐ, ఎస్సై, ఏఎస్సైలను సస్పెండ్‌ చేస్తూ.. కరీంనగర్‌ రేంజ్‌ డీఐజీ ఉత్తర్వులు జారీ చేశారు. సివిల్‌ తగాదాలో తలదూర్చారనే సమాచారంతో విచారణ చేపట్టిన ఉన్నతాధికారులు జిల్లా ఎస్పీ ఎం. శ్రీనివాస్‌ నివేదిక ఆధారంగా సీఐ సత్యనారాయణ, ఎస్సై బి. అనిల్, ఏఎస్సై జి. అప్పారావులను సస్పెండ్‌ చేశారు. ఈ మేరకు మంగళవారం కరీంనగర్‌ రేంజ్‌ డీఐజీ సి. రవివర్మ ఆదేశాలు జారీచేశారు. * * కోదాడ: ఐపీఎల్‌ -10 సందర్భంగా బెట్టింగ్‌లకు పాల్పడుతున్న ఓ ముఠాను పోలీసులు అరెస్ట్‌ చేశారు. వారి వద్ద నుంచి రూ. 25 వేల నగదుతో పాటు ఓ బైక్‌, ఏడు సెల్‌ఫోన్లు స్వాధీనం చేసుకున్నారు. * * తిప్పర్తి(నల్లగొండ): వేగంగా వెళ్తున్న ఆర్టీసీ బస్సు అదుపుతప్పి రోడ్డు పక్కన ఆగి ఉన్న లారీని ఢీకొట్టిన ఘటనలో.. బస్సులో ఉన్న 10 మంది ప్రయాణికులకు తీవ్ర గాయాలయ్యాయి. వారిలో నలుగురి పరిస్థితి విషమంగా ఉంది. * * బోధన్‌ మండలం తెగడపల్లి గ్రామానికి చెందిన భాగ్యలక్ష్మి(12) ఆదివారం అర్ధరాత్రి ఇంట్లో నుంచి బయటకు వచ్చిన సమయంలో గుర్తుతెలియని వ్యక్తి ఆమెపై కిరోసిన్‌ పోసి నిప్పంటించాడు. దీంతో గట్టిగ కేకలు వేస్తూ బాలిక అక్కడే కుప్పకూలిపోయింది. ఇది గుర్తించిన చుట్టుపక్కల వారు ఆమెను స్థానిక ఆస్పత్రికి తరలించారు. పరిస్థితి విషమంగా ఉండటంతో అక్కడ నుంచి హైదరాబాద్‌లోని నీలోఫర్‌ ఆస్పత్రికి తరలించగా.. చికిత్స పొందుతూ సోమవారం ఉదయం బాలిక మృతిచెందింది. ఈ ఘటనపై పోలీసులు కేసు నమోదు చేసుకొని దర్యాప్తు చేస్తున్నారు. * * కామేపల్లి: ప్రమాదవశాత్తు బావిలోపడి ఓ కానిస్టేబుల్‌ మృతిచెందిన సంఘటన ఖమ్మం జిల్లా కామేపల్లిలో జరిగింది. స్థానిక పోలీస్ స్టేషన్‌లో గుగులోతు రామకృష్ణ (39) కానిస్టేబుల్‌గా విధులు నిర్వర్తిస్తున్నాడు. గ్రామ శివారులోని వ్యవసాయ బావి వైపు మంగళవారం ఉదయం వాకింగ్‌కు వెళ్లి ప్రమాదవశాత్తు అందులో పడి మృతిచెందాడు. ఈయన స్వగ్రామం తల్లాడ. రెండున్నరేళ్లుగా కామేపల్లిలో పనిచేస్తున్నారు. ఈయనకు భార్య, ఇద్దరు కుమారులు ఉన్నారు. * * మణుగూరు: భద్రాద్రి కొత్తగూడెం జిల్లా మణుగూరు ఏరియా సింగరేణి ఉపరితల బొగ్గుగని కేంద్రంలో మంగళవారం మధ్యాహ‍్నం బంకర్‌ కూలి ఇద్దరు కార్మికులు మృతిచెందారు. లారీలో బొగ్గు నింపుతుండగా.. అక్కడే పనులు చేస్తున్న పవన్‌ (31), రఘుపాల్‌రెడ్డి(32) అనే కార్మికులపై బంకర్‌ కూలింది. దీంతో వారిద్దరూ అక్కడికక్కడే ప్రాణాలు విడిచారు. తోటి కార్మికులు వెంటనే స్పందించి మృతదేహాలను వెలికి తీశారు. * * సూర్యాపేట: ఎదురెదురుగా వస్తున్న రెండు ఆటోలు ఒకదానికొకటి ఢీకొన్న ఘటనలో ఒకరు మృతిచెందగా.. మరో ఎనిమిది మందికి గాయాలయ్యాయి. ఈ సంఘటన సూర్యాపేట మండలం రాజానాయక్‌తండా శివారులో శనివారం ఉదయం చోటుచేసుకుంది. దీంతో వారిని అంబులెన్స్‌ల సాయంతో సూర్యాపేట ఏరియా ఆస్పత్రికి తరలించారు. * * భువనగిరి: వేగంగా వెళ్తున్న కారులో మంటలు చెలరేగడంతో అప్రమత్తమైన డ్రైవర్‌ వాహనాన్ని వదిలి బయటకు దూకేశాడు. ఈ ప్రమాదంలో సాంట్రో కారు పూర్తిగా కాలిబూడిదైంది. ఈ సంఘటన యాదాద్రి జిల్లా భువనగిరి శివారులోని నల్లగొండ రహదారిపై శనివారం చోటు చేసుకుంది. విషయం తెలుసుకున్న అగ్నిమాపక సిబ్బంది సంఘటనా స్థలానికి చేరుకొని మంటలు ఆర్పడానికి యత్నించే లోపే కారు పూర్తిగా కాలిపోయింది. * * మహబూబ్‌నగర్‌: జిల్లాలోని దేవరకద్ర మండల కేంద్రంలో శుక్రవారం ఉదయం విజిలెన్స్‌ ఎన్‌ఫోర్స్‌మెంట్‌ అధికారులు చేపట్టిన దాడుల్లో పెద్దఎత్తున రేషన్‌ బియ్యం పట్టుబడ్డాయి. లబ్దిదారులకు అందాల్సిన బియ్యం పక్కదారి పడుతున్నాయనే సమచారంతో రగంలోకి దిగిన అధికారులు మండల కేంద్రం నుంచి అక్రమంగా తరలిస్తున్న 620 క్వింటాళ్ల రేషన్‌ బియ్యాన్ని స్వాధీనం చేసుకోవడంతో పాటు ఓ లారీ, బొలెరో వాహానాలను సీజ్‌ చేశారు. * * పెద్దపల్లి: ఇద్దరు భార్యలు కలిసి భర్తను హతమార్చిన సంఘటన జిల్లాలోని కమాన్‌పూర్‌లో గురువారం వెలుగు చూసింది. స్థానికంగా నివాసముంటున్న సింగరేణి రిటైర్డ్‌ ఉద్యోగి తిరుమలయ్య(65)ను ఆయన ఇద్దరు భార్యలు గొడ్డలితో నరికి చంపారు. తిరుమలయ్య అతని ఇద్దరు భార్యలు మదునమ్మ, ఐలమ్మలను గత కొన్నేళ్లుగా తీవ్రంగా హింసిస్తున్నాడు. విషయం తెలుసుకున్న పోలీసులు సంఘటనా స్థలానికి చేరుకొని నిందితులను అదుపులోకి తీసుకున్నారు. కేసు నమోదు చేసుకుని దర్యాప్తు చేస్తున్నారు. * * హైదరాబాద్: ఎల్బీ నగర్ పోలీస్ స్టేషన్ పరిధిలోని ఓంకార్ నగర్‌లోని ఓ సెల్‌ఫోన్‌ దుకాణంలో గురువారం రాత్రి దొంగతనం జరిగింది. స్థానిక శ్రీనివాస్ మొబైల్ షాప్‌లో గుర్తు తెలియని వ్యక్తులు ప్రవేశించి క్యాష్‌ బాక్స్‌లో ఉన్న రూ.50 వేల నగదుతోపాటు లక్ష రూపాయల విలువ చేసే ఫోన్లు ఎత్తుకెళ్లారు. దుకాణంలో అమర్చిన సీసీ కెమెరాలో చోరీ చిత్రాలు నమోదయ్యాయి. బాధితుడు ఎల్బీనగర్‌ పోలీస్‌స్టేషన్‌లో ఫిర్యాదు చేశాడు. * * యాదాద్రి: పక్కింటి వారు తిట్టారనే మనస్థాపంతో ఓ మహిళ ఆత్మహత్యకు పాల్పడింది. ఈ సంఘటన యాదాద్రి జిల్లా భూదాన్‌ పోచంపల్లిలో మంగళవారం జరిగింది. స్థానికంగా ఉండే లక్ష్మమ్మ అనే మహిళకు పక్కింటి వారికి విబేధాలు వచ్చాయి. దీంతో పక్కింటి వారు తిట్టడంతో ఆమె మనస్థాపానికి గురై ఆత్మహత్య చేసుకుంది. ఈ సంఘటనపై లక్ష్మమ్మ కుటుంబ సభ్యులు పోలీసులకు ఫిర్యాదు చేశారు. కేసు నమోదు చేసిన పోలీసులు దర్యాప్తు చేస్తున్నారు. * * నిజామాబాద్ : శ్రీరాంసాగర్‌ ప్రాజెక్ట్‌ నుంచి యాసంగి పంటకు నీటిని విడుదల చేశారు. ఇరిగేషన్ అధికారులు గురువారం ఉదయం నీటిని విడుదల చేశారు. కాకతీయ కెనాల్ ద్వారా 6 వేల క్యూసెక్కులు, లక్ష్మీ కెనాల్ ద్వారా 200 క్యూసెక్కుల నీటిని విడుదల చేశారు. నీటి విడుదలతో రైతులు నారుమడులు పోసేందుకు సిద్ధమవుతున్నారు. * * హుజూర్‌నగర్: సూర్యాపేట జిల్లా హుజూర్‌నగర్ పోలీసులు బైక్ దొంగల ముఠాను పట్టుకున్నారు. గురువారం ఉదయం సీఐ వి. నర్సింహారెడ్డి ఇందుకు సంబంధించిన వివరాలు వెల్లడించారు. సూర్యాపేట, నల్లగొండ జిల్లాలకు చెందిన 8 మంది సభ్యుల ముఠా గత కొంతకాలంగా ద్విచక్రవాహనాల దొంగతనాలకు పాల్పడుతోంది. బాధితుల ఫిర్యాదు మేరకు విచారణ చేపట్టిన పోలీసులు గురువారం ముఠాను అదుపులోకి తీసుకున్నారు. వారి నుంచి 22 బైక్‌లను స్వాధీనం చేసుకుని, రిమాండ్‌కు పంపారు. * * భువనగిరి: యాదాద్రి జిల్లా భువనగిరిలోని బ్యాంకుల వద్ద పింఛనుదారులు నిరసన తెలిపారు. స్థానిక ఆంధ్రా బ్యాంకు వద్ద ప్రభుత్వ పింఛను దారులు ఆందోళన వ్యక్తం చేశారు. ప్రభుత్వం తమకు రూ. 10 వేలు ఇవ్వాలని ఉత్తర్వులు జారీ చేయగా రూ. 4 వేలే ఇస్తున్నారని నిరసన తెలిపారు. గంటలకొద్దీ క్యూలైన్లలో తాము నిలబడలేమని, ప్రత్యేక లైన్లు ఏర్పాటు చేయాలని డిమాండ్ చేశారు. * * వరంగల్: మద్యం సేవించి వాహనాలు నడుపుతూ పట్టుబడిన 226 మందిపై పోలీసులు కేసులు నమోదు చేసి గురువారం కోర్టుకు హాజరు పరిచారు. గ్రేటర్ వరంగల్ పరిధిలో డ్రంకెన్ డ్రైవ్‌లో పట్టుబడిన వారిలో 12 మందికి 2 రోజుల జైలుశిక్ష విధిస్తూ.. న్యాయస్థానం తీర్పు నిచ్చింది. దీంతో పాటు మద్యం రాయుళ్లకు రూ. 3.52 లక్షల జరిమానాలు విధించింది. * * మిర్యాలగూడ: గ్యాంగ్ స్టర్ నయీం కేసుకు సంబంధించి 25 మంది నిందితులను పోలీసులు ఈరోజు మిర్యాలగూడ కోర్టు ఎదుట హాజరుపరిచారు. చర్లపల్లి జైల్లో ఉన్న నిందితులను పలు కేసుల్లో విచారణ నిమిత్తం ఈ రోజు మిర్యాలగూడ కోర్టుకు తీసుకొచ్చారు. వారిలో నయీం భార్య, సోదరి, అత్త ఉన్నారు. విచారణ అనంతరం తిరిగి వారిని చర్లపల్లికి తరలించారు. * * కాఠ్మాండు: ప్రపంచంలోనే అత్యంత ఎత్తైన ఎవరెస్టు శిఖరానికి దగ్గర్లోని ఒక హిమనీనద సరస్సులోని నీటిని గణనీయంగా తగ్గించామని నేపాల్‌ ప్రకటించింది. వాతావరణంలో మార్పుల వల్ల హిమనీనదాలు వేగంగా కరుగుతున్నాయి. ఆ నీరంతా కట్టలు తెంచుకుని కిందకు ప్రవహిస్తే మహావిపత్తు సంభవిస్తుంది. * * మేడ్చెల్‌: మేడ్చల్ జిల్లా కీసర మండలం కుందన్‌పల్లి చౌరస్తాలో మంగళవారం ఉదయం ఒక లారీ బీభత్సం సష్టించింది. వేగంగా వెళుతున్న లారీ అదుపు తప్పి డివైడర్‌ను ఢీకొట్టడమే కాక ఎదురుగా వెళుతున్న స్కూటర్‌ను డీకొని పక్కనున్న ఎన్‌వీఆర్‌ పెట్రోల్‌ బంక్‌లోకి దూసుకెళ్లింది. ఈ సంఘటనలో స్కూటర్‌పై వెళుతున్న యూనస్, ఖాజా అనే యువకులు తీవ్రంగా గాయపడ్డారు. ప్రమాదాన్ని గమనించిన స్థానికులు వారిని 108లో సమీపంలోని ఆస్పత్రికి తరలించారు. * * నిజామాబాద్‌: బోధన్‌లోని నిజాం దక్కన్‌ సుగర్స్‌ కంపెనీ కార్మికులు, అఖిలపక్షం నేతలు మంగళవారం బోధన్‌ బంద్‌ నిర్వహిస్తున్నారు. దక్కన్‌ సుగర్స్‌ లే ఆఫ్‌ ఎత్తివేయాలని, కంపెనీని పునరుద్ధరించాలని కోరుతూ కంపెనీ పరిరక్షణ కమిటీ ఆధ్వర్యంలో ఈ బంద్‌ చేపట్టారు. బంద్‌లో అన్ని కార్మిక సంఘాల వారు, కంపెనీ కార్మికులు, టీడీపీ, సీపీఐ, సీపీఎం తదితర పక్షాలకు చెందిన నేతలు పాల్గొన్నారు. బంద్‌ ప్రశాంతంగా కొనసాగుతోంది. * * శంషాబాద్: శంషాబాద్ అంతర్జాతీయ విమానాశ్రయంలో శుక్రవారం ఉదయం భారీ అగ్నిప్రమాదం తప్పింది. ఫ్లయిట్‌లో పంపించేందుకు ఓ ఏజెంట్ కార్గో ఏరియాకు తీసుకువచ్చిన కెమికల్స్ బాక్సు నుంచి పొగలు వెలువడ్డాయి. గమనించిన సిబ్బంది వెంటనే అప్రమత్తమయ్యారు. * * జమ్మికుంట: కరీంనగర్ జిల్లా జమ్మికుంటలో శుక్రవారం ఉదయం పోలీసులు కార్డన్ సెర్చ్ నిర్వహించారు. పోలీస్ కమీషనర్ కమల్‌హాసన్‌రెడ్డి ఆధ్వర్యంలో 100 మంది పోలీసులు ఈ తనిఖీల్లో పాల్గొన్నారు. అనుమానం ఉన్న ప్రతి ఇంటినీ జల్లెడ పట్టారు. సరైన పత్రాలు లేని 8 బైక్‌లు స్వాధీనం చేసుకున్నారు. * * చేర్యాల(సిద్ధిపేట జిల్లా): చేర్యాల సమీపంలో దూల్మిట్ట క్రాస్ రోడ్డు వద్ద మంగళవారం రాత్రి జరిగిన ప్రమాదంలో మద్దూరు సాక్షి విలేకరి సత్యం గౌడ్(28) మృతిచెందాడు. విధులు ముగించుకుని ఇంటికి వెళ్తుండగా గుర్తుతెలియని వాహనం ఢీకొట్టడంతో తీవ్రంగా గాయపడ్డాడు. అపస్మారక స్థితిలో పడి ఉన్న సత్యంను చికిత్స నిమిత్తం హైదరాబాద్‌కు తరలిస్తుండగా మార్గమధ్యంలోనే మృతిచెందాడు. * * హైదరాబాద్: రాష్ట్ర పోలీసు శాఖ పరిధిలో పోలీస్ కానిస్టేబుల్ (సివిల్/ఏఆర్/ఎస్‌ఏఆర్/టీఎస్‌ఎస్‌పీ), స్పెషల్ ప్రొటెక్షన్ ఫోర్స్ (ఎస్‌పీఎఫ్)లో కానిస్టేబుల్ (పురుష), అగ్నిమాపక శాఖలో ఫైర్‌మెన్ పోస్టుల భర్తీకి ఆదివారం నిర్వహించిన రాత పరీక్షకు సంబంధించిన ప్రశ్న పత్రం బుక్‌లెట్లు, ప్రాథమిక కీను తెలంగాణ స్టేట్ లెవల్ పోలీస్ రిక్రూట్‌మెంట్ బోర్డు (టీఎస్‌ఎల్‌పీఆర్‌బీ) మంగళవారం విడుదల చేసింది. www.tslprb.in వెబ్‌సైట్ నుంచి డౌన్‌లోడ్ చేసుకోవాలని బోర్డు చైర్మన్ డాక్టర్ జె.పూర్ణచంద్రరావు తెలిపారు. * * నారాయణపూర్: యాదాద్రి భువనగిరి జిల్లా నారాయణపూర్ మండలకేంద్రంలో సోమవారం అర్ధరాత్రి దొంగలు బీభత్సం సృష్టించారు. రెండు ఇళ్లు, ఒక నగల దుకాణంలో దొంగతనానికి పాల్పడ్డారు. బాధితుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. సంఘటనాస్థలానికి క్లూస్ టీం రప్పించి ఆధారాలు సేకరిస్తున్నారు. * * కారేపల్లి: కల్తీ మద్యం తయారు చేస్తున్న వారిని తీసుకెళ్తున్న ఆటో బోల్తా పడటంతో ఆరుగురు తీవ్రంగా గాయపడ్డారు. అయితే, ఆ సమయంలో ఆటోను నడుపుతున్నది పోలీస్ కానిస్టేబుల్ కావటం గమనార్హం. వివరాలివీ.. ఖమ్మం జిల్లా కారేపల్లి మండల పోలీసులు సోమవారం ఉదయం రేలకాయలపల్లి జైత్రాం తండా, జీత్యా తండాలపై దాడులు చేపట్టారు. ఈ సందర్భంగా కల్తీ మద్యం తయారు చేస్తున్నారనే ఆరోపణలతో ఆరుగురు మహిళలను అదుపులోకి తీసుకున్నారు. * * యదాద్రి: భువనగిరిలో శనివారం తెల్లవారుజామున లారీ బీభత్సం సృష్టించింది. హైదరాబాద్‌ చౌరస్తాలోని బస్టాండ్‌ వద్ద జనంపైకి లారీ దూసుకెళ్లింది. ఈ ఘటనలో ఒకరు మృతిచెందగా, మరొకరికి తీవ్ర గాయాలయ్యాయి. క్షతగాత్రుడి పరిస్థితి విషమంగా ఉండటంతో చికిత్స నిమిత్తం ఆస్పత్రికి తరలించినట్టు సమాచారం. పూర్తి వివరాలు తెలియాల్సి ఉంది. * * హైదరాబాద్‌: నగరంలోని పాతబస్తీలో శనివారం తెల్లవారుజామున నుంచి పోలీసులు కార్డన్‌ సెర్చ్‌ నిర్వహించారు. సౌత్‌జోన్‌ డీసీపీ సత్యనారాయణ ఆధ్వర్యంలో కామటిపుర, బార్కాస్‌, వట్టేపల్లి పోలీస్‌ స్టేషన్‌ పరిధిలో పోలీసులు విస్తృత తనిఖీలు చేపట్టారు. ఈ తనిఖీల్లో 21 మంది రౌడీషీటర్లను అదుపులోకి తీసుకున్న పోలీసులు, నాలుగు ఆయుధాలు, 65 వాహనాలను స్వాధీనం చేసుకున్నారు. * * హైదరాబాద్‌: నగరంలోని ఇందిరాపార్క్‌ వద్ద రేపు (ఆదివారం) ఉదయం 10 గంటలకు రైతు దీక్ష చేపట్టనున్నారు. ఈ రైతు దీక్షలో తెలంగాణ జేఏసీ ఛైర్మన్‌ కోదండరామ్‌, రైతు సంఘాల నాయకులు తదితరులు పాల్గొననున్నారు. తెలంగాణ ఏర్పాడ్డాక తొలిసారి కోదండరామ్‌ దీక్షకు దిగుతున్నారు. తెలంగాణ ముఖ్యమంత్రి కేసీఆర్‌ ప్రభుత్వం రైతు సమస్యలు పట్టించుకోవడం లేదని కోదండరామ్‌ దీక్షకు దిగుతున్నట్టు సమాచారం. * * వాజేడు: స్కూల్ పిల్లలను తరలిస్తున్న ఆటో అదుపుతప్పి బోల్తా కొట్టిన ఘటనలో నలుగురు విద్యార్థులకు గాయాలయ్యాయి. ఈ సంఘటన ఖమ్మం జిల్లా వాజేడు మండలం జగన్నాథపురంలో శుక్రవారం చోటు చేసుకుంది. గ్రామం నుంచి వాజేడు పాఠశాలకు వెళ్తున్న స్కూల్ పిల్లల ఆటో అదుపుతప్పి బోల్తా కొట్టింది. దీంతో నలుగురు విద్యార్థులకు గాయాలయ్యాయి. * * పెద్దపల్లి: పెద్దపల్లి జిల్లాలోని రామగుండం ఎన్టీపీసీ(నేషనల్ థర్మల్ పవర్ కార్పొరేషన్) 7 యూనిట్‌ లో ఉత్పత్తి నిలిచి పోనుంది. ఈ అంశాన్ని అధికారులు తెలిపారు. ఏడో యూనిట్ వార్షిక మరమ్మత్తుల కోసం శుక్రవారం నుంచి ఉత్పత్తిని నిలిపివేస్తున్నట్లు అధికారులు తెలిపారు. దీని వల్ల 500ల మెగావాట్ల విద్యుత్ ఉత్పత్తి నిలిచి పోనుంది. * * మునగాల(నల్గొండ): మునగాల మండలం ఇంద్రానగర్ వద్ద జాతీయ రహదారిపై గురువారం ప్రైవేట్‌ ట్రావెల్స్‌ బస్సు బీభ్సతం సృష్టించింది. వడ్ల లోడుతో ముందుగా సూర్యాపేట వైపు వెళ్తున్న ట్రాక్టర్‌ను గౌతమి ట్రావెల్స్ బస్సు ఢీకొట్టింది. ఈ ప్రమాదంలో ట్రాక్టర్‌ మీద ఉన్న ముగ్గురికి తీవ్రగాయాలయ్యాయి. క్షతగాత్రులను చికిత్స నిమిత్తం స్థానిక ప్రభుత్వాసుపత్రికి తరలించారు. పూర్తి వివరాలు తెలియాల్సి ఉంది. * * కరీంనగర్ జిల్లా: రేణికుంట బ్రిడ్జి సమీపంలో రాజీవ్ రహదారిపై బుధవారం అర్ధరాత్రి 12 గంటల సమయంలో ఓ బైక్‌ను లారీ ఢీకొట్టింది. ఈ ఘటలో ఒక వ్యక్తి అక్కడికక్కడే మృతిచెందాడు. ఈ ప్రమాదంలో బైక్‌లో మంటలు చెలరేగి పూర్తిగా కాలిపోయింది. ఈ ఘటనతో ఆ మార్గంలో ఒక కిలో మీటర్ మేర వాహనాలు నిలిచిపోయాయి. పూర్తి వివరాలు తెలియాల్సి ఉంది. * * మిర్యాలగూడ (నల్గొండ జిల్లా): మిర్యాలగూడ పట్టణంలోని ఓ వ్యాపారి ఆత్మహత్య చేసుకున్నాడు. పట్టణానికి చెందిన మారం శ్రీనివాస్(45) అనే వ్యక్తి రియల్ ఎస్టేట్ వ్యాపారం చేస్తుంటాడు. భార్యాబిడ్డలతో కలిసి హైదరాబాద్‌లో నివాసముంటున్నాడు. రియల్‌ ఎస్టేట్‌లో నష్టాలు రావడంతో అప్పులపాలై బలవన్మరణానికి పాల్పడ్డాడు. * * శాన్ ఫ్రాన్సిస్కో : అమెరికాలో మరోసారి కాల్పుల ఘటన కలకలం రేగింది. శాన్ ఫ్రాన్సిస్కోలో రెండు వేర్వేరు ప్రాంతాల్లో దుండగులు విచక్షణారహితంగా జరిపిన కాల్పుల్లో నలుగురు విద్యార్థులు గాయపడగా వారిలో ఒకరి పరిస్థితి విషమంగా ఉంది. కాగా పలువురు విద్యార్థులు కాల్పుల నుంచి తృటిలో తప్పించుకున్నారు. ఈక్విటీ జూన్ జోర్డాన్ స్కూల్ సిటీ ఆర్ట్స్ అండ్ టెక్నాలజీ హైస్కూల్ బయట ఈ కాల్పులు జరిగాయి. * * గూడూరు: మహబూబాబాద్ జిల్లా గూడూరు మండలం భూపతిపేటలో జరిగిన రోడ్డు ప్రమాదంలో రాజేష్(14) అనే విద్యార్థి మృతి చెందాడు. స్కూలుకు వెళ్లటానికి రోడ్డు పక్కన నిల్చున్న సమయంలో అటుగా వస్తున్న టాటా ఏస్ వాహనం అదుపుతప్పి ఢీకొట్టింది. ఈ ఘటనలో తీవ్రగాయాలైన రాజేష్‌ను నర్సంపేట ప్రభుత్వాసుపత్రికి తరలించగా.. మార్గమధ్యంలోనే ప్రాణాలొదిలాడు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. * * కరీంనగర్‌: హుజారాబాద్‌లో మంగళవారం తెల్లవారుజామున నుంచి పోలీసులు కార్డన్‌ సెర్చ్‌ నిర్వహించారు. సీపీ కమలాసన్‌రెడ్డి ఆధ్వర్యంలో ఇందిరానగర్‌, బుడగ జంగాల కాలనీల్లో పోలీసులు కార్డన్‌ సెర్చ్‌ జరిపారు. కార్డెన్‌ సర్చ్‌లో భాగంగా సరైన పత్రాలు లేని వాహనాలను ఆపి తనిఖీలు చేపట్టారు. * * అబ్దుల్లాపూర్‌మెట్ : రంగారెడ్డి జిల్లా అబ్దుల్లాపూర్‌మెట్ మండలం బాచారం గ్రామంలోని సాయిప్రియ కెమికల్ పరిశ్రమలో మంగళవారం ఓ బాయిలర్ పేలి ఒకరు మృతి చెందారు. మరో ఇద్దరు కార్మికులకు గాయాలయ్యాయి. మృతుడు బిహార్‌కు చెందిన శివ చాంద్‌బీన్(31)గా గుర్తించారు. సమాచారం అందుకున్న పోలీసులు సంఘటనాస్థలానికి చేరుకుని పరిస్థితిని సమీక్షిస్తున్నారు. కేసు నమోదు చేసి దర్యాప్తు చేపట్టారు. * * మరిపెడ(వరంగల్‌): ఎదురెదురుగా వస్తున్న రెండు వాహనాలు ఢీకొన్న ఘటనలో ఐదుగురు ప్రయాణికులకు గాయాలయ్యాయి. ఈ సంఘటన వరంగల్‌ జిల్లా మరిపెడ మండల కేంద్రంలో సోమవారం ఉదయం చోటుచేసుకుంది. వేగంగా వెళ్తున్న లారీ ఎదురుగా వస్తున్న ఆర్టీసీ బస్సును ఢీకొట్టింది. దీంతో బస్సులో ఉన్న ఐదుగురు ప్రయాణికులకు గాయాలయ్యాయి. ఇది గుర్తించిన స్థానికులు క్షతగాత్రులను అంబులెన్స్‌ సాయంతో ఆస్పత్రికి తరలించగా అందులో ఒకరి పరిస్థతి విషమంగా ఉన్నట్లు వైద్యులు తెలిపారు. * * నేరడిగొండ: ఆదిలాబాద్ జిల్లా నేరడిగొండ మండలంలో ఆదివారం అర్థరాత్రి జరిగిన ప్రమాదంలో ఒక లారీ కాలిపోయింది. ఆదిలాబాద్ వైపు నుంచి నిర్మల్ వెళ్తున్న నిమ్మకాయల లోడ్ లారీలో నేరడిగొండ వద్ద అకస్మాత్తుగా మంటలు చెలరేగాయి.అవి వేగంగా లారీ అంతటా వ్యాపించటంతో అప్రమత్తమైన లారీ డ్రైవర్, క్లీనర్ కిందికి దూకి ప్రాణాలు దక్కించుకున్నారు.అనంతరం లారీ అగ్నికి ఆహుతయింది. కారణాలు తెలియాల్సి ఉంది. లారీడ్రైవర్ ఈ మేరకు పోలీసులకు ఫిర్యాదు చేశాడు. * * చెన్నై: తమిళనాడు ముఖ్యమంత్రి జయలలిత సుమారు రెండు వారాలుగా ఆసుపత్రికే పరిమితమయ్యారు. ఆమె చికిత్స పొందుతున్న అపోలో ఆసుపత్రి డాక్టర్లు ముఖ్యమంత్రి కోలుకుంటున్నారని.. మరికొంత కాలం ఆమె వైద్యుల పర్యవేక్షణలో ఉండాల్సి ఉంటుందని చెబుతున్నారు. ఈ నేపథ్యంలో రాష్ట్రంలో పాలన కుంటుపడకుండా తీసుకోవాల్సిన ప్రత్యామ్నాయచర్యలపై ఏఐఏడీఎంకే నేతలు దృష్టి పెట్టినట్లు సమాచారం. * * హైదరాబాద్: నాంపల్లిలో అన్ని ఆధునిక హంగులతో పోలీస్స్టేషన్ నూతన భవనాన్ని నిర్మిస్తున్నట్లు తెలంగాణ హోంశాఖ మంత్రి నాయిని నరసింహరెడ్డి తెలిపారు. శనివారం ఉదయం పోలీస్స్టేషన్ కొత్త భవనానికి నాయిని నర్సింహారెడ్డి భూమి పూజ చేశారు. ఈ కార్యక్రమంలో కేంద్రమంత్రి బండారు దత్తాత్రేయతోపాటు నగర పోలీస్ కమిషనర్ మహేందర్రెడ్డి, ఇతర పోలీసులు ఉన్నతాధికారులు పాల్గొన్నారు. * * ఐక్యరాజ్యసమితి: కర్బన ఉద్గారాలను తగ్గించుకునే ఒప్పందంపై మెజారిటీ దేశాలు సంతకాలు చేయడంతో నవంబర్‌ 4 నుంచి ప్యారిస్‌ ఒప్పందం అమల్లోకి వస్తుందని ఐక్యరాజ్యసమితి సెక్రటరీ జనరల్‌ బాన్‌ కీ మూన్‌ వెల్లడించారు. దీన్నోక చిరస్మరణీయ ఘటనగా అవర్ణించారు. * * హైదరాబాద్ : మావోయిస్టుల పేరుతో వసూళ్లకు పాల్పడుతున్న ముగ్గురిని మల్కాజిగిరి సీసీఎస్ పోలీసులు అరెస్టు చేశారు. రంగారెడ్డి జిల్లా కీసరకు చెందిన యు.బలరాం, కృష్ణ, నర్సింహ అనే వారిని అదుపులోకి తీసుకున్నారు. వారి నుంచి బొమ్మ పిస్టళ్లను స్వాధీనం చేసుకుని విచారణ చేస్తున్నారు. * * కథలాపూర్(కరీంనగర్) : ఆలయంలోకి ప్రవేశించిన దొంగలు అక్కడే ఉన్న హుండీని ఎత్తుకుపోయారు. ఈ ఘటన కరీంనగర్ జిల్లా కథలాపూర్ మండలం కలిగోట గ్రామంలో చోటుచేసుకుంది. గురువారం అర్థరాత్రి సత్యనారాయణ స్వామి ఆలయంలోకి ప్రవేశించిన దుండగులు గర్భగుడిలో విలువైన వస్తువులు ఏమీ లేకపోవటంతో హుండీని పెకిలించుకు పోయారు. శుక్రవారం ఉదయం గమనించిన పూజారి గ్రామ పెద్దలకు సమాచారం అందించారు. ఈ మేరకు గ్రామస్తులు పోలీసులకు ఫిర్యాదు చేశారు. * * కౌడిపల్లి: మెదక్ జిల్లా కౌడిపల్లి మండలం అంతారం గేటు వద్ద రాస్తారోకో జరిగింది. సలబాత్తపూర్ పంచాయతీని కొత్తగా ఏర్పాటు చేస్తున్న చిలిప్‌చేడ్ మండలంలో కాకుండా కౌడిపల్లి మండలలోనే కొనసాగించాలని ఆ పంచాయతీ ప్రజలు డిమాండ్ చేశారు. సుమారు 30 నిమిషాల పాటు రాస్తారోకో జరగడంతో మెదక్-నర్సాపూర్ రహదారిపై వాహన రాకపోకలు నిలిచిపోయాయి. * * సిద్ధిపేట(మెదక్ జిల్లా) : సిద్ధిపేట మండలకేంద్రం గణేశ్ నగర్‌లో దొంగలు బీభత్సం సృష్టించారు. స్థానికంగా నివాసముంటున్న శ్రీశైలం, పదయ్య, నర్సింహులు అనే ముగ్గురి ళ్లలో చోరీకి పాల్పడ్డారు. మూడిళ్లలో కలిపి 2 తులాల బంగారం, రూ.10 వేల నగదు దోచుకెళ్లారు. బాధితుల ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. * * కొణిజర్ల(ఖమ్మం జిల్లా) : కొణిజర్ల మండలకేంద్రంలోని ఎండీఓ ఆఫీసు వద్ద గురువారం తెల్లవారుజామున 5 గంటల సమయంలో ఆగి ఉన్న లారీని మరో లారీ ఢీకొట్టింది. ఈ ప్రమాదంలో ఓ లారీ డ్రైవర్ క్యాబిన్‌లో ఇరుక్కుపోయాడు. అదే సమయంలో అటుగా వచ్చిన మరో లారీ వచ్చి ఈ రెండు లారీలను ఢీకొట్టింది. ఈ ప్రమాదంలో మొత్తం నలుగురికి గాయాలయ్యాయి. ఇదేవిధంగా కొణిజర్ల పోలీస్‌స్టేషన్ సమీపంలో లారీని మరో లారీ ఢీకొట్టింది. ఈ ప్రమాదంలో ఇద్దరికి గాయాలయ్యాయి. క్షతగాత్రులను చికిత్స నిమిత్తం 108 వాహనంలో ఖమ్మం తరలించారు. * * కొత్తకోట(మహబూబ్‌నగర్) : మహబూబ్‌నగర్ జిల్లా కొత్తకోటలో ఓ మహిళ దారుణంగా హత్యకు గురైంది. మండల కేంద్రంలోని వడ్డెవాడ సమీపంలోని ముళ్ల పొదల్లో ఓ మహిళ(50) మృత దేహం పడి ఉండగా గురువారం ఉదయం స్థానికులు కనుగొన్నారు. ఎక్కడో చంపి ఇక్కడ పడేసి ఉంటారని భావిస్తున్నారు. ఆమె స్థానికురాలు కాదని చెబుతున్నారు. పోలీసులు సంఘటన స్థలానికి చేరుకోవాల్సి ఉంది. * * హైదరాబాద్ : ముగ్గురు యువకులు మద్యం మత్తులో కారుతో ఢీకొట్టిన ఘటనలో గాయపడిన చిన్నారి సంజన బ్రెయిన్ డెడ్ కాలేదని కామినేని ఆసుపత్రి సూపరింటెండెంట్ ప్రసాదరావు వెల్లడించారు. అయితే ఆమె పరిస్థితి విషమంగానే ఉందని తెలిపారు. బుధవారం హైదరాబాద్లో ఆసుపత్రి సూపరింటెండెంట్ ప్రసాదరావు విలేకర్లతో మాట్లాడుతూ... చిన్నారి సంజన పరిస్థితి విషమంగానే ఉందన్నారు. * * శంషాబాద్(రంగారెడ్డి) : శంషాబాద్ అంతర్జాతీయ విమానాశ్రయంలో ఆరేళ్ల చిన్నారి ప్రమాదవశాత్తు తీవ్రంగా గాయపడింది. హైదరాబాద్ కొత్తపేటకు చెందిన అరవింద్‌రావు దంపతులు తమ కూతురు నవ్య(6)తో కలసి బంధువులకు వీడ్కోలు చెప్పేందుకు మంగళవారం రాత్రి ఎయిర్‌పోర్టుకు వెళ్లారు. ఈ నేపథ్యంలో చిన్నారి నవ్య డిపార్చర్ రైలింగ్ పైనుంచి కిందపడి పోయింది. తలకు తీవ్ర గాయాలుకాగా చిన్నారి పరిస్థితి విషమంగా మారింది. వెంటనే జూబ్లీహిల్స్లోని అపోలో ఆస్పత్రికి తరలించారు. * * కీసర(రంగారెడ్డి) : డంపింగ్ యార్డు కారణంగా చెరువు నీరు కలుషితం అవుతోందంటూ గ్రామస్తులు ఆందోళనకు దిగారు. వివరాలివీ.. రంగారెడ్డి జిల్లా కీసర మండలం చీర్యాల సమీపంలో జీహెచ్‌ఎంసీ డంపింగ్ యార్డు ఉంది. ఈ యార్డు నుంచి వెలువడే వ్యర్థ జలాలు పక్కనే ఉన్న చెరువులో కలుస్తున్నాయి. సాగు నీరు కలుషితమవుతోందంటూ కొన్ని రోజులుగా గ్రామస్తులు ఆందోళన చేస్తున్నారు. ఇదే విషయమై ఒక్కటైన గ్రామస్తులు బుధవారం ఉదయం చెత్తను తీసుకువచ్చే జీహెచ్‌ఎంసీ వాహనాలను అడ్డుకున్నారు. * * హైదరాబాద్ : కూకట్‌పల్లి జేఎన్‌టీయూ పరిపాలన విభాగంలో భారీగా మార్పులు, చేర్పులు చేస్తూ రిజిస్ట్రార్ ప్రొఫెసర్ యాదయ్య ఉత్తర్వులు జారీ చేశారు. డెరైక్టర్ ఆఫ్ ఎవాల్యుయేషన్‌గా ఉన్న ఈశ్వరప్రసాద్‌ను సుల్తాన్‌పూర్ జేఎన్‌టీయూ ప్రిన్సిపాల్‌గా నియమించారు. అడ్మిషన్స్ డెరైక్టర్‌గా మంజూర్ హుస్సేన్‌ను, ఎగ్జామినేషన్స్ కంట్రోలర్‌గా తార కల్యాణి, బిక్స్ డెరైక్టర్‌గా లక్ష్మణరావు, డీయూఎఫ్‌ఆర్‌గా చెన్నకేశవరెడ్డిని నియమిస్తున్నట్లు పేర్కొన్నారు. * * బాల్కొండ(నిజామాబాద్ జిల్లా) : ఎస్సారెస్పీ ప్రాజెక్టుకు వరద కొనసాగుతోంది. ప్రాజెక్టులోకి 2 లక్షల 4 వేల 939 క్యూసెక్కుల నీరు వచ్చి చేరుతోంది. ప్రాజెక్టు పూర్తి సామర్ధ్యం 90.313 టీఎంసీలు కాగా ప్రస్తుతం 89.763 టీఎంసీల నీరు ఉంది. కాకతీయ కెనాల్‌కు 5 వేల క్యూసెక్కులు, సరస్వతీ కెనాల్‌ఖు 1000 క్యూసెక్కులు, లక్ష్మీ కెనాల్‌కు 300 క్యూసెక్కులు, ఎస్కేప్ రెగులేటర్‌కు 3 వేల క్యూసెక్కుల నీటిని వదిలారు. మొత్తం 74,939 క్యూసెక్కుల నీటిని కిందకు వదిలారు. * * కరీంనగర్ : ప్రమాదవశాత్తు మూడు ఎలుగు బంట్లు వ్యవసాయ బావిలో పడి మరణించాయి. ఈ సంఘటన కరీంనగర్ జిల్లా వీణవంక మండలం శ్రీరాములపేటలో సోమవారం చోటు చేసుకుంది. ఆ విషయాన్ని మంగళవారం ఉదయం స్థానికులు గుర్తించారు. దీంతో గ్రామస్తులు సంఘటన స్థలం వద్దకు చేరుకుని... ఎలుగు బంట్లను బావిలో నుంచి బయటకు తీసేందుకు ప్రయత్నిస్తున్నారు. అయితే అటవీశాఖ అధికారుల నిర్లక్ష్యంతోనే ఈ ఘటన చోటు చేసుకుందని గ్రామస్తులు ఆరోపిస్తున్నారు. * * హైదరాబాద్ : పెద్దలకు తెలియకుండా పెళ్లి చేసుకున్న ఓ ప్రేమ జంట పోలీసులను ఆశ్రయించింది. కుషాయిగూడ నాగార్జుననగర్ కాలనీకి చెందిన ఇందుభార్గవి(19), చాంద్ అలీ రెండేళ్లుగా ప్రేమించుకుంటున్నారు. వారి వివాహానికి పెద్దలు అంగీకరించకపోవటంతో రెండు రోజుల క్రితం ఇంటి నుంచి వెళ్లిపోయి ఆర్యసమాజ్‌లో వివాహం చేసుకున్నారు. అనంతరం తమకు ప్రాణాహాని ఉందని, బంధువుల నుంచి రక్షణ కల్పించాలంటూ మంగళవారం కుషాయిగూడ పోలీసులను ఆశ్రయించారు. * * కెరామెరి(ఆదిలాబాద్ జిల్లా) : కెరామెరి మండలం కెలికే గ్రామంలో విషాదం చోటుచేసుకుంది. గ్రామానికి చెందిన గౌరూభాయ్(60), బ్యీసన్(30) అనే తల్లీ కొడుకులు ప్రమాదవశాత్తూ తమ పొలంలో కరెంటు షాక్ తగిలి మృతిచెందారు. ఈ సంఘటన నిన్ననే జరిగినా ఆలస్యంగా బయటపడింది. తల్లీకొడుకు మృతితో కుటుంబంలో విషాదఛాయలు అలుముకున్నాయి. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. * * హైదరాబాద్ : శంషాబాద్ అంతర్జాతీయ విమానాశ్రయంలో సోమవారం ఉదయం ఓ ప్రయాణికుడి వద్ద బుల్లెట్లు కనిపించటం కలకలం రేపింది. లక్నో వెళ్లాల్సిన ఓ ప్రయాణికుడి లగేజిని తనిఖీ చేయగా మూడు బుల్లెట్లు బయటపడ్డాయి. దీంతో భద్రతా సిబ్బంది అతడిని ఎయిర్‌పోర్టు పోలీసులకు అప్పగించారు. ఆ వ్యక్తిని అదుపులోకి తీసుకున్న పోలీసులు విచారణ చేపట్టారు. * * మహబూబ్‌ నగర్: మహబూబ్‌ నగర్ జిల్లా మరికల్ వద్ద జరిగిన రోడ్డు ప్రమాదంలో ఇద్దరు డ్రైవర్లు మృత్యువాతపడ్డారు. శనివారం ఉదయం రెండు లారీలు వేగంగా వచ్చి ఎదురెదురుగా ఢీకొన్నాయి. దీంతో రెండు లారీల డ్రైవర్లు క్యాబిన్‌లోనే ప్రాణాలు విడిచారు. మరికొందరు తీవ్రంగా గాయపడ్డారు. ఈ ఘటనతో రాయిచూర్ మార్గంలో వాహనాల రాకపోకలు నిలిచిపోయాయి. పోలీసులు సంఘటన స్థలికి చేరుకుని వాహనాలను పక్కకు తొలగించేందుకు యత్నిస్తున్నారు. క్షతగాత్రులను మహబూబ్‌నగర్ ఆస్పత్రికి తరలించారు. * * ఆదిలాబాద్: ఆదిలాబాద్ జిల్లా బాసరలో వేంచేసి ఉన్న సరస్వతీ మాత సన్నిధిలో దసరా ఉత్సవాలు మొదలయ్యాయి. మొదటిరోజు శైలిపుత్రిగా అమ్మవారు భక్తులకు దర్శనమిస్తోంది. శనివారం వేకువజాము నుంచి భక్తులు దర్శనం కోసం క్యూకట్టారు. భైంసాపట్టణానికి చెందిన వ్యాపారవేత్త జి.రమేష్ కుటుంబసభ్యులు అమ్మవారికి రెండు తులాల బంగారు గొలుసును సమర్పించుకున్నారు * * కరీంనగర్ : ఎగువ ప్రాంతాల నుంచి వరదతో కరీంనగర్ జిల్లాలోని లోయర్ మానేరు జలాశయం పూర్తిస్థాయిలో నిండింది. డ్యామ్ పూర్తిస్థాయి నీటిమట్టం 920 అడుగులు కాగా.. ప్రస్తుతం పూర్తి స్థాయి నీటి మట్టం కొనసాగుతోంది. జలాశయానికి ఎగువ ప్రాంతాల నుంచి 16,000 క్యూసెక్కుల నీరు వస్తుండటంతో.. 8 గేట్లు ఎత్తి 16,000 క్యూసెక్కుల నీటిని కిందకు వదులుతున్నారు. కాకతీయ కాలువకు మరో 2, 000 క్యూసెక్కుల నీటిని విడుదల చేస్తున్నారు. * * డిచ్‌పల్లి: వేగంగా వెళ్తున్న లారీ అదుపుతప్పి డివైడర్‌ను ఢీకొట్టి బోల్తా కొట్టిన ఘటనలో లారీ డ్రైవర్‌కు తీవ్ర గాయాలయ్యాయి. ఈ సంఘటన నిజామాబాద్ జిల్లా డిచ్‌పల్లి సమీపంలోని 44వ జాతీయ రహదారిపై శుక్రవారం ఉదయం చోటు చేసుకుంది. లోడుతో వెళ్తున్న లారీ అదుపుతప్పి డివైడర్‌ను ఢీకొని బోల్తా కొట్టడంతో డ్రైవర్‌కు తీవ్ర గాయాలయ్యాయి. ఈ ఘటనతో జాతీయ రహదారిపై భారీ ట్రాఫిక్ జాం అయింది. * * కరీంనగర్ : లోయర్ మానేరు డ్యామ్‌కు వరద తగ్గుముఖం పట్టింది. డ్యామ్ పూర్తిస్థాయి నీటి మట్టం 920 అడుగులు, నిల్వ సామర్థ్యం 24 టీఎంసీలు కాగా గురువారం ఉదయం ఎనిమిది గంటలకు 919.40 అడుగులు, 23.51 టీఏంసీల నీరు ఉంది. డ్యామ్‌కు ఇన్‌ఫ్లో 10,800 క్యూసెక్కులు ఉండగా.. కాకతీయ కెనాల్ ద్వారా 5,000 క్యూసెక్కుల నీటిని కిందకు వదులుతున్నారు. * * శంషాబాద్ : పిల్లర్ కోసం తీసిన గుంటలో పడి బాలుడు మృతిచెందిన సంఘటన శంషాబాద్ మిషన్‌కంపౌడ్ సమీపంలోని శీనయ్య వెంచర్‌లో గురువారం వెలుగుచూసింది. స్థానిక శీనయ్య వెంచర్‌లో కార్మికులుగా పనిచేస్తున్న హరీష్, యాదమ్మ దంపతుల ఆరేళ్ల కుమారుడు బాలు పిల్లర్ గుంటలో పడి మృతిచెందాడు. శ్రీనయ్య వెంచర్‌లో పిల్లర్‌ల కోసం గుంటలు తవ్వారు. అందలో వర్షపు నీరు చేరడంతో ప్రమాదవశాత్తు బాలుడు అందులో పడి మృతిచెందాడు. * * ధర్మసాగర్(వరంగల్) : వేగంగా వెళ్తున్న ఆటో అదుపుతప్పి బోల్తా కొట్టిన ఘటనలో డ్రైవర్ మృతిచెందాడు. ఈ సంఘటన వరంగల్ జిల్లా ధర్మసాగర్ సమీపంలో బుధవారం రాత్రి చోటుచేసుకుంది. స్థానికంగా నివాసముంటున్న కేశబోయిన దేవేందర్(34) ఆటో నడుపుకుంటూ జీవనం సాగిస్తున్నాడు. ఈక్రమంలో రాత్రి ప్యాసింజర్‌ను దించి ఇంటికి తిరిగి వస్తుండగా.. ఆటో బోల్తా కొట్టడంతో మృతిచెందాడు. విషయం తెలుసుకున్న పోలీసులు సంఘటాన స్థలానికి చేరుకొని మృతదేహాన్ని పోస్టుమార్టం నిమిత్తం ఆస్పత్రికి తరలించి దర్యాప్తు చేస్తున్నారు. * * పెద్దమందడి(మహబూబ్‌నగర్) : వేగంగా వెళ్తున్న ప్రైవేట్ ట్రావెల్స్ బస్సు ముందు వెళ్తున్న లారీని ఢీకొట్టిన ఘటనలో బస్సు డ్రైవర్, క్లీనర్‌లకు తీవ్ర గాయాలయ్యాయి. ఈ సంఘటన మహబూబ్‌నగర్ జిల్లా పెద్దమందడి మండలం మోజెర్ల స్టేజీ సమీపంలో 44వ జాతీయ రహదారిపై మంగళవారం అర్ధరాత్రి చోటుచేసుకుంది. హైదరాబాద్ నుంచి బెంగళూరు వెళ్తున్న ఆరెంజ్ ట్రావెల్స్ బస్సు ముందు వెళ్తున్న లారీని ఢీకొట్టింది. ఈ ప్రమాదంలో బస్సు ముందు భాగం పూర్తిగా దెబ్బతింది. ప్రమాదం జరిగిన సమయంలో బస్సులో 30 మంది ప్రయాణికులు ఉన్నారు. * * హైదరాబాద్: నగరంలోని కూకట్‌పల్లి మూసాపేటలో బుధవారం వేకువజామున దారుణం చోటుచేసుకుంది. ద్విచక్రవాహనంపై వెళుతున్న ఇద్దరు స్నేహితులను వేగంగా వచ్చిన లారీ ఢీకొనడంతో బైక్ వెనుక కూర్చున్న హరికృష్ణ(28) అనే యువకుడు మృతిచెందాడు. స్నేహితుని మరణాన్ని జీర్ణించుకోలేని రమేష్(28) భరత్‌నగర్ రైలు పట్టాలపై ఆత్మహత్యచేసుకున్నారు. హరికృష్ణ సాఫ్ట్‌వేర్ ఉద్యోగి కాగా రమేష్ శ్రీశ్రీ హోలిస్టిక్ ఆస్పత్రిలో పనిచేస్తున్నాడు. * * హైదరాబాద్ : భారీ వర్షాలతో తెలుగు రాష్ట్రాల్లోని నీటి ప్రాజెక్టులకు వరద నీరు పోటెత్తింది. కర్నూలు జిల్లాలోని శ్రీశైలం జలాశయానికి వరద ఉధృతి కొనసాగుతుంది. పూర్తి స్థాయి నీటిమట్టం 885 అడుగులు కాగా.. ప్రస్తుతం 882.30 అడుగులకు వరద నీరు వచ్చి చేరింది. ప్రస్తుతం ప్రాజెక్టులో 200.658 టీఎంసీల నీటి నిల్వ ఉన్నట్లు ప్రాజెక్టు అధికారులు బుధవారం వెల్లడించారు. * * నిజాంసాగర్(నిజామాబాద్ జిల్లా) : నిజామాబాద్ జిల్లాలోని నిజామ్‌సాగర్‌కు ఇన్‌ఫ్లో పెరుగుతోంది. మంగళవారం ఉదయానికి నిజాంసాగర్‌కు 1.16లక్షల క్యూసెక్కుల ఇన్‌ఫ్లో ఉంది. 19 గేట్లు ఎత్తివేసి 1.03 లక్షల క్యూసెక్కుల నీటిని కిందికి వదులుతున్నారు. * * మెదక్ : మెదక్ జిల్లా అల్లాదుర్గం మండలం చిల్వర వద్ద మంగళవారం రెండు లారీలు ఢీకొన్నాయి. ఈ ప్రమాదంలో ఒకరు అక్కడికక్కడే మృతి చెందారు. మరో ఇద్దరు తీవ్రంగా గాయపడ్డారు. స్థానికులు వెంటనే స్పందించి.. క్షతగాత్రులను సమీపంలోని ఆసుపత్రికి తరలించారు. అనంతరం పోలీసులకు సమాచారం అందించారు. * * చెన్నై: చెన్నైలో ఓలా క్యాబ్ డ్రైవర్ ఓ మహిళా డాక్టర్పై లైంగికదాడికి ప్రయత్నించాడు. మరో ఇద్దరితో కలసి ఆమెను బలవంతంగా కారులో తీసుకెళ్లేందుకు ప్రయత్నించాడు. కారు వెనుక వాహనంలో వెళ్తున్న ఓ వ్యక్తి డాక్టర్ అరుపులు విని చేజ్ చేసి స్థానికులతో కలసి ఆమెను రక్షించాడు. * * శంషాబాద్ ఎయిర్‌పోర్టులో 200 మంది ప్రయాణికులు ఆందోళనకు దిగారు. శంషాబాద్ ఎయిర్‌పోర్టు నుంచి ఢిల్లీ వెళ్లాల్సిన ఎయిర్ ఇండియా(ఏఐ-559) విమానం సాంకేతిక లోపం తలెత్తింది. దీంతో అధికారులు శంషాబాద్ ఎయిర్‌పోర్ట్‌లో నిలిపేశారు. ఉదయం 6.40 వెళ్లాల్సిన విమానం ఇప్పటికీ బయలుదేరకపోవడంతో ప్రయాణికులు ఆందోళనకు దిగారు. ఇంత జరుగుతున్నా ఎయిర్ ఇండియా అధికారులు మాత్రం తమకేం బాద్యత లేనట్లు వ్యవహరిస్తున్నారని ప్రయాణికులు వాపోతున్నారు. * * ఖమ్మం : రాష్ట్రవ్యాప్తంగా విస్తారంగా వర్షాలు కురుస్తున్నాయి. ఈ నేపథ్యంలో పలు ప్రాజెక్టులు నిండుకుండల్లా మారాయి. దాదాపు అన్ని చెరువులు, కుంటల్లో నీరు ప్రమాదస్థాయికి చేరుకుంది. ఖమ్మం జిల్లా చెర్ల మండలంలోని తాలిపేరు ప్రాజెక్ట్‌కు భారీగా వరద వచ్చి చేరుతోంది. దీంతో అప్రమత్తమైన అధికారులు బుధవారం ఉదయం ప్రాజెక్ట్ పదిగేట్లను ఎత్తివేసి... 23,730 క్యూసెక్కుల నీటిని కిందకు విడుదల చేశారు. * * కరీంనగర్ : ఎస్సారెస్సీ ప్రధాన కాలువకు గండిపడటంతో.. వందల ఎకరాల్లో పంట నీట మునిగింది. కరీంనగర్ జిల్లా మానాల సమీపంలో గల ఎస్సారెస్సీ ప్రధాన కాలువకు మంగళవారం రాత్రి భారీ గండి పడింది. దీంతో పెగడపల్లి, గొల్లపల్లి మండలాల పరిధిలోని చెరువులన్ని నిండిపోయాయి. సుద్దపల్లిలోని కొయ్యచెరువు, రాఘవపట్నంలోని మొగుళ్ల చెరువుకు గండి పడటంతో.. వందలాది ఎకరాల్లో పంట నీట మునిగింది. * * హైదరాబాద్ : తెలంగాణ రాష్ట్రంలోని ప్రభుత్వ, ప్రైవేటు వైద్య కళాశాల్లో కన్వీనర్ కోటా కింద భర్తీ చేయనున్న ఎంబీబీఎస్, బీడీఎస్ వైద్య విద్య సీట్లకు వెబ్ ఆప్షన్ల నమోదు ప్రక్రియ మంగళవారం ఉదయం 6 గంటలకు ప్రారంభమైంది. బుధవారం సాయంత్రం 5 గంటల వరకూ వెబ్ ఆప్షన్ల నమోదుకు గడువు ఉంటుందని కాళోజీ ఆరోగ్య విశ్వవిద్యాలయం వైస్‌చాన్స్‌లర్ కరుణాకరరెడ్డి తెలిపారు. * * శంషాబాద్ : దుబాయ్ వెళుతున్న అహ్మద్ అనే వ్యక్తి నుంచి మంగళవారం ఉదయం భారీగా విదేశీ కరెన్సీని స్వాధీనం చేసుకున్నారు. శంషాబాద్ విమానాశ్రయంలో డీఆర్‌ఐ అధికారులు తనిఖీలు నిర్వహించగా అహ్మద్ వద్ద భారీగా విదేశీ కరెన్సీ ఉన్నట్లు గుర్తించి, స్వాధీనం చేసుకున్నారు. నిందితుని అదుపులోకి తీసుకుని విచారణచేస్తున్నారు. పూర్తి వివరాలు తెలియాల్సి ఉంది. * * హైదరాబాద్ : ముఖ్యమంత్రి కే.చంద్రశేఖర రావు మంగళవారం రాత్రి ఢిల్లీ వెళ్లనున్నారు. బుధవారం జరిగే అపెక్స్ కౌన్సిల్ సమావేసంలో ఆయన పాల్గొనున్నారు. ముఖ్యమంత్రి తోపాటు.. ప్రభుత్వ ప్రధాన కార్యదర్శి రాజీవ్ శర్మ, నీటి పారుదల శాఖ ప్రత్యేక కార్యదర్శి వెళ్లనున్నట్లు తెలుస్తోంది. రాష్ట్ర భారీ నీటి పారుదల శాఖ మంత్రి హరీష్‌రావు కూడా ముఖ్యమంత్రి బృందంతో పర్యటించనున్నారు. * * హైదరాబాద్‌: నాంపల్లిలోని టీఎన్‌జీవో కార్యాలయంలో సోమవారం ఉదయం ఉద్రిక్తత చోటుచేసుకుంది. ఏపీలో పనిచేస్తున్న సుమారు 700 మంది నాన్‌గెజిటెడ్‌ ఉద్యోగులను తెలంగాణకు బదిలీ చేయాలంటూ ఉద్యోగులు ఆందోళనకు దిగారు. పెట్రోల్‌ డబ్బాలతో టీఎన్‌జీవో కార్యాలయంలోకి ఉద్యోగులు వెళ్లడంతో ఉద్రిక్త వాతావరణం నెలకొంది. * * దుగ్గొండి(వరంగల్) : ఎదురెదురుగా వస్తున్న రెండు వాహనాలు ఢీకొన్న ఘటనలో ఇద్దరు మృతిచెందారు. ఈ సంఘటన వరంగల్ జిల్లా దుగ్గొండి మండలం గిర్నిబావి వద్ద సోమవారం ఉదయం చోటుచేసుకుంది. వేగంగా వెళ్తున్న లారీ ఎదురుగా వస్తున్న బైక్‌ను ఢీకొట్టడంతో.. బైక్‌పై ఉన్న ఇద్దరు అక్కడికక్కడే మృతిచెందారు. విషయం తెలుసుకున్న పోలీసులు సంఘటనా స్థలానికి చేరుకొని మృతదేహాలను పోస్టుమార్టం నిమిత్తం ఆస్పత్రికి తరలించారు. * * తిర్యాని: స్నేహితులతో కలిసి ఈతకు వెళ్లిన ఆశ్రమ పాఠశాల విద్యార్థి వాగులో మునిగి మృతి చెందాడు. అదిలాబాద్ జిల్లా తిర్యాని మండల కేంద్రంలోని గిరిజన ఆశ్రమ పాఠశాలలో ఆరో తరగతి చదువుతున్న కె. లక్ష్మణ్‌రాహూల్(12) ఆదివారం సాయంత్రం స్నేహితులతో కలిసి సమీపంలోని వాగులో ఈతకు వెళ్లాడు. ఈ క్రమంలో ప్రమాదవశాత్తు నీట మునిగి గల్లంతయ్యాడు. * * చొప్పదండి: కరీంనగర్‌ జిల్లా చొప్పదండి మండలంలో ఇద్దరు రైతులు ఆత్మహత్య చేసుకున్నారు. భూపాలపట్నంకు చెందిన మునిగాల అంజయ్య (48) అప్పులబాధతో గ్రామశివారులోని పశువుల కొట్టం వద్ద ఉరివేసుకొని బలవన్మరణం చెందాడు. స్థానిక రైతులు చూసి పోలీసులకు సమాచారం అందించారు. గ్రామంలో 4.38 ఎకరాల వ్యవసాయ భూమి ఉండగా గత కొన్నేళ్లుగా వ్యవసాయంలో నష్టాలు రావడంతో రూ.5లక్షలకు పైగా అప్పులయ్యాయి. వాటిని తీర్చే మార్గం లేక మనస్తాపం చెంది ఆత్మహత్యకు పాల్పడినట్లు కుటుంబసభ్యులు తెలిపారు. * * హైదరాబాద్ : తెలంగాణ విమోచన దినం నేపథ్యంలో అసెంబ్లీ ప్రాంగణంలో జాతీయ జెండా ఎగరేసేందుకు బీజేపీ ఎమ్మెల్యే జి.కిషన్రెడ్డి యత్నించారు. అందులోభాగంగా ఆయన వాహనంలో అసెంబ్లీలోకి వెళ్లేందుకు ప్రయత్నించారు. అయితే కిషన్రెడ్డి ప్రయత్నాన్ని పోలీసులు అడ్డుకున్నారు. దీంతో పోలీసులకు... కిషన్రెడ్డికి మధ్య వాగ్వాదం చోటు చేసుకుంది. దాంతో స్థానికంగా ఉద్రిక్త వాతావరణం నెలకొంది. * * మహబూబ్ నగర్ జిల్లాలోని కల్వకుర్తిని రేవెన్యూ డివిజన్ చేయాలంటూ కల్వకుర్తి MLA అయిన చల్లా వంశీచంద్ రెడ్డి చేస్తున్న నిరాహార దీక్షను పోలీసులు భగ్నం చేసి అరెస్ట్ చేసారు. * * చర్ల: ఖమ్మం జిల్లా తాలిపేరు ప్రాజెక్టుకు వరద ఉదృతి పెరిగింది. దీంతో ప్రాజెక్టుకు సంబంధించిన 9 గేట్లను 2 అడుగుల మేర ఎత్తారు. 8400 క్యూసెక్కుల నీటిని ప్రాజెక్టు నుంచి విడుదల చేశారు. ప్రస్తుతం ప్రాజెక్టులో నీటి మట్టం 73.6 మీటర్లుగా ఉంది. * * నల్గొండ : నల్గొండ జిల్లాలోని పులిచింతల ప్రాజెక్టుకు వరద నీటి ఉధృతి కొనసాగుతోంది. ప్రాజెక్టులో నీటి మట్టం బుధవారం 47.59 మీటర్లుగా ఉంది. ప్రాజెక్టులోకి 29,373 క్యూసెక్కుల నీరు వస్తుండగా..9,929 క్యూసెక్కుల నీటిని ప్రాజెక్టు నుంచి అధికారులు బయటికి వదులుతున్నారు. ప్రాజెక్టులో ప్రస్తుతం 21.30 టీఎంసీల నీరు నిల్వ ఉందని అధికారులు వెల్లడించారు. * * నిజామాబాద్ : నిజామాబాద్ జిల్లా దోమకొండలో ఓ బాలుడు ప్రమాదవశాత్తూ కరెంట్ షాక్ తగిలి మరణించాడు. వివరాలు ఇలా ఉన్నాయి... వివేక్ (16) అనే బాలుడు బుధవారం వేకువజామున ప్రమాదవశాత్తూ కరెంటు షాక్‌కు గురయ్యాడు. దీంతో కుటుంబ సభ్యులు అతడిని చికిత్స నిమిత్తం కామారెడ్డిలోని రుద్ర ఆసుపత్రికి తరలించారు. అయితే అతడు ఆసుపత్రిలో చికిత్స పొందుతూ కాద్దిసేపటికే మరణించాడు. * * నిజామాబాద్ : నిజామాబాద్ జిల్లా నాగిరెడ్డిపేట మండల కేంద్ర శివారులో బుధవారం రోడ్డు ప్రమాదం చోటుచేసుకుంది. ఎదురెదురుగా వస్తున్న ఆర్టీసీ బస్సు, లారీ ఢీకొన్నాయి. అయితే ఈ ప్రమాదంలో ఎవరికి ఎటువంటి గాయాలు కాలేదు. ఇద్దరికి మాత్రం స్వల్పగాయాలతో బయటపడ్డారు. బస్సు ముందు భాగం మాత్రం దెబ్బతిన్నది. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. * * యాలాల: రంగారెడ్డి జిల్లా యాలాల శివారులో ఆదివారం వేకువజామున జరిగిన రోడ్డుప్రమాదంలో ఇద్దరు మృతిచెందారు. మహబూబ్‌నగర్ జిల్లా కొడంగల్ మండలం హుస్నాపూర్ గ్రామానికి చెందిన వెంకటయ్య, యోగి జీవనోపాధి కోసం వచ్చి రంగారెడ్డి జిల్లాలో స్థిరపడ్డారు. * * కరీంనగర్: కరీంనగర్ జైలు నుంచి ఇద్దరు దొంగలు పరారీ అయ్యారు. వీరి కోసం కరీంనగర్ పోలీసులు గాలింపు చర్యలు ముమ్మరం చేశారు. జైలు నుంచి పరారైన వారు మహారాష్ట్ర పార్సీ గ్యాంగ్కు చెందిన జితేందర్, యోగేశ్లుగా గుర్తించారు. * * హైదరాబాద్: పాతబస్తీ భవానీనగర్ పోలీస్ స్టేషన్ పరిధిలోని తలాబ్‌కట్ట, అమన్ నగర్ ప్రాంతాల్లో శనివారం తెల్లవారుజామున పోలీసులు కార్డన్ సెర్చ్‌నిర్వహించారు. ఈ తనిఖీల్లో సరైన దృవపత్రాలు లేని 83 ద్విచక్రవాహనాలను స్వాధీనం చేసుకున్నారు. * * శంషాబాద్ (హైదరాబాద్‌): శంషాబాద్ రాజీవ్ గాంధీ అంతర్జాతీయ విమానాశ్రంయలో తనిఖీలు నిర్వహిస్తున్న కస్టమ్స్ అధికారులు అక్రమంగా బంగారం తరలిస్తున్న వ్యక్తిని అదుపులోకి తీసుకున్నారు. అతని వద్ద నుంచి 320 గ్రాముల బంగారాన్ని స్వాధీనం చేసుకున్నారు. దుబాయి నుంచి వచ్చిన ప్రయాణికుడి వద్ద అక్రమ బంగారం గుర్తించిన ఎయిర్‌పోర్ట్ అధికారులు అతన్ని అదుపులోకి తీసుకొని విచారిస్తున్నారు. * * నార్కెట్‌పల్లి(నల్లగొండ): వేగంగా వెళ్తున్న కారు, లారీని ఓవర్‌టేక్ చేసే క్రమంలో అదుపుతప్పి ఢీకొట్టింది. ఈ ప్రమాదంలో ఓ వ్యక్తి మృతిచెందగా, మరో ముగ్గురికి తీవ్ర గాయాలయ్యాయి. ఈ సంఘటన నల్లగొండ జిల్లా నార్కెట్‌పల్లి శివారులోని 65వ నంబర్ జాతీయ రహదారిపై శుక్రవారం చోటుచేసుకుంది. * * ములుగు: ఇంటి ముందు ఆడుకుంటున్న చిన్నారి ప్రమాదవశాత్తు నీటిగుంటలో పడి మృతిచెందాడు. ఈ సంఘటన వరంగల్ జిల్లా ములుగు మండలం బండారుపల్లిలో శుక్రవారం చోటు చేసుకుంది. ఏడాదిన్నర చిన్నారి తల్లిదండ్రులు పనులు చూసుకుంటుండగా.. చిన్నారి ఆడుకుంటూ వెళ్లి ఇంటి ముందు ఉన్న నీటిగుంటలో పడి మృతి చెందాడు. దీంతో కుటుంబ సభ్యులు శోకసంద్రంలో మునిగిపోయారు. * * కోరుట్ల: మోటర్ పెట్టడానికి వ్యవసాయ బావి దగ్గరకు వెళ్లిన రైతు ప్రమాదవశాత్తు విద్యుధ్ఘాతానికి గురై మృతి చెందాడు. ఈ సంఘటన కరీంనగర్ జిల్లా కోరుట్ల మండలం అయిలాపూర్‌లో శుక్రవారం చోటు చేసుకుంది. గ్రామానికి చెందిన రాంరెడ్డి(45) ఈ రోజు ఉదయం మోటర్ ఆన్ చేయడానికి వెళ్లాడు. అయితే షార్ట్ సర్క్యూట్ కావడంతో కరెంట్ షాక్‌ తగిలి అక్కడికక్కడే మృతి చెందాడు. * * పంజగుట్ట: మద్యం మత్తులో ఉన్న ఓ మహిళ నిమ్స్‌ ఆసుపత్రి ఓపీలో రెప్పపాటులో రూ. 40 వేలు చోరీ చేసింది. అక్కడే విధుల్లో ఉన్న ఓ మహిళా గార్డు ఆమెను పట్టుకుని పోలీసులకు అప్పగించారు. పోలీసుల కథనం ప్రకారం ... నాంపల్లికి చెందిన గౌసియా బేగం (32) బుధవారం మధ్యాహ్నం నిమ్స్‌ ఆసుపత్రి ఓపీ వద్దకు వచ్చింది. * * మహేశ్వరం: వేగంగా వెళ్తున్న లారీ రోడ్డు పక్కన ఆగి ఉన్న మరో లారీని ఢీకొట్టిన ఘటనలో క్లీనర్ మృతిచెందగా.. డ్రైవర్‌కు తీవ్ర గాయాలయ్యాయి. ఈ సంఘటన రంగారెడ్డి జిల్లా మహేశ్వరం రావిర్యాల ఔటర్ రింగ్‌ రోడ్డుపై గురువారం తెల్లవారుజామున చోటుచేసుకుంది. పెద్ద అంబర్‌పేట్ నుంచి వస్తున్న లారీ రోడ్డు పక్కన ఆగి ఉన్న మరో లారీని ఢీకొట్టింది. * * తాండూరు(రంగారెడ్డి): కాంగ్రెస్ సీనియర్ నాయకులు, మాజీ మంత్రి ఎం. మాణిక్‌రావు(86) నిమ్స్ ఆస్పత్రిలో చికిత్స పొందుతూ మృతిచెందారు. గత కొన్ని రోజులుగా అనారోగ్యంతో బాధపడుతున్న మాణిక్‌రావును కుటుంబ సభ్యులు నిమ్స్ ఆస్పత్రిలో చేర్చగా.. చికిత్స పొందుతూ గురువారం తెల్లవారుజామున మృతిచెందారు. * * దమ్మపేట: దుక్కి దున్నుతున్న ట్రాక్టర్‌పై విద్యుత్ స్తంభం విరిగిపడటంతో ఇద్దరు వ్యక్తులు మృతి చెందారు. ఈ సంఘటన ఖమ్మం జిల్లా దమ్మపేట మండలం నాగుపల్లిలో బుధవారం అర్ధరాత్రి చోటు చేసుకుంది. గ్రామానికి చెందిన లకావత్ చిట్టయ్య(35), ధారావత్ మహేష్(22)లు ట్రాక్టర్ సాయంతో దుక్కిదున్నతున్న సమయంలో ప్రమాదవశాత్తు విద్యుత్ స్తంభం విరిగిపడింది. దీంతో ట్రాక్టర్ పై ఉన్న ఇద్దరు అక్కడికక్కడే మరణించారు. * * హైదరాబాద్: జిల్లాల పునర్విభజన విషయంలో అధికార టీఆర్‌ఎస్ ఎమ్మెల్యేలు ప్రభుత్వ ప్రధాన కార్యదర్శి రాజీవ్‌శర్మను కలసి తమ అభ్యంతరాలను తెలిపారు. మంగళవారం రాత్రి ఎనిమిది గంటల సమయంలో మక్తల్ ఎమ్మెల్యే రామ్మోహన్‌రెడ్డి, మహబూబ్‌నగర్ ఎమ్మెల్యే వి.శ్రీనివాస్‌గౌడ్, దేవరకద్ర ఎమ్మెల్యే ఆల వెంకటేశ్వర్‌రెడ్డిలు సచివాలయంలో సీఎస్‌ను కలసి వినతి పత్రం అందజేశారు. * * హైదరాబాద్ : దసరా నుంచి కొత్త జిల్లాలతో పాటు కొత్త రెవెన్యూ డివిజన్లు, మండలాలు అన్నీ ప్రారంభం కావాలని ముఖ్యమంత్రి కేసీఆర్ చెప్పారు. జిల్లా కలెక్టర్లతో ఆయన ఈ విషయమై సమావేశమయ్యారు. కొత్త జిల్లాల్లో పనిభారాన్ని బట్టి పరిపాలనా విభాగాలు ఉండాలని తెలిపారు. అధికారుల సర్దుబాట్లు, కొత్త ఉద్యోగుల నియామకాలు జరగాలని సూచించారు. * * సంగారెడ్డి: మెదక్ జిల్లా పటాన్‌చెరు ఇస్నాపూర్ వద్ద సోమవారం అర్థరాత్రి జరిగిన రోడ్డుప్రమాదంలో ఇద్దరు మృతిచెందారు. వేగంగా వచ్చిన ట్యాంకర్ లారీ ముందు వెళుతున్న ద్విచక్రవాహనాన్ని ఢీకొనడంతో బైక్‌పై వెళుతున్న ఇద్దరు అక్కడికక్కడే మృతిచెందగా మరొకరు తీవ్రంగా గాయపడ్డారు. * * మిర్యాలగూడ: నల్గొండ జిల్లా మిర్యాలగూడ పట్టణంలోని సివిల్ జడ్జి నాగరాజు ఇంట్లో దొంగలు పడి బీభత్పం సృష్టించారు. జడ్జి కుటుంబసభ్యులు ఊరు వెళ్లిన సమయంలో ఈ సంఘటన జరిగింది. ఇరుగుపొరుగువారు ఇచ్చిన సమాచారం మేరకు మిర్యాలగూడ పోలీసులు క్లూస్ టీమ్‌తో చోరీ జరిగిన ఇంటిని పరిశీలించారు. జడ్జికి సమాచారం ఇచ్చారు. * * నల్గొండ : భువనగిరిలో గ్యాంగ్స్టర్ నయీం అక్రమ రిజిస్ట్రేషన్ల వ్యవహారంపై స్థానిక ఆర్డీవో శనివారం విచారణ జరపనున్నారు. ఈ నేపథ్యంలో దాదాపు 1700 మంది బాధితులు ఇప్పటికే ఆర్డీవో కార్యాలయానికి చేరుకున్నారు. నల్గొండ జిల్లా బొమ్మాయిపల్లిలోని లక్ష్మీనరసింహ వెంచర్లో 1700 మందికి చెందిన ప్లాట్లను నయీం తన పేరుతో రిజిస్ట్రేషన్ చేయించుకున్న సంగతి తెలిసిందే. * * హైదరాబాద్: రాష్ట్రంలో గ్రూప్-2 రాత పరీక్ష రాసేందుకు సిద్ధమవుతున్న అభ్యర్థుల సంఖ్య భారీగా పెరుగుతోంది. 2015 డిసెంబర్ 30న 439 పోస్టుల భర్తీకి జారీ అయిన నోటిఫికేషన్ కింద ఇప్పటికే 5,64,431 మంది అభ్యర్థులు దరఖాస్తు చేసుకోగా, మరో 593 పోస్టుల భర్తీకి ప్రస్తుత అనుబంధ నోటిఫికేషన్ కింద మరో లక్షన్నర మందికిపైగా అభ్యర్థులు దరఖాస్తు చేసుకునే అవకాశం ఉంది. * * హైదరాబాద్: తెలుగు రాష్ట్రాల అధికారుల మధ్య మరో వివాదం తలెత్తింది. సీలేరు జలవిద్యుత్ కేంద్రంలో పనిచేస్తున్న 21 మంది తెలంగాణ ఇంజినీర్లు తమను ఏపీ జెన్ కో అధికారులు వేధిస్తున్నారని ఆరోపిస్తున్నారు. తమపై జెన్ కో అధికారులు పరిమితికి మించిన పనిభారం మోపుతున్నారని పేర్కొటూ.. మూడు రోజులుగా తెలంగాణ ఇంజనీర్లు విధులకు హాజరవడం మానేశారు. * * వరంగల్ ఎంజీఎం: వరంగల్ జిల్లా కేంద్రంలో ఒకే కాన్పులో ముగ్గురు శిశువులు జన్మించారు. స్థానిక లేబర్ కాలనీకి చెందిన సంధ్య అనే మహిళకు మొదటికాన్పులో ముగ్గురు ఆడ శిశువులు పుట్టారు. ఈ సంఘటన వరంగల్ సీకేఎం ఆసుపత్రిలో శనివారం చోటుచేసుకుంది. శనివారం ఉదయం 8 గంటల సమయంలో ఆసుపత్రి వైద్యులు మహిళకు సర్జరీ చేసి ముగ్గురు శిశువులను బయటకు తీశారు. ముగ్గురూ ఆరోగ్యంగా ఉన్నారు. * * హైదరాబాద్: ఇటీవల పోలీసుల ఎన్‌కౌంటర్‌లో మృతి చెందిన గ్యాంగ్‌స్టర్ నయీం ముఠాకు చెందిన ఇద్దరు సభ్యులను పోలీసులు అరెస్ట్ చేశారు. శేషన్న ప్రధాన అనుచరుడు సోమన్నఇచ్చిన సమాచారం మేరకు నగరంలోని కుషాయిగూడలో సిట్ అధికారులు గురువారం రాత్రి దాడులు నిర్వహించారు. ఈ సందర్భంగా నయీం అనుచరులు శ్రీనివాస్, లక్ష్మణ్‌లను సిట్ అధికారులు అదుపులోకి తీసుకున్నారు. అనంతరం వారిని తమ కార్యాలయానికి తరలించారు. నయీంకు సంబంధించిన మరింత అదనపు సమాచారం కోసం సిట్ అధికారులు వారిని విచారిస్తున్నారు. * * కరీంనగర్: నేడు దేశవ్యాప్తంగా జరుగుతున్న సార్వత్రిక సమ్మె కరీంనగర్ జిల్లాలో సంపూర్ణంగా కొనసాగుతోంది. జిల్లావ్యాప్తంగా వర్తక, వ్యాపార, వాణిజ్య సంస్థలు, విద్యాలయాలు సంపూర్ణంగా బంద్ పాటిస్తున్నాయి. ఆర్టీసీ బస్సులు ఎక్కడికక్కడే నిలిచిపోయాయి. జిల్లాలో 11 డిపోలలో మొత్తం 980 బస్సులు డిపోలకే పరిమితమయ్యాయి. దీంతో ప్రయాణికులు తీవ్ర ఇబ్బందులు ఎదుర్కొంటున్నారు. * * నల్లగొండ: దేశవ్యాప్తంగా సార్వత్రిక సమ్మె నేపథ్యంలో యాదగిరిగుట్టలో కార్మిక సంఘాలు సమ్మెలో పాల్పంచుకున్నాయి. ఆర్టీసీ కార్మకులు కూడా ఈ సమ్మెలో పాల్గొనడంతో.. యాదగిరిగుట్ట ఆర్టీసీ డిపోకు చెందిన 105 బస్సులు డిపోలోపలే ఉండిపోయాయి. దీంతో యాదగిరిగుట్టకు వచ్చే భక్తులు, ప్రయాణికులు ప్రైవేట్ వాహనాలను ఆశ్రయించాల్సి వస్తోంది. ఇదే అదునుగా భావించిన ప్రైవేట్ వాహనదారులు తమకు ఇష్టం వచ్చిన రీతిలో ప్రయాణికుల నుంచి డబ్బులు దండుకుంటున్నారు. * * యాదగిరిగుట్ట : నల్లగొండ జిల్లా యాదగిరిగుట్ట పట్టణంలోని సాయిబాబా మందిరంలో వినాయకుడి రూపంలో అల్లం దర్శనమివ్వడంతో.. స్థానికులు ప్రత్యేక పూజలు నిర్వహిస్తున్నారు. వినాయక చవితి ఉత్సవాలకు ముందు ఇలా జరగడం శుభ పరిణామమని భక్తులు భావిస్తున్నారు. స్థానిక సాయి ఆలయంలో అన్నదానం కోసం కొనుగోలు చేసిన అల్లంలో పార్వతి పుత్రుడి ప్రతిమ రూపంలో ఉన్న అల్లం లభించిందని ఆలయ సిబ్బంది తెలిపారు. ఈ వార్త తెలిసిన ప్రజులు పెద్ద ఎత్తున అల్లం వినాయకుడిని దర్శించుకోవడానికి తరలి వస్తున్నారు. * * నల్లగొండ: నల్లగొండ జిల్లా దామరచర్లలో దొంగనోట్లు చలామణి చేస్తున్న ముఠా గుట్టును పోలీసులు గురువారం రట్టు చేశారు. అందుకు సంబంధించి నలుగురు వ్యక్తులకు పోలీసులు అరెస్ట్ చేశారు. స్థానిక కిరాణా దుకాణంలో నకిలీ నోట్లు మారుస్తున్న వ్యక్తిని పోలీసులు అదుపులోకి తీసుకుని... తమదైన శైలిలో విచారించారు. * * హైదరాబాద్ : నగరంలోని వనస్థలిపురంలో సుష్మా థియేటర్ వద్ద బ్లాక్లో టికెట్లు విక్రయిస్తున్న వ్యక్తిని పోలీసులు అదుపులోకి తీసుకున్నారు. అతడి వద్ద నుంచి 50 సినిమా టికెట్లతోపాటు రూ. 2 వేల నగదును పోలీసులు స్వాధీనం చేసుకున్నారు. అనంతరం అతడిని పోలీసుస్టేషన్కు తరలించారు. * * హైదరాబాద్‌ జిల్లాలో 49,903 పింఛన్లకు కోత పడనుంది. ప్రభుత్వం చేపట్టిన లెఫ్‌ ఎవిడెన్స్‌ వెరిఫికేషన్‌ ప్రక్రియ బుధవారంతో ముగియడం నిజమైన పింఛన్‌దారుల లెక్కతేల నుంది. 36,512మంది వెరిఫికేషన్‌ చేయించుకోకపోగా, వెరిఫికేషన్‌ ప్రక్రియలో పాల్గొన్నా వేలిముద్రలు సరిపోలకపోవడం, ఆధార్‌తో లింకు కలువని 11,392 మందికి పింఛన్లు నిలిచిపోనున్నాయి. ఆధార్‌ లింకు మ్యాచ్‌ కాని వా రు మళ్లీ కొత్తగా ఆధార్‌ నమోదు చేసుకోవాల్సి ఉంది. * * మెదక్ : మెదక్ జిల్లా ప్రజ్ఞాపూర్ వద్ద గురువారం వ్యాన్ను స్కూల్ బస్సు ఢీకొట్టింది. ఈ ప్రమాదంలో నలుగురు విద్యార్థులకు గాయాలయ్యాయి. స్థానికులు వెంటనే స్పందించి... వారిని సమీపంలోని ఆసుపత్రికి తరలించారు. అనంతరం పోలీసులకు సమాచారం అందించారు. * * ఖమ్మం: జిల్లాలో భారీగా ఎస్సైలు బదిలీ అయ్యారు. జిల్లాలోని దాదాపు 58 మంది ఎస్సైలకు స్థానచలనం కల్పిస్తూ జిల్లా ఎస్పీ గురువారం ఆదేశాలు జారీ చేశారు. ప్రస్తుతం ఎస్సైలుగా విధులు నిర్వహిస్తున్నవారితోపాటు... కొత్తగా ఎస్సై ట్రైనింగ్ పూర్తి చేసుకున్నవారికి కూడా ఈ బదిలీల్లో పోస్టింగ్ ఇస్తున్నట్లు ఎస్పీ ఆ ఆదేశాలలో పేర్కొన్నారు. * * హైదరాబాద్: ఫీజు రీయింబర్స్‌మెంట్ బకాయిలను వెంటనే చెల్లించాలని డిమాండ్ చేస్తూ.. తెలంగాణ ప్రైవేట్ డిగ్రీ, పీజీ కాలేజీల యాజమాన్యాలు ఆందోళన బాట చేపట్టాయి. అందులోభాగంగా గురువారం నుంచి రాష్ట్రవ్యాప్తంగా మూడు రోజుల పాటు కళాశాలల బంద్కు సదరు యాజమాన్యం పిలుపు నిచ్చింది. * * లాస్‌ఏంజిలెస్: అంగారక గ్రహం ఉపరితలంపై ఉన్న పరిస్థితులను భూభాగంపై సృష్టించి అమెరికా అంతరిక్ష పరిశోధన సంస్థ నాసా జరిపిన అరుదైన ప్రయోగం విజయవంతంగా ముగిసింది. ఈ మేరకు నాసా అమెరికాలోని హవాయి రాష్ట్రంలో అంగారక గ్రహం పరిస్థితుల్లో మానవుడి మనుగడ సాధ్యమా అన్న అంశంపై పరిశోధన నిర్వహించింది. ఆరుగురి బృందంతో ఏడాది క్రితం ప్రారంభించిన ఈ ప్రయోగం సోమవారం ముగిసింది. * * నేడు ఐసెట్ ప్రవేశాలకు కొనసాగుతున్న సర్టిఫికెట్ల వెరిఫికేషన్ - 50,001 ర్యాంకు నుంచి చివరి ర్యాంకు వరకు నేడు వెరిఫికేషన్ - ఎన్సీసీ కేటగిరిలో 30,001 ర్యాంకు నుంచి చివరి ర్యాంకు వరకు సర్టిఫికెట్ల వెరిఫికేషన్ * * హైదరాబాద్: స్విస్ ఛాలెంజ్ పై నేడు హైకోర్టులో విచారణ * * హైదరాబాద్: ప్రత్యేక తెలంగాణ కోసం 1969లో జరిగిన ఉద్యమంలో పాల్గొని పోలీస్ కాల్పుల్లో గాయపడ్డ హైదరాబాద్ వాసి పగడాల పరంధామకు రూ.10 లక్షల ఆర్థికసాయం అందించాలని సీఎం కె.చంద్రశేఖర్‌రావు నిర్ణయించారు. 1969 ఏప్రిల్ 4న సికింద్రాబాద్ జనరల్ బజార్‌లో జరిగిన కాల్పుల్లో పరంధామ ఛాతిలో, కుడి కాలుకు తీవ్ర గాయాలయ్యాయి. * * లాస్ ఎంజెల్స్: లాస్ ఎంజెల్స్ అంతర్జాతీయ విమానాశ్రయంలో ఎలాంటి కాల్పుల ఘటనలు చోటుచేసుకోలేదని పోలీసు అధికారులు స్పష్టం చేశారు. ఒక పెద్ద శబ్దం మాత్రమే వచ్చి దాన్ని ఎయిర్ పోర్ట్ సిబ్బంది కాల్పులుగా భ్రమపడ్డారని చెప్పారు. అమెరికాలోని లాస్ ఎంజెల్స్ అంతర్జాతీయ విమానాశ్రయంలో కాల్పులు చోటుచేసుకున్నాయని తొలుత కథనాలు వచ్చిన విషయం తెలిసిందే. * * విశాఖపట్నం: రెండు తెలుగు రాష్ట్రాల్లో విస్తారంగా వర్షాలు కురిసే అవకాశం ఉందని విశాఖ తుఫాను హెచ్చరిక కేంద్రం సూచించింది. పశ్చిమ మధ్య బంగాళాఖాతంలో ఏర్పడ్డ అల్పపీడనం స్థిరంగా కొనసాగుతోందని వెల్లడించింది. * * హైదరాబాద్: తమ డిమాండ్లను తీర్చి, సమస్యలను పరిష్కరించాలని కోరుతూ ఏఎన్‌ఎంలూ మంత్రి నివాసం ముట్టడికి యత్నించారు. సోమవారం ఉదయం మణికొండలోని మంత్రి లక్ష్మారెడ్డి ఇంటి వద్దకు భారి ఎత్తున చేరుకున్న ఏఎన్‌ఎంలు ఇంటిని ముట్టడించడానికి ప్రయత్నించారు. దీంతో రంగంలోకి దిగిన పోలీసులు వారిని అడ్డుకున్నారు. విషయం తెలుసుకున్న మంత్రి సమ్మె విరమించి వస్తే సమస్య సరిష్కారానికి కృషి చేస్తానని హామి ఇచ్చారు. * * బిర్కూర్ : నిజామాబాద్ జిల్లా బిర్కూర్ మండల కేంద్రంలోని తిరుమల దేవస్థానంలో వ్యవసాయశాఖ మంత్రి పోచారం శ్రీనివాసరెడ్డి దంపతులు శనివారం ఉదయం వరుణయాగం నిర్వహించారు. దేవస్థానం ఆవరణంలోని గణపతి ఆలయ ప్రారంభోత్సవంలో పాల్గొన్నారు. వర్షాలు సమృద్ధిగా కురవాలని, తెలంగాణ ప్రజలంతా సుఖసంతోషాలతో విలసిల్లాలని ఆకాంక్షించారు. * * న్యూఢిల్లీ: రియో ఒలింపిక్స్‌లో 118 మందితో కూడిన భారీ బృందాన్ని పంపిస్తే కేవలం రెండు పతకాలు మాత్రమే దక్కడంతో కేంద్రం దిద్దుబాటు చర్యలకు దిగింది. వచ్చే మూడు ఒలింపిక్స్‌లలో పతకాలు కొల్లగొట్టేందుకు సమగ్ర కార్యాచరణ పథకాన్ని అమలు చేసేందుకు టాస్క్ ఫోర్స్‌ను ఏర్పాటు చేస్తున్నట్టు ప్రధాని నరేంద్ర మోదీ వెల్లడించారు. * * హైదరాబాద్‌సిటీ: నిబంధనలకు విరుద్ధంగా నడుస్తున్న బస్సులపై ఆర్టీఏ అధికారులు కొరడా ఝులిపించారు. రాజేంద్రనగర్ పరిధిలోని గగన్‌పహాడ్ వద్ద హైదరాబాద్-బెంగుళూరు జాతీయరహదారిపై రవాణాశాఖాధికారులు తనిఖీలు నిర్వహించారు. ఈ సందర్భంగా నిబంధనలకు విరుద్ధంగా నడుస్తున్న 10 ప్రైవేటు ట్రావెల్స్ బస్సులపై కేసులు నమోదు చేశారు. తనిఖీలు కొనసాగుతున్నాయి. దీనికి సంబంధించిన మరింత సమాచారం తెలియాల్సి ఉంది. * * మియామి: అతను చెవిటి వ్యక్తి. సంకేత భాషలోనే ఎవరితోనైనా ముచ్చటిస్తాడు. వేగంగా వాహనాన్ని నడుపుతున్నాడనే సాకుతో అతన్ని ఓ జవాను వెంబడించాడు. ఇద్దరి మధ్య 13 కిలోమీటర్ల పాటు హోరాహోరీగా ఛేజింగ్ జరిగింది. చివరకు అతను తన ఇంటికి సమీపంలో వాహనాన్ని ఆపాడు. వాహనం దిగిన అతన్ని జవాను తుపాకీతో కాల్చాడు. సంఘటనా స్థలంలోనే అతను కుప్పకూలాడు. అమెరికాలో జరిగిన ఈ ఘటన ఇప్పుడు దుమారం రేపుతోంది. * * అహ్మదాబాద్: ఓ సీనియర్ జర్నలిస్టు ఏకంగా పత్రికా కార్యాలయంలోనే దారుణంగా హత్యకు గురయ్యాడు. కార్యాలయంలో కూర్చుని వార్తాకథనం రాస్తుండగా దుండగులు ఆయనను కిరాతకంగా పొడిచి చంపారు. నెత్తుటి మడుగులో ఉన్న ఆయన మృతదేహాన్ని మంగళవారం పోలీసులు గుర్తించారు. గుజరాత్ సౌరాష్ట్ర ప్రాంతంలోని జునాగఢ్ పట్టణంలో సోమవారం రాత్రి ఈ ఘటన జరిగింది. * * హిమాయత్‌నగర్‌: రోడ్డు, రవాణా భద్రతా బిల్లు, ఆర్టీఏ, ట్రాఫిక్‌ పోలీసుల వేధింపులకు నిర సనగా సెప్టెంబర్‌ 2న రాష్ట్రవ్యాప్తంగా నిర్వహిస్తున్నట్టు తెలంగాణ ఆటోడ్రైవర్ల సంఘాల జాయింట్‌ యాక్షన్‌ కమిటీ నాయకులు తెలిపారు. హిమాయత్‌నగర్‌లోని ఎఐటియుసి భవన్‌లో సోమవారం బంద్‌ పోస్టర్‌ను ఆవిష్కరించారు. కార్యక్రమంలో లక్ష్మయ్య పాల్గొన్నారు. * * పంజగుట్ట: గణేష్‌ ఉత్సవాలను గతంలో మాదిరిగానే నిర్వహించుకోవచ్చునని హైకోర్టు స్పష్టం చేసినా పోలీసు అధికారులు నిబంధనల పేరుతో వేధించడం తగదని భాగ్యనగర్‌ గణేష్‌ ఉత్సవ సమితి ప్రతినిధులు అన్నారు. గణేష్‌ నిమజ్జనంతో కాలుష్యం వెలువడటం లేదని పొల్యూషన్‌ కంట్రోల్‌బోర్డు నివేదిక ఇచ్చిందని, ఎత్తు విషయంలో జోక్యం చేసుకోబోమని హైకోర్టు పేర్కొన్నా ఎత్తు తగ్గించాలని ఒత్తిడి చేయడం దారుణమన్నారు. * * హైదరాబాద్: మాజీ ఏఎస్‌ఐ మోహన్‌రెడ్డిని కరీంనగర్‌ పోలీసులు అదుపులోకి తీసుకున్నారు. మాజీ మావోయిస్టు, గ్యాంగ్‌స్టర్ నయీముద్దీన్ అలియాస్ నయీమ్ తరహాలోనే మోహన్‌రెడ్డి అరాచకాలకు పాల్పడేవాడని ఆరోపణలు వెల్లువెత్తాయి. ఈ నేపథ్యంలో గ్యాంగ్‌స్టార్‌ నయీం ముఠాతో సంబంధాలపై పోలీసులు ఆరా తీశారు. నిన్న రాత్రి (సోమవారం) 8 గంటలకు మోహన్‌రెడ్డిని అదుపులోకి తీసుకున్నట్టు పోలీసులు తెలిపారు. * * ఇస్తాంబుల్ : ఇస్లామిక్ స్టేట్ ఉగ్రవాద సంస్థకు చెందిన 12 ఏళ్ల ఆత్మాహుతి బాంబర్.. టర్కీలో ఉగ్రవాద దాడి చేసి, 51 మంది ప్రాణాలు బలిగొన్నాడు. ఓ పెళ్లిని లక్ష్యంగా చేసుకొని జరిగిన ఈ ఆత్మాహుతి దాడిలో 69 మంది గాయపడ్డారు. వారిలో 17 మంది పరిస్థితి విషమంగా ఉన్నట్లు తెలిసింది. ఈ దాడికి పాల్పడింది 12 ఏళ్ల కుర్రాడేనని టర్కీ అధ్యక్షుడు ఎర్డోగాన్ తెలిపారు. * * ఆదిలాబాద్ : ఆదిలాబాద్ జిల్లా తాండూరు మండలం రేసినిరోడ్డు రైల్వే స్టేషన్ వద్ద పోలీసులు, రెవెన్యూ అధికారులు బుధవారం తనిఖీలు నిర్వహించారు. ఈ సందర్భంగా అక్రమంగా తరలిస్తున్న 100 క్వింటాళ్ల రేషన్ బియ్యాన్ని రెవెన్యూ అధికారులు స్వాధీనం చేసుకున్నారు. ఇది గుర్తించిన నిందితులు అక్కడి నుంచి పరారయ్యారు. * * కోయంబత్తూర్: తన ప్రియుడితో కలిసి ఓ మహిళ భర్తను హతమార్చింది. తొలి ప్రయత్నంలో పాముల ద్వారా కాటు వేయించాలని ప్రయత్నించి అది విఫలం కావడంతో సుఫారీ ఇచ్చి అతడిని హత్య చేయించింది. ఈ ఘటన తమిళనాడులోని పట్టనంపుదూర్ లో చోటుచేసుకుంది. పోలీసులు తెలిపిన వివరాల ప్రకారం.. ఆ మహిళకు కృష్ణ అనే వ్యక్తికి అక్రమ సంబంధం ఉంది. * * దుబాయ్: ఐసీసీ టెస్టు ర్యాంకింగ్స్ లో టీమిండియా మొదటి స్థానానికి చేరుకుంది. ఐసీసీ తాజాగా విడుదల చేసిన ర్యాంకింగ్స్ లో కోహ్లి సేన టాప్ ర్యాంకులో నిలిచింది. శ్రీలంకతో జరిగిన టెస్టు సిరీస్ లో ఆస్ట్రేలియా ఘోరంగా ఓడిపోవడంతో టీమిండియా మొదటి ర్యాంకు సొంతం చేసుకుంది. 3-0తో సిరీస్ ను శ్రీలంక క్లీన్ స్వీప్ చేయడంతో మొదటి ర్యాంకులో ఉన్న ఆస్ట్రేలియా మూడో స్థానానికి పడిపోయింది. * * హైదరాబాద్: స్థానికేతర ఉద్యోగులు తమను ఇబ్బంది పెడుతున్నారంటూ తెలంగాణ సచివాలయంలో రెండో రోజు ఆర్థిక శాఖ ఉద్యోగులు బుధవారం తమ నిరసనలు తెలిపారు. ఉన్నతాధికారుల వద్ద పీఎస్లుగా పని చేస్తున్నవారిని తప్పించాలని వారు డిమాండ్ చేశారు. అందులోభాగంగా ఆర్థిక శాఖ ముఖ్య కార్యదర్శి రామకృష్ణారావును టీ. ఉద్యోగుల సంఘం నేతలు కలిశారు. * * హైదరాబాద్‌: హయత్‌నగర్ మండలం పసుమాముల బీసీ హాస్టల్ విద్యార్థి మృతి చెందాడు. వివరాలు ఇలా ఉన్నాయి... సదరు బీసీ హాస్టల్లో ఉంటూ రాకేశ్ అనే విద్యార్థి కలుషిత నీరు తాగి తీవ్ర అనారోగ్యం పాలైయ్యాడు. దీంతో హాస్టల్ సిబ్బంది అతడిని ఎల్బీ నగర్లోని ఓ ప్రైవేట్ ఆసుపత్రికి తరలించారు. అక్కడ రెండు రోజులుగా చికిత్స పొందుతు బుధవారం రాత్రి మరణించాడు. * * నిజామాబాద్: నిజామాబాద్ జిల్లా బీర్కూర్ మండలం దుర్కి గ్రామంలో డయేరియాతో గంగవ్వ (50) అనే మహిళ గురువారం మృతి చెందింది. గ్రామంలో డయేరియా ప్రబలింది. దీంతో సమాచారం అందుకున్న జిల్లా వైద్యాధికారులు గ్రామంలో మూడు రోజులు వైద్యశిబిరం నిర్వహించారు.అయితే గంగవ్వ ఈ రోజు మరణించింది. దాంతో బోధన్ ఆర్డీవో సుధాకర్ రెడ్డి గురువారం దుర్కి గ్రామాన్ని సందర్శించారు. గ్రామస్తులకు అందుతున్నసేవలపై వైద్యాధికారులను అడిగి తెలుసుకున్నారు. * * హైదరాబాద్ : కొత్త జిల్లాల ఏర్పాటు కోసం రాష్ట్ర ప్రభుత్వం బుధవారం మంత్రివర్గ ఉపసంఘాన్ని ఏర్పాటు చేసింది. డిప్యూటీ సీఎం మహముద్ అలీ అధ్యక్షతన మంత్రులు కడియం శ్రీహరి, ఈటల రాజేందర్, తుమ్మల నాగేశ్వరరావు, జూపల్లి కృష్ణారావు ఈ కమిటీలో సభ్యులుగా ఉంటారు. జిల్లాల ఏర్పాటుపై అన్ని వర్గాల నుంచి వచ్చే ప్రతిపాదనలు చర్చించి, ప్రభుత్వానికి నివేదిక ఇచ్చేందుకు కేబినేట్ సబ్ కమిటీని ఏర్పాటు చేశారు. * * హైదరాబాద్ : గ్యాంగ్‌స్టర్ నయీముద్దీన్ అలియాస్ నయీం కేసు దర్యాప్తుకు రాష్ట్ర ప్రభుత్వం ప్రత్యేక దర్యాప్తు బృందం (సిట్)ను ఏర్పాటు చేసింది. సిట్ అధికారిగా ఐజీ నాగిరెడ్డిని ప్రభుత్వం నియమించింది. అడిషనల్ ఎస్పీ, ఇద్దరు డీఎస్సీలు సహా 8మందితో ఏర్పాటు అయిన సిట్ బృందానికి నాగిరెడ్డి నేతృత్వం వహిస్తారు. * * పంజగుట్ట: న్యాయస్థానంలోనే న్యాయవాదిపై దాడి చేసిన వ్యక్తిని పంజగుట్ట పోలీసులు అరెస్టు చేశారు. పోలీసుల కథనం మేరకు... నగరానికి చెందిన దీక్ష అమోల్, బాలకృష్ణ అమోల్‌ భార్యాభర్తలు. దీక్ష తన భర్త అయిన బాలకృష్ణపై గృహహింస కేసు పెట్టగా ఎర్రమంజిల్‌ కోర్టులో మంగళవారం కేసు విచారణకు వచ్చింది. కూకట్‌పల్లికి చెందిన న్యాయవాది వసంత్‌రావు దేశ్‌పాండే కేసు వాదిస్తుండగా, తీవ్ర ఆగ్రహానికి గురైన బాలకృష్ణ న్యాయవాదిని చొక్కా పట్టుకుని బయటకు లాక్కొచ్చి దాడి చేశాడు. * * కరీంనగర్(పెద్దపల్లి) : కరీంనగర్ జిల్లాలోని ప్రభుత్వ, ప్రైవేటు ఐటీఐలలో చేరాలనుకునే విద్యార్థుల కోసం రెండో విడత కౌన్సెలింగ్‌ ఏర్పాటు చేస్తున్నట్లు పెద్దపల్లి ఐటీఐ ప్రిన్సిపాల్‌ సురేందర్‌ తెలిపారు. 11 నుంచి 20 తేదీల్లో అభ్యర్థులు దరఖాస్తులు అందజేయాలన్నారు. జిల్లాలోని ప్రభుత్వ, ప్రైవేటు ఐటీఐలలో దరఖాస్తు ఫారాలు లభిస్తాయన్నారు. అభ్యర్థులకు ఈ నెల 24, 28, 30 తేదీల్లో కౌన్సెలింగ్‌ ఉంటుందన్నారు. * * గ్యాంగ్ స్టర్ నయీమ్ అనుచరులు, బంధువుల నివాసాల్లో రెండో రోజు కొనసాగుతున్న పోలీసుల సోదాలు * * నేడు ప్రపంచ ఆదివాసీ దినోత్సవం. ఈ నేపథ్యంలో నేటి మధ్యాహ్నాం 2.00 గంటలకు అరకులోని ఎన్టీఆర్ గ్రౌండ్స్లో ఆదివాసీ దినోత్సవం జరగనుంది.ఈ కార్యక్రమంలో సీఎం చంద్రబాబు, మంత్రి రావెల కిషోర్ బాబు పాల్గొనున్నారు. * * మెదక్: మెదక్ జిల్లా ఆంధోల్ మండలం కిచ్చన్నపల్లి వద్ద మంగళవారం రోడ్డు ప్రమాదం చోటు చేసుకుంది. క్రూజర్ వాహనం అదుపు తప్పి రోడ్డు పక్కనే ఉన్న చెట్టును ఢీకొట్టింది. ఈ ప్రమాదంలో ముగ్గురు అక్కడికక్కడే మృతి చెందారు. మరో 11 మంది తీవ్రంగా గాయపడ్డారు. స్థానికులు వెంటనే స్పందించి... క్షతగాత్రులను జోగిపేట ప్రభుత్వాసుపత్రిలో ప్రాధమిక చికిత్స తరలించారు. అనంతరం పోలీసులకు సమాచారం అందించారు. పోలీసులు ఘటన స్థలానికి చేరుకుని... మృతదేహాలను స్వాధీనం చేసుకున్నారు. * * నల్గొండ: చిట్యాల మండలo వేలిమినేడు గ్రామ శివార్లో గుర్తు తెలియని మహిళ మ్రుతదేహము లభ్యమైంది. ఈ మహిళ చనిపోయి 2 రోజులు అయి ఉండవచ్చని ఎస్.ఐ. శివకుమార్ అనుమానము వ్యక్తము చేశారు. * * కరీంనగర్(పెద్దపల్లి): కరీంనగర్ జిల్లా పెద్దపల్లి మండలం రంగాపూర్ గ్రామంలోని VRO గౌస్ పాషా అక్కడి రైతు నుండి 20 వేలు లంచం తీసుకుంటుండగా ACB కి పట్టుబడ్డాడు. * * హైదరాబాద్ : జీవో 123పై సోమవారం హైకోర్టు డివిజన్ బెంచ్లో విచారణ జరిగింది. భూ నిర్వాసితులు, రైతు కూలీల రక్షణ కోసం తీసుకునే చర్యలను తెలంగాణ ప్రభుత్వం అఫిడవిట్ ద్వారా కోర్టుకు సమర్పించింది. నిబంధనల ప్రకారమే నిర్వాసితులకు పునరావాసం కల్పిస్తున్నామని... వ్యవసాయ కూలీలను ఆదుకుంటామని అడ్వకేట్ జనరల్ (ఏజీ) ఆ అఫిడవిట్లో విన్నవించారు. * * ఇస్లామాబాద్ లో జరిగిన సార్క్ హోంమంత్రుల సదస్సుకు భారత జర్నలిస్టులను అనుమతించని పాకిస్తాన్ వారిని కనీసం ప్రవేశ ద్వారం వద్ద కూడా ఉండనివ్వలేదని వెల్లడైంది. సార్క్ దేశాల ప్రముఖులను పాక్ హోంమంత్రి నిసార్ ప్రవేశ ద్వారం వద్ద ఆహ్వానిస్తున్నపుడు భారత జర్నలిస్టులు అక్కడే ఉన్నారు. భారత హోంమంత్రి రాజ్ నాథ్ సింగ్ రాగానే పాక్ జర్నలిస్టులు ఫోటోలు తీసేందుకు సన్నద్ధమవుతుండగా వీరూ వెళ్లారు. అయితే అక్కడ నుండి వెళ్లిపోవాలని, గేటు బయట నిలబడేందుకూ కూడా భారత్ జర్నలిస్టులకు అనుమతి లేదని పాక్ అధికారులు తేల్చి చెప్పారు. * * నేడు ఆగష్టు 6న తెలంగాణ సిద్ధాంతకర్త, ప్రొఫెసర్ జయశంకర్ జయంతి * * ఇవాళ ఇస్రో, తెలంగాణ ఇరిగేషన్ శాఖ మధ్య ఎంవోయూ అత్యాధునిక టెక్నాలజీతో తెలంగాణ జలవనరుల సమాచార వ్యవస్థ జలాశయాల్లో నీటి నిల్వలను ఉపగ్రహంతో విశ్లేషించనున్న తెలంగాణ * * శంషాబాద్: శంషాబాద్ ఎయిర్పోర్టులో శనివారం ఉన్నతాధికారులు హైఅలెర్ట్ ప్రకటించారు. ఆగస్టు 15 స్వాతంత్ర దినోత్సవ వేడుకులు నేపథ్యంలో నిఘా వర్గాలు ఎయిర్ పోర్టు అధికారులను అప్రమత్తం చేశారు. * * పెబ్బేరు(మహబూబ్‌నగర్): రైతులు పెట్టిన విషం గుళికలు తిని దాదాపు 40 జింకలు చనిపోయాయి. మహబూబ్‌నగర్ జిల్లా పెబ్బేరు మండలం గుమ్మడం గ్రామంలో ఈ ఘటన చోటుచేసుకుంది. గ్రామానికి చెందిన కొందరు రైతులు కృష్ణా నదిలో మొక్కజొన్న సాగు చేస్తున్నారు. పంటను పురుగుల బారి నుంచి రక్షించుకునేందుకు మొదళ్ల వద్ద శుక్రవారం రాత్రి విషం గుళికలను చల్లారు. సమీపంలోని అటవీప్రాంతం నుంచి వచ్చిన జింకలు గడ్డి మేసుకుంటూ వచ్చి గడ్డితోపాటు గుళికలను కూడా తినేశాయి. దీంతో అ విష ప్రభావానికి లోనై దాదాపు నలబై జింకలు చనిపోయాయి. * * వాయువ్య బంగాళఖాతంలో కొనసాగుతున్న అల్పపీడనం ఉ.ఒడిశా, ప.బెంగాల్, జార్ఖండ్ తీరాలను ఆనుకుని అల్పపీడనం అల్పపీడన ప్రాంతంలో ఉపరితల ఆవర్తనం ఒడిశా, కోస్తాంధ్ర మీదుగా ద.తమిళనాడు వరకు అల్పపీడన ద్రోణి రాగల 24 గంటల్లో కోస్తాంధ్రలో విస్తారంగా వర్షాలు కోస్తా తీరం వెంబడి గంటకు 45-50 కి.మీ వేగంతో ఈదురుగాలులు మత్స్యకారులు అప్రమత్తంగా ఉండాలని హెచ్చరిక: వాతావరణ కేంద్రం * * మ్మం: ఛత్తీస్‌గఢ్ దంతేవాడ జిల్లాలో శుక్రవారం ఎన్కౌంటర్ చోటు చేసుకుంది. ఈ ఎన్కౌంటర్లో ముగ్గురు మావోయిస్టులు మరణించారు. దంతేవాడ - బీజాపూర్ జిల్లాల సరిహద్దు ప్రాంతమైన సర్సఫాల్ పోలీస్ స్టేషన్ పరిధిలో పోలీసులు కూంబింగ్ నిర్వహించారు. ఆ విషయాన్ని పసిగట్టిన మావోయిస్టులు... పోలీసులపై కాల్పులకు దిగారు. దీంతో పోలీసులు వెంటనే అప్రమత్తమై ఎదురు కాల్పులకు దిగారు. * * ఖమ్మం: ఖమ్మం జిల్లా ఇల్లెందులోని ఓపెన్‌కాస్టు సమీపంలో శుక్రవారం ఘోర రోడ్డు ప్రమాదం జరిగింది. ఈ ప్రమాదంలో ఒకరు అక్కడికక్కడే మృతి చెందగా... మరో ఇద్దరు తీవ్రంగా గాయపడ్డారు. ఇల్లెందు పట్టణంలోని ప్రధాన రహదారిపై అధిక వేగంతో వెళ్తున్న రెండు లారీలు ఢీకొన్నాయి. ఈ ఘటనలో ఓ లారీ డ్రైవర్ అక్కడికక్కడే చనిపోగా మరో లారీ డ్రైవర్, క్లీనర్ తీవ్రంగా గాయపడ్డారు. * * కరీంనగర్ : ఎస్సీ వర్గీకరణ బిల్లు వెంటనే పార్లమెంట్‌లో ప్రవేశపెట్టాలని ప్రభుత్వాన్ని ఎమ్మార్పీఎస్ నాయకులు డిమాండ్ చేశారు. అందులోభాగంగా శుక్రవారం కరీంనగర్ జిల్లా జమ్మికుంట రైల్వేస్టేషన్లో వారు ఆందోళన నిర్వహించారు. ఈ సందర్భంగా స్టేషన్లో ఆగి ఉన్న సింగరేణి ప్యాసింజర్ రైలును వారు నిలిపివేశారు. ఈ ఆందోళన కార్యక్రమంలో భారీగా ఎమ్మార్పీఎస్ నాయకులు, కార్యకర్తలు పాల్గొన్నారు. * * హైదరాబాద్: ఈ నెల 8 నుంచి తెలంగాణలోని 11 విశ్వవిద్యాలయాల్లో నిరవధికంగా బంద్ పాటించనున్నట్లు తెలంగాణ వర్సిటీ నాన్ టీచింగ్ అసోసియేషన్ అధ్యక్షుడు కంచి మనోహర్, సెక్రెటరీ జనరల్ మహిపాల్ రెడ్డి బుధవారం పేర్కొన్నారు. రాష్ట్ర్రంలో అతిపెద్దదై ఉస్మానియాతో పాటు ఇతర వర్సిటీల్లో ప్రతి నెల 1న వేతనాలు, ఫించన్లు రావడం లేదన్నారు. సీమాంధ్రుల పాలనలో కూడా వేతనాలకు ఇలాంటి దుస్థితి ఎన్నడూ ఏర్పడలేదన్నారు. * * హైదరాబాద్: ప్రత్యేక హైకోర్టు ఉద్యమంలో పాల్గొన్న న్యాయవాదులకు బార్ కౌన్సిల్ ఆఫ్ ఇండియా, కోర్టు ధిక్కరణ కింద హైకోర్టు నోటీసులివ్వడానికి నిరసనగా గురువారం నల్లబ్యాడ్జీలు ధరించి నిరసన వ్యక్తం చేయాలని తెలంగాణ న్యాయవాదుల జేఏసీ నిర్ణయించింది. జేఏసీ అధ్యక్షుడు రాజేందర్‌రెడ్డి నేతృత్వంలో న్యాయవాదులు బుధవారం సమావేశమయ్యారు. * * వాయవ్య బంగాళాఖాతంలో ఏర్పడిన అల్పపీడనం స్థిరంగా కొనసాగుతుందని విశాఖపట్నంలోని వాతావరణ కేంద్రం వెల్లడించింది. రాగల 48 గంటల్లో ఈ అల్పపీడనం మరింత బలపడే అవకాశం ఉందని తెలిపింది. ఈ నేపథ్యంలో కోస్తాంధ్రలో ఒకట్రెండు చోట్ల భారీ నుంచి అతి భారీ వర్షాలు... అలాగే తెలంగాణలో ఓ మోస్తరు వర్షాలు పడే అవకాశం ఉందని వాతావరణ కేంద్రం పేర్కొంది. * * కరీంనగర్: తెలంగాణ ఆర్థిక శాఖ మంత్రి ఈటల రాజేందర్ కాన్వాయ్‌కి బుధవారం తృటిలో ప్రమాదం తప్పింది. కాన్వాయ్‌లోని ఓ వాహన డ్రైవర్ సడన్‌గా బ్రేక్ వేయడంతో వెనకున్న టీఆర్‌ఎస్ నాయకుల వాహనాలు ఒకదానివెంట మరొకటి వరసగా ఢీకొన్నాయి. దీంతో సదరు వాహనాలు స్వల్పంగా దెబ్బతిన్నాయి. హరితహారం కార్యక్రమంలో పాల్గొనేందుకు మంత్రి ఈటల రాజేందర్ బుధవారం మెట్‌పల్లి వచ్చారు. * * కరీంనగర్(ముకరంపుర): జాతీయ గ్రామీణ ఉపాధిహామీ పథకంలో క్షేత్రస్థాయిలో పనిచేస్తున్న ఫీల్డ్‌ అసిస్టెంట్లకు ప్రభుత్వ నిర్ణయం ఊరటనిచ్చింది. పదేళ్లుగా కీలకంగా పనిచేస్తున్న ఫీల్డ్‌అసిస్టెంట్లను రెగ్యులరైజ్‌ చేయాలని, వేతనాలు పెంచాలన్న డిమాండ్‌తో చేపట్టిన ఆందోళనలకు సర్కార్‌ ఎట్టకేలకు దిగివచ్చింది. ప్రస్తుతం నెలవారీగా ఇస్తున్న వేతనం రూ.6240నుంచి రూ.10 వేలకు పెంచింది. * * మణుగూరు :ఖమ్మం జిల్లా మణుగూరు సమీపంలో మంగళవారం స్కూలు బస్సుకు తృటిలో ప్రమాదం తప్పింది. విప్పల సింగారం నుంచి జీఎం ఆఫీసు రోడ్డులో వస్తున్న హోలీ ఫ్యామిలీ స్కూల్ బస్సు స్టీరింగ్ రాడ్ విరిగిపోయి... అదుపుతప్పి బస్సు కాల్వలోకి దూసుకెళ్ల్లింది. అందులోని ఐదుగురు విద్యార్థులకు ఎటువంటి ప్రమాదం జరగలేదు. * * చండీగఢ్: వాళ్లంతా దివ్యాంగులు. కొందరికి చూపులేదు, ఇంకొందరు బుద్ధిమాంద్యులు.. అందరూ చిన్నపిల్లలే. అంతసేపు హాయిగా ఆడుకున్నవాళ్లుకాస్తా మధ్యాహ్నం భోజనం తిన్నతర్వాత వాంతులు చేసుకోవడం మొదలుపెట్టారు. నిమిషాల్లోనే పరిస్థితి చేయిదాటిపోయింది. పిల్లలు ఒకొక్కరిగా రాలిపోయారు. పంజాబ్ లోని కపుర్తలా జిల్లా కేంద్రంలో మంగళవారం మధ్యాహ్నం కనిపించిన దృశ్యాలివి. * * పురవి: వరంగల్‌ జిల్లా పురవి మండల కేంద్రంలో ఉన్న ఆంధ్రాబ్యాంకులో ఆదివారం రాత్రి గుర్తుతెలియని వ్యక్తులు చోరీకి యత్నించారు. రాత్రి సమయంలో బ్యాంకు తలుపులు పగులగొట్టి లోనికి ప్రవేశించిన దుండగులు కౌంటర్‌ గదిలో సీసీ కెమెరాలను కత్తిరించారు. సోమవారం ఉదయం సిబ్బంది బ్యాంకును తెరవడంతో చోరీ విషయం వెలుగులోకి వచ్చింది. సమాచారం అందుకున్న పురవి సీఐ శ్రీనివాస్‌, ఎస్సై రామకృష్ణ అక్కడకు చేరుకుని పరిశీలించారు. కేసు నమోదు చేసుకొని ఆధారాలు సేకరించే పనిలో నిమగ్నమయ్యారు. * * నేడు ఎంసెట్-3 షెడ్యూల్ విడుదల చేసే అవకాశం జేఎన్టీయూ వీసీ లేదా రిజిస్ట్రార్కు కన్వీనర్ బాధ్యతలు ఎంసెట్-2 విద్యార్థులకు పాత రిజిస్ట్రేషన్ పై కొత్త హాల్టికెట్లు * * ఇవాళ ప్రారంభంకానున్న రూపాయికే నల్లా కనెక్షన్ పథకం గ్రేటర్ హైదరాబాద్లో పేదలకు రూపాయికే వాటర్ కనెక్షన్ * * వరంగల్: వరంగల్ జిల్లా ధర్మాసాగర్ జలాశయంలో ఆదివారం గల్లంతైన కానిస్టేబుల్ పొలిమారి సృజన్(25)మృతదేహం సోమవారం ఉదయం లభ్యమైంది. పోస్టుమార్టం కోసం మృతదేహాన్ని ఎంజీఎంకు తరలించారు. ఆదివారం మిత్రులతో కలిసి ఈతకు వెళ్లిన సృజన్ ప్రమాదవశాత్తు మునిగిపోయాడు. * * మహారాష్ట్ర: పుణెలో నిర్మాణంలో ఉన్న ఓ భవనం కూలిపోవడంతో తొమ్మిది మంది కార్మికులు మృతిచెందారు. మరో 10 మంది తీవ్రంగా గాయపడ్డారు. పోలీసులు, సహాయక సిబ్బంది ఘటనాస్థలికి చేరుకుని క్షతగాత్రులను స్థానిక ఆస్పత్రులకు తరలించారు. శిథిలాల కింద చిక్కుకున్న మృతదేహాలను వెలికితీసేందుకు యత్నిస్తున్నారు. * * వరంగల్ : వరంగల్ నగరంలోని ఆర్టీఏ జంక్షన్లో బస్సు... ముందు వెళ్తున్న ఆయిల్ ట్యాంకర్ను ఢీకొట్టింది. ఈ ప్రమాదంలో బస్సులోని విద్యార్థులు స్వల్పంగా గాయపడ్డారు. స్థానికులు వెంటనే స్పందించి... పోలీసులకు సమాచారం అందించారు. పోలీసులు ఘటన స్థలానికి చేరుకుని.. క్షతగాత్రులను నగరంలోని ఆసుపత్రికి తరలించారు. * * హైదరాబాద్ : ఎంసెట్ - 2 పేపర్ లీక్కు బాధ్యత వహిస్తూ... మంత్రులు కడియం, లక్ష్మారెడ్డి రాజీనామా చేయాలని విద్యార్థి సంఘాలు డిమాండ్ చేశాయి. శుక్రవారం మినిస్టర్స్ క్వార్టర్స్ ముట్టడికి విద్యార్థి సంఘాలు యత్నించాయి. ఆ ప్రయత్నాన్ని పోలీసులు అడ్డుకున్నారు. ఈ క్రమంలో ఇరువురు మధ్య వాగ్వాదం చోటు చేసుకుంది. దాంతో స్థానికంగా ఉద్రిక్తత నెలకొంది. ఈ సందర్భంగా విద్యార్థి సంఘాలు నాయకులు ప్రభుత్వానికి వ్యతిరేకంగా నినాదాలు చేశారు. పలువురిని పోలీసులు అదుపులోకి తీసుకున్నారు. * * న్యూఢిల్లీ: పార్లమెంటులో ఓ కోతి హల్ చల్ చేసింది. అరగంటపాటు అధికారులను ముప్పు తిప్పలు పెట్టింది. దాన్ని బందించేందుకు ప్రయత్నం చేసిన చివరకు వారికి దొరకకుండా దానంతట అదే దర్జాగా ప్రధాన ద్వారం గుండా బయటకు వెళ్లింది. అధికారులు చెప్పిన వివరాల ప్రకారం ఎంపీలు, జర్నలిస్టులు చదువుకునేందుకు ఏర్పాటుచేసిన పార్లమెంటు రీడింగ్ హాల్ లోకి ఓ కోతి ప్రవేశించింది. * * కరీంనగర్‌: లంచం తీసుకుంటూ ఏసీబీకి చిక్కిన ట్రాన్స్‌కో ఏఈకికు రెండేళ్ల జైలుశిక్ష, రూ.పదివేల జరిమానా విధిస్తూ బుధవారం ఏసీబీ కోర్టు తీర్పు వెలువరిచింది. 2008లో గంగాధరలో విద్యుత్‌ శాఖ ఏఈగా పనిచేస్తున్న బండారు అజయ్‌కుమార్‌ గంగాధరకు చెందిన అంకం శంకరయ్య అనే పవర్‌లూం కార్మికుడికి విద్యుత్‌ కనెక్షన్‌ ఇచ్చేందుకు అదే ఏడాది జనవరి 18న రూ.6వేలు లంచం తీసుకుంటూ ఏసీబీ అధికారులకు పట్టుబడ్డాడు. * * వరంగల్ : వేగంగా వెళ్తున్న కారు అదుపుతప్పి బోల్తా కొట్టింది. ఈ ఘటనలో ఓ వ్యక్తి మృతి చెందాడు. ఈ సంఘటన వరంగల్ జిల్లా కేసముద్రం మండలం రాజీవ్ నగర్ తండా సమీపంలో గురువారం చోటుచేసుకుంది. తండా నుంచి కేసముద్రం వెళ్తున్న కారు అదుపుతప్పి బోల్తా కొట్టడంతో.. కారు నడుపుతున్న రమేష్ పండిట్ రాథోడ్ (42) అక్కడికక్కడే మృతి చెందాడు. * * హైదరాబాద్: తెలుగు రాష్ట్రాల ఉమ్మడి హైకోర్టు విభజన కేసు విచారణను డివిజన్ బెంచ్ విస్తృత ధర్మాసనానికి బదిలీ చేసింది. హైకోర్టు విభజనపై తెలంగాణ ప్రభుత్వ రివ్యూ పిటిషన్పై ఇవాళ విచారణ జరిగింది. హైదరాబాద్లోనే రెండు ప్రత్యేక హైకోర్టులు ఏర్పాటు చేయాలని టీ.సర్కార్ తన పిటిషన్లో కోరింది. గత తీర్పును పునసమీక్షించాలన్న పిటిషన్పై తీర్పును ఉమ్మడి హైకోర్టు రిజర్వ్లో ఉంచిన విషయం తెలిసిందే. దాంతో కేసును విచారించిన డివిజన్ బెంచ్.. తాను తీర్పును ప్రకటించలేనని, విచారణను విస్తృత ధర్మాసనానికి బదిలీ చేస్తున్నట్లు ప్రకటన * * నిజామాబాద్: నిజామాబాద్ జిల్లా నిజాంసాగర్ మండలం కోమలంచ గ్రామంలో బుధవారం విషాదం చోటుచేసుకుంది. గ్రామానికి చెందిన భూమా రమేశ్ (35) అనే రైతు కరెంటు షాక్ తగిలి అక్కడికక్కడే మృతి చెందాడు. పొలంలో ఉన్న ట్రాన్స్‌ఫార్మర్‌కు ఫ్యూజు అమరుస్తుండగా ఈ ఘటన చోటు చేసుకుందని ప్రత్యక్ష సాక్షులు తెలిపారు. గ్రామస్తుల సహాయంతో అతడి మృతదేహాన్ని ఇంటికి తరలించారు. * * కరీంనగర్: కరీంనగర్ జిల్లా సిరిసిల్ల మండలం జిల్లెల క్రాసింగ్ వద్ద ఓ కారు అదుపు తప్పి చెట్టును ఢీకొట్టింది. ఈ ప్రమాదంలో తిమ్మాపూర్ మండలానికి చెందిన మహ్మద్ రిజ్వాన్ (32) అక్కడికక్కడే మృతిచెందగా..మరొకరు తీవ్రంగా గాయపడ్డారు. అదే రహదారిపై వెళ్తున్న వాహనదారులు వెంటనే స్పందించి... క్షతగాత్రుడ్ని సమీపంలోని ఏరియా ఆసుపత్రికి తరలించారు. * * తిమ్మాపూర్‌ : రవాణాశాఖకు సంబంధించిన ఆన్‌లైన్‌ సేవలపై మీ సేవా కేంద్రాలు, ఈ సేవా కేంద్రాల నిర్వాహకులు, ఉద్యోగులకు ప్రత్యేకంగా శిక్షణ ఇస్తున్నట్లు కరీంనగర్‌ డీటీసీ వినోద్‌కుమార్‌ తెలిపారు. రోజుకు మూడు బ్యాచ్‌ల చొప్పున జిల్లాలోని నిర్వాహకులకు బుధవారం నుంచి నాలుగు రోజుల పాటు శిక్షణ ఇస్తామని తెలిపారు. ఆన్‌లైన్‌ సేవలకు దరఖాస్తు చేసుకునే వి«ధానం నేర్చుకునేందుకు ఈ శిక్షణ ఉపయోగపడుతుందన్నారు. * * హైదరాబాద్ : హెచ్ఎండీఏ పనులపై ఉన్నతాధికారులతో నేడు కేటీఆర్ భేటీ. హుస్సేన్ సాగర్ ప్రక్షాళన, సుందరీకరణకు తీసుకోవాల్సిన చర్యలపై సమీక్ష * * హైదరాబాద్ : నేడు, రేపు ఏఎఫ్ఆర్సీ భేటీ.. ఆంధ్రప్రదేశ్ ప్రభుత్వ తరహాలో వైద్య ఫీజుల పెంపుపై చర్చ * * కీసర : రంగారెడ్డి జిల్లా కీసర మండలం చీర్యాలలోని శ్రీ లక్ష్మీనరసింహస్వామి కమాన్ వద్ద పోలీసులు మంగళవారం తనిఖీలు నిర్వహించారు. ఈ సందర్భంగా ఆటోలో తరలిస్తున్న 9 క్వింటాళ్ల రేషన్ బియ్యాన్ని పోలీసులు స్వాధీనం చేసుకున్నారు. ఆటోతోపాటు ఎస్కార్ట్గా బైకుపై వెళ్తున్న ఇద్దరు వ్యక్తులను కూడా పోలీసులు అదుపులోకి తీసుకున్నారు. * * నారాయణపేట: అన్నం పెట్టే రైతులపై దాడి చేసిన ఏ ప్రభుత్వం నిలబడలేదని, మల్లన్న సాగర్ నిర్వాసితులపై లాఠీచార్జి జరిపించిన కేసీఆర్ ప్రభుత్వానికి పోయేకాలం దాపురించిందని సీపీఎం రాష్ట్ర ప్రధాన కార్యదర్శి తమ్మినేని వీరభద్రం మండిపడ్డారు. మహబూబ్‌నగర్ జిల్లా నారాయణపేట మండలం అప్పంపల్లిలో ఆయన విలేకరులతో మాట్లాడారు. * * మెదక్‌: మల్లన్నసాగర్‌ నిర్వాసితులపై ఆదివారం జరిగిన పోలీసుల లాఠీచార్జీకి నిరసనగా అఖిలపక్షం ఈరోజు మెదక్‌ జిల్లా బంద్‌ చేపట్టింది. ఉదయాన్నే కాంగ్రెస్‌, తెదేపా, భాజపా, సీపీఐ, సీపీఎం పార్టీలకు చెందిన నేతలు జిల్లాలోని ప్రధాన పట్టణాల్లో నిరసన ప్రదర్శనలు నిర్వహించారు. ఈ సందర్భంగా ప్రభుత్వ తీరుపై నేతలు మండిపడ్డారు. జనజీవనంపై బంద్‌ ప్రభావం పాక్షికంగా ఉంది. చాలా చోట్ల ఆర్టీసీ బస్సులు యథావిధిగా తిరుగుతున్నాయి. బంద్‌ నేపథ్యంలో కొన్ని ప్రాంతాల్లో పాఠశాలలు, కళాశాలలకు సెలవులు ప్రకటించారు. * * హైదరాబాద్‌: కూకట్‌పల్లిలో జాతీయ రహదారిపై ఏబీవీపీ రాస్తారోకో చేపట్టింది. ఎన్నికల సందర్భంగా తెరాస ఇచ్చిన కేజీ టు పీజీ ఉచిత విద్య హామీని వెంటనే నెరవేర్చాలని ఆందోళనకారులు డిమాండ్‌ చేశారు. ఈ ఆందోళనతో జాతీయ రహదారిపై మూడు కిలోమీటర్ల మేర ట్రాఫిక్‌ స్తంభించింది. * * లఖ్‌నవూ: ఉత్తర్‌ప్రదేశ్‌లో ఘోర రైలుప్రమాదం సంభవించింది. భదోహిలో కాపలా లేని రైల్వేగేట్‌ వద్ద ఈరోజు ఉదయం పట్టాలు దాటుతున్న స్కూల్‌ బస్సును రైలు ఢీకొంది. ఈ ప్రమాదంలో ఏడుగురు చిన్నారులు మృత్యువాత పడ్డారు. ప్రమాద సమయంలో బస్సులో మొత్తం 19 మంది చిన్నారులు ఉన్నట్లు సమాచారం. * * విశాఖపట్నం : పశ్చిమ మధ్య బంగాళాఖాతంలో ఏర్పడిని ఉపరితల ఆవర్తనం కొనసాగుతుందని విశాఖపట్నంలోని వాతావరణ కేంద్రం వెల్లడించింది. ఛత్తీస్గఢ్ నుంచి తమిళనాడు వరకు అల్పపీడన ద్రోణి ఏర్పడిందని తెలిపింది. కోస్తాంధ్ర, రాయలసీమలో అక్కడక్కడా వర్షాలు పడే అవకాశం ఉందని పేర్కొంది. అలాగే నైరుతి రుతుపవనాలు చురుగ్గా కదులుతున్నాయిని చెప్పింది. తెలంగాణలో నేడు, రేపు భారీ వర్షాలు పడే అవకాశం ఉందని వెల్లడించింది. * * ఇబ్రహీంపట్నం: కరీంనగర్ జిల్లా ఇబ్రహీంపట్నం మండలం బండలింగాపూర్‌లోని ఆలయంలో చోరీ జరిగింది. స్థానిక పెద్దమ్మ ఆలయంలో శుక్రవారం రాత్రి గుర్తు తెలియని దుండగులు ప్రవేశించి అమ్మవారి నగలను అపహరించుకు పోయారు. ఇది గుర్తించిన స్థానికులు పోలీసులకు సమాచారం అందించారు. రంగంలోకి దిగిన పోలీసులు సంఘటనా స్థలానికి చేరుకొని వివరాలు సేకరిస్తున్నారు. నాలుగు తులాల బంగారు ఆభరణాలతో పాటు వెండి సామాగ్రి చోరీకి గురైనట్లు పోలీసుల ప్రాథమిక విచారణలో తేలింది. * * తాండూరు : రెండు రోజుల నుంచి కురుస్తున్న భారీ వర్షాలకు వాగులు వంకలు పొంగిపొర్లుతున్నాయి. ఈ నేపథ్యంలో రంగారెడ్డి జిల్లా తాండూరు - వికారాబాద్‌ల మధ్యలో ఉన్న కందమెల్లి వాగు పొంగిపొర్లుతుంది. దాంతో తాండూరు - హైదరాబాద్‌ మధ్య వాహనాల రాకపోకలు నిలిచిపోయాయి. గురువారం అర్ధరాత్రి నుంచి వాగు పొంగిపొర్లుతుంది. దీంతో వాహనాల రాకపోకలకు తీవ్ర అంతరాయం ఏర్పడింది. * * నల్లగొండ: స్కూల్ పిల్లలను తీసుకెళ్తున్న ఆటో ఢీకొన్ని చిన్నారి మృతి చెందింది. ఈ సంఘటన నల్లగొండ జిల్లా మేళ్లచెరువు మండలం కందిబండలో శుక్రవారం చోటు చేసుకుంది. గ్రామానికి చెందిన కేతెబోయిన కావ్య (3) ఉదయం ఇంటి ముందు ఆడుకుంటున్న సమయంలో పిల్లలను పాఠశాలకు తీసుకెళ్తున్న ఆటో ఢీకొట్టింది. దీంతో కావ్య తలకు తీవ్ర గాయమైంది. దీంతో ఆమె అక్కడికక్కడే మృతి చెందింది. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు. * * కరీంనగర్‌ క్రైం: బెజ్జంకి ఏఎస్సై వహిద్‌ పాషాపై సస్పెన్షన్‌ వేటు వేస్తూ ఎస్పీ జోయల్‌డేవిస్‌ బుధవారం రాత్రి ఉత్తర్వులు జారీచేశారు. లైంగిక వేధింపులకు గురిచేస్తున్నాడని పేర్కొంటూ బెజ్జంకి పీఎస్‌లో పనిచేస్తున్న ఓ మహిళ హోంగార్డ్‌ ఫిర్యాదుచేసింది. ఈమేరకు విచారించిన ఎస్పీ వాహిద్‌ పాషాను సస్పెండ్‌చేశారు. * * కరీంనగర్‌ జిల్లా మద్యం డిపో పరిధిలో ఉన్న 41 మద్యం దుకాణాలు, 5 బార్లను మెదక్‌ జిల్లా సిద్దిపేటలో కొత్తగా ప్రారంభంకానున్న మద్యం డిపోకు బదిలీచేస్తూ బుధవారం రాత్రి ఎకైసజ్‌శాఖ ఉత్తర్వులు జారీ చేసింది. గంభీరావుపేట మండలం పరిధిలోని 9 దుకాణాలు, సిరిసిల్ల ఎకై ్సజ్‌ పోలీస్‌స్టేషన్‌ పరిధిలోని 15 మద్యం దుకాణాలు, 3 బార్లు, వేములవాడ ఎకై ్సజ్‌ ఠాణా పరిధిలోని 17 మద్యం దుకాణాలు, 2 బార్లను బదిలీ చేశారు. ఆగస్టు 1 నుంచి వీటికి సిద్దిపేట డిపో నుంచి మద్యం సరఫరా చేస్తారు. ఈ మేరకు జగిత్యాల ఎకై ్సజ్‌ సూపరింటెండెంట్‌క * * జమ్ము: అమర్నాథ్ యాత్రకు వెళుతున్న యాత్రికులకు కష్టాలు కొనసాగుతునే ఉన్నాయి. జమ్మూకశ్మీర్ లో అశాంతికర పరిస్థితుల నేపథ్యంలో మరోసారి యాత్రికులను అధికారులు అడుగు కూడా వేయనివ్వడం లేదు. * * సిరిసిల్ల: సిరిసిల్ల మండలం సర్ధాపూర్‌ శివారులో 7వ పోలీస్‌ బెటాలియన్‌ ఏర్పాటుకు 120 ఎకరాల భూమిని కేటాయించారు. ఈమేరకు సిరిసిల్ల ఆర్డీవో ఆఫీస్‌లో సోమవారం డివిజన్‌ సర్వేయర్‌ శ్రీనివాస్‌తో సంబంధించిన హద్దులను నిర్ధారించారు. ఇప్పటికే పోలీస్‌ బెటాలియన్‌ కోసం 120 ఎకరాల స్థలాన్ని శాటిలైట్‌ ద్వారా సర్వే నిర్వహించి కేటాయించారు. క్షేత్రస్థాయిలో భూమి కేటాయింపులను కలెక్టర్‌ నీతుప్రసాద్‌ పరిశీలించారు. * * పార్లమెంట్లో మోదీ, రాజ్‌నాథ్, జైట్లీతో విడివిడిగా భేటీకానున్న కేసీఆర్ * * ఢిల్లీ: నేటి నుంచి పార్లమెంట్ వర్షాకాల సమావేశాలు పార్లమెంటు ముందుకు రానున్న 16 బిల్లులు వచ్చే నెల 12 వరకు జరగనున్న వర్షాకాల సమావేశాలు * * వరంగల్: బైక్ అదుపుతప్పి బోల్తా కొట్టిన ఘటనలో ఓ వ్యక్తి అక్కడికక్కడే మృతిచెందాడు. ఈ సంఘటన వరంగల్ జిల్లా తాడ్వాయి మండలంలోని నార్లాపూర్ వద్ద శుక్రవారం రాత్రి చోటుచేసుకుంది. మేడారానికి చెందిన సిద్ధబోయిన ఆనందరావు (35) బైక్ పై వెళ్తుండగా.. నార్లాపూర్ వద్దకు రాగానే అదుపుతప్పి బోల్తా కొట్టింది. దీంతో ఆనందరావు అక్కడికక్కడే మృతిచెందాడు. స్థానికులు వెంటనే స్పందించి.. పోలీసులకు సమాచారం అందించారు. * * కరీంనగర్: ఆలయంలోకి చొరబడిన దుండగులు స్వామివారి విగ్రహాలను ధ్వంసం చేశారు. ఈ సంఘటన కరీంనగర్ జిల్లా ఇబ్రహీంపట్నం మండలం అమ్మక్కపేటలో శనివారం వెలుగు చూసింది. గ్రామ శివారులోని సీతారామ ఆలయంలో ఉన్న స్వామివారి విగ్రహాన్ని గత రాత్రి కొందరు దుండగులు ధ్వంసం చేశారు. శనివారం ఉదయం ఆ విషయాన్ని గమనించిన స్థానికులు 63వ జాతీయ రహదారిపై బైఠాయించి ఆందోళనకు దిగారు. ఈ చర్యలకు పాల్పడిన వారిని వెంటనే అరెస్ట్ చేయాలని వారు డిమాండ్ చేశారు. * * తిమ్మాపూర్ (కరీంనగర్) : పురుగులమందు తాగి భార్యాభర్తలు మృతిచెందిన సంఘటన కరీంనగర్ జిల్లా తిమ్మాపూర్ మండల కేంద్రంలోని లక్ష్మీ నరసింహ స్వామి ఆలయంలో గురువారం చోటుచేసుకుంది. కాల్వ శ్రీరాంపుర్ మండలానికి చెందిన ప్రభాకర్(37), తేజస్వి(34) దంపతులు కరీంనగర్‌లోని మారుతీనగర్‌లో నివాసముంటూ.. బంగారం పని చేసుకుంటూ జీవనం సాగిస్తున్నారు. వీరికి ఇద్దరు కుమారులు ఉన్నారు. ఈ క్రమంలో గురువారం తిమ్మాపూర్‌కు వెళ్లిన దంపతులు ఆలయ సమీపంలో పురుగుల మందు తాగి ఆత్మహత్య చేసుకున్నారు. * * హైదరాబాద్: వీధి కుక్కల దాడిలో నలుగురు చిన్నారులకు గాయాలయ్యాయి. ఈ సంఘటన హైదరాబాద్ లోని ఎల్బీనగర్ పరిధిలో గురువారం చోటుచేసుకుంది. పాఠశాల నుంచి ఇంటికి వస్తున్న చిన్నారుల పై వీధికుక్కలు దాడి చేశాయి. ఈ దాడిలో ఇద్దరు చిన్నారులకు తీవ్ర గాయాలు కాగా.. మరో ఇద్దరికి స్వల్ప గాయాలయ్యాయి. ఇది గుర్తించిన స్థానికులు కుక్కలను తరిమికొట్టి చిన్నారులను ఆస్పత్రికి తరలించారు. * * కరీంనగర్ జిల్లా జమ్మికుంట్యవసాయ మార్కెట్‌లో బుధవారం పత్తి ధర క్వింటాలుకు రిఆకర్డుస్థాయిలో రూ.6,470 పలికింది. దాంతో రైతులు ఆనందం వ్యక్తం చేస్తున్నారు. పత్తి పంట దిగుబడి తగ్గినందువల్ల ధర పెరిగిందని రైతులు చెబుతున్నారు. మూడేళ్ల క్రితం ఈ ధర పలికిందని వారంటున్నారు. * * హైదరాబాద్: ప్రైవేటు విద్యాసంస్థల దోపడీ విధానాన్ని వ్యతిరేకిస్తూ గురువారం తెలంగాణ విద్యాసంస్థల బంద్‌ కొనసాగుతుంది. విద్యార్థి సంఘాల ఆధ్వర్యంలో బంద్‌ కొనసాగతుంది. ఈ సందర్భంగా విద్యా రంగంలో ప్రైవేటు విద్య నానాటికీ పెరిగిపోతోందని, అది సామాన్యుడికి అందుబాటులో లేదని సంఘాలు ఆరోపించాయి. విద్యారంగంలో ప్రభుత్వ ప్రాధాన్యాన్ని బలోపేతం చేయాలంటూ వామపక్ష విద్యార్థి సంఘాలు ప్రభుత్వాన్ని కోరాయి. కేజీ టూ పీజీ ఉచిత విద్య హామీ అమలు చేయాలని డిమాండ్‌ చేశాయి. * * హైదరాబాద్ : శంషాబాద్ విమానాశ్రయంలో మరోసారి బంగారాన్ని కస్టమ్స్ అధికారులు పట్టుకున్నారు. కెన్యాకు చెందిన దంపతుల నుంచి కేజీన్నర బంగారాన్ని స్వాధీనం చేసుకున్నారు. ప్రయాణికుల తనిఖీల్లో భాగంగా దుబాయి నుంచి ఈ రోజు ఉదయం హైదరాబాద్ వచ్చిన వీరి వద్ద బంగారం ఉండటాన్ని కస్టమ్స్ అధికారులు గుర్తించారు. అయితే వారి వద్ద బంగారానికి సంబంధించి ఎటువంటి ఆధారాలు లేకపోవడంతో దంపతులను అదుపులోకి తీసకుని, బంగారాన్ని సీజ్ చేశారు. ఇందుకు సంబంధించి పూర్తి వివరాలు తెలియాల్సి ఉంది. * * హైదరాబాద్‌: నగరంలోని బంజారాహిల్స్ రోడ్ నెం.12 లో గురువారం ప్రమాదం చోటు చేసుకుంది. ఓ ఇంటిని నిర్మించేందుకు రాళ్లను బ్లాస్టింగ్ చేస్తుండగా ప్రమాదం జరిగింది. ఈ ఘటనలో ఇద్దరు కూలీలకు గాయాలయ్యాయి. క్షతగాత్రులను అపోలో ఆసుపత్రికి తరలించి చికిత్స అందిస్తున్నారు. పూర్తి వివరాలు తెలియాల్సి ఉంది. * * హైదరాబాద్: హైదరాబాద్ కూకట్ పల్లిలో తెలంగాణ ఐటీ, మున్సిపల్ శాఖ మంత్రి కేటీఆర్ ఆకస్మిక పర్యటన నిర్వహించారు. రోడ్లు, నీటి సరఫరా, బస్టాండ్ తదితర ప్రాంతాలను మంత్రి పరిశీలించారు. రాత్రి 11 గంటలనుంచి 2:30 గంటల వరకు కేటీఆర్ తనిఖీలు కొనసాగాయి. ఈ సందర్భంగా రోడ్లపై వాననీరు నిల్వ ఉండటం పట్ల జీహెచ్ఎంసీ సిబ్బందిపై ఆయన ఆగ్రహం వ్యక్తం చేశారు. చిన్నారి రమ‍్య మృతికి కారణమైన ప్రమాదం జరిగిన ప్రాంతాన్ని మంత్రి పరిశీలించారు. * * భద్రాచలం: ఖమ్మం జిల్లా భద్రాచలం వద్ద గోదావరి ఉధృతి కాస్త తగ్గింది. నీటిమట్టం బుధవారం ఉదయం 49.5 అడుగులకు చేరింది. దీంతో అధికారులు రెండవ ప్రమాద హెచ్చరికను ఉపసంహరించారు. మంగళవారం సాయంత్రం నీటిమట్టం 52.4 అడుగులకు చేరిన విషయం తెలిసిందే. రాత్రికి రాత్రి నీటి మట్టం తగ్గడంతో అధికారులు, ప్రజలు ఊపిరిపీల్చుకున్నారు. * * కేంద్ర ప్రభుత్వ నైపుణ్యం, మెలకువల శిక్షణలో భాగంగా నిరుద్యోగ దళిత యువతకు అడ్వాన్స్‌ కంప్యూటర్‌ హర్డ్‌వేర్‌, కోర్‌ నెట్‌వర్కింగ్‌లో ఉచిత శిక్షణ ఇస్తున్నట్లు ఎంసీపీ ఎడ్యూకేషన్‌ సోసైటీ డైరెక్టర్‌ ఎంఆర్‌ చెన్నప్ప తెలిపారు. డిప్లొమా లేదా బిటెక్‌, పీజీ పూర్తి చేసి, 18 నుంచి 45 లోపు వయసున్నవారు అర్హులన్నారు. ఆసక్తి గలవారు లక్డికాపూల్‌లోని జెన్‌ వొకేషనల్‌ కాలేజీలో ఈ నెల 14న నిర్వహించే కౌన్సెలింగ్‌కు హాజరు కావాలని సూచించారు. * * చండీగఢ్‌: ప్రొ కబడ్డీని ఆస్వాదిస్తున్న అభిమానులను అలరించేందుకు మరో మెగా ఈవెంట్‌ రాబోతోంది. నవంబర్‌ 3న చండీగఢ్‌ వేదికగా ప్రపంచకప్‌ కబడ్డీ పోటీలు ప్రారంభం కానున్నాయి. ఈ పోటీలు 3 నుంచి 17 వరకు జరుగుతాయి. చండీగఢ్‌లోని 14 వేదికల్లో ఈ పోటీలు నిర్వహిస్తామని పంజాబ్‌ ఉప ముఖ్యమంత్రి సుఖ్‌బీర్‌సింగ్‌ బాదల్‌ చెప్పారు. 14 దేశాలు పోటీపడే ఈ ప్రపంచకప్‌లో పురుషులు, మహిళలు విభాగాల్లో పోటీలు నిర్వహించనున్నారు. పురుషుల విభాగంలో విజేతగా నిలిచిన జట్టుకు రూ.2 కోట్లు, రన్నరప్‌కు రూ.కోటి నగదు బహుమతిగా ఇస్తారు. మహిళల్లో * * కరీంనగర్ : జిల్లావ్యాప్తంగా కుండపోత వర్షం కురుస్తోంది. మహదేవ్‌పూర్ మండలంలో పెద్దంపేట, సర్వాయిపేట, వంకెన వాగులు పొంగిపొర్లుతుండడంతో 17 గ్రామాలకు రాకపోకలు తెగిపోయాయి. కాళేశ్వరం వద్ద గోదావరి, ప్రాణహిత నదులు ఉధృతంగా ప్రవహిస్తున్నాయి. ధర్మపురి వద్ద గోదావరి నది పరవళ్లు తొక్కుతోంది. సింగరేణి రామగుండం రీజియన్‌లో నాలుగు ఓపెన్ కాస్ట్ బొగ్గుపనుల్లో బొగ్గు ఉత్పత్తికి అంతరాయం కలిగింది. * * హైదరాబాద్ : శంషాబాద్ విమానాశ్రయంలో ప్రయాణికులు మంగళవారం ఆందోళనకు దిగారు. హైదరాబాద్ నుంచి కోల్కతా వెళ్లాల్సిన ఎయిరిండియా విమానంలో సాంకేతిక లోపం తలెత్తింది. దీంతో కోల్కతా వెళ్లే 120మంది ప్రయాణికులు ఉదయం అయిదు గంటల నుంచి పడిగాపులు పడుతున్నారు. తమకు ప్రత్యామ్నాయ ఏర్పాట్లు చేయాలంటూ ప్రయాణికులు డిమాండ్ చేస్తున్నారు. కాగా విమానాల్లో సాంకేతిక లోపం తలెత్తడంతో ప్రయాణికులు గంటల కొద్ది విమానాశ్రయంలో తిప్పలు పడాల్సి వస్తున్న విషయం తెలిసిందే. * * హైదరాబాద్ : హైదరాబాద్లోని నాగ్పూర్ జాతీయ రహదారిపరై ఆర్టీఏ అధికారులు మంగళవారం తనిఖీలు నిర్వహించారు. ఈ సందర్భంగా నిబంధనలకు విరుద్ధంగా నడుస్తున్న ఏడు ప్రైవేట్ బస్సులపై ఆర్టీఏ అధికారులు కేసులు నమోదు చేశారు. అలాగే సరైన పత్రాలు లేని రెండు ప్రైవేట్ ట్రావెల్స్ బస్సులను ఆర్టీఏ అధికారులు సీజ్ చేశారు. * * హైదరాబాద్ : నగరంలోని గోల్కొండ సక్కుబాయినగర్ ప్రాంతంలో మంగళవారం మహిళ మృతదేహాన్ని స్థానికులు గుర్తించారు. దీనిపై పోలీసులకు సమాచారం అందించారు. పోలీసులు ఘటన స్థలానికి చేరుకుని.. మృతదేహాన్ని స్వాధీనం చేసుకున్నారు. పోస్టుమార్టం నిమిత్తం మృతదేహాన్ని ఉస్మానియా ఆసుపత్రికి తరలించారు. సదరు మహిళను దుండగులు అత్యాచారం చేసి చంపినట్లు పోలీసులు గుర్తించారు. దీనిపై పోలీసులు కేసు నమోదు చేసి దర్యాప్తు చేస్తున్నారు. అందులోభాగంగా పరిసర ప్రాంతాల్లోని స్థానికులను పోలీసులు విచారిస్తున్నారు. * * హైదరాబాద్: శంషాబాద్ అంతర్జాతీయ విమానాశ్రయంలో మంగళవారం ఉదయం ఓ విమానాన్ని ఎయిర్ పోర్ట్ అధికారులు అత్యవసరంగా ల్యాండ్ చేశారు. శంషాబాద్ ఎయిర్ పోర్టు నుంచి సౌదీ అరేబియా బయల్దేరిన విమానంలో ఓ ప్రయాణికుడికి గుండెపోటు వచ్చింది. దీంతో విమానాన్ని అత్యవసరంగా ల్యాండ్ చేసినట్లు అధికారులు తెలిపారు. వెంటనే ఆ ప్రయాణికుడిని వెంటనే ఆసుపత్రికి తరలించారు. * * హైదరాబాద్ సిటీ : డీసీఎం వ్యాన్‌లో అక్రమంగా తరలిస్తున్న 22.45 క్వింటాళ్ల గంజాయిని హయాత్‌నగర్ పోలీసులు సోమవారం ఉదయం పట్టుకున్నారు. ఈ సంధర్భంగా ముగ్గురిని అదుపులోకి తీసుకున్నారు. తూర్పుగోదావరి జిల్లా నుంచి నగరానికి గంజాయిని అక్రమంగా రవాణా చేస్తున్నట్లు ముందస్తు సమాచారంతో హయాత్‌నగర్ పోలీసులు అబ్దుల్లామెట్ వద్ద కాపు కాశారు. గంజాయి లోడుతో వచ్చిన డీసీఎం వ్యానును ఆపి అందులోని 22.45 క్వింటాళ్ల గంజాయిని స్వాధీనం చేసుకున్నారు. ఈ సంధర్భంగా ముగ్గురిని అదుపులోకి తీసుకున్నారు. * * సికింద్రాబాద్ : నగరంలోని తుకారంగేటు పోలీస్ స్టేషన్ పరిధిలోని బస్తీలో సోమవారం ఉదయం చిన్న గొడవ జరగడంతో ఆగ్రహించిన మల్లేష్ అనే వ్యక్తి చంద్రకళ అనే మహిళపై పెట్రోల్ పోసి నిప్పంటించాడు. ఒక్కసారిగా మంటలు చెలరేగడంతో స్థానికులు ప్రయత్నించి మంటలను ఆర్పారు. అప్పటికే ఆమె శరీరం చాలావరకూ కాలిపోయింది. వెంటనే ఆమెను గాంధీ ఆస్పత్రికి తరలించారు. స్థానికుల ఫిర్యాదు మేరకు పోలీసులు సంఘటన స్థలానికి చేరుకుని మల్లేష్‌ను అదుపులోకి తీసుకున్నారు. చంద్రకళ పరిస్థితి విషమంగా ఉందని వైద్యులు తెలిపారు. * * కరాచి: చిరకాల ప్రత్యర్థులు భారత్, పాకిస్థాన్‌ల మధ్య క్రికెట్ సిరీస్ నిర్వహణకు ప్రయత్నాలు మొదలయ్యాయి. ఈ మేరకు ఇరు క్రికెట్ బోర్డుల మధ్య చర్చలు జరిగినట్లు సమాచారం. ఎడిన్‌బర్గ్‌లో ఐసీసీ సభ్య దేశాల సమావేశం సందర్భంగా పీసీబీ చీఫ్ షహర్యార్ ఖాన్, బీసీసీఐ అధ్యక్షుడు అనురాగ్ ఠాకూర్ ముఖాముఖి సిరీస్ గురించి చర్చించినట్లు తెలిసింది. రెండు దేశాల ప్రభుత్వాల అనుమతి లభిస్తే ఈ సీజన్‌లోనే తటస్థ వేదికల్లో సిరీస్ నిర్వహించాలని బోర్డు పెద్దలు యోచిస్తున్నారు. * * హైదరాబాద్‌ సెంట్రల్‌ యూనివర్సిటీ రిజిస్ట్రార్‌గా పి.సర్దార్‌సింగ్‌ శుక్రవారం బాధ్యతలు స్వీకరించారు. మెదక్‌జిల్లా నారాయణఖేడ్‌కు చెందిన ఈయన గతంలో మహారాష్ట్రలోని మహాత్మగాంధీ అంతరాష్ట్రీయ విశ్వవిద్యాలయంలో ఫైనాన్స్‌ ఆఫీసర్‌గా, జాయింట్‌ రిజిస్ట్రార్‌, డిప్యూటీ రిజిస్ట్రార్‌గా పనిచేశారు. ఛత్తీస్‌గఢ్‌లోని ఇందిర కళా సంగీత విశ్వవిద్యాలయంలో అసిస్టెంట్‌ రిజిస్ట్రార్‌గా సేవలందించారు. * * దామరచర్ల: నల్గొండ జిల్లా దామరచర్ల మండలం ఇర్కిగూడెం వద్ద కృష్ణాతీరంలో పార్వతీదేవి ఆలయ నిర్మాణానికి గాను తవ్వకాలు నిర్వహిస్తుండగా పురాతన విగ్రహాలు లభ్యమయ్యాయి. ఈ సంఘటన శనివారం ఉదయం జరిగింది. కృష్ణానదీ తీరంలో పార్వతీదేవి ఆలయ నిర్మాణానికి తెలంగాణ సర్కార్ రూ. 5లక్షలు మంజూరు చేసింది. దాంతో ఈ రోజు ఉదయం నిర్మాణ పనులు ప్రారంభించారు. * * నల్లగొండ: నల్లగొండ జిల్లాలో శుక్రవారం రాత్రి దోపిడీ దొంగలు రెచ్చిపోయారు. ఓ వ్యక్తి నుంచి రూ.6.30 లక్షలను దొంగలు దోచుకెళ్లిన ఘటన వేములపల్లి మండలం అన్నపురెడ్డిగూడెంలో చోటుచేసుకుంది. స్థానిక పెట్రోల్ బంక్లో క్యాషియర్గా పనిచేస్తున్న వెంకటేశ్వర్లు అనే వ్యక్తి శుక్రవారం రాత్రి క్యాష్ తీసుకుని ఇంటికెళ్తుండగా దొంగలు దాడికి పాల్పడ్డారు. వెంకటేశ్వర్లును తీవ్రంగా గాయపరచిన దొంగలు అతని వద్ద ఉన్న రూ.6.30 లక్షలను తీసుకుని ఉడాయించారు. దీంతో బాధితుడు స్థానిక పోలీస్ స్టేషన్లో ఫిర్యాదు చేశాడు. పోలీసులు కేసు నమోదు * * కరీంనగర్ : నేదునూరులో జెన్కో పవర్ప్లాంట్ పనులు వెంటనే చేపట్టి నిర్వాసితులకు ఉద్యోగాలు ఇవ్వాలని కేసీఆర్ ప్రభుత్వాన్ని టీజేఏసీ చైర్మన్ కోదండరామ్ డిమాండ్ చేశారు. లేకుంటే భూములును తిరిగి రైతులకు అప్పగించాలని ఆయన ప్రభుత్వానికి సూచించారు. గురువారం కోదండరామ్ కరీంనగర్ జిల్లా తిమ్మాపూర్ మండలం నేదునూరులో జెన్కో పవర్ ప్లాంట్ కోసం సేకరించిన భూములను ఆయన పరిశీలించారు. అనంతరం స్థానిక రైతులతో కోదండరామ్ సమావేశమయ్యారు. * * మేడ్చల్: ప్రేమించిన అమ్మాయితో పెళ్లి చేయకపోతే ఆత్మహత్య చేసుకుంటానని బెదిరిస్తూ.. ఓ యువకుడు సెల్‌టవర్ ఎక్కాడు. ఈ సంఘటన రంగారెడ్డి జిల్లా మేడ్చల్ చెక్‌పోస్ట్ వద్ద శుక్రవారం జరిగింది. చెక్‌పోస్ట్ వద్ద ఉన్న సెల్‌టవర్ ఎక్కిన యువకుడు తన ప్రియురాలితో పెళ్లి జరిపించాలని లేకపోతే ఇక్కడి నుంచి దూకేస్తానని బెదిరిస్తున్నాడు. సమాచారం అందుకున్న పోలీసులు సంఘటనా స్థలానికి చేరుకొని అతన్ని కిందకు దించేందుకు ప్రయత్నిస్తున్నారు. పూర్తి వివరాలు తెలియాల్సిఉంది. * * హైదరాబాద్: జాతీయ సీనియర్ అథ్లెటిక్స్ చాంపియన్‌షిప్ స్ప్రింట్స్‌లో తెలంగాణ కుర్రాడు అబ్దుల్ నజీబ్ ఖురేషీ మెరిశాడు. గురువారం గచ్చిబౌలి స్టేడియంలో జరిగిన 100 మీటర్ల పరుగులో నజీబ్ రజత పతకం గెలుచుకున్నాడు. 10.63 సెకన్లతో అతను రెండో స్థానంలో నిలిచాడు. షమీర్ మోన్ (మణిపూర్-10.60 సె.) స్వర్ణ పతకం సాధించగా, అనిరుధ గుంజాయ్ (మహారాష్ట్ర-10.66 సె.)కు కాంస్యం దక్కింది. * * హైదరాబాద్ : తెలంగాణ అడ్వకేట్ల మహాధర్నా ఇందిరాపార్క్ వద్ద శుక్రవారం ఉదయం ప్రారంభమైంది. ఈ మహాధర్నాలో పాల్గొనేందుకు తెలంగాణ రాష్ట్రం నలుమూలల నుంచి భారీగా అడ్వకేట్లు తరలివచ్చారు. ఈ నేపథ్యంలో ఇందిరాపార్క్ ధర్నా చౌక్ వద్ద భారీగా పోలీసులు మోహరించారు. అయితే ఈ ధర్నాలో పాల్గొనేందుకు వెయ్యి మంది అడ్వకేట్లకు మాత్రమే అనుమతి ఉందని పోలీసులు తెలిపారు. ఈ మహాధర్నా నేటి సాయంత్రం 4.30 గంటలకు ముగియనుంది. * * రంగారెడ్డి జిల్లా శామీర్‌పేట మండల పరిధిలోని జవహర్‌నగర్‌ సీఆర్‌పీఎఫ్‌ గ్రూప్‌ సెంటర్‌లో జులై 1వ తేదీ నుంచి నిర్వహించనున్న మినిస్టీరియల్‌ హెడ్‌కానిస్టేబుల్‌ రిక్రూట్‌మెంట్‌ ర్యాలీకి అన్ని ఏర్పాట్లు చేసినట్లు అధికారులు తెలిపారు. రెండు తెలుగు రాష్ట్రాల నుంచి 27 వేల మంది హాజరవుతారు. జవహర్‌నగర్‌ గ్రూప్‌ సెంటర్‌కు వచ్చే అభ్యర్థులకు ప్రత్యేకంగా బస్సు సర్వీసులను ఏర్పాటు చేసినట్లు సీఆర్‌పీఎఫ్‌ డీఐజీపీ జి.వి.ఎన్‌.గిరిప్రసాద్‌ పేర్కొన్నారు. శుక్రవారం ఉదయం 5 గంటల నుంచి సికింద్రాబాద్‌ రైల్వే స్టేషన్‌ 10వ నంబర * * హైదరాబాద్: తెలుగు రాష్ట్రాల్లో ఉద్యోగుల విభజనపై ఏర్పాటుచేసిన కమల్నాథన్ కమిటీ గురువారం మరోసారి సమావేశమైంది. సచివాలయంలో జరుగుతున్న ఈ సమావేశానికి ఆంధ్రప్రదేశ్, తెలంగాణ రాష్ట్రాల ఉన్నతాధికారులు హాజరయ్యారు. రెండు రోజుల పాటు జరిగే ఈ సమావేశాల్లో ఉద్యోగుల విభజన అంశం ఓ కొలిక్కి వచ్చే అవకాశముంది. * * ఖమ్మం: ఎగువ నుంచి వస్తున్న వరదతో ఖమ్మం జిల్లా భద్రాచలం వద్ద గోదావరి నీటిమట్టం 9 అడుగులకు చేరుకుంది. అశ్వారావుపేట వద్ద పెద్దవాగు ప్రాజెక్టు నిండింది. దీంతో రెండు గేట్లు ఎత్తి 14,500 క్యూసెక్కుల నీటిని దిగువకు వదులుతున్నారు. అలాగే, అశ్వాపురం మండలంలో విడువని వానలతో వాగులు, వంకలు పొంగిపొర్లుతున్నాయి. పలుగ్రామాలకు రాకపోకలు నిలిచిపోయాయి. కిన్నెరసాని ప్రాజెక్టు కూడా జలకళను సంతరించుకుంది. కొత్తగూడెం, మణుగూరు, సత్తుపల్లిల్లోని ఓపెన్‌కాస్ట్ గనుల్లో వర్షం కారణంగా ఉత్పత్తికి అంతరాయం ఏర్పడింది. * * హైదరాబాద్‌: నగరంలోని హుమాయన్‌నగర్‌లో విషాదం నెలకొంది. ఐదేళ్ల చిన్నారి ఆడుకుంటూ విద్యుత్‌ తీగ తగిలి మృతి చెందింది. శ్రీకాకుళంకు చెందిన హరిత భర్త చనిపోవడంతో కుమార్తె తనుజతో పాటు నగరానికి వచ్చి హుమాయన్‌ నగర్‌లో ఉంటోంది. తనుజ తల్లితో వెళ్తుండగా తెగిపడిన విద్యుత్‌ తీగ తగిలి అక్కడే కుప్పకూలిపోయింది. స్థానికులు బాలికను ఆసుపత్రికి తరలించినప్పటికీ ఫలితం లేకపోయింది. * * నల్లగొండ: ఎగువ నుంచి వస్తున్న మూసీ వరదతో నల్లగొండ జిల్లా భువనగిరి-పోచంపల్లి మధ్య మంగళవారం ఉదయం నుంచి రాకపోకలు నిలిచిపోయాయి. ఆ మార్గంలో ఉన్న బీబీనగర్ మండలం బట్టుగూడెం వంతెనపై నుంచి వరద నీరు పొంగి ప్రవహిస్తోంది. దీంతో వాహనాల రాకపోకలు నిలిచిపోయాయి. దీంతో స్థానికులు తీవ్ర ఇబ్బందులు పడుతున్నారు. * * హైదరాబాద్: ఏఐసీసీ పరిశీలకుడు శ్రీనివాసన్ నేతృత్వంలో గాంధీభవన్లో కాంగ్రెస్ వర్క్షాప్ సోమవారం ప్రారంభమైంది. ఈ వర్క్షాప్లో పార్టీ భవిష్యత్ కార్యాచరణ, నేతల వలసలను అడ్డుకోవడంతో పాటు ప్రచార కార్యక్రమాలపై నేతలు ప్రధానంగా చర్చించనున్నారు. ఈ సమావేశానికి కాంగ్రెస్ ముఖ్యనేతలు హాజరయ్యారు. * * బూర్గంపాడు: అప్పుల బాధ తాళలేక ఓ రైతు పురుగుల మందు తాగి ఆత్మహత్య చేసుకున్నాడు. ఈ సంఘటన ఖమ్మం జిల్లా బూర్గంపాడు మండలం నాగినేనిప్రోలు గ్రామంలో సోమవారం చోటు చేసుకుంది. గ్రామానికి చెందిన గాదె సైదిరెడ్డి(41) వ్యవసాయం చేసుకుంటూ జీవనం సాగిస్తున్నాడు. ఈ క్రమంలో గత రెండేళ్లుగా పంట దిగుబడి సరిగ్గా లేకపోవడంతో.. పెట్టుబడుల కోసం తెచ్చిన అప్పులు పెరిగిపోయాయి. అప్పులు తీర్చే దారి కానరాక పురుగుల మందు తాగి ఆత్మహత్యకు పాల్పడ్డాడు. సమాచారం అందుకున్న పోలీసులు కేసు నమోదు చేసుకొని దర్యాప్తు చేస్తున్నారు. * * మిర్యాలగూడ: ముందు వెళ్తున్న ఆటోను వెనుక నుంచి వస్తున్న క్రేన్ ఢీకొట్టిన ఘటనలో ఎనిమిది మందికి తీవ్ర గాయాలయ్యాయి. ఈ సంఘటన నల్లగొండ జిల్లా మిర్యాలగూడ మండలం జస్తి వీరప్పగూడెం పరిధిలోని భల్లునాయక్‌తాండాలో సోమవారం చోటుచేసుకుంది. తాండా నుంచి మిర్యాలగూడ వెళ్తున్న ఆటోను బావులు తీయడానికి ఉపయోగించే క్రేన్ ఢీకొట్టింది. దీంతో ఆటోలో ఉన్న 8 మంది ప్రయాణికులకు తీవ్ర గాయాలయ్యాయి. ఇది గుర్తించిన స్థానికులు 108 సాయంతో వారిని మిర్యాలగూడ ఏరియా ఆస్పత్రికి తరలించారు. * * రామడుగు: ఆర్టీసీ బస్సు చార్జీలు, విద్యుత్తు ఛార్జీల పెంపును నిరసిస్తూ శనివారం కాంగ్రెస్‌ నాయకులు రామడుగులో ధర్నా నిర్వహించారు. పెంచిన ఛార్జీలను వెంటనే తగ్గించాలని ముఖ్యమంత్రి కేసీఆర్‌ దిష్టిబొమ్మను దహనం చేశారు. ఈ కార్యక్రమంలో కాంగ్రెస్‌ నాయకులు అంజనేయులు గౌడ్‌, శంకర్‌, శ్రీనివాసగౌడ్‌, కార్యకర్తలు పాల్గొన్నారు. * * జగిత్యాల(కరీంనగర్) : పలు దొంగతనం కేసుల్లో నిందితుడిగా ఉంటూ తప్పించుకు తిరుగుతున్న ఓ పాత నేరస్థుడిని పోలీసులు అరెస్ట్ చేశారు. అతని వద్ద నుంచి 20 తులాల బంగారు ఆభరణాలతో పాటు రూ. 2వేల నగదును స్వాధీనం చేసుకున్నారు. కరీంనగర్ జిల్లా జగిత్యాలలో ఏర్పాటు చేసిన విలేకరుల సమావేశంలో డీఎస్పీ రాజేంద్రప్రసాద్ వివరాలు వెల్లడించారు. * * హైదరాబాద్: తెలంగాణలో విద్యుత్ చార్జీల పెంపును నిరసిస్తూ రాష్ట్రవ్యాప్తంగా టీ పీసీసీ శనివారం నిరసన కార్యక్రమాలకు దిగింది. అందులో భాగంగా హైదరాబాద్ విద్యుత్ సౌధ కార్యాలయాన్ని కాంగ్రెస్ నేతలు ముట్టడించారు. రోడ్డుపై బైఠాయించి, పెంచిన విద్యుత్ చార్జీలను తగ్గించాలంటూ ప్రభుత్వానికి వ్యతిరేకంగా నినాదాలు చేశారు. దీంతో ఆ మార్గంలో ట్రాఫిక్కు అంతరాయం ఏర్పాడడంతో కాంగ్రెస్ నేతలను పోలీసులు అరెస్ట్ చేశారు. ఈ కార్యక్రమంలో కేంద్ర మాజీ మంత్రి సర్వే సత్యనారాయణ, మాజీ ఎమ్మెల్యేలు సుధీర్ రెడ్డి, శ్రీశైలం గౌడ్, ఇతర నేత * * యాదాద్రి జిల్లా: తెలంగాణ తిరుపతిగా పేరుగాంచిన శ్రీ లక్ష్మినరసింహస్వామి దేవాలయం పేరుతో యాదాద్రి జిల్లా ఏర్పాటుకు ప్రభుత్వం గ్రీన్ సిగ్నల్ ఇచ్చింది. అందులో భాగంగా భువనగిరి జిల్లా కేంద్రంగా యాదాద్రిని పేరుతో జిల్లా ఏర్పాటుకు అధికారులు సన్నాహాలు చేస్తున్నారు. * * యాదాద్రి జిల్లా: తెలంగాణ తిరుపతిగా పేరుగాంచిన శ్రీ లక్ష్మినరసింహస్వామి దేవాలయం పేరుతో యాదాద్రి జిల్లా ఏర్పాటుకు ప్రభుత్వం గ్రీన్ సిగ్నల్ ఇచ్చింది. అందులో భాగంగా భువనగిరి జిల్లా కేంద్రంగా యాదాద్రిని పేరుతో జిల్లా ఏర్పాటుకు అధికారులు సన్నాహాలు చేస్తున్నారు. * * కరీంనగర్‌ విద్యా విభాగం : జిల్లాలో జరుగుతున్న ఎస్సెస్సీ అడ్వాన్స్‌డ్‌ సప్లమెంటరీ పరీక్షల్లో భాగంగా గురువారం జరిగిన సామాన్యశాస్త్రం పేపర్‌-1లో మాల్‌ప్రాక్టీసుకు పాల్పడుతున్న ముగ్గురు విద్యార్థులను డిబార్‌ చేశారు. మొత్తం 42 పరీక్ష కేంద్రాల్లో జరిగిన ఈపరీక్షకు మొత్తం 3962 మంది హాజరుకావాల్సి ఉండగా, 3379 మంది హజరైనట్లు డీఈవో శ్రీనివాస చారి తెలిపారు. * * హైదరాబాద్ : ప్రైవేట్ పాఠశాలల్లో ఫీజుల దందాను అరికట్టాలంటూ వివిధ విద్యార్థి సంఘాల వారు గురువారం ఆందోళనలు చేపట్టారు. బోడుప్పల్‌లోని భాష్యం స్కూల్‌తోపాటు శంషాబాద్‌లోని ఎస్సార్ డీజీ స్కూల్ ఎదుట ఎస్‌ఎఫ్‌ఐ, డీవైఎఫ్‌ఐ సంఘాల ఆధ్వర్యంలో ధర్నాకు దిగారు. విద్యార్థుల తల్లిదండ్రులను ఆర్థికంగా ఇబ్బందిపెట్టేలా ఉన్న ఫీజుల మోతను తగ్గించాలని డిమాండ్ చేశారు. ప్రభుత్వం జోక్యం చేసుకుని వెంటనే చర్యలు తీసుకోవాలని కోరారు. * * హైదరాబాద్ : రంగారెడ్డి మేడ్చల్ మండలం గౌడవెల్లి గ్రామంలో ఉన్న అనాథ బాలల ఆశ్రమం కృషిహోంలో ఉండే ఇద్దరు బాలురు కనిపించకుండాపోయారు. అనాథ గృహంలో ఆశ్రయం పొందుతున్న ఎన్.సాయిలు(13), మహేష్(10) అనే బాలురు బుధవారం ఉదయం టిఫిన్ చేసిన అనంతరం నుంచి కనిపించకుండా పోయారు. దీంతో నిర్వాహకులు చుట్టుపక్కల ప్రాంతాల్లో గాలించినా ఫలితం లేకపోవటంతో రాత్రి పోలీసులను ఆశ్రయించారు. కృషిహోం ట్యూటర్ ఎండీ సుమేర్ ఫిర్యాదు మేరకు పోలీసులు మిస్సింగ్ కేసుగా నమోదు చేసుకుని దర్యాప్తు ప్రారంభించారు. * * రెంజల్(నిజామాబాద్) : నిజామాబాద్ జిల్లా రెంజల్‌లో వేటగాళ్ల తుపాకీ తూటాకు జాతీయ జంతువు జింక బలైంది. రెంజల్ మండలం తాడిబిలోలి గ్రామ సమీపంలో బుధవారం రాత్రి గురు తెలియని వ్యక్తులు జింకను కాల్చి చంపారు. గురువారం ఉదయం జింక కళేబరాన్ని గమనించిన స్థానికులు పోలీసులకు, అటవీ అధికారులకు సమాచారం అందించారు. ఎస్సై ప్రసాద్ సంఘటన స్థలాన్ని పరిశీలించి వివరాలు సేకరించారు. జింకను వేటగాళ్లే చంపి ఉంటారని గ్రామస్తులు అనుమానాలు వ్యక్తం చేస్తున్నారు. * * హైదరాబాద్: న్యాయమైన పరిహారం ఆందోళన చేస్తున్న మల్లన్నసాగర్ ముంపు బాధితులకు బీజేపీ మద్దతు తెలపనుంది. బుధవారం సాయంత్రం తొగుట మండలం ఏటిగడ్డకిష్టాపూర్, వేములగట్టు గ్రామాల్లో ఆ పార్టీ నాయకులు ధర్నా చేపట్టనున్నారు. ఈ ధర్నాలో బీజేపీ రాష్ట్ర అధ్యక్షుడు డాక్టర్ కె.లక్ష్మణ్తోపాటు ఆ పార్టీ నాయకులు, కార్యకర్తలు పెద్ద సంఖ్యలో పాల్గొనున్నారు. ప్రాజెక్టు ముంపు బాధిత కుటుంబాలకు ప్రభుత్వం తగినంత సాయం అందించాలని బీజేపీ నాయకులు ఈ సందర్భంగా డిమాండ్ చేయనున్నారు. * * ధారూర్ : రంగారెడ్డి జిల్లా ధారూర్ మండలంలో మంగళవారం రాత్రి నుంచి బుధవారం ఉదయం వరకు ఎడతేరపి లేకుండా వాన కురుస్తుంది. దీంతో జిల్లాలోనే కొటిపల్లి జలాశయం నీటి మట్టం ఒక్క రోజులోనే ఏడడుగులు పెరిగింది. ప్రాజెక్టు పూర్తి స్థాయి నీటి మట్టం 24 అడుగులు కాగా మంగళవారం ఉదయం 5 అడుగుల నీరు మాత్రమే ఉంది. రాత్రి కురిసిన వర్షానికి 12 అడుగులకు చేరుకుంది. ధారూర్ మండల కేంద్రంలో 72.50 మిల్లీ మీటర్ల వర్షపాతం నమోదయింది. ఈ నీరుతో పంట సాగు చేసుకోవచ్చని రైతులు ఆనందం వ్యక్తం చేస్తున్నారు. * *
bottomleft17.jpg

middletop7.gif

జాతీయవార్తలు

డిప్యూటీ సీఎం కొడుకుని ఫ్లయిట్‌ ఎక్కనివ్వలేదు

09/05/2017: అహ్మదాబాద్‌ : గుజరాత్‌ డిప్యూటీ సీఎం తనయుడు జైమిన్‌ పటేల్‌ కు ఖతార్‌ ఎయిర్‌వేస్‌ ఊహించని విధంగా షాక్‌ ఇచ్చింది. ఫుల్‌గా మద్యం సేవించి విమాన సిబ్బందితో ఘర్షణకు దిగిన ఆయన ను విమానంలో ఎక్కించుకునేందుకు ఖతార్‌ ఎయిర్‌వేస్‌ నిరాకరించింది. దాంతో వెకేషన్‌ వెళ్లేందుకు విమానాశ్రయానికి వచ్చిన జైమిన్‌ కుటుంబం అర్థాంతంగా తమ ట్రిప్‌ రద్దు చేసుకుని, ఇంటిముఖం పట్టింది. అయితే ఈ వ్యవహారంపై డిప్యూటీ సీఎం నితిన్‌ పటేల్‌ తన కొడుకునే వెనకేసుకు వచ్చారు. పైపెచ్చు తన కుమారుడి తప్పేమీ లేదని, ఎయిర్‌వేస్‌ సిబ్బందే అసత్య ప్రచారం చేస్తోందని ఆయన ఆరోపించారు. వివరాల్లోకి వెళితే... గుజరాత్‌ ఉప ముఖ్యమంత్రి నితిన్‌ పటేల్‌ కుమారుడు, వ్యాపారవేత్త జైమిన్‌ పటేల్‌ కుటుంబంతో కలిసి సమ్మర్‌ వెకేషన్‌కు గ్రీస్‌ వెళ్లేందుకు సోమవారం అహ్మదాబాద్‌ విమానాశ్రయం చేరుకున్నారు. అయితే విమానం ఎక్కేందుకు వచ్చిన జైమాన్‌ అతిగా మద్యం సేవించి ఉండటంతో బోర్డింగ్‌ వద్దే ఆయన్ని ఖతార్‌ ఎయిర్‌వేస్‌ సిబ్బంది నిలిపివేశారు. తమకు సహకరించాలని ఆయన్ని సిబ్బంది కోరినప్పటికీ జైమిన్‌ వారితో వాగ్వివాదానికి దిగారు. దీంతో వారు జైమిన్‌ కుటుంబాన్ని విమానంలోకి ఎక్కించుకునేందుకు తిరస్కరించారు. కాగా మద్యం సేవించిన జైమిన్‌ పటేల్‌ కనీసం నడవలేని స్థితిలో ఉన్నారని, దీంతో ఆయన్ని వీల్‌ ఛైర్‌లో తీసుకు వచ్చినట్లు విమాన సిబ్బంది వెల్లడించారు. అలాగే ఇమ్మిగ్రేషన్‌, ఇతర చెకింగ్స్‌ ను పూర్తి చేసుకున్నట్లు తెలిపారు. మరోవైపు ఈ ఘటనపై డిప్యూటీ సీఎం నితిన్‌ పటేల్‌ మీడియాతో మాట్లాడుతూ తమను డీఫేమ్‌ చేయడానికే ఇలాంటి ఆరోపణలు వెలువడ్డాయన్నారు. తన కుమారుడు, కోడలు, మనమరాలు వెకేషన్‌కు వెళుతున్నారని, తన కొడుకు ఆరోగ్యం బాగోలేదని, తెలిపారు. దీంతో వారు టూర్‌ వెళ్లకుండానే వెనుదిరిగి ఇంటికి వచ్చేశారన్నారు. అయితే తమను అప్రతిష్ట పాలు చేయడానికి కుట్రపన్ని అవాస్తవాలు, పుకార్లకు తెరలేపారని నితిన్‌ పటేల్‌ వ్యాఖ్యానించారు.

నోట్ల రద్దు అనంతరం పెరిగిన ఉగ్ర చేరికలు

09/05/2017: న్యూఢిల్లీ: భారత ప్రధాని నరేంద్రమోదీ తీసుకున్న నోట్ల రద్దు సంచలనం సృష్టిచింది. అవినీతి, నల్లధనంపై చేపట్టిన యుద్ధమని ప్రధాని ప్రకటించారు. కానీ నోట్ల రద్దు భారత్‌పై ప్రతికూల ప్రభావాన్ని చూపుతోంది. కాశ్మీర్‌లోని యువతను ఉగ్రమార్గంవైపు మళ్లిస్తోంది. జమ్మూ కాశ్మీర్‌లోని యువత నగదు, ఆయుధాలకోసం మిలిటెంట్లు గా మారుతున్నారు. బ్యాంకు దొంగతనాలకు పాల్పడుతన్నారు. ఇటీవలి జరిగిన దోపిడిల్లో పాల్గొంది సుమారు 80శాతం మంది స్థానిక మిలిటెంట్లే. ఇటీవలి ఒక సర్వే ప్రకారం నోట్ల రద్దు అనంతరం 13బ్యాంకు దొంగతనాలు, మరో తొమ్మిది ప్రయత్నాలు జరిగాయి.ఇందులో ఎక్కువగా జమ్మూ కాశ్మీర్‌కు సంబంధిన బ్యాంకులు. 2016 నవంబర్‌ ఎనిమిది నుంచి 2017 మే 3వరకూ సుమారు 91లక్షల డబ్బును పలు బ్యాంకలనుంచి దోచుకెళ్లారు. ఇందులో ఏడు సార్లు జమ్మూ కాశ్మీర్‌ బ్యాంక్‌ శాఖల్లో దోచకెళ్లారు. అలాగే పుల్వామా లోని ఇలాఖి దెహాత్‌ బ్యాంకు నుంచి ఒకసారి, ఎస్‌బీఐ నుంచి మరోసారి దోచుకుపోయారు. డబ్బు ఎలా వస్తుంది? ఇంటలిజెన్స్‌ సమాచారం ప్రకారం నగదు దోపిడి, ఆయుధాల చోరీలు ఇటీవల చాలా పెరిగాయని సమాచారం. సుమారు 200మంది ఇలాంటి దొంగతనాల గ్రూపుల్లో చేరారు. నవంబర్‌ ఎనిమిదికి ముందు ఇలాంటి ఘటనలు చాలా తక్కువ అని, వీరిని పాకిస్తాన్‌ ప్రోత్సహిస్తోందని ఓ అధికారి తెలిపారు. పాకిస్తాన్‌ సైబర్‌ నేరస్తులు 'మాల్‌ ఈ ఘనిమత్‌' పేరుతో నిధులు సేకరించుకుంటున్నారని ఆయన తెలిపారు. ఈ చర్యల్లో స్థానికులను చేర్చుకొని శిక్షణ ఇవ్వడం పాకిస్తాన్‌, దాని ఉగ్రవాద సంస్థల పని. ఉగ్రవాదలకు వచ్చే నిధుల్లో ఎక్కువ భాగం స్థానికులు చందాల రూపంలో, మనీ లాండరింగ్‌ రూపంలో, ఏర్పాటు వాదులనుంచి వస్తున్నవే. ఇందులో ఎక్కువ భాగం ఆయుధాల కొనుగోలు, ఉగ్రవాద శిక్షణకు, సైబర్‌ నేరాలకు ఉపయోగిస్తున్నారు. అడ్డుకున్న భారత బలగాలు ఇటీవల జమ్మూ కాశ్మీర్‌ నుంచి ఉగ్రవాదులకు ఆయుధాలు, డబ్బు సరఫరాను భారత బలగాలు భారీ మెత్తంలో అడ్డుకున్నాయి. దీంతో స్థానిక మిలిటెంట్లకు నగదు కొరత ఏర్పడింది. అంతేకాకుండా ఉగ్రవాదులకు నిధులు సాయం చేస్తున్న నాసిర్‌ షఫి బ్యాంకు అకౌంట్లను స్తంభింపచేశారు. వీటన్నింటి అరికట్టడానికి ప్రస్తుతం బ్యాంకులు అనవసరంగా జరిగే నగదు లావదేవీలపై పరిమితి విధించాయి., జమ్మూ కాశ్మీర్‌పోలీసులు బ్యాంకు దోపిడీ దారులను గుర్తించే పనిలో ఉన్నారు.

ఒబామా కేర్‌ : భారత-అమెరికన్‌ సభ్యుల మద్దతు

06/05/2017: వాషింగ్టన్ ‌: అమెరికా మాజీ అధ్యక్షుడు బరాక్‌ ఒబామా మానస పుత్రిక అయిన ‘ఒబామా కేర్‌’కే భారత-అమెరికన్‌ చట్టసభ్యులు మద్దతు పలికారు. ఈ పథకాన్ని రద్దుచేస్తూ ట్రంప్‌ ప్రభుత్వం ప్రవేశపెట్టిన కొత్త బిల్లుకు గురువారం ప్రతినిధుల సభలో ఆమోదం లభించిన సంగతి తెలిసిందే. కొత్త బిల్లు సుమారు 24 మిలియన్‌ అమెరికన్ల ఆరోగ్య రక్షణ ప్రణాళికలకు ప్రతిబంధకంగా మారుతుందని వారు ఆరోపించారు. డెమొక్రటిక్‌ పార్టీకి చెందిన నలుగురు సభ్యులు అమీ బెరా, రో ఖన్నా, ప్రమీలా జయపాల్‌, రాజా కృష్ణమూర్తి ఈ బిల్లుకు వ్యతిరేకంగా ఓటేశారు. ‘రిపబ్లికన్లు వైట్‌హౌస్‌లో సంబరాలు చేసుకుంటుంటే మిలియన్ల కొద్ది ప్రజలు తమ ఆరోగ్య రక్షణ ప్రణాళికల గురించి దిగులు చెందుతున్నారు. ప్రజల ఆరోగ్యం కంటే రాజకీయ ప్రయోజనాలకే పెద్దపీట వేశారని అర్థమవుతోంది. ఎలాంటి బడ్జెట్‌ విశ్లేషణ, చర్చ లేకుండానే హడావుడిగా బిల్లును ఆమోదించారు. అమెరికా ప్రజలకు ఇది చెడు రోజు’ అని అమీ బెరా అన్నారు. బిల్లును ఆమోదించడం రిపబ్లికన్లను రాజకీయంగా దెబ్బతీస్తుందని అభిప్రాయపడ్డారు. ఈ బిల్లు దుర్మార్గమైనదని, ప్రభుత్వ వైద్య సాయం నుంచి 880 బిలియన్‌ డాలర్లకు పైగా కోత పెడుతుందని జయపాల్‌ అన్నారు. ముందస్తు షరతులతో 133 మిలియన్‌ అమెరికన్ల బీమా కవరేజీని దూరం చేస్తుందని హెచ్చరించారు. ధనికులకు భారీగా పన్నులు తగ్గించడానికే రిపబ్లికన్లు ఈ నిర్ణయం తీసుకున్నారని ఖన్నా ఆరోపించారు. ఒబామాకేర్‌ ముగిసిన అధ్యాయం : ట్రంప్‌ ఒబామా కేర్‌ ఇక ముగిసిన అధ్యాయమని అమెరికా అధ్యక్షుడు డొనాల్డ్‌ ట్రంప్‌ ప్రకటించారు. తాను రాజకీయాల్లోకి వచ్చి కొద్ది కాలమే అయినా బాగానే పనిచేస్తున్నానని స్వీయ కితాబు ఇచ్చుకున్నారు. బిల్లు ఎగువ సభ అయిన సెనేట్‌లో కూడా ఆమోదం పొందుతుందని ట్రంప్‌ విశ్వాసం వ్యక్తం చేస్తున్న సమయంలో స్పీకర్‌ పాల్‌ ర్యాన్‌ ఆయన పక్కనే ఉన్నారు. తమ కొత్త ప్రణాళిక ఎంతో గొప్పదని, దీంతో బీమా ప్రీమియాలు దిగివస్తాయని చెప్పారు. ఒబామా కేర్‌ కన్నా తమ ప్రణాళిక ఎంతో మెరుగైనదని పేర్కొన్నారు.ప్రతినిధుల సభలో కొత్త బిల్లుకు ఆమోదం లభించిన తరువాత వైట్‌హౌస్‌లో సంబరాలు మొదలయ్యాయి. రిపబ్లికన్‌ సభ్యులకు రిసెప్షన్‌ను ఏర్పాటుచేశారు. సుమారు 70 మంది రిపబ్లికన్‌ సభ్యులు ఈ వేడుకలకు హాజరై ఫొటోలు దిగారు.

పాక్‌ ఆర్మీ దుందుడుకు చర్య

17/04/2017: శ్రీనగర్‌: నియంత్రణ రేఖ వెంబడి పాకిస్తాన్‌ ఆర్మీ మరోసారి కాల్పులకు తెగబడింది. జమ్ముకశ్మీర్‌లోని రజౌరి జిల్లా నౌషేరా సెక్టార్‌లో పాక్‌ బలగాలు కాల్పుల విరమణ ఒప్పందాన్ని ఉల్లంఘించాయి. సోమవారం ఉదయం నుంచి పాక్‌ సైన్యం కాల్పులు జరపుతుండటంతో.. అప్రమత్తమైన భారత భద్రతా సిబ్బంది వారికి ధీటుగా బదులిస్తోంది అని రక్షణశాఖ అధికారి మనీష్‌మెహతా తెలిపారు. భారత ఆర్మీ పోస్ట్‌లను లక్ష్యంగా చేసుకొని పాక్‌ కాల్పులకు పాల్పడుతోందని ఆయన వెల్లడించారు. పాక్‌ ఆర్మీ కాల్పుల విరమణ ఒప్పందాన్ని ఉల్లంఘించడం ఈ నెలలో ఇది ఆరోసారి కావడం గమనార‍్హం.

‘మీ కోసం ఇజ్రాయెల్‌ వెళుతున్నాను’

17/04/2017: న్యూఢిల్లీ: సూరత్‌ వజ్రాల వ్యాపారులు, కార్మిక ప్రజల తరుపున తాను త్వరలో ఇజ్రాయెల్‌ వెళుతున్నానని ప్రధాని నరేంద్రమోదీ అన్నారు. వజ్రాల వ్యాపారంలో భారత్‌లో సూరత్‌ పెద్దదని, ప్రపంచంలో మాత్రం ఇజ్రాయెల్‌ కీలక దేశంగా మారి వజ్రాలను పంపిణీ చేస్తుందని చెప్పారు. ప్రస్తుతం గుజరాత్‌ పర్యటనలో ఉన్న ప్రధాని మోదీ సూరత్‌లోని డైమండ్ హబ్‌కు చెందినవారిని ఉద్దేశించి మాట్లాడారు. ‘నేను త్వరలోనే ఇజ్రాయెల్‌ వెళుతున్నాను. నిజానికి ఇజ్రాయెల్‌ వెళుతున్న తొలి ప్రధానిని నేనే. నేను మీ తరుపునే అక్కడి వెళుతున్నాను. మీకు ఆ దేశంతోనే వర్తక సంబంధాలు ఉన్నాయి’ అని చెప్పారు. జూలై నెలలో మోదీ సూరత్‌ వెళ్లనున్నారు. ఇది నిజానికి చరిత్రలో నిలిచిపోతుందని అంటున్నారు. హంబర్గ్‌లో జరిగే జీ 20 సదస్సుకు వెళ్లి తిరుగు ప్రయాణంలో ఇజ్రాయెల్‌ వెళ్లాలని అనుకుంటున్నారు. ఈ ఏడాది భారత్‌- ఇజ్రాయెల్‌ దేశాల మధ్య దౌత్య సంబంధాలకు 25 ఏళ్లు నిండనున్నాయి. ఈ నేపథ్యంలో మోదీ చేయబోవు పర్యటన ప్రాధాన్యం సంతరించుకుంది.

పెళ్లాన్ని.. పిల్లల్ని ఆ హైకోర్టు లాయర్ ఎంతగా కొడతాడంటే

16/12/2016: ఢిల్లీ హైకోర్టుకు చెందిన లాయర్ వీడియో ఒకటి ఇప్పుడు సంచలనంగా మారింది. కంటికి రెప్పలా చూసుకోవాల్సిన భార్యను.. అల్లారు ముద్దుగా పెంచాల్సిన కుమార్తెను ఇష్టారాజ్యంగా కొడుతూ.. తీవ్రంగా హింసించే వైనం ఒకటి తాజాగా వెలుగులోకి వచ్చింది. నిమిషం నిడివి ఉన్న ఈ వీడియోలో.. ఢిల్లీహైకోర్టుకు చెందిన లాయర్ చేస్తున్న ఆరాచకాలు బయటకు వస్తాయి. ఢిల్లీలోని వసంత్ కుంజ్ లో ఉండే ఢిల్లీ హైకోర్టు లాయర్.. తనకు కొడుకు పుట్టలేదన్న నెపంతో.. భార్యను.. ఇద్దరు కూతుళ్లను ఇష్టారాజ్యంగా కొడుతుంటాడు. తన తల్లిని.. తమను పెడుతున్న బాధల్ని తట్టుకోలేక మృగం లాంటి తండ్రి ఆరాచకాల్నిబయటపడేలావీడియోను చిత్రీకరించారు. ఇది తాజాగా బయటకు వచ్చింది. న్యాయవాది భార్య చెప్పిన వివరాల ప్రకారం.. పెళ్లి అయి 15సంవత్సరాలు అవుతుందని.. మగ పిల్లాడ్నికనకుండా.. ఇద్దరు ఆడపిల్లలకు జన్మనిచ్చిందన్న కోపంతో నిత్యం తమను కొడుతుంటాడని పేర్కొంది. సదరు లాయర్ కు చెందిన వీడియోలో భార్యను.. కుమార్తెను ఇష్టారాజ్యంగా తిడుతూ.. వారి మీద చేయి చేసుకున్న వైనం స్పష్టం కనిపిస్తుంది. అతగాడి ధాటికి అతడి కుమార్తె నేల మీద పడిపోయినట్లుగా వీడియోలోఉంది. రాక్షసుడిలా వ్యవహరిస్తూ.. ఇంట్లో వారిని దారుణంగా హింసిస్తున్న ఈ లాయర్ వివరాలు బయటకు రాలేదు.

భారత్ బాటలోనే ఆస్ట్రేలియా.. నోట్ల రద్దు?

15/12/2016: కాన్‌బెర్రా : ఒక వైపు పెద్ద నోట్ల రద్దు వల్ల చిల్లర దొరక్క భారతదేశంలో ప్రజలు ఎదుర్కొంటున్న సమస్యలు చూస్తున్నా.. ఇప్పటికే వెనిజువెలాలో అక్కడి అతి పెద్ద నోటయిన 100 బొలివర్ నోటును రద్దు చేశారు. ఇప్పుడు అదే బాటలో మరో దేశం కూడా పయనించే అవకాశాలు స్పష్టంగా కనిపిస్తున్నాయి. ఇది కూడా ఏదో ఆషామాషీ చిన్న దేశం కాదు.. ఆస్ట్రేలియా!! అవును, ఆస్ట్రేలియాలో అతి పెద్ద నోటయిన 100 డాలర్ల నోటును రద్దు చేసే దిశగా అక్కడి ప్రభుత్వం పావులు కదుపుతోంది. ఈ విషయాన్ని ఆస్ట్రేలియా రెవెన్యూ, ఆర్థిక సర్వీసుల శాఖ మంత్రి కెల్లీ ఓ డ్వెయిర్ చెప్పారు. నల్లధనాన్ని అరికట్టడానికి 100 డాలర్ల నోటు, ఇతర నగదు చెల్లింపులపై సమీక్షిస్తున్నామన్నారు. వచ్చే సోమవారం రోజున ప్రభుత్వం ఈ విషయాన్ని ప్రకటించే అవకాశం ఉంది. బ్లాక్‌మనీ టాస్క్‌ఫోర్స్‌ ఒకదాన్ని నియమిస్తున్న ప్రభుత్వం.. దానికి కేపీఎంజీ గ్లోబల్ చైర్మన్ మైఖేల్ ఆండ్రూను సారథిగా నియమించొచ్చని అంటున్నారు. ఆస్ట్రేలియాలో నల్లధనం అక్కడి మొత్తం జీడీపీలో 1.5 శాతం వరకు ఉంటుందని అంచనా. ఇది దేశానికి నష్టం కలిగించడంతో పాటు.. సక్రమంగా సంపాదించి, దానికి పన్ను కడుతున్నవారిని కూడా నష్టపరుస్తోందని ఓ డ్వెయిర్ చెప్పారు. ప్రస్తుతం 30 కోట్ల 100 డాలర్ల నోట్ల ఆస్ట్రేలియాలో చలామణిలో ఉన్నాయి. మొత్తం చలామణిలో ఉన్న కరెన్సీలో 92 శాతం 50, 100 నోట్లే ఉన్నాయి. అయితే.. అచ్చం భారతదేశంలో చేసినట్లు మాత్రం అక్కడి నోట్ల రద్దు ఉండకపోవచ్చు. భారతదేశంలో ప్రధాని మోదీ చిట్టచివరి నిమిషం వరకు ఎక్కువ మందికి తెలియకుండా రహస్యంగా ఉంచి నేరుగా ప్రకటించారు. ఆస్ట్రేలియా ప్రభుత్వం మాత్రం ఇప్పటికే దానికి సంబంధించి సూచనప్రాయంగా చెప్పేసింది. ఇప్పటికే వెనిజువెలా కూడా తమ దేశంలోని పెద్దనోట్లను రద్దు చేస్తున్నట్లు ప్రకటించిన విషయం తెలిసిందే.

బీజేపీకి నోట్ల దెబ్బ పడిందా..?

24/11/2016: దేశవ్యాప్తంగా జరిగిన ఉపఎన్నికల ఫలితాలు వచ్చేశాయి. పెద్దగా అద్భుతాలు జరగకుండానే అన్నిచోట్లా అధికార పార్టీలే గెలిచాయి. అయితే నోట్ల రద్దు తర్వాత జరిగిన ఎన్నికలు కావడంతో.. అందరూ బీజేపీపై దృష్టిపెట్టారు. కానీ బీజేపీ అధికారంలో ఉన్న చోట కడా అనూహ్య ఫలితాలు రాలేదు. దీంతో నోట్ల రద్దు ప్రభావంతో ప్రజలు ఆగ్రహంగా ఉన్న మాట అవాస్తవమని, మోడీ ఇమేజ్ తగ్గలేదని కమలనాథులు చంకలు గుద్దుకుంటున్నారు. కానీ మధ్యప్రదేశ్ ఉపఎన్నికల ఫలితాలను లోతుగా పరిశీలిస్తే అసలు విషయం అర్థమవుతుంది. షాదోల్ లోక్ సభ ఉపఎన్నికల్లో బీజేపీ మెజార్టీ బాగా తగ్గిపోయింది. గతంలో రెండు లక్షల పైచిలుకు మెజార్టీ వస్తే ఈసారి.. అరవై వేలే వచ్చింది. కానీ నేపానగర్ అసెంబ్లీ ఉపఎన్నికల్లో మాత్రం డబుల్ మెజార్టీ వచ్చింది. అయితే దీనికి కారణం సింపతీయేనని విశ్లేషకులంటున్నారు. సిట్టింగ్ ఎమ్మెల్యే మరణంతో.. ఆయన కుమార్తె పోటీ చేశారు కాబట్టి.. సహజంగానే సానుభూతి వెల్లువెత్తిందంటున్నారు. కానీ షాదోల్ అలా కాదు. అక్కడ గతంతో పోలిస్తే ఓటింగ్ శాతం పెరిగింది. కానీ బీజేపీకి వచ్చిన మెజార్టీ తగ్గింది. కాబట్టి పార్లమెంట్ ఎన్నికలతో పోలిస్తే.. మోడీకి మద్దతు తగ్గుతోందన్న విషయం స్పష్టమౌతోంది. మధ్యప్రదేశ్ కౌబెల్ట్ లో ఉంది కాబట్టి.. గతంలో కౌబెల్టే మోడీకి పట్టం కట్టిన నేపథ్యంలో.. ఇక్కడి ఫలితాలు కీలకంగా మారాయి. కేంద్రం జాగ్రత్తపడకపోతే.. అదే కౌబెల్ట్ ఈసారి దెబ్బకొట్టడం ఖాయమని అంచనాలున్నాయి. యూపీ ఎన్నికలు మాత్రం నోట్ల రద్దుకు సిసలైన పరీక్షగా నిలవనున్నాయి.

ట్రంప్ గెలుపుతో ఆస్ట్రేలియాలో టెన్షన్

11/11/2016: అగ్రరాజ్య అధ్యక్ష ఎన్నికల్లో డొనాల్డ్ ట్రంప్ విజయదుంధుభి అమెరికన్లనే కాక ప్రపంచదేశాలనూ ఆశ్చర్యపరచింది. ట్రంప్ గెలుపుపై ఆయన మద్దతుదారులు ధీమాగానే ఉన్నా డెమోక్రాట్ అభ్యర్ధి హిల్లరీ క్లింటన్ దే హవా అని అంతా అనుకున్నారు. ఎగ్టిట్ పోల్స్, సర్వేలు కూడా తర్వాతి అధినేత హిల్లరీయే అని జోస్యం చెప్పాయి. లాస్ట్ మినిట్ లో కాలిక్యులేషన్ కాస్త అటుఇటు అయినా అమెరికాకు తొలి మహిళా అధినేత్రి ఖాయమని నిర్ణయానికొచ్చేశారంతా. కానీ, అంచనాలు తలకిందులు చేస్తూ ట్రంప్ విజయఢంకా మోగించి మిస్టర్ ప్రెసిడెంట్ అయ్యారు. ఎన్నికల తంతు ముగిసిపోవడంతో.. ఇప్పుడు ట్రంప్ వల్ల లాభనష్టాలపై అన్ని దేశాలూ లెక్కలు ప్రారంభించాయి. ఆస్ట్రేలియా అయితే కాస్త టెన్షన్ లో ఉందట. ట్రంప్ దూకుడు విధానాలతో ఆసియా పసిఫిక్ ప్రాంతంలో అస్థిరత్వానికి దారితీసే అవకాశాలున్నాయని ఆస్ట్రేలియా భద్రతా నిపుణులు అక్కడి ప్రభుత్వాన్ని హెచ్చరిస్తున్నారు. ప్రస్తుతం ఈ రీజియన్ లో అమల్లో ఉన్న ఒబామా విదేశీపాలసీ అటకెక్కితే చిక్కులు తప్పవంటున్నారు. దీంతో ట్రంప్ విధానాలకు తగినట్టుగా సాధ్యమైనంత త్వరగా ఆసియా పసిఫిక్ ప్రాంతంలో జాతీయ భద్రత, వ్యూహాత్మక విధానాల్లో మార్పులు చేయాలని ఆస్ట్రేలియా విదేశాంగ మంత్రి జూలీ బిషప్ ప్రభుత్వానికి సూచించారు. ''అమెరికాకి ఆస్ట్రేలియా బలమైన, నమ్మకమైన భాగస్వామి. ట్రంప్ నాయకత్వంలో కూడా ఇరుదేశాల మధ్య బంధం అదే విధంగా కొనసాగాలి'' అని ఆమె ఆకాంక్షించారు. దక్షిణ కొరియా, జపాన్ దేశాలు అణ్వస్త్రాలను సంపాదించుకోవాలని సూచించిన ట్రంప్ఒబామా విదేశాంగ విధానాలను తీవ్రంగా తప్పుపట్టిన సంగతి తెలిసిందే. ఈ నేపథ్యంలో ఆస్ట్రేలియాతో అమెరికా వ్యూహాత్మక సంబంధాల విషయంలో డొనాల్డ్ ట్రంప్ భారీ మార్పులు చేసే అవకాశాలున్నాయని ఆస్ట్రేలియా నేషనల్ యూనివర్సిటీ స్ట్రాటజిక్ డిఫెన్స్ స్టడీస్ సెంటర్ ప్రొఫెసర్ పీటర్ డీన్ హెచ్చరించారు. కాగా ఆస్ట్రేలియాకి వచ్చే నాలుగేళ్లు గడ్డుకాలమేనని మరో ప్రొఫెసర్ రోరీ మెడ్ కాఫ్ అభిప్రాయపడుతున్నారు. ఒబామా ప్రతిష్టాత్మకంగా ప్రతిపాదించిన ట్రాన్స్-పసిఫిక్ పార్టనర్షిప్ ఒప్పందం భవిత కూడా సందిగ్ధంలో పడే అవకాశం ఉందని అంటున్నారు.

ముక్క లేనిదే ముద్ద దిగట్లేదు

05/11/2016: మాంసాహారం కంటే శాకాహారం మేలని నిపుణులు మొత్తుకుంటున్నా ఏటా మాంసాహారుల సంఖ్య పెరుగుతూనే ఉంది. తాజాగా విడుదలైన సర్వేలో కూడా ఈ విషయం స్పష్టమైంది. అందరూ ఊహించినట్లుగానే పశ్చిమదేశాల్లో ముక్క లేనిదే ముద్ద దిగట్లేదట. ముఖ్యంగా అమెరికాలో ఒక్క ఏడాదిలో సగటున 126.6 కిలోల మాంసాన్ని గుటకాయ స్వాహా చేసేస్తున్నారు. ఐరాస ఆధ్వర్యంలో వెల్లడించిన ద స్టేట్ అండ్ ఫుడ్ అగ్రికల్చర్ నివేదికలో ఆశ్చర్యకరమైన విషయాలు వెల్లడయ్యాయి. లగ్జెంబర్గ్, హాంకాంగ్ మాత్రమే మాంస వినియోగంంలో అమెరికాను దాటేశాయి. లగ్జెంబర్డ్ ఏడాదికి సరాసరి మాంసం వినియోగం 142.5 కిలోలుండగా, హాంకాంగ్ లో మాంసాహారుల సగటు 134 కిలోలు. ఇక రవి అస్తమించని బ్రిటీష్ సామ్రాజ్యం మాంసం వినియోగంలో 25వ స్థానంలో నిలిచింది. ఇక్కడ ఏడాది సగటు 83.9 కిలోలని తేలింది. కానీ అందరూ అనుకున్నట్లు మాంసాన్ని తక్కువగా వినియోగించే దేశం భారత్ కాదు. అది బంగ్లాదేశ్. బంగ్లాదేశ్ లో ఏడాది మాంసం వినియోగం కేవలం 3.1 కిలోలు మాత్రమే. టోటల్ గా మాంసాహారుల జాబితాలో బంగ్లాదేశ్ ఆఖరి స్థానంలో అంటే 175వ స్థానంలో ఉంది. బురుండీ, కాంగోలు బంగ్లా తర్వాత తక్కువ మాంసం వినియోగదారులు. మన దేశం సగటున 5.1 కిలోల వినియోగంతో 169వ స్థానంలో నిలిచింది.

ఎవరి వల్ల ఎక్కువ సంతృప్తి కలిగింది?!!

04/11/2016: అత్యాచార బాధితుల ఆవేదన వర్ణనాతీతం. మృగాళ్ల పైశాచికత్వానికి బలైపోయిన ఆడబిడ్డల బాధను ఏ భాషలోనూ వ్యక్తీకరించలేం. కానీ ఓ పోలీస్ అధికారి మాత్రం కనీస మానవత్వాన్ని మరచి వ్యవహరించాడు. తన వద్దకు వచ్చిన ఓ గ్యాంగ్ రేప్ బాధితురాలిని అడగరాని ప్రశ్నలు వేశాడు. అంతటితో సరిపెట్టకుండా ఎవరి వల్ల ఎక్కువ ఆనందం పొందావు? అంటూ ఆ అభాగ్యురాలు మానసికంగా మరింత కృంగిపోయే ప్రశ్న వేశాడు. అంతేకాక, బాధితురాలితో ఏకంగా ఫిర్యాదునే ఉపసంహరించుకునేలా చేశాడు. అందరినీ నిర్ఘాంతపరిచిన ఈ ఘటన కేరళలోని, తిరువనంతపురంలో సంభవించింది. రెండేళ్ల క్రితం బాధితురాలి భర్త నలుగురు మిత్రులే ఆమెపై అఘాయిత్యానికి పాల్పడ్డారు. ఆమె భర్త ప్రమాదానికి గురై హాస్పిటల్ లో ఉన్నాడని చెప్పి, తమతో పాటే తీసుకెళ్లి ఈ ఘోరానికి ఒడిగట్టారు. మృగాళ్లలో ఒక రాజకీయ నేత కూడా ఉన్నట్లు సమాచారం. ఈ దారుణంపై ఆమె అప్పుడే పోలీసులకు ఫిర్యాదు చేసింది. అయితే, పోలీస్ అధికారి మాత్రం ఆమె వేదనను పట్టించుకోకుండా అత్యాచారానికి మించిపోయిన మాటలతో హింసించాడు. కేసును ఉపసంహరించుకోవాలంటూ ఒత్తిడి చేసి, కేసును విత్ డ్రా చేసుకుంటున్నట్లు పత్రాలపై సంతకాలు పెట్టించాడు. ఈ వేదనభరిత గాథను డబ్బింగ్ కళాకారిణి, మహిళా కార్యకర్త అయిన భాగ్యలక్ష్మి ఇటీవలే తన ఫేస్ బుక్ లో పోస్ట్ చేశారు. ఈ పోస్ట్ రాష్ట్రంలో సంచలనం సృష్టించింది. ముఖ్యమంత్రి పినరయి విజయన్ సైతం ఈ సంఘటనపై కదిలిపోయారు. బాధ్యులపై కఠిన చర్యలకు ఆదేశించారు. సీఎంతో పాటూ కేరళ పోలీస్ చీఫ్ బాధితురాలిని స్వయంగా కలుసుకుని ఆమెకు మద్దతివ్వాలని నిర్ణయించుకున్నారు.

పోస్ట్ మార్టమ్ చెప్పిన ఎన్ కౌంటర్ లెక్క

04/11/2016: భోపాల్ జైలు నుంచి తప్పించుకున్న ఎనిమిది మంది సిమీ ఉగ్రవాదులు ఎన్ కౌంటర్ అయిన సంగతి తెలిసిందే. దేశ వ్యాప్తంగా తీవ్ర చర్చనీయాంశంగా మారిన ఈ ఎన్ కౌంటర్ పై విపక్షాలు ఒక తీరుగా స్పందిస్తే.. అధికారపక్షం మరోలా రియాక్ట్ అయ్యాయి. ఇదిలా ఉంటే.. ఎన్ కౌంటర్ కు సంబంధించి పలుసందేహాలు తెర మీదకు వస్తున్న వేళ.. మృతదేహాలకు పోస్ట్ మార్టమ్ జరిపిన వైద్యులు ఆ నివేదికను విడుదల చేశారు. పోస్ట్ మార్టమ్ రిపోర్ట్ ప్రకారం ఎన్ కౌంటర్లో హతమైన ఎనిమిది మంది ఉగ్రవాదులపై కనీసం రెండేసి సార్లు చొప్పున కాల్పులు జరిగినట్లుగా నివేదిక వెల్లడిస్తోంది. కొందరు మృతులకు వెనుక నుంచి బుల్లెట్లు తగిలిన గాయాలున్నట్లుగా నివేదిక వెల్లడిస్తోంది. హతమైన ఉగ్రవాదుల్లో ఎక్కువ మందికి ఛాతీలోనూ.. తలలో బుల్లెట్ల గాయాలు అయినట్లుగా వైద్యులు చెబుతున్నారు. ఎలాంటి ఆయుధాలు లేని ఉగ్రవాదుల్ని దగ్గర నుంచి పోలీసులు కాల్పులు జరిపినట్లుగా ఆరోపణలు వస్తున్నాయి. అయితే.. ఈ తరహా ఆరోపణల్ని ప్రభుత్వం కొట్టి వేస్తోంది. భోపాల్ సిమీ ఉగ్రవాదుల ఎన్ కౌంటర్ పై ఇప్పటికే జరిగిన రచ్చకు.. తాజాగా విడుదలైన పోస్ట్ మార్టమ్ రిపోర్ట్ మరింత ఆజ్యం పోసేలా ఉందన్న అభిప్రాయాలు వ్యక్తమవుతున్నాయి. మొత్తంగా చూస్తే.. సిమీ ఉగ్రవాదుల ఎన్ కౌంటర్ రాజకీయ రగడగా మారే అవకాశం ఉందని చెప్పొచ్చు. మరోవైపు.. ఎన్ కౌంటర్ జరిగిన ప్రాంతం ఇప్పుడు పిక్నిక్ స్పాట్ గా మారింది. సిమీ ఉగ్రవాదుల్ని పోలీసులు హతమార్చిన ప్రాంతాన్ని చూసేందుకు జనాలు పెద్ద ఎత్తున వస్తున్నారు. ఉగ్రవాదులు జైల్లో దరించిన దుస్తులు ఎన్ కౌంటర్ జరిగినప్రాంతంలోనే పడి ఉన్నాయి. కీలకమైన ఎన్ కౌంటర్ జరిగిన ప్రాంతంలో బయటి వారు రాకుండా బ్యారికేడ్స్ ఏర్పాటు చేయాల్సి ఉన్నా.. అధికారులు అలాంటి జాగ్రత్తలు ఏమీ తీసుకోకపోవటంతో ఆ ప్రాంతంలో సెల్ఫీలు తీసుకోవటానికి జనాలు ఆసక్తి చూపిస్తున్నారు. మరికొందరు.. ఈ కొండ ప్రాంతంలో కూర్చొని కబుర్లు చెప్పుకుంటున్నారు. ఎన్ కౌంటర్ జరిగిన ప్రాంతంలో అక్కడి నేల మీద.. గడ్డి.. రాళ్ల మీద రక్తం మరకలు ఎండిపోయి ఉన్నట్లు చెబుతున్నారు. అయితే.. కేసుకు అవసరమైన సాక్ష్యాలను సేకరించినట్లుగా పోలీసులు చెబుతున్నారు. సెల్ఫీల మీద పిచ్చ.. క్కడి వరకూ వెళ్లిందనటానికి ఎన్ కౌంటర్ జరిగిన ప్రాంతంలో తీసుకుంటున్న సెల్ఫీల హడావుడి చూస్తే.. ఇట్టే అర్థమవుతుంది.

భారీ డ్రగ్ రాకెట్ గుట్టు రట్టు చేసిన డీఐఆర్

03/11/2016: లాటిన్, ఆఫ్రికా దేశాలతో పోటీ పడుతూ చాపకింద నీరులా భారత్ లోనూ బిజినెస్ సాగిస్తున్నాయి మాదకద్రవ్యాల ముఠాలు. విదేశీ దిగుమతులకు తలదన్నేలా దేశీయంగానే డ్రగ్స్ తయారుచేస్తూ ప్రజల ప్రాణాలతో చెలగాటమాడుతున్నాయి. నెల క్రితమే వాయుసేనకు చెందిన ఓ అధికారి దర్జాగా మాదకద్రవ్యాల వ్యాపారం చేస్తున్న ఉదంతం వెలుగులోకి రావడంతో అంతా ఆశ్చర్యపోయారు. తాజాగా ఈ సంఘటనను తలదన్నే అతిపెద్ద మాదకద్రవ్యాల ముఠాను డైరక్టరేట్ ఆఫ్ రెవెన్యూ ఇంటెలిజెన్స్ {డీఐఆర్} అధికారులు అదుపులోకి తీసుకున్నారు. వీరి నుంచి 23,500కిలోల మాండ్రాక్స్ ట్యాబ్లెట్లను స్వాధీనం చేసుకున్నారు. అంతర్జాతీయ మార్కెట్ లో వీటి విలువ రూ.4,700 కోట్లు. దేశంలో పలు ప్రాంతాల్లో వ్యాపించిన ఈ డ్రగ్ ముఠా గురించి ముంబై డీఐఆర్ విభాగానికి క్లూ దొరికింది. ఈ ఆధారంతో ముందడుగేసిన పోలీసులు బీఎస్ఎఫ్ బలగాల సహాయాన్నీ తీసుకున్నారు. రాజస్థాన్ ఉదయ్ పూర్ లోని ఓ గోడౌన్ లో దాచి ఉంచిన వేల కిలోల మాదకద్రవ్యాలను అక్టోబర్ 28న సీజ్ చేసి పలువురిని అదుపులోకి తీసుకున్నారు. సోదాల్లో దొరికిన డ్రగ్స్ ను చూసి అధికారులే ఆశ్చర్యపోయారు. ఇన్ని వేల కోట్ల రూపాయలు విలువచేసే మాదకద్రవ్యాలను పట్టుబడడం ఇటీవలి కాలంలో ఇదే తొలిసారి. ఈ కేసుతో బాలీవుడ్ కూ లింక్ ఉండడం కొసమెరుపు. ఈ డ్రగ్స్ ముఠాతో సుభాష్ దుదానీ అనే బీటౌన్ ప్రొడ్యూసర్ కు సన్నిహిత సంబంధాలున్నాయి. దీంతో అక్టోబర్ 29న అతగాడిని అదుపులోకి తీసుకున్నట్లు డీఐఆర్ డైరక్టర్ జనరల్ జయంత్ మిశ్రా తెలిపారు. సుభాష్ తో పాటూ ఈ కేసుతో చిత్రసీమకు చెందిన మరి కొంతమందికి సంబంధాలు ఉండొచ్చన్న అనుమానాలు వ్యక్తమవుతున్నాయి. దర్యాప్తు కొనసాగుతోందని, డ్రగ్స్ రాకెట్ తో లింక్ ఉన్న వారందరినీ పట్టుకుని తీరతామని డీఐఆర్ చెప్తోంది.

కవ్వింపు చర్యలకు పాల్పడుతున్న పాకిస్తాన్‌..

న్యూఢిల్లీ, నవంబర్‌ 2, (సలాం తెలంగాణ): పాకిస్థాన్‌ కు ధీటుగా సమాధానం ఇస్తోంది బోర్డర్‌ సెక్యూరిటీ ఫోర్స్‌. అంతర్జాతీయ సరిహద్దు వెంబడి ఉన్న ఆర్నియా సెక్టార్‌ లోని పాక్‌ రేంజర్ల పోస్టులను టార్గెట్‌ గా చేసుకుని కాల్పులు జరుపుతోంది. బీఎస్‌ ఎఫ్‌ జరిపిన కాల్పుల్లో ఇద్దరు పాక్‌ సైనికులు చనిపోయినట్టు తెలుస్తోంది. అలాగే పాక్‌ సైన్యానికి చెందిన 14 పోస్టులు ధ్వంసమయ్యాయని అధికారులు చెబుతున్నారు. బోర్డర్‌ లో ఓకే రోజు 8 మంది చనిపోవడంపై భారత్‌ తీవ్ర అభ్యంతరం చెప్పింది. పౌరుల మృతి విషయాన్ని ఇస్లామాబాద్‌ లోని భారత డిప్యూటీ హై కమిషనర్‌ జేపీ సింగ్‌.. పాక్‌ విదేశాంగశాఖ అధికారుల దృష్టికి తీసుకెళ్లారు. పద్ధతి మార్చుకోవాలని చెప్పారు.యురీ ఘటన నేపథ్యంలో భారత్‌ సర్జికల్‌ దాడులకు పాల్పడినప్పటినుంచి ప్రతీకారంతో రగిలిపోతున్న పాక్‌.. కనీస విచక్షణను కూడా విస్మరిస్తున్నది. నియమాలు, విలువలను వదిలేసి బరితెగిస్తున్నది. ఇందుకు పరాకాష్ఠగా నిరాయుధులైన సామాన్య ప్రజలపై తన కర్కశత్వాన్ని ప్రదర్శించింది. జమ్ముకశ్మీర్‌లోని నియంత్రణ రేఖ, అంతర్జాతీయ సరిహద్దు సవిూప పల్లెలు, గ్రామాలపై, భారత సైనిక పోస్టులపై పాక్‌ సైనికులు విరుచుకుపడ్డారు. విచక్షణారహితంగా కాల్పులు జరిపారు. ఫిరంగి గుండ్ల వర్షం కురిపించారు. ఒకేరోజు ఇంతమంది చనిపోవడం రెండు దశాబ్దాల కాలంలో ఇదే తొలిసారని భావిస్తున్నారు. ఇందుకు ప్రతిగా భారత సైనికులు జరిపిన కాల్పుల్లో ఇద్దరు పాక్‌ సైనికులు మరణించారు. 14 పాక్‌ పోస్టులను భారత బలగాలు ధ్వంసం చేశాయి. సర్జికల్‌ దాడుల తర్వాత పాక్‌ సైన్యం జరిపిన దాడుల్లో ఇప్పటివరకు 12మంది పౌరులు సహా 18 మంది ప్రాణాలు కోల్పోయారు. మంగళవారం తెల్లవారినప్పటి నుంచే పాక్‌ దళాలు జమ్ముకశ్మీర్‌లో అంతర్జాతీయ సరిహద్దు (ఐబీ), నియంత్రణ రేఖ (ఎల్వోసీ) వెంట.. సాంబా, జమ్ము, పూంచ్‌, రాజౌరీ జిల్లాల్లోని గ్రామాలపై, భారత సైనిక పోస్టులపై కాల్పులు ప్రారంభించాయి. ఫిరంగి గుండ్లను కురిపించాయి.

వామ్మో! పాము విషానికి అంత రేటా?

01/11/2016: కోల్‌కతా: ప్రపంచంలో ఏ దేశంలో జరగనంతగా ఒక్క భారత దేశంలోనే పాము విషం స్మగ్లింగ్‌ ఎక్కువగా జరుగుతోంది. పశ్చిమ బెంగాల్‌లోని జల్పాయ్‌గురిలో పోలీసులు ఇటీవల నలుగురు వ్యక్తులను అరెస్ట్‌ చేసి వారి వద్ద నుంచి ఐదు గాజు పాత్రల్లో స్మగ్లింగ్‌ చేస్తున్న పాము విషం పొడిని స్వాధీనం చేసుకున్న సంఘటన ఈ విషయాన్ని మరోసారి నిరూపిస్తోంది. దాని విలువ అంతర్జాతీయ మార్కెట్‌లో 245 కోట్ల రూపాయలు ఉంటుందని పోలీసులు ప్రకటించారు. అయితే దాని విలువ 175 కోట్ల రూపాయలు మాత్రమే ఉంటుందని జాతీయ పత్రికలు పేర్కొన్నాయి. పత్రికలు వెల్లడించిన కథనాలనే నమ్మినట్లయితే పోలీసులు స్వాధీనం చేసుకున్న వెయ్యి గ్రాములకు లెక్కకడితే ఒక్క గ్రాము విలువ 1,75,000 రూపాయలు ఉంటుందని తేలుతోంది. ఇదే విషయాన్ని పోలీసులను అడిగితే ఆ మాత్రం విలువ ఉంటుందని వారూ తెలిపారు. అందుకే వాటిని బుల్లెట్‌ ప్రూఫ్‌ గాజు పాత్రల్లో స్మగ్లింగ్‌ చేస్తున్నారని కూడా చెప్పారు. పాము విషయం విలువ అంత ఉంటుందా? ఎవరు అంత విలువు పెట్టి కొంటారు. ఎందుకు కొంటారు? అంతర్జాతీయ మార్కెట్‌లో సాధారణ నాగుపాము విలువ గ్రాముకు పది వేల రూపాయలు మాత్రమే ఉంది. ఎక్కువ విషాన్ని ఇచ్చే కింగ్‌ కోబ్రా నుంచి తీసే విషం గ్రాము విలువ తొమ్మిదివేల రూపాయలు మాత్రమే ఉంది. తాము స్వాధీనం చేసుకున్న పాము విషం గాజు పాత్రలపై వైద్య అవసరాల కోసం తయారు చేసినట్లు ఫ్రెంచ్‌ కంపెనీ గుర్తులున్నాయని పోలీసులు తెలిపారు. వారు చెబుతున్నట్లుగా ప్రపంచ వ్యాప్తంగా ఔషధాల్లో ఈ విషాన్ని వాడతారనే విషయం మనందరికి తెల్సిందే. ముఖ్యంగా పాముకాటుకు విరుగుడు మందును తయారు చేయడానికే దీన్ని ఎక్కువగా ఉపయోగిస్తున్నారు. పాము కాటకు విరుగుడుగా ఇచ్చే యాంటీ వీనమ్‌ ఇంజెక్షన్‌ సీసా రేటు భారత్‌ మార్కెట్లో వెయ్యి రూపాయలకే లభిస్తోంది. అందులో విషం పాళ్లు తక్కువగానే ఉంటుంది. భారత ఔషధ కంపెనీలు పోలీసులు చెబుతున్నట్లుగా 1,75,000 రూపాయలకు గ్రాము విషాన్ని కొన్నట్లయితే వారు యాంటీ వీనమ్‌ వాయిల్‌ను వెయ్యి రూపాయలకు ఎలా సరఫరా చేస్తారు? అంతర్జాతీయ మార్కెట్‌లో చైనా గ్రాము విషాన్ని 4,500 రూపాయలకు విక్రయిస్తోంది. పైగా ప్రస్తుత మార్కెట్‌ అవసరాలకు వెయ్యి గ్రాముల పాము విషం అవసరం లేదు. బుల్లెట్‌ ప్రూఫ్‌ గాజుల్లో ఆ పాము విషం పొడిని సరఫరా చేయాల్సిన అవసరం అంతకన్నా లేదు. పైగా అన్ని రకాల పాముల విషాలను కలిపినట్లయితే అవి మందుల తయారీ కంపెనీలకు ఎందుకూ పనికిరావు. ఎందుకంటే ఒక్కో జాతి పాము విషయం వారికి వేర్వేరుగా కావాలి. తాచు పాము విషాన్నే భారత ఔషధ కంపెనీలు ఎక్కువగా ఉపయోగిస్తున్నాయి. ‘ఇరులా స్నేక్‌ క్యాచర్స్‌ కోపరేటివ్‌’ అనే సంస్థ ఎంతో కాలంగా అధికారికంగా భారత ఔషధ కంపెనీలకు అవసరమైన విషాన్ని సరఫరా చేస్తోంది. పది కిలోల తాచుపాము విషాన్ని సేకరించాలంటే 35వేల పాముల నుంచి 35 ఏళ్లు సేకరిస్తే వస్తుందని ఆ సంస్థ తెలియజేస్తోంది. పాము విషం ఆరుదైనప్పటికీ గ్రాము విలువ లక్షల్లో ఉంటుందని అనుకోవడం అతిశయోక్తేనని ఆ సంస్థ తెలిపింది. పైగా ఫ్రెంచ్‌ కంపెనీ పేరు స్మగ్లింగ్‌ సీసాలపై ముద్రించి ఉన్నట్లు పోలీసులే చెబుతున్నారు. అలాంటప్పుడు భారత ఫార్మాస్యూటికల్‌ కంపెనీలు నేరుగానే వాటిని దిగుమతి చేసుకోవచ్చు. వాటిని స్మగ్లింగ్‌ చేయాల్సిన అవసరమేలేదు. పాము విషం అన్నది వన్య జంతువుల సంరక్షణ చట్టం కిందకు వస్తోంది. మన దేశం దాటితే ఈ చట్టం ఎవరికి వర్తించదు. అలాంటప్పుడు ఫ్రెంచ్‌ పాముల విషాన్ని పట్టుకునే హక్కే మన పోలీసులకు లేదు. ఆ....రేవు పార్టీల్లో, మత్తు ఎక్కడానికి కుర్రకారు ఈ విషాన్ని అక్రమంగా వినియోగిస్తున్నారని, అందుకనే దీనికి ఇంతరేటు పలుకుతున్నట్లు ఉందని పోలీసులు చెబుతున్నారు. కొకైన్, హెరాయిన్‌ లాంటి మత్తు పదార్థాలకు కొంతమంది కుర్రవాళ్లు బానిలవుతున్న విషయం కూడా తెల్సిందే. ప్రపంచంలో ఎక్కడా గ్రాము కొకైన్‌ తొమ్మిదివేల రూపాయలకన్నా ఎక్కువ ధరలేదు. అలాంటప్పుడు లక్షల రూపాయలు పెట్టి పాము విషాన్ని ఎందుకు కొంటారు? అంతేకాకుండా పాము విషాన్ని తాగినట్లయితే కడుపులోని ఆమ్లాలు ఆ విషాన్ని వెంటనే నిర్వీర్యం చేస్తాయి. ఎలాంటి ప్రభావం ఉండదు. అల్సర్లు ఉంటే ప్రమాదం. ఎందుకంటే పాము విషం చాలా వేగంగా నరాల వ్యవస్థ, జన్యు వ్యవస్థను దెబ్బతీస్తాయి. రక్త ప్రసారాన్ని కూడా అడ్డుకుంటాయి. అందువల్ల మనుషులకు ప్రాణం పోవడం లేదా పక్షవాతం రావడం జరుగుతుంది. భారత దేశంలో ఏటా 45వేల మంది పాము కాటు వల్ల చనిపోతున్నారు. వారిలో ఒక్కరు కూడా తాము ఒకవిధమైన మత్తులో తేలిపుతున్న భావాన్ని వ్యక్తీకరించలేదు. భరించలేని బాధ తప్ప. ఇలాంటప్పుడు పాము విషం పేరుతో కొకైన్‌నే సరఫరా చేస్తున్నారా? ఎందుకంటే చూడడానికి పాము విషం పొడి, కొకైన్‌ పొడి ఒకేలా ఉంటాయి. కొకైన్‌తో దొరికిపోతే శిక్షలు పెద్దగా ఉంటాయి కనుక, పాము విషమని స్మగ్లర్లు నమ్మిస్తున్నారా? లేదా పోలీసులే చౌక ప్రచారం కోసం ఇన్ని కోట్ల విలువైన పాము విషాన్ని పట్టుకున్నామని చెబుతున్నారా? ఏదీమైనా తాము పట్టుకున్న పదార్థాన్ని ల్యాబ్‌ పరీక్షకు పంపించి అదేమిటో తేలాక పోలీసులు వాస్తవాలను పత్రికలకు వెల్లడిస్తే బాగుంటుంది.

ఇక రైళ్లు ఢీకొనవు !

01/11/2016: కోల్‌కతా: రైలు ప్రయాణాలు సురక్షితం చేసే దిశగా ముందడుగు పడింది. రైళ్లు ఒకదానికొకటి ఢీకొనకుండా నిరోధించే ఎలక్ట్రానిక్‌ రైల్వే ఇంటర్‌లాకింగ్‌ వ్యవస్థకు ఐఐటీ ఖరగ్‌పూర్‌ శాస్త్రవేత్తలు కొత్త పరికరాన్ని కనుగొన్నారు. ఈ కొత్త వ్యవస్థను ఐఐటీ కంప్యూటర్‌ సైన్స్‌ అండ్‌ ఇంజినీరింగ్‌ విభాగం, డిజైన్స్‌ అండ్‌ స్టాండర్డ్స్‌ సంస్థ(ఆర్‌డీఎస్‌ఓ), రైల్వే సర్వీస్‌ ఇంప్రూవ్‌మెంట్‌ గ్రూపు(ఎస్‌ఐజీ) కలిసి అభివృద్ధి చేశాయి. ఈ పరిశోధనకు నాయకత్వం వహించిన ప్రొఫెసర్ పల్లబ్‌ దాస్‌గుప్తా మాట్లాడుతూ... ఇంటర్‌లాకింగ్‌ వ్యవస్థలోని అనువర్తిత దోషాల వల్లే ప్రమాదాలు జరుగుతాయని, కొత్త పరికరం వాటిని తగ్గిస్తుందని తెలిపారు. ప్రతిపాదిత విధానంలో యార్డు లేవుట్‌ ప్రాతిపదికన భద్రతా ప్రమాణాల జాబితాను రూపొందించి తరువాత వాటిని బ్యాంక్‌ ఎండ్‌ మోడల్‌ చెకింగ్‌ విధానంలో పరిశీలిస్తారని చెప్పారు. ఈ పరికరాన్ని ఇప్పటికే పలు రైలు యార్డుల్లో విజయవంతంగా ప్రయోగించారని వెల్లడించారు. ట్రాఫిక్‌ ప్రణాళికలు, అత్యవసర పరిస్థితులకు ప్రత్యామ్నాయాల కోసం ఈ ప్రాజెక్టును విస్తరించేందుకు అపార అవకాశాశాలున్నాయని పరిశోధకులు తెలిపారు.

విజయ్ మాల్యా దీపావళి గిఫ్టు తెలుసా?

01/11/2016: చింత చచ్చినా పులుపు చావలేదంటారు.. లిక్కర్ డాన్ విజయ్ మాల్యా వ్యవహారం కూడా అలాగే ఉంది. ఆర్థిక నేరాల్లో చిక్కుకుని దేశం దాటి వెళ్లిన ఆయన తన లైఫ్ స్టైల్ ను ఏమాత్రం మార్చుకోలేదట. ఎప్పటిలా అనుభవించు రాజా అనుకుంటూ ఫుల్లుగా ఎంజాయ్ చేస్తున్నారట. బ్యాంకులకు కోట్లు ఎగ్గొట్టి పరారైన ఈ లిక్కర్ కింగ్ తన స్నేహితులకు మాత్రం కాస్ట్లీ గిఫ్టులు ఇస్తున్నాడు. దీపావళి సందర్భంగా విజయ్ మాల్యా తన స్నేహితులకు కిక్కెంచించే కానుక ఇచ్చాడు. ఖరీదైన మద్యం బాటిల్లను ఆయన తన స్నేహితులందరికీ పంపించారట. పంపించిన తరువాత ఏమైనా కామ్ గా ఉన్నాడా అంటే అదీ లేదు. తాను బాకీ తీర్చాల్సిన బ్యాంకులను రెచ్చగొట్టేలా ఆ ఖరీదైన మద్యం సీసాల ఫొటోలను సోషల్ మీడియాలో షేర్ చేశాడు. దీంతో బ్యాంకు అధికారులు... తమ బాకీ తీర్చడానికి డబ్బులు ఉండవు కానీ తాగితందనాలు ఆడడానికి మాత్రం డబ్బులుంటాయని శాపనార్థాలు పెడుతున్నారట. కాగా మాల్యా కోట్లాది రూపాయల బ్యాంకు రుణాలకు ఎగనామం పెట్టి ప్రస్తుతం లండన్ లో తలదాచుకుంటున్నారు. ఇక్కడి కోర్టులకు హాజరు కావాలని సమన్లు పంపిస్తున్నా ఆయన నుంచి సమాధానం ఉండడం లేదు. మాల్యాకు ఒక్క లిక్కర్ వ్యాపారమే కాకుండా చాలా వ్యాపారాలున్నాయి. విమాన సర్వీసులుండేవి. ఐపీఎల్ టీం కు కూడా ఆయన ఒకప్పుడు ఓనర్.

20 మంది బాయ్ ఫ్రెండ్స్ తో 20 ఐఫోన్లు

01/11/2016: చైనాలో ఓ యువతి స్వామికార్యంతో స్వకార్యం కూడా నెరవేర్చుకుని ఏకంగా 20 మంది యువకులకు కుచ్చుటోపీ పెట్టింది. తన తల్లిదండ్రులు ఎంతోకాలం నుంచి ఇల్లు కొనాలని ప్లాన్ చేసుకుని కూడా.. కొనలేకపోవడాన్ని గమనించిన చైనా యువతి.. అద్భుతమైన ప్లాన్ వేసింది. ప్రేమా, గీమా పేరుతో అమ్మాయిల వెంట తరిగే యువకుల్ని లక్ష్యంగా చేసుకోవాలని ఫిక్సైంది. దాదాపు 20 మంది యువకులపై వల విసిరి.. తన తల్లిదండ్రుల కలను నిజం చేసింది. అయితే అంతమంది యువకుల్ని మోసం చేస్తే కల ఎలా నెరవేరుతుందనుకుంటున్నారా.. అక్కడే కిటుకుంది. చైనా యువతి ఐఫోన్ టెక్నిక్ సోషల్ మీడియాలో వైరల్ అవుతోంది. ఒక్కో బాయ్ ఫ్రెండ్ బుట్టలో పడగానే.. అతడితో ఐఫోన్ కొనిపించుకుంది చైనా యువతి. ఆ తర్వాత అతనికి తెలియకుండా ఆ ఐఫోన్ ను వేరే ఆన్ లైన్ పోర్టల్ ద్వారా మంచి రేటుకు అమ్మేసేది. ఇలా మొత్తం 20 మందికి టోపీ పెట్టి.. దాదాపు 14 లక్షలు వెనకేసింది. ఆ డబ్బుతో తన పేరెంట్స్ కు డ్రీమ్ హోమ్ కొనిచ్చింది. తమ కూతురి తెలివితేటలకు ఆ తల్లిదండ్రులు మురిసిపోతున్నారు. మరోవైపు చైనా యువతి చేతిలో మోసపోయిన యువకులకు సోషల్ మీడియాలో జాలి ట్వీట్లు వెల్లువెత్తుతున్నాయి. కాబట్టి ఇప్పట్నుంచైనా అబ్బాయిలూ జాగ్రత్త అంటోంది చైనా యువతి .

కాన్సంట్రేషనంతా కుటుంబంపైనే.. రాష్ట్రంపై కాదు

01/11/2016: ఉత్తర్ ప్రదేశ్ లో పాల‌క స‌మాజ్ వాది పార్టీలో రాజ‌కీయాల‌తో ముడిప‌డిన కుటుంబ క‌లహాలు తారాస్థాయిలో ఉన్నాయి. పార్టీ అధ్యక్షుడి స్థానంలో ములాయం సింగ్ యాద‌వ్‌, ముఖ్యమంత్రి స్థానంలో ఆయ‌న కుమారుడు అఖిలేశ్ యాద‌వ్ రెండు వ‌ర్గాలుగా చీలిపోయి ఎవ‌రికి వారు బ‌ల నిరూప‌ణ‌కు ప్రయ‌త్నిస్తున్నారు. ములాయం సోద‌రులూ త‌లో వ‌ర్గంలో చేరి అగ్నికి ఆజ్యం పోస్తున్నారు. దేశ‌మంతా ఈ రాజ‌కీయ వివాదాన్నే చూస్తోంది కానీ... రాజ‌కీయం మాటున త‌మ లోపాల‌ను క‌ప్పి పెట్టుకుని ప్రజ‌ల దృష్టి మ‌ర‌ల్చే ప్ర‌య‌త్నమూ జ‌రుగుతోంది. రానున్న అసెంబ్లీ ఎన్నిక‌ల్లో యూపీలో స‌మాజ్ వాది పార్టీ గెలిచే అవ‌కాశాలు త‌క్కువ‌గా ఉండ‌డం.. అభివృద్ధి లేక‌పోవ‌డం వ‌ల్ల ఎన్నిక‌ల ముందు రాజ‌కీయ కొట్లాట ఆ లోపాలన్నీ క‌నిపించ‌కుండా చేసింద‌న్న వాద‌నా వినిపిస్తోంది. దీని ఫ‌లితం ఎలా ఉంటుంద‌న్న‌ది ప‌క్క‌న‌పెడితే సుమారు 17 మంది రాజ‌కీయ నేతలున్న ములాయం సింగ్ కుటుంబ పాల‌న‌లో ఏళ్లుగా ఉన్న ఉత్తర్ ప్రదేశ్‌లో అభివృద్ధిని ప‌రిశీలిస్తే ఆశ్చర్యం క‌ల‌గ‌క మాన‌దు. గ‌త ఎన్నిక‌ల్లో ఇచ్చిన వాగ్దానాల అమ‌ల్లో అఖిలేశ్ ఎంత‌గా విఫ‌ల‌మ‌య్యారో కూడా తెలుస్తుంది. - దేశంలో 43.5 శాతం మందికి నీటి స‌ర‌ఫ‌రా ఉండ‌గా... ఉత్తర్ ప్రదేశ్ లో కేవ‌లం 27.3 శాతం మందికే తాగునీరు అందుతోంది. - విద్యుత్ స‌ర‌ఫ‌రా విష‌యంలో భార‌త్ స‌గ‌టు 67.2 శాతం కాగా యూపీలో కేవ‌లం 36.8 శాతం ఇళ్లకే క‌రెంటుంది. - అస‌లు ఉత్తర్ ప్రదేశ్ క‌రెంటు అవ‌స‌రాలు... అక్కడ ఉత్పత్తికి పొంత‌నే లేదు. ఏడాదికి సుమారు 62 వేల గిగావాట్ల విద్యుత్ అవ‌స‌రం కాగా ఉత్పత్తవుతున్నది 9 వేల గిగాబైట్ల లోపే. - అక్షరాస్యత విష‌యానికొస్తే జాతీయ స‌గ‌టు 73 శాతం.. యూపీలో అది 69.7 - దేశంలో మ‌రుగుదొడ్లు ఉన్న కుటుంబాల శాతం 46.9 కాగా యూపీలో కేవ‌లం 35.6 శాతం ఇళ్లకే మ‌రుగుదొడ్లున్నాయి. - ఒక్కొక్క అంశంలో వెనుక‌బాటుత‌నం ఇంత‌గా క‌నిపిస్తున్నప్పుడు మిగ‌తా మౌలిక వ‌స‌తుల లోపం కూడా అంతేస్థాయిలో ఉంటుంద‌ని ఎవ‌రికైనా అర్థమ‌వుతుంది. ర‌హ‌దారుల నెట్ వ‌ర్కు విష‌యం చూసుకుంటే ప్రతి వెయ్యి జ‌నాభా దేశంలో స‌గ‌టున 3.28 కి.మీ. ర‌హ‌దారులున్నాయి. యూపీ విష‌యానికొచ్చేస‌రికి ఈ స‌గ‌టు 1.97 మాత్రమే. ఇవ‌న్నీ తెలిసిన యూపీ మేధావులు ఇప్పుడు ఒక మాట చెబుతున్నారు. ములాయం కుటుంబ పోరులో ఎవ‌రు గెలిస్తే గెల‌వ‌నీ కానీ... ఆ కుటుంబం నుంచి మాత్రం యూపీ ముఖ్యమంత్రిని గెల‌వ‌నివ్వ‌కూడ‌దు. అప్పుడే యూపీ బాగుప‌డుతుంది అంటున్నారు.

ఆయన లేకుంటే ఈయన జైలుకెళ్లేవాడట

26/10/2016: బాబాయ్ శివపాల్ యాదవ్ ఇష్యూ తండ్రీ తనయులు ములాయం సింగ్, అఖిలేష్ యాదవ్ ల మధ్య ఇంతగా చిచ్చు పెడుతుందని సమాజ్ వాదీ పార్టీ వర్గాలు ఏమాత్రం ఊహించలేదు. డైనమిక్ సీఎం అనే కితాబు అఖిలేష్ కు కంచుకోటగా మారుతుందని, ఆయన ఏ నిర్ణయం తీసుకున్నా నో చెప్పేవారు ఎవరూ ఉండకపోవచ్చని ముఖ్యమంత్రి మద్దతుదారులు భావించారు. కానీ అంచనాలు తలకిందులై నాన్నతో అమీతుమీ తేల్చుకునే స్థితికి చేరుకున్నారు అఖిలేష్. ముసలం కేంద్ర బిందువు శివపాల్ యాదవ్ తో పాటూ అమర్ సింగ్ నూ ఆయన విమర్శలతో జాడించేశారు. పార్టీని భష్ట్రు పట్టించేందుకు యత్నిస్తున్నారని తిట్టిపోశారు. సోదరుడు శివపాల్ తో పాటూ సోదర సమానుడు అమర్ సింగ్ నూ సీఎం టార్గెట్ చేయడంతో కుమారుడిపై తనదైన విమర్శలతో ఎదురుదాడి ప్రారంభించారు ములాయం. శివపాల్‌ యాదవ్‌ను మాస్‌ లీడర్‌గా అభివర్ణించిన ములాయం అమర్ సింగ్ ను ఆకాశానికెత్తేశారు. వ్యక్తిగతంగా తనకు, పార్టీకి.. శివపాల్‌, అమర్‌ సింగ్‌ చేసిన సేవలను ఎప్పటికీ మర్చిపోలేనని అన్నారు. అమర్‌ సింగే లేకపోతే తాను జైల్లో ఉండేవాడినని, ఆయన చేసిన పాపాలన్నిటినీ ఎప్పుడో క్షమించేశానని చెప్పుకొచ్చారు. అసలు నీ దమ్మెంత!? ఎన్నికల్లో నువ్వు గెలవగలవా!? అంటూ అఖిలేష్ పై ధ్వజమెత్తారు. తాను బలహీనుణ్ణి కాలేదని. సమాజ్‌వాదీ పార్టీ కూడా ముక్కలు కాదని ములాయం స్పష్టంచేశారు. 2009లో విబేధాల కారణంగా పార్టీ నుంచి వేటుకు గురైన అమర్ సింగ్ 2016లో సమాజ్ వాదీలోకి రీఎంట్రీ ఇచ్చారు. ములాయం-అమర్ లది మూడు దశాబ్దాల మైత్రి. అమర్ సింగ్ వ్యూహాలకు తిరుగు ఉండదని నమ్మే ములాయం అఖిలేష్ విమర్శల ఎఫెక్ట్ పార్టీకి ముప్పుగా మారకుండా ఉండేందుకే జాగ్రత్తగా వ్యవహరిస్తున్నారు. అమర్ సింగ్ ను వెనకేసుకొస్తూ భారీ నష్టం వాటిల్లకుండా చర్యలు తీసుకుంటున్నారు.

హెలికాఫ్టర్ నీ అయ్యదా?!

26/10/2016: ఎస్పీ పార్టీ పరిణామాలు ఉత్తర్ ప్రదేశ్ రాజకీయాన్ని వేడెక్కించాయి. ఈ ముసలంతో ప్రత్యక్ష సంబంధం ఉన్న వారూ కదిలిస్తే కయ్యానికి కాలుదువ్వేలా ఉన్నారు. ఇక సీఎం అఖిలేష్ యాదవ్ తో తలపడుతున్న బాబాయ్ శివపాల్ యాదవ్ అయితే నిత్యం రుసరుసలాడుతూనే కనిపిస్తున్నారు. అఖిలేష్ పై ఉన్న ఆగ్రహాన్ని అణచుకోలేక ఎదుటివారిపై ప్రదర్శించేస్తున్నారు. పార్టీ హై కమాండ్ ములాయం సింగ్ యాదవ్ నచ్చజెప్పినా మంత్రివర్గం నుంచి అఖిలేష్ తనను తొలగించడంతో ఊగిపోయిన శివపాల్ సీఎంపై విమర్శలు గుప్పించారు. అఖిలేష్ ను అబద్ధాల కోరుగా అభివర్ణించి, సొంతంగా పార్టీ పెడతానంటూ తనను ప్రైవేట్ గా బెదిరించారని మండిపడ్డారు. అఖిలేష్ పై ఆక్రోశం వెళ్లగక్కుతున్న శివపాల్ ను సభికుల్లో ఉన్న ఓ వ్యక్తి, ఆయన సొంత పనులకూ ప్రభుత్వ హెలికాఫ్టర్ ను ఉపయోగించడాన్ని ప్రశ్నించాడు. పవర్ లో లేనప్పుడు ఇంకా ఆ హంగూ ఆర్భాలేంటన్నది అతడి ఉద్దేశం. అసలే సీఎంతో విబేధాలు, పార్టీ సమస్యల్లో కూరుకుపోయిన శివపాల్.. అతడు ఇలా అడగ్గానే శివాలెత్తిపోయారు. "హెలికాఫ్టర్ నీ అయ్యదా?, ప్రభుత్వంలో అప్పుడు నేను మంత్రిగా ఉన్నాను" అంటూ రియాక్టయ్యారు. సార్, రియాక్షన్ సాధారణ జనాలకు షాకిచ్చినా.. ఆయన మద్దతుదారులు మాత్రం పోనీలే పాపం విసుగులో ఉండి అలా అనేశారని సరిపెట్టుకున్నారు. పార్టీ గొడవల నేపథ్యంలోనే శివపాల్ ఈ విధంగా నోరు జారినా ఆయన కామెంట్ పై మాత్రం విమర్శలు వెల్లువెత్తుతున్నాయి. శివపాల్ ఇప్పటికే కష్టాల్లో ఉన్నారు. ఇలాంటి వ్యాఖ్యలతో మరిన్ని ప్రాబ్లమ్స్ కొనితెచ్చుకోవడం ఎందుకు? కాస్త సంయమనంతో మాట్లాడితే ఆయనకే కొండంత మేలు.

హాస్టల్‌ గదిలో మరో పీహెచ్‌డీ విద్యార్థి..!

26/10/2016: న్యూఢిల్లీ: దేశ రాజధాని ఢిల్లీలోని ప్రతిష్టాత్మక జవహర్‌ లాల్‌ నెహ్రూ విశ్వవిద్యాలయం (జేఎన్‌యూ) హాస్టల్‌లో ఓ పీహెచ్‌డీ విద్యార్థి అనుమానాస్పదంగా మృతిచెందాడు. అతని మరణానికి కారణం ఏమిటి అన్నది తెలియరాలేదు. మణిపూర్‌కు చెందిన జేఆర్‌ ఫిలెమన్‌ తన బ్రహ్మపుత్ర హాస్టల్‌ గదిలో విగతజీవిగా కనిపించాడు. అతడు గత మూడు రోజులుగా అదృశ్యమయ్యాడని, ఇంతలోనే ఈ ఘటన జరిగిందని పోలీసులు చెప్తున్నారు. అతని గది నుంచి తీవ్ర దుర్వాసన వస్తుండటంతో విద్యార్థులు సెక్యూరిటీ సిబ్బందికి సమాచారం ఇచ్చారు. దీంతో గది తలుపులు తెరిచి చూడగా.. ఫిలెమన్‌ విగతజీవిగా కనిపించాడు. ఇప్పటికే విద్యార్థి నజీబ్‌ అహ్మద్‌ కనిపించకుండా పోవడంపై జేఎన్‌యూ క్యాంపస్‌ విద్యార్థుల ఆందోళనలతో అట్టుడుకుతోంది. హాస్టల్‌లో విద్యార్థులతో గొడవ జరిగిన తర్వాత అదృశ్యమైన నజీబ్‌ ఆచూకీ ఇంతవరకు తెలియలేదు. నజీబ్‌ జాడ కోసం ఆందోళన చేస్తున్న విద్యార్థులు వర్సిటీ వీసీ, సీనియర్‌ అధికారులను కార్యాలయంలో ఒక రాత్రి మొత్తం నిర్బంధించి ధర్నా చేసిన సంగతి తెలిసిందే. మరోవైపు నజీబ్‌ ఆచూకీ గురించి తెలియజేస్తే రూ. లక్ష నజరానా ఇస్తామని ఈ ఘటనపై దర్యాప్తు జరుపుతున్న ఢిల్లీ పోలీసులు ప్రకటించారు. ఇంతలో పీహెచ్‌డీ విద్యార్థి మరణం వర్సిటీని కుదిపేస్తున్నది.

దీపావళికి ‘అమ్మ’ డిశ్చార్జ్ లేనట్లేనట

25/10/2016: తమిళనాడు ప్రజలంతా ఎంతో అతృతగా ఎదురుచూస్తున్న అమ్మ డిశ్చార్జ్ కార్యక్రమం వాయిదా పడే సూచనలు స్పష్టంగా కనిపిస్తున్నాయి. గత నెల 22న అమ్మను చెన్నై అపోలోకు తరలించటం.. చూస్తుండగానే నెల రోజులు గడిచిపోవటం తెలిసిందే. ఆసుపత్రి లోపలకు వెళ్లిన నాటి నుంచి ఇప్పటి వరకూ అమ్మ ఎలా ఉన్నారన్న అంశంపై అప్పుడప్పుడు వచ్చే అధికారిక బులిటెన్లు తప్పించి.. ఒక ఫోటోకానీ.. వీడియో కానీ బయటకు రాని పరిస్థితి. కాంగ్రెస్ పార్టీ ఉపాధ్యక్షుడు రాహుల్ గాంధీ మొదలు.. పలువురు కేంద్ర మంత్రులు అమ్మను పరామర్శించేందుకు అపోలో ఆసుపత్రికి వచ్చినా.. వైద్యుల సూచన మేరకు అమ్మను చూడకుండా.. డాక్టర్లతో మాట్లాడి వెళుతున్న వైనం తెలిసిందే. అమ్మకు వైద్యం చేయటం కోసం లండన్ నుంచి ప్రత్యేకంగా రప్పించిన డాక్టర్ రిచర్డ్ బీలే.. లండన్ టు చెన్నై షటిల్ కొడుతున్నారు. తాజాగా మరోసారి చెన్నైకి వచ్చిన ఆయన.. అమ్మ కోలుకుంటున్న తీరును.. ఆమెకు చేస్తున్న వైద్యాన్ని తాజాగా రివ్యూ చేసినట్లుగా తెలుస్తోంది. విశ్వసనీయ వర్గాల సమాచారం ప్రకారం.. అమ్మ డిశ్చార్జ్ అందరూ అనుకుంటున్నట్లుగా దీపావళికి ముందుగా ఎట్టి పరిస్థితుల్లో ఉండదని.. అన్ని బాగుంటే.. పది నుంచి పదిహేను రోజుల తర్వాతే ఉంటుందని చెబుతున్నారు. ఇప్పుడున్న పరిస్థితుల్లో అమ్మ మరికొన్ని రోజులు ఆసుపత్రిలో ఉండాల్సిన అవసరం ఉందని.. వైద్యుల నేతృత్వంలో ఆమెకు వైద్యం సాగాల్సిన అవసరం ఉందని అభిప్రాయపడినట్లుగా చెబుతున్నారు. దీంతో.. తమిళనాడు వ్యాప్తంగా ఈ దీపావళి హుషారుగా ఉండదన్న మాట వినిపిస్తోంది.

పాక్ ప్రేరేపిత ఆర్థిక ఉగ్రవాదం

24/10/2016: భారత్, పాక్ సంబంధాలు.. సర్జికల్ స్ట్రైక్స్ ముందు.. తర్వాత అన్నట్లుగా పరిస్థితి తయారైంది. ఉరీ ఉగ్రదాడి నేపథ్యంలో ఇండియన్ ఆర్మీ పీఓకేలో నిర్వహించిన సర్జికల్ స్ట్రైక్స్ పాక్ వెన్నులో వణుకు పుట్టించాయి. దీంతో పాక్ హ్యాకర్లు రెచ్చిపోయారు. ఊహించినట్లుగానే దాదాపు ఏడువేల భారత్ వెబ్ సైట్స్ ను హ్యాక్ చేశారు. వీటిలో ప్రభుత్వ వెబ్ సైట్స్ తో పాటు ఆర్థికంగా కీలక సంస్థల వెబ్ సైట్లు కూడా ఉన్నాయి. అయితే సైబర్ దాడుల గురించి ఆర్బీఐ జులైలోనే బ్యాంకుల్ని హెచ్చరించినా అవి పెడచెవిన పెట్టడంతో.. దాదాపు 32 లక్షల డెబిట్ కార్డుల సమాచారం ప్రమాదంలో పడింది. సీమాంతర ఉగ్రవాదాన్ని ఇక ఎంతమాత్రం సహించమని సర్జికల్ స్ట్రైక్స్ తేల్చిచెప్పడంతో.. వ్యూహం మార్చిన పాక్.. ఆర్థిక ఉగ్రవాదంపై దృష్టి పెట్టింది. ఇందులో భాగంగానే పాక్ హ్యాకర్లు భారత ఆర్థిక వ్యవస్థలో చొరబడి వృద్ధిరేటును గందరగోళపరచాలని ప్లాన్ చేస్తున్నారు. ప్రపంచానికి సైబర్ భద్రత గురించి క్లాసులు చెప్పే భారత్.. స్వదేశంలో సైబర్ సెక్యూరిటీ గురించి పెద్దగా చొరవ చూపకపోవడం కూడా హ్యాకర్లకు కలిసివచ్చింది. దీంతో ఇప్పుడు బ్యాంకు ఏటీఎమ్ కార్డుల స్కాం బయటపడింది. తగిన జాగ్రత్తలు తీసుకోకపోతే భవిష్యత్తులో ఇలాంటివి మరిన్ని తప్పవని ఆందోళన వ్యక్తమవుతోంది.

అవును నిజంగా డ్రాగన్ కనిపించిందట!

24/10/2016: చైనా బోర్డర్ లో నిజంగా డ్రాగన్ కనిపించిందంటా. చైనీయుల పురాణాల్లో డ్రాగన్లను గురించిన ప్రస్తావన ఉంది. అయితే డ్రాగన్లను ఎవరైనా చూశారా? అంటే లేదు. కేవలం చైనా పురాణ గాథలు, ఇతిహాసాల్లో మాత్రమే అవి ఉన్నాయి. కానీ తాజాగా సోషల్ మీడియాలో షేర్ అవుతున్న వీడియోలో ఓ డ్రాగన్ ఎగురుతున్నట్లు కనిపిస్తోంది. ఇవి అత్యంత శక్తిమంతమైన జీవులని చైనా పురాణాల్లో పేర్కొన్నారు. పవిత్ర శక్తులు కలిగివుండే డ్రాగన్లు నీరు, వర్షపాతం, ప్రకృతి విపత్తులు(వరదలు, తుపానులు)పై అధికారం కలిగివుంటాయని చైనీయుల నమ్మకం. దీంతో చైనాను పాలించిన రాజులు డ్రాగన్ ను వాళ్ల శక్తి, సామర్ధ్యాలకు గుర్తుగా ఎంపిక చేసుకున్నారు. అప్పటినుంచి ప్రపంచవ్యాప్తంగా చైనాను డ్రాగన్ దేశంగా పలకడం ప్రారంభమైంది. అంతేకాదు చైనా సంప్రదాయ భాషపై పట్టుకలిగిన వారిని సమకాలీన చైనీయులు డ్రాగన్ తో పోల్చుతారు. చైనా లో చాలా రకాల డ్రాగన్ల రూపాలు ఉన్నాయి. చేప, ఊహా జనిత చిత్రాలు, కప్పల ఆకారంలో డ్రాగన్ల చిత్రాలు అక్కడి పురాణ గ్రంథాల్లో అగుపిస్తాయి. వీటిలో నాలుగు కాళ్లు, రెండు భారీ రెక్కలు కలిగిన జంతువు డ్రాగన్ ఆకారంగా బాగా ప్రాచుర్యంలోకి వచ్చింది. చైనా-లావోస్ బోర్డర్లో ఓ వ్యక్తి డ్రాగన్ ఓ పర్వతం వైపు ఎగురుతూ వెళ్తుండగా సెల్ ఫోన్ లో బంధించాడు. అయితే వీడియోను చూసిన నెటిజన్లు మాత్రం పలు రకాల అభిప్రాయాలను వ్యక్తం చేశారు. కొందరు డ్రాగన్లు నిజంగానే ఉన్నాయంటే మరికొందరు ఇది టెక్నాలజీ మాయ అని కామెంట్ చేశారు. ఓ వ్యక్తి మాత్రం తాను చదివిన పుస్తకాల్లో శాస్త్రజ్ఞులు అచ్చం సహజ పక్షుల్లాగా ఎగిరే డ్రోన్లను తయారుచేస్తున్నారని ఇది అందులో ఒకటి కావొచ్చని అభిప్రాయ పడ్డాడు. డ్రాగన్లపై ప్రపంచవ్యాప్తంగా కామిక్ పుస్తకాలు, టీవీ షోలు, సినిమాలు వస్తున్న విషయం మనందరికీ తెలిసిందే.

అమెరికాలో ఇద్దరు ప్రవాసాంధ్రులు మృతి

24/10/2016: అమెరికాలోని లూయిస్ విల్లీలో ఆదివారం రాత్రి ఘోర రోడ్డు ప్రమాదం చోటు చేసుకుంది. ఈ ఘటనలో ఇద్దరు ప్రవాసాంధ్రులు మృతి చెందినట్లు తెలుస్తోంది. ఓ అమెరికన్ న్యూస్ ఏజెన్సీ తెలిపిన వివరాల ప్రకారం.. ఆదివారం రాత్రి పది గంటల ప్రాంతంలో రామ వరాహభట్ల(35), రాజశేఖర్ రెడ్డి యర్మాల(25), వెంకట ప్రశాంత్ కొమ్ము(27), అన్వేష్ కుమార్(24)లు లూయిస్ విల్లీలోని నార్త్ బెండ్ రోడ్డు మీద కారులో వేగంగా వెళ్తున్నారు. కారును నడుపుతున్న రామ ముందు ఉన్న భారీ టర్నింగ్ ను గుర్తించకపోవడంతో అదుపుతప్పిన కారు పక్కకు దూసుకెళ్లింది. గాల్లో పలుమార్లు పల్టీలు కొట్టిన కారు ఆ తర్వాత ఓ చెట్టును ఢీ కొట్టి అందులో ఇరుక్కుపోయినట్లు ఏజెన్సీ పేర్కొంది. దీంతో కారు ముందు భాగంలో కూర్చున్న రామ, రాజశేఖర్ లు, వెనుకభాగంలో కూర్చున్న అన్వేష్ తీవ్రంగా గాయపడి కారులో ఇరుక్కుపోయినట్లు తెలిపింది. కారు వెనుక భాగంలోనే కూర్చున్న ప్రశాంత్ కారు డోర్ ఓపెన్ చేయడంతో కింద పడి అక్కడికక్కడే ప్రాణాలు కోల్పోయినట్లు చెప్పింది. ఘటనా స్ధలానికి చేరుకున్న హబ్రాన్ ఫైర్ సర్వీసు అధికారులు కారులో చిక్కుకుపోయిన వారిని ఆసుపత్రికి తరలించారు. ప్రాణాపాయ స్థితిలో కొట్టుమిట్టాడుతున్న రాజశేఖర్ ను యూనివర్సిటీ ఆఫ్ సిన్సిన్నాటి మెడికల్ సెంటర్(యూసీఎమ్ సీ) కు తరలించగా చికిత్స పొందుతూ ప్రాణాలు విడిచాడు. రాజశేఖర్ స్వగ్రామం ఖమ్మం జిల్లాలోని మథిరగా తెలిసింది. యూసీఎమ్ సీ, సెయింట్ ఎలిజబెత్ ఆసుపత్రుల్లో చికిత్స పొందుతున్న అన్వేష్, రామ లకు ఎలాంటి ప్రాణాపాయం లేదని పోలీసులు తెలిపారు. కాగా ఘటనపై విచారణ జరుగుతున్నట్లు చెప్పారు. క్షతగాత్రుల పూర్తి వివరాలు తెలియాల్సివుంది.

ఆమె కలెక్టర్ అయినప్పటి నుంచీ వెంటాడి..

22/10/2016: న్యూఢిల్లీ: ఆమె జిల్లా కలెక్టర్గా పనిచేసినప్పటి నుంచి వెంటాడాడు. ఢిల్లీకి బదిలీ అయినా విడిచిపెట్టలేదు. ప్రస్తుతం ఆమె ఓ కేంద్ర మంత్రికి కార్యదర్శిగా పనిచేస్తోంది. అయినాకూడా ఏమాత్రం బెరుకు లేకుండా ఏకంగా నార్త్ బ్లాక్ కార్యాలయానికే ఫోన్లు చేసి వేధించేవాడు. అసభ్యకర మెసేజ్ లు, ఈ మెయిల్స్కు లెక్కేలేదు. చివరికి.. దారికి రాకుంటే యాసిడ్ పోస్తానని, కూతురిని చంపేస్తానని వాడు బెదిరించాడు. దీంతో బెంబేలెత్తిపోయిన ఆ ఐఏఎస్ అధికారిణి పోలీసులను ఆశ్రయించింది. దేశరాజధానిలో సంచలనం రేపిన ఈ ఘటనలో పోలీసులు శనివారం నిందితుణ్ని అరెస్ట్ చేశారు. పోలీసులు చెప్పిన వివరాలిలా ఉన్నాయి. ప్రస్తుత కేంద్ర న్యాయ శాఖ మంత్రి రవిశకర్ ప్రసాద్ కు కార్యదర్శిగా పనిచేస్తోన్న సీనియర్ మహిళా ఐఏఎస్ అధికారిణి గడిచిన మూడేళ్లుగా వేధింపులకు గురవుతోంది. ఆమె బిహార్ లోని ఓ జిల్లాకు కలెక్టర్ గా పనిచేసిన సమయంలో ఓ వ్యక్తి ఆమెకు పరిచయం అయ్యాడు. అప్పట్లోనే తరచూ వేధింపులకు పాల్పడేవాడు. ఆమె ఢిల్లీకి ట్రాన్స్ ఫర్ అయిన తర్వాత కూడా వేధించడం మానలేదు. పలు సందర్భాల్లో ఐఏఎస్ అధికారిణిపైన, ఆమె మూడేళ్ల కూతురిపైనా దాడి చేశాడు. బాధితురాలి ఫిర్యాదుమేరకు ఐపీసీ సెక్షన్ 354డీ, 506 సెక్షన్ల కింద కేసు నమోదు చేసుకున్న పోలీసులు శనివారం నిందితుణ్ని అరెస్ట్ చేశారు. కాగా, నిందితుడు కూడా సదరు ఏఎస్ అధికారిణిపై ఫిర్యాదు చేయడం గమనార్హం. ఆ అధికారిణి తన భార్య అని, చాలా కాలంగా ఇద్దరి మధ్యా గొడవలు జరుగుతున్నాయని, పరిష్కారం కోసం ప్రయత్నిస్తున్న తనపై తప్పుడుకేసులు బనాయించిందని అతను ఆరోపిస్తున్నాడు. సమగ్ర దర్యాప్తు తర్వాత అసలు విషయాలు వెల్లడవుతాయని పోలీసులు పేర్కొన్నారు.

డిప్యూటీ సీఎం తేజస్వి - మోస్ట్ ఎలిజబుల్ బ్యాచిలర్

22/10/2016: దేశంలో క్రికెట్ స్టార్స్, బాలీవుడ్ స్టార్స్ కే పాపులారిటీ ఉందని అందరూ అనుకుంటున్నారు. అందుకే మోస్ట్ ఎలిజబుల్ బ్యాచిలర్స్ లిస్ట్ సిద్ధం చేయమంటే.. ముందుగా ఆ జాబితాలో ఈ రెండు రంగాల వారి పేర్లే ఉంటాయి. అయితే రాహుల్ గాంధీ వచ్చాక పరిస్థితి కాస్త మారింది. కానీ ఇప్పుడు రాహుల్ కూడా ముదురు బెండకాయ అయిపోయాడు. అందుకే ఇప్పుడు అందర్నీ రీప్లేస్ చేయడానికి లేడీస్ హాట్ ఫేవరెట్ గా బీహార్ డిప్యూటీ సీఎం తేజస్వి యాదవ్ దూసుకొచ్చాడు. గతంలో క్రికెట్ బ్యాక్ గ్రౌండ్ ఉండటం తేజస్వికి ప్లస్ పాయింట్ అయింది. అందుకే ఏదైనా సమస్యలుంటే ఫోన్ చేయాలని ఫోన్ నంబర్ ఇస్తే.. వాట్సప్ లో వేలకు వేలు పెళ్లి మెసేజ్ లు రావడంతో.. బీహార్ అధికార యంత్రాంగం షాకైంది. విషయమేంటంటే బీహార్లో మోస్ట్ ఎలిజబుల్ బ్యాచిలర్ డిప్యూటీ సీఎం తేజస్వి యాదవ్. లాలూ ప్రసాద్ యాదవ్ చిన్నకొడుకు. ఇప్పటికే తన యాక్టివ్ నెస్ తో అటు ప్రజల్లో, ఇటు అధికారుల్లో మంచి పేరు సంపాదించుకున్నాడు. సీఎం నితీష్ కు కూడా తేజస్వి అంటే ప్రత్యేకమైన అభిమానం ఉంది. ఏదైనా సమస్య వస్తే వెంటనే స్పందించే తేజస్వి.. బాగా ఫాస్ట్ ఫార్వర్డ్. టెక్నాలజీ వినియోగంలోనూ ముందుంటారు. అందుకే రోడ్లు పాడైతే ఫిర్యాదు చేయమని వాట్సప్ నంబర్ ఇచ్చారట. కానీ చాలా మంది అమ్మాయిలు అది తేజస్వి పర్సనల్ నంబర్ అనుకుని మ్యారేజ్ ప్రపోజల్స్ పెట్టారు. మొత్తం 47వేల మెసేజ్ లు వస్తే.. అందులో 3వేలే రోడ్ల సమస్యలపై ఉన్నాయి. మిగతా 44వేల ప్రపోజల్స్ పెళ్లికి సంబంధించినే. తనకు పెళ్లి కాలేదు కాబట్టి సరిపోయింది కానీ.. భార్య ఉంటే.. కాపురం కూలిపోయేదని తేజస్వి జోక్ చేస్తున్నారు. ఎంతమంది ప్రపోజల్స్ పెట్టినా.. పెద్దలు కుదిర్చిన పెళ్లికే ఓటేస్తానంటున్నారు. ఏదేమైనా ఓ పొలిటీషియన్ కు ఈ లెవల్లో ఫాలోయింగ్ ఉండటం మామాలూ విషయం కాదని సోషల్ మీడియా చర్చ జరుగుతోంది.

ట్రంప్ నా చెయ్యి పట్టి దగ్గరికి లాక్కుని..

21/10/2016: వాషింగ్టన్: అమెరికా అధ్యక్ష ఎన్నికలకు సంబంధించి అత్యంత కీలకమైన ఘట్టం ఫైనల్ రౌండ్, థర్డ్ డిబేట్ ముగిసిన తర్వాత కూడా రిపబ్లికన్ పార్టీ అభ్యర్థి డోనాల్డ్ ట్రంప్ పై ఆరోపణలు వెల్లువెత్తుతున్నాయి. ఇప్పటికే తొమ్మిది మంది మహిళలు ట్రంప్ తమతో అసభ్యంగా ప్రవర్తించాడని ఆరోపించగా.. తాజాగా ఓ యోగా ట్రైనర్ కరెనా వర్జీనియా(45) ట్రంప్ ప్రవర్తనపై తీవ్రంగా విమర్శించింది. పద్దెనిమిది ఏళ్ల కిందట(1998లో) యూఎస్ ఓపెన్ టెన్నిస్ టోర్నమెంట్ లో ప్లేయర్స్ కు ట్రైనర్ గా పనిచేయగా.. ఆ సమయంలో ట్రంప్ తనను చూసి అసభ్య కామెంట్లు చేశాడని, ఆపై తన వ్యక్తిగత అవయవాలను హద్దుమీరి తాకాడని వర్జీనియా మండిపడింది. 'తొలుత ఓ వ్యక్తితో ట్రంప్ మాట్లాడుతూ.. ఆమెను చూడు.. గతంలో ఇలాంటి అమ్మాయిని ఎక్కడా చూడలేదు. ఓసారి ఆమె కాళ్లను గమనించు అని కామెంట్ చేశారు. ఆపై నా చేతి పట్టుకుని నన్ను గట్టిగా దగ్గరకు లాక్కుని వ్యక్తిగత అవయవాలను బలవంతంగా టచ్ చేశాడు' అంటూ వర్జీనియా పేర్కొంది. అప్పుడు తన వయసు 27 ఏళ్లు అని.. ఆ సమయంలో తాను నిస్సహాయురాలిగా ఉండిపోయానని, షార్ట్ డ్రెస్ తో పాటు హై హీల్స్ వేసుకోవడంతో సరిగ్గా స్పందించకలేక పోయానని ఆవేదన వ్యక్తంచేసింది. అధ్యక్ష ఎన్నికలలో ట్రంప్ మద్ధతుదారులు మాత్రం యోగా ట్రైనర్ వర్జీనియా చేసిన ఆరోపణల్ని తోసిపుచ్చారు. ఉద్దేశపూర్వకంగానే అధ్యక్ష అభ్యర్థి ట్రంప్ పై మహిళలు ఆరోపణలు చేస్తున్నారని విమర్శించారు.

'సీఎంకు చేతబడి చేయించింది!'

21/10/2016: లక్నో: రోజుకో మలుపు తిరుగుతున్న యాదవ్ పరి'వార్'లో సమాజ్ వాదీ పార్టీ చీఫ్ ములాయం సింగ్ యాదవ్ రెండో భార్య సాధనా గుప్తా యాదవ్ పేరు అనూహ్యంగా తెరపైకి వచ్చింది. 'సవతి కొడుకు ఎదుగుదలను చూడలేని ఆ మారుతల్లి మా ముఖ్యమంత్రికి చేతబడి చేయించింది' అని అఖిలేష్ వర్గానికి చెందిన ఎమ్మెల్సీ ఉదయ్ వీర్ సింగ్ విమర్శించారు. ఈ మేరకు పార్టీ చీఫ్ ములాయం కు రాసిన లేఖలో ఉదయ్ వీర్ సంచలన ఆరోపణలు చేశారు. శివపాల్ యాదవ్ తో కుమ్మక్కైన సాధన.. సీఎం అఖిలేష్ ను నిర్వీర్యం చేసేందుకు కుట్రలు పన్నుతున్నారని, చేతబడి కూడా చేయించారని ఎమ్మెల్సీ ఉదయ్ వీర్ లేఖలో రాశారు. ములాయం సింగ్ తన పదవి నుంచి వైదొలిగి పార్టీ బాధ్యతలు అఖిలేష్ కు అప్పగించాలని ఆయన డిమాండ్ చేశారు. కాగా, అంతర్గతంగా రాసిన ఈ లేఖ మీడియాకు ఎలా బహిర్గతమైందో తెలియదని ఉదయ్ వీర్ అంటున్నారు. ఈ లేఖపై అగ్గిమీద గుగ్గిలమైన ములాయం వర్గీయులు.. 'ఇలాంటి లేఖలు కనీసం 500 ఓట్లను కూడా రాలవని, ఇంకోసారి నేతాజీ(ములాయం)ని తప్పుకోవాలనంటే తాట తీస్తామ'ని అఖిలేష్ వర్గాన్ని హెచ్చరించారు. ఎవరీ సాధన యాదవ్? సాధనా గుప్తా యాదవ్.. సమాజ్ వాదీ సుప్రీం ములాయం సింగ్ యాదవ్ రెండో భార్య. 2007లో ములాయం ఈ విషయాన్ని అధికారికంగా ప్రకటించనప్పటి నుంచి యాదవ్ పరివారంలో సాధన 'ఫస్ట్ లేడీ'గా కొనసాగుతున్నారు. ములాయం మొదటి భార్య ముల్తీ యాదవ్ 2003లో కన్నుమూశారు. ఆమె చనిపోవడానికి చాలా ఏళ్ల ముందే ములాయం సాధనను రహస్యంగా పెళ్లిచేసుకున్నారు. మొదట్లో సమాజ్ వాది కార్యకర్తగా పనిచేసిన సాధనను ములాయం పలు సందర్భాల్లో కలుసుకోవడం, ఇద్దరి మధ్యా చనువు పెరగడంతో ఒక శుభ దినాన పెళ్లాడారు. అయితే ఎక్కడ పెళ్లిచేసుకున్నారనే విషయం మాత్రం ఎవ్వరికీ తెలియదు. ఈ ఇరువురికీ (1988లో)జన్మించిన ప్రతీక్ యాదవ్ ప్రస్తుతం యూపీలో బడా రియల్టర్. రెండో పెళ్లి విషయాన్ని చాలా కాలం దాచే ప్రయత్నం చేసిన ములాయం.. రాజకీయ విమర్శల నేపథ్యంలో 2007లో ఆ బంధాన్ని అధికారికంగా ప్రకటించారు. ప్రస్తుతం పార్టీలో కొనసాగుతున్న అంతర్గత సంక్షోభంలో సాధన తన భర్త ములాయం వర్గానికి అనుకూలంగా, మారు కొడుకు అఖిలేఖ్ కు వ్యతిరేకంగా పావులు కదుపుతున్నట్లు ఇటీవలి కాలంలో విమర్శలు ఎక్కువయ్యాయి.

రాజ్నాథ్ తో భేటీ కానున్నకరణ్ జోహార్

20/10/2016: న్యూఢిల్లీ : బాలీవుడ్ నిర్మాత, దర్శకుడు కరణ్ జోహార్ గురువారం మధ్యాహ్నం కేంద్ర హోంమంత్రి రాజ్నాథ్ సింగ్ను కలవనున్నారు. ప్రముఖ నిర్మాత మహేష్ భట్ గత రాత్రి హోంమంత్రి అపాయింట్మెంట్ తీసుకున్నట్లు సమాచారం. నిర్మాతలు ముఖేష్ భట్, సిద్ధార్థ రాయ్ కపూర్తో కలిసి ఆయన హోంమంత్రితో భేటీ కానున్నారు. పాకిస్థానీ హీరో నటించిన ఏ దిల్ హై ముష్కిల్ సినిమా విడుదలకు చిక్కులు ఎదురు కావడంతో ఈ విషయాన్ని ఆయన రాజ్నాథ్ దృష్టికి తీసుకు వెళ్లనున్నారు. కాగా ఏ దిల్ హై ముష్కిల్ చిత్రానికి కరణ్ జోహార్ దర్శకత్వం వహించిన విషయం తెలిసిందే. అయితే ఈ సినిమాలో పాకిస్థాన్ నటుడు పవాద్‌ ఖాన్‌ నటించడం వివాదాస్పదంగా మారింది. ఉడీ ఉగ్రదాడి నేపథ్యంలో పాకిస్తాన్‌ కళాకారులు నటించిన ఈ సినిమా విడుదలను ఎట్టి పరిస్థితుల్లో అడ్డుకుంటామని మహారాష్ట్ర నవనిర్మాణ సేన (ఎంఎన్‌ఎస్‌) హెచ్చరిస్తుండగా, మరోవైపు బీజేపీ యువమోర్చా (బీజేవైఎం) కూడా ఈ సినిమాను వ్యతిరేకిస్తూ నిరసనలు చేపడుతోంది. దీపావళి పండుగను పురస్కరించుకుని ఈ నెల 28న విడుదల కావల్సిన ఈ సినిమా విడుదలవుతుందా లేదా అనే విషయంపై తీవ్ర ఉత్కంఠ ఏర్పడింది. ఇలాంటి నేపథ్యంలో ప్రభుత్వం ఈ సినిమాను విడుదల చేసేందుకు పోలీసు బందోబస్తు ఇస్తుందా.. లేదా అనేది ఇంకా స్పష్టత రావాల్సి ఉంది. ఈ నేపథ్యంలో రాజ్‌నాథ్‌తో కరణ్ జోహార్ భేటీ ప్రాధాన్యత సంతరించుకుంది. జమ్ము–కాశ్మీర్‌లోని ఉడీ ప్రాంతంలో సైనిక స్థావరంపై ఉగ్రవాదులు దాడిచేసిన తర్వాత భారత చలన చిత్రాల్లో పాకిస్తాన్‌ కళాకారులకు నటించే అవకాశమివ్వ కూడదని మహారాష్ట్ర నవనిర్మాణ్‌ సేన (ఎంఎన్‌ఎస్‌) అధ్యక్షుడు రాజ్‌ ఠాక్రే బాలీవుడ్‌ నిర్మాతలను హెచ్చరించారు. కాని ఈ నెల 28న విడుదల కానున్న పాకిస్తాన్‌ నటుడు పవాద్‌ ఖాన్‌ ప్రధాన పాత్ర పోషించిన ‘ఏ దిల్‌ హై ముష్కిల్‌’ సినిమా వివాదంలో చిక్కుకుంది. ఉడీ ఉగ్రదాడిలో 18 మంది భారత సైనికులు అమరులైన విషయం తెలిసిందే. ఈ ఘటనతో దేశవ్యాప్తంగా పాకిస్తాన్‌కు వ్యతిరేకంగా తీవ్ర నిరసనలు వ్యక్తమవుతున్నాయి. ఇలాంటి నేపథ్యంలో పాకిస్తాన్‌ కళాకారులు నటించిన సినిమాలను విడుదల కానివ్వమంటూ, పాక్‌ కళాకారుల షూటింగులు కూడా కొనసాగనివ్వమని ఎంఎన్‌ఎస్‌ చలనచిత్ర సేన ప్రకటించింది. ఇది జరిగిన అనంతరం పాకిస్తాన్‌ కళాకారులపై నిషేదం విధించారు. ముంబైలోని సింగిల్‌ స్క్రిన్‌ థియేటర్ల యూనియన్‌ కూడా పాకిస్తాన్‌ కళాకారులు నటించిన సినిమాలను తమ థియేటర్లలో ఆడించవద్దని నిర్ణయం తీసుకుంది.

రామ్ రహీమ్ సింగ్ మరో సంచలనం

20/10/2016: ముంబై: ఆధ్యాత్మిక గురువు గుర్మీత్ రామ్ రహీమ్ సింగ్ మరో సంచలనానికి సిద్ధమయ్యారు. పాకిస్థాన్ ఆక్రమిత కశ్మీర్(పీవోకే)లో భారత సైన్యం ఇటీవల జరిపిన సర్జికల్ దాడుల నేపథ్యంలో సినిమా తీస్తున్నట్టు ప్రకటించారు. సర్జికల్ దాడులకు ఆధారాలు చూపాలని డిమాండ్ చేస్తున్న వారికి ఈ సినిమా సమాధానంగా నిలుస్తుందన్నారు. ‘ఎం.ఎస్.జి.- ద వారియర్ లయన్ హార్ట్’ విజయోత్సవం సందర్భంగా ఆయన మీడియాతో మాట్లాడారు. ' ‘ఎం.ఎస్.జి.- ద లయన్ హార్ట్- హింద్ కా నాపాక్ కో జవాబ్’ పేరుతో సినిమా మొదలు పెట్టబోతున్నాను. దేశంలో ప్రస్తుతం నెలకొన్న పరిస్థితులను ఇందులో ప్రధానంగా చూపించబోతున్నాం. సైన్యం జరిపిన సర్జికల్ దాడులకు ఆధారాలు చూపించాలని అడుగుతున్నవారికి ఇందులో సమాధానం దొరుకుతుంది. 25 రోజుల్లోనే ఈ సినిమా పూర్తిచేయాలని భావిస్తున్నామ'ని తెలిపారు. సెప్టెంబర్ 18న కశ్మీర్ లోని ఉడీ సైనిక స్థావరంపై ఉగ్రవాదులు జరిపిన దాడిలో 19 మంది సైనికులు అమరులయ్యారు. దీనికి స్పందనగా భారత ఆర్మీ పీవోకేలోని తీవ్రవాద స్థావరాలపై సర్జికల్ దాడులు చేసింది. 'తరచుగా మనం సైనికులను కోల్పోతున్నాం. ఎంతమంది దీని గురించి మాట్లాడుతున్నారు? హఠాత్తుగా కొంతమంది తెరపైకి వచ్చి సర్జికల్ దాడులకు ఆధారాలు చూపాలని అడుగుతున్నారు. ఇది నన్ను చాలా బాధించింది. ఇలాంటి వారికి నా సినిమా ద్వారా చెప్పాలనుకున్నా'నని గుర్మీత్ రామ్ రహీమ్ సింగ్ అన్నారు.

స్టార్‌ హోటల్‌లో రగడ - ప్రేమికుల అరెస్టు

19/10/2016: చెన్నై‌: చెన్నై నుంగంబాక్కంలోని స్టార్‌ హోటల్‌లో రగడ సృష్టించిన ప్రేమికులను పోలీసులు అరెస్టు చేశారు. తాగిన మత్తులో స్టార్‌ హోటల్‌లోని రూ. 50 వేల విలువైన అద్దాలను పగులగొట్టిన ఉత్తరాదికి చెందిన ప్రేమికులను పోలీసులు అదుపులోకి తీసుకున్నారు. అరుణాచల్‌ప్రదేశ్‌ కేడాకు చెందిన దాఖర్‌ (26) చెన్నైలోని ఓ ప్రైవేటు సంస్థలో పనిచేస్తున్నాడు. సోమవారం అతడు తన ప్రియురాలు జియో జయథాన్‌ సంగ్‌ (23)తో కలిసి నుంగంబాక్కం అన్నా వంతెన సమీపంలోని స్టార్‌ హోటల్‌కు వెళ్లాడు. రాత్రంతా మద్యం తాగిన ఈ జంట తెల్లవారుజామున 3.30 గంటలకు బయలుదేరారు. అయితే తాగిన మైకంలో ఈ జంట హోటల్‌ ప్రవేశ ద్వారం వద్ద రూ. 50 వేలతో నిర్మించిన అద్దాలపై పడ్డారు. దీంతో అవి పగిలిపోయాయి. దీనిపై ప్రశ్నించిన హోటల్‌ సిబ్బందిపై కూడా వీరు దాడికి దిగారు. దీనిపై సమాచారం అందుకున్న పోలీసులు అక్కడికి చేరుకుని ప్రేమికుల్ని విచారించారు. తాగిన మత్తులో ఉండడంతో వివరాలు తెలియరాలేదు. దీంతో ప్రేమికులను అరెస్టు చేశారు.

మంత్రి గిఫ్ట్‌ ను తిరస్కరించిన ముఖ్యమంత్రి

19/10/2016: బెంగళూరు : కర్ణాటక ముఖ్యమంత్రి సిద్ధరామయ్యకు కానుకలంటే హడలిపోతున్నారు. గతంలో హోబ్లేట్‌ వాచ్‌ వ్యవహారంలో పీకల్లోతు కూరుకుపోయి...అనంతరం ఏసీబీ క్లీన్‌చిట్‌తో బయటపడిన ఆయన కానుకలు అంటేనే జంకుతున్నారు. తాజాగా తన మంత్రివర్గ సహచరుడు, రాష్ట్ర పశుసంవర్ధక శాఖ మంత్రి ఏ. మంజు మంగళవారం విధాన సౌధలో సిద్ధరామయ్యకు ఓ గిఫ్ట్‌ ప్యాక్‌ను అందజేశారు. ముఖ్యమంత్రి ఏమాత్రం ఆలోచించకుండా ఆ గిఫ్ట్‌ను తీసుకోడానికి నిరాకరించారు. మంజు వివరణ ఇవ్వడంతో అందులో ఏమున్నాయని సిద్ధరామయ్య ప్రశ్నించారు. కేవలం సిల్క్‌ జుబ్బాలు ఉన్నాయని స్వీకరించాలని కోరారు. దీంతో సీఎం అలాంటివి తాను ధరించనని సున్నితంగా తిరస్కరించారు. కాగా గతంలో ముఖ్యమంత్రి సిద్ధరామయ్య ధరించిన రూ.70 లక్షల రూపాయల ఖరీదు చేసే లగ్జరీ వాచ్ రాష్ట్ర రాజకీయాల్లో పెద్ద దుమారాన్నే రేకెత్తించింది. సాధారణ జీవితాన్ని గడిపేందుకు ఇష్టపడతానని చెప్పుకునే ఆయన ఇంత ఖరీదు చేసే వాచ్‌ను ఎలా కొన్నారు? ఒక వేళ సిద్ధరామయ్య కొనకపోతే ఎవరైనా బహుమతిగా ఇచ్చారా? బహుమతిగా అందుకొని ఉంటే అందుకు ప్రతిఫలంగా సిద్దరామయ్య ఏం చేశారు? అంటూ మాజీ ముఖ్యమంత్రి హెచ్.డి.కుమారస్వామి సంధించిన ప్రశ్నలు అప్పట్లో కలకలాన్ని రేపాయి. ఇక ఈ వాచ్ వ్యవహారం ఏకంగా కాంగ్రెస్ హైకమాండ్ దృష్టికి కూడా వెళ్లిన విషయం తెలిసిందే. దీనిపై ఏసీబీ విచారణ కూడా చేపట్టింది. విచారణలో సిద్ధూకు క్లీన్ చిట్ రావటంతో ఊపిరిపీల్చుకున్నారు. దీంతో అప్పటి నుంచి కానుకలు అంటేనే సిద్ధరామయ్య భయపడుతున్నారు.

జియోను ర్యాగింగ్ చేస్తున్నాయ్!

18/10/2016: ముంబై : టెలికాం మార్కెట్లోకి కొత్తగా సంచలనాలు సృష్టిస్తూ వచ్చిన రిలయన్స్ జియో ఇన్ఫోకామ్పై ఇతర టెలికాం కంపెనీలు ర్యాగింగ్కు పాల్పడుతున్నాయట. ఈ ర్యాగింగ్ ఆగడాలను తాను గమనిస్తున్నానని, వెంటనే ర్యాగింగ్ను నిలిపివేయాలని లేకుండా పరిణామాలు తీవ్రంగా ఉంటాయని రిలయన్స్ ఇండస్ట్రీస్ అధినేత ముఖేష్ అంబానీ హెచ్చరించారు. సీనియర్ జర్నలిస్టులు శేఖర్ గుప్తా, బర్కాదత్ ఏర్పాటుచేసిన 'ఆఫ్ ది కఫ్' షోలో ఆయన పాల్గొన్నారు. టెలికాం మార్కెట్లో ఎప్పటినుంచో పాతుకునిపోయి ఉన్న భారతీ ఎయిర్టెల్, వొడాఫోన్, ఐడియా సెల్యులార్ కంపెనీలు కొత్తగా వచ్చిన తమ కంపెనీ రిలయన్స్ జియో ఇన్ఫోకామ్కు ఇంటర్కనెక్షన్ ఇవ్వకుండా ర్యాగింగ్కు పాల్పడుతున్నాయని ఆరోపించారు. తమ కొత్త టెలికాం వెంచర్ లక్ష్యం రూ.1,50,000 కోట్లు కాదని, రూ.2,50,000కోట్లకు తాము కట్టుబడి ఉన్నామని అంబానీ చెప్పారు. శక్తివంతమైన ఆలోచనలతో ప్రపంచాన్నే మార్చేస్తామన్నారు. బిజినెస్ల పరంగా ఎవరైతే(ఫైనాన్సియల్ ఎనలిస్టులు) మార్కెట్లో జియోను తప్పుగా చిత్రీకరించాలనుకుంటున్నారో వారికి తమ క్వార్టర్లీ ఫలితాలతో దిమ్మతిరిగే షాకిస్తామన్నారు. ఫైనాన్సియల్ మార్కెట్లు తప్పుదోవలో నడుస్తున్నాయని, ముఖ్యంగా ఆపిల్, గూగుల్ వంటి టెక్నాలజీలను ఆయన విమర్శించారు. ఫైనాల్సియల్ ఎనలిస్టులందరూ తప్పని తమ క్వార్టర్లీ ఫలితాలతో నిరూపిస్తామన్నారు. ఈ విశ్వాసంతోనే తాను ఈ స్థానంలో కొనసాగుతానన్నారు. జియో బోర్డు సభ్యులందరూ తనకు వెన్నంటే ఉంటారని ఆశాభావం వ్యక్తంచేశారు. జియో అద్భుత సృష్టికి దోహదం చేసిన తన పిల్లలు, ప్రస్తుతం జియో బోర్డు డైరెక్టర్లు ఇషా అంబానీ, ఆకాశ్ లను మరోసారి మెచ్చుకున్నారు. భారత్లో పాకిస్తాన్ యాక్టర్ల నిషేధంపై స్పందించిన అంబానీ, భారతీయులకు మొదట దేశమే ముఖ్యమని చెప్పారు. తర్వాతే కళలు, సంస్కృతి అన్నారు.. పాకిస్తానీ యాక్టర్లను భారత్లో నిషేధించడాన్ని ఆయన మద్దతుపలికారు.

మొబైల్ పోయిందని.. మైనర్లపై పాశవికం!

18/10/2016: లోని: పేరుమోసిన రాజకీయ నాయకుడి తమ్ముడొకడు మైనర్ల పట్ల పాశవికంగా ప్రవర్తించాడు. ముగ్గురినీ కొట్టంలో బంధించి, బర్రెలకు వాడే సిరంజిలతో మర్మాయవాల్లోకి పెట్రోల్ ను ఇంజెక్ట్ చేశాడు. వాట్పప్ ప్రచారంతో వెలుగులోకి వచ్చిన ఈ దారుణ సంఘటనపై పోలీసులు కేసు నమోదుచేశారు. వివరాల్లోకి వెళితే.. ఉత్తరప్రదేశ్ లోని ఘజియాబాద్ జిల్లా లోని పట్టణ మాజీ అధ్యక్షుడు, సమాజ్ వాది పార్టీకి చెందిన హజి ఎహసాన్ షురేషీకి స్థానికంగా పెద్ద సంఖ్యలో పశువుల దొడ్లు ఉన్నాయి. అతని తమ్ముడు రిజ్వాన్ ఖురేషి వాటిని నిర్వహిస్తూఉంటాడు. కొద్ది రోజుల కిందట రిజ్వాన్ ఖరీదైన మొబైల్ ఫోన్ చోరీకి గురైంది. ఈ ఘటన జరిగిన సమయంలో గొడ్ల కొట్టం సమీపంలో తచ్చాడుతూ కనిపించిన తొమ్మిది మందిని రిజ్వాన్, అతని అనుచరులు అదుపులోకి తీసుకున్నారు. వారిలో ముగ్గురిపై(16, 17 ఏళ్ల మైనర్లు ఇద్దరు, 24 ఏళ్ల మరో యువకుడు) అనుమానం బలపడటంతో చిత్రహింసలకు హింసలకు గురిచేశారు. మొబైల్ దొంగతనాన్ని ఒప్పుకోవాలంటూ వాళ్ల మలద్వారం గుండా పెట్రోల్ ను ఇంజెక్ట్ చేశారు. బర్రెలకు వినియోగించే సిరంజిలతో సున్నితమైన భాగంలో పెట్రోల్ ఎక్కించడంతో ఆ ముగ్గురూ తీవ్ర అస్వస్థతకు గురయ్యారు. బాధితుల్లో ఒకరి బంధువు ఈ ఘాతుకాన్ని వాట్సప్ ద్వారా వెలుగులోకి తెచ్చాడు. లోని ప్రాంతమంతా దీనికి సంబంధించిన వీడియోలు షేర్ అయ్యాయి. అలా సమాచారం తెలుసుకున్న పోలీసులు రంగంలోకి దిగారు. తీవ్ర గాయాలతో ఢిల్లీలోని ఆసుపత్రిలో మైనర్లిద్దరూ చికిత్స పొందుతుండగా, మరో యువకుడు లోనిలోని ఆసుపత్రిలో చేరాడు. ఈ ముగ్గురి పరిస్థితి విషమంగా ఉందని వైద్యులు చెబుతున్నారు. పెట్రోల్ ప్రభావం వల్ల మలద్వారం వద్ద శాశ్వత సమస్యలు ఏర్పడతాయని డాక్టర్లు చెప్పారు. బాధితుల నుంచి ఫిర్యాదు తీసుకున్న పోలీసులు ఎట్టకేలకు రిజ్వాన్ ఖురేషిని అరెస్ట్ చేశారు. అయితే ఇదంతా రాజకీయ కుట్ర అని రిజ్వాన్ అన్న హజీ ఎహసాన్ ఖురేషీ ఆరోపిస్తున్నారు. మొబైల్ పొయిన తర్వాత తమ్ముడు(రిజ్వాన్) ఆ ముగ్గురినీ పిలిపించింది వాస్తవమే, చెప్పదెబ్బో, బెత్తంతోనో కొట్టి ఉండొచ్చు తప్ప పెట్రోల్ ఇంజెక్ట్ చేయలేదు. మొబైల్ దొంగిలించినట్లు ఒప్పుకున్న తర్వాత ఆ ముగ్గురిని విడిచిపెట్టారు. ఇది జరిగిన తర్వాతి రోజు ప్రతిపక్షాలు కలుగజేసుకుని కావాలని విషయాన్ని పెద్దది చేశాయని ఎహసాన్ అంటున్నారు.

వైమానిక దాడుల్లో 31 మంది మృతి

17/10/2016: డమాస్కస్: సిరియాలో తిరుగుబాటుదారుల స్థావరాలపై వైమానిక దాడులు కొనసాగుతున్నాయి. అలెప్పోలో తిరుగుబాటుదారులు అధికంగా ఉన్న జిల్లాల్లో ఆదివారం జరిపిన వైమానిక దాడుల్లో 31 మంది మృతి చెందినట్టు బ్రిటన్ కు చెందిన మానవ హక్కుల పర్యవేక్షక సంస్థ వెల్లడించింది. తూర్పు అలెప్పోలోని ఖ్వాటెర్జీ, సుక్కరీ, బాబ్ ఆల్-నాజర్ ప్రాంతాలపై నాలుగు వైమానిక దాడులు జరిగినట్టు తెలిపింది. శిథిలాల్లో 10 కుటుంబాలు చిక్కుపోయాయని, మృతుల సంఖ్య పెరిగే అవకాశముందని వెల్లడించింది. ఈ దాడుల వెనుక సిరియా ప్రభుత్వ దళాల హస్తం ఉండొచ్చ అనుమానాన్ని వ్యక్తం చేసింది. ప్రభుత్వానికి, తిరుగుబాటు దారులకు మధ్య జరుగుతున్న పోరుతో సిరియా అట్టుడుకుతోంది. ఈ నేపథ్యంలో అమెరికా సహా పలు దేశాలు సిరియాకు సహాయాన్ని నిలిపివేశాయి. రష్యా సహకారంతో తిరుగుబాటుదారులను అణచివేసేందుకు సిరియా ప్రభుత్వం ప్రయత్నిస్తుండడంతో రోజూ ఎంతో మంది మృత్యువాత పడుతున్నారు.

న్యూయార్క్ లో ఒమర్ అబ్దుల్లాకు చేదు అనుభవం

17/10/2016: న్యూయార్క్ : జమ్మూకశ్మీర్ మాజీ ముఖ్యమంత్రి ఒమర్ అబ్దుల్లాకు న్యూయార్క్ విమానాశ్రయంలో ఆదివారం చేదు అనుభవం ఎదురైంది. చెకింగ్ పేరుతో ఇమిగ్రేషన్ అధికారులు ఆయనను రెండు గంటల పాటు విమానాశ్రయంలో వేచి ఉండేలా చేశారు. ఈ విషయాన్ని ఒమర్ అబ్దుల్లా తన ట్విట్టర్లో పేర్కొన్నారు. అమెరికా వెళ్లిన ప్రతిసారి ఈ అనుభవం ఎదురవుతోందని ఆయన తెలిపారు. న్యూయార్క్ యూనివర్సిటీలోని ఓ కార్యక్రమంలో పాల్గొనేందుకు ఒమర్ అమెరికా వెళ్లారు. అయితే మొదటిసారి తనిఖీలు పూర్తయినా, మరోసారి ఇమిగ్రేషన్ అధికారులు సోదాలు చేయటంపై అభ్యంతరం తెలుపుతూ ఈ మేరకు ఒమర్ విమానాశ్రయం నుంచే తన ట్విటర్ ఖాతా ద్వారా వరుసగా ప్రశ్నలు సంధించారు. తనిఖీల పేరుతో పదే పదే ఇలా జరగడం బాగోలేదని పేర్కొన్నారు. ఎక్కడైనా భద్రత నియమాలను తాను గౌరవిస్తానని.. కానీ అమెరికాలో ప్రతిసారి ఇలా ఇమిగ్రేష‌న్‌ అధికారులు అడ్డుచెప్పడం ఇబ్బందిగా ఉందని ట్వీట్ చేశారు. రెండు గంటలపాటు ఖాళీగా విమానాశ్రయంలో గడపాల్సి వచ్చిందని ఒమర్ అసంతృప్తి వ్యక్తం చేశారు. టైమ్ పాస్ చేసేందుకు ఆ సమయంలో పోకీమన్ ను కూడా అందుకోలేకపోయానంటూ ఆయన చమత్కరించారు. కాగా గతంలోనూ బాలీవుడు నటులు షారూఖ్, అక్షయ్ కుమార్లకూ తనిఖీల పేరుతో ఇమిగ్రేషన్ అధికారులు గంటలపాటు నిర్భందించిన విషయం తెలిసిందే.

శునకానికి ‘హోమ్‌టౌన్ హీరో’ అవార్డు

08/10/2016: శాన్ ఫ్రాన్సిస్కో: అప్రమత్తతతో వ్యవహరించి, యజమాని ఇంటిని అగ్నిప్రమాదం నుంచి కాపాడిన ఓ శునకానికి అమెరికాలోని మెరీడియన్ నగరం అందించే ‘హోమ్‌టౌన్ హీరో’ అవార్డు దక్కింది. సాధారణంగా మనుషులకు మాత్రమే అందించే ఈ అవార్డును ఈసారి శునకానికి ఇవ్వడం విశేషం. మెరీడియన్ సిటీలో ఉండే టాడ్‌ లావోయ్, జాక్సన్ అనే ఓ కుక్కను పెంచుకుంటున్నాడు. ఆగస్టు 29న అర్ధరాత్రి టాడ్‌ ఇంటిలో విద్యుత్‌ తీగలు కాలిపోవడంతో అంతటా మంటలు వ్యాపించడం ప్రారంభించాయి. దీన్ని గమనించిన జాక్సన్, వింతైన, అసాధారణ శబ్దంతో గట్టిగా అరిచింది. ఈ కుక్క కేకలు విన్న యజమాని టాడ్‌ లేచి చూసేసరికి మంటలు కనిపించాయి. వెంటనే ఇంట్లోని అగ్నిమాపక సిలిండర్‌ సాయంతో మంటలు ఆర్పేయడంతోపాటు, పవర్‌ స్విచ్‌ ఆఫ్‌ చేశాడు. దీంతో మంటలు ఆగిపోయాయి. జాక్సన్ మొరగకపోతే, పెద్ద ప్రమాదం జరిగేదని, దాని వల్లే తమ కుటుంబం ఆ ప్రమాదం నుంచి తప్పించుకోగలిగిందని టాడ్‌ చెప్పారు. జాక్సన్ తన చాకచక్యంతో నగరంలోని ఓ కుటుంబాన్ని కాపాడడంతో, మెరీడియన్ సిటీ మేయర్‌ టామ్మీ డే ఈ శునకానికి ‘హోమ్‌టౌన్ హీరో’ అవార్డు అందజేశారు.

సిక్కు సాఫ్ట్‌వేర్ ఇంజనీర్‌ పై అమెరికాలో దాడి

08/10/2016: కాలిఫోర్నియా : అమెరికాలో మరోసారి భారతీయులపై జాతి విద్వేష దాడి జరిగింది. సాఫ్ట్‌వేర్ ఇంజనీర్‌గా పనిచేస్తున్న 41 ఏళ్ల సిక్కు వ్యక్తిపై కొందరు దారుణంగా దాడికి పాల్పడ్డారు. ఆయన తలపాగాను తీసేసి.. జీవితంలో ఒక్కసారి కూడా కత్తెర పడనివ్వని జుట్టును చాకుతో కత్తిరించి తీవ్రంగా అవమానించారు. దీనిపై జాతివిద్వేష దాడి కేసు నమోదుచేసి దర్యాప్తు చేయాలని మానవహక్కుల సంఘాలు డిమాండ్ చేస్తున్నాయి. మాన్ సింగ్ ఖల్సా కాలిఫోర్నియాలో ఐటీ స్పెషలిస్టుగా పనిచేస్తున్నారు. ఆయన సెప్టెంబర్ 25 రాత్రి ఇంటికి తిరిగి వెళ్తుండగా ఆయన వాహనం మీద కొందరు యువకులు బీరు క్యాన్ విసిరారు. అయినా దాన్ని ఆయన పట్టించుకోకుండా.. అక్కడి నుంచి వెళ్లిపోతున్నా, యువకులు మాత్రం ఆయనను వెంబడించి మరీ దాడికి పాల్పడ్డారు. కారు అద్దాలు తెరిచి ఉంచడంతో వాటిలోంచి ఆయనపై దాడి చేశారు. ఆయన తలపాగాను లాగిపారేసి, ముఖం మీద పదేపదే గుద్దారు. వాళ్లంతా 20 నుంచి 30ల లోపు వయసువాళ్లేనని, ఐదారుగురు శ్వేతజాతి యువకులు తనను తిడుతూ శారీరకంగా దాడి చేశారని ఖల్సా ఆ తర్వాత చెప్పారు. ఈ దాడిలో ఆయన కన్ను వాచిపోయింది. తన జుట్టు కత్తిరించాల్సిందేనంటూ వాళ్లు కారు కిటికీ లోంచి తన తల బయటకు లాగి, వాళ్లదగ్గరున్న చాకుతో కొంత జుట్టు కత్తిరించారని ఆయన వాపోయారు. ఖల్సా చేతి వేళ్లు తెగిపోయాయి. కళ్లు, పళ్లు, చేతుల మీద కూడా గాయాలయ్యాయి. దీనిపై సిక్కు సంఘాలు తీవ్రంగా మండిపడ్డాయి. రిచ్‌మండ్ పోలీసు డిపార్టుమెంటుకు సిక్కు సంఘం ఫిర్యాదుచేసింది. శ్వేతజాతి యువకులు కేవలం శారీరకంగా దాడి చేయడమే కాక.. తన మత విశ్వాసాలను దారుణంగా దెబ్బ తీశారని ఖల్సా ఒక ప్రకటనలో తెలిపారు. 9/11 దాడుల తర్వాతి నుంచి ఈ 15 ఏళ్లలో సిక్కులపై వందలాది సార్లు దాడులు జరిగాయని సిక్కు సంఘం ఆరోపించింది.

'నా భర్తను సీఎం టార్గెట్ చేశారు'

07/10/2016: పాట్నా: తన భర్తను బిహార్ సీఎం నితీశ్ కుమార్ లక్ష్యంగా చేసుకున్నారని ఆర్జేడీ మాజీ ఎంపీ మహ్మద్ షహబుద్దీన్‌ భార్య హీనా షహబ్ ఆరోపించారు. 2000 సంవత్సరంలో తన ముఖ్యమంత్రి పదవి పోవడానికి తన భర్తే కారణమన్న కోపంతో ఆయనను నితీశ్ లక్ష్యంగా చేసుకున్నారని వెల్లడించారు. అప్పట్లో ఆర్జేడీ కంటే కొన్ని సీట్లు ఎక్కువగా గిలిచిన ఎన్డీఏ కూటమిని ప్రభుత్వ ఏర్పాటుకు గవర్నర్ ఆహ్వానించారు. నితీశ్ కుమార్ సీఎంగా బాధ్యతలు చేపట్టారు. మెజారిటీ నిరూపించుకోలేకపోవడంతో ఏడు రోజుల తర్వాత నితీశ్ పదవి కోల్పోయారు. కాంగ్రెస్ తో ఆర్జేడీ చేతులు కలిపి రబ్రీదేవి నేతృత్వంలో ఏర్పాటు చేసింది. ఇదంతా దృష్టిలో పెట్టుకుని తన భర్తను నితీశ్ రాజకీయంగా వేధిస్తున్నారని హీనా ఆరోపించారు. షహబుద్దీన్‌ బెయిల్ రద్దు చేయించేందుకు ప్రయత్నిస్తున్నారని అన్నారు. ఆర్జేడీ, జేడీ(యూ) కలిసి ప్రభుత్వం ఏర్పాటు చేసిన తర్వాత నితీశ్ కుమార్ పై ఆమె నేరుగా విమర్శలు చేయడం ఇదే మొదటిసారి. 2009, 2014 లోక్ సభ ఎన్నికల్లో పోటీ చేసి హీనా ఓడిపోయారు. కాగా, హీనా ఆరోపణలను జేడీ(యూ) అధికార ప్రతినిధి నీరజ్ కుమార్ తోసిపుచ్చారు.

తప్పు దిద్దుకున్న కేజ్రీవాల్

07/10/2016: న్యూఢిల్లీ: సర్జికల్ స్ట్రైక్స్ ఆధారాలను బహిర్గతం చేయాలని చేసిన వ్యాఖ్యల పట్ల దేశ వ్యాప్తంగా తీవ్ర విమర్శలు వెల్లువెత్తడంతోతన తప్పును దిద్దుకునే ప్రయత్నాన్ని ఢిల్లీ సీఎం అరవింద్ కేజ్రీవాల్ చేశారు. ఈ విషయంలో రాజకీయాలు మానుకోవాలని ఆయన సూచించారు. మనమందరం భారత ఆర్మీ వెనకాలనిలవాలని పిలుపునిచ్చారు. కాంగ్రెస్ ఉపాధ్యక్షుడు రాహుల్ గాంధీ ప్రధానమంత్రిని 'రక్త వ్యాపారి' అని సంభోదించడాన్నికేజ్రీ తీవ్రంగా తప్పుబట్టారు. సర్జికల్ స్ట్రైక్ చేశామని ప్రకటించగానే నరేంద్రమోదీకి, ఇండియన్ ఆర్మీకి సెల్యూట్ చేస్తూ తాను ప్రకటించిన విషయాన్ని గుర్తు చేశారు. కానీ అంతర్జాతీయ మీడియాలో అసలు అలాంటిది జరగలేదని బొంకుతున్న పాకిస్థాన్కు బుద్ధి చెప్పాలనే ఉద్దేశ్యంతోనే తాను సర్జికల్ స్ట్రైక్ ఆధారాలు బయటపెట్టాలని డిమాండ్ చేశానని తెలిపారు. పాకిస్థాన్కు తగిన గుణపాఠం చెప్పాలని తీరాల్సిందేనని అన్నారు. అందుకు ఈ దేశం ప్రధాని వెనకాల ఉంటుందని మరోసారి స్పష్టం చేశారు.కాగా సైనికులు వీరోచితంగా పోరాడితే దానిని నరేంద్రమోదీ రక్త వ్యాపారిలా వాడుకుంటున్నారని రాహుల్ విమర్శించిన విషయం తెలిసిందే.

'మేం కూడా భారత్తోపాటే.. దాడి కరెక్టే'

06/10/2016: న్యూఢిల్లీ: భారత్ నిర్వహించిన సర్జికల్ దాడులను మరో దేశం జర్మనీ కూడా సమర్థించింది. ప్రతి దేశానికి ఉగ్రవాదం నుంచి తన భూభాగాన్ని రక్షించుకునే హక్కు ఉందని పేర్కొంది. అది ఎలాంటి ఉగ్రవాదం అయినా, స్థానికమైనదైనా, అంతర్జాతయంగా ఉన్న ఉగ్రవాదమైన తన భూభాగానికి హాని కలిగిస్తే అడ్డుకునే హక్కు, దాడి చేసే హక్కు భారత్కు ఉందని స్పష్టం చేసింది. పాకిస్థాన్ భూభాగంలోకి దూసుకెళ్లి భారత్ సర్జికల్ దాడులు నిర్వహించడంపై మీ అభిప్రాయం ఏమిటని జర్మనీ రాయబారి మార్టిన్ నేను ప్రశ్నించగా 'సరిహద్దు పరిధిలో ఉగ్రవాదం గురించి నేను రెండు విషయాలను స్పష్టంగా చెప్పొచ్చు. ఏదేశమైనా తమ భూభాగం నుంచి మరో దేశంలోకి ఉగ్రవాదాన్ని ప్రవేశించనివ్వబోమని కచ్చితంగా హామీ ఇవ్వడం మొదటి అంశమైతే.. ఎలాంటి ఉగ్రవాదమైనా తమకు హానీ తలపెట్టినప్పుడు దానిని నుంచి తన మాతృభూమిని రక్షించుకునే హక్కు ఆ దేశానికి ఉంది' అని స్పష్టం చేశారు. ఈ రెండు కేవలం నోటి మాటలు కావని, అంతర్జాతీయ న్యాయ సమాజం ఇదే విషయాన్ని స్పష్టం చేస్తుందని అన్నారు. ఉగ్రవాదం విషయంలో భారత్ తో తమకు వ్యూహాత్మక ఒప్పందం ఉందని, దీనిపై ఇప్పటికే ప్రధాని నరేంద్రమోదీ, తమ చాన్సలర్ ఎంజెలా మెర్కెల్ సంతకాలు కూడా చేశారని అన్నారు. భారత్ ఉన్న సంబంధం కేవలం మాటల్లోది కాదని, చాలా దృఢమైన సంబంధమని, ఉగ్రవాదాన్ని నిర్మూలించేందుకు తాము కూడా భారత్ తో కదులుతామని చెప్పారు.

సరిహద్దులో ఉద్రిక్తత - ఎల్వోసీ వద్ద పాక్ మానవ రహిత విమానాలు

05/10/2016: న్యూఢిల్లీ/శ్రీనగర్: భారత ఆర్మీ సర్జికల్ దాడుల తర్వాత సరిహద్దుల్లో వాతావరణం ఉద్రిక్తంగా మారింది. పాకిస్తాన్ జవాన్లు కాల్పుల విరమణ ఉల్లంఘనకు పాల్పడుతుంటే.. అటు పాక్ వైమానిక దళం విమానాలతో సరిహద్దులో కార్యక్రమాలను గమనిస్తోంది. ‘సర్జికల్ దాడుల తర్వాత యూఏవీ (మానవరహిత వైమానిక వాహనాలు)లతో పాక్ పరిస్థితిని గమనిస్తోంది. తరచూ యూఏవీలు ఎల్వోసీకి దగ్గరగా వచ్చి వెళ్తుండటం చూస్తుంటే.. భారత బలగాలను అంచనా వేసేందుకే వచ్చాయనిపిస్తోంది. ఎలాంటి పరిస్థితినైనా ఎదుర్కొనేందుకు సిద్ధంగా, అప్రమత్తంగా ఉన్నాం’ అని బీఎస్‌ఎఫ్ డెరైక్టర్ జనరల్ కేకే శర్మ చెప్పారు. మంగళవారం ఢిల్లీలో జరిగిన భారత-బంగ్లాదేశ్ భద్రతా బలగాల ద్వైపాక్షిక చర్చల ముగింపులో శర్మ మాట్లాడారు. పాక్ సరిహద్దుల్లో భద్రతతోపాటు బంగ్లా సరిహద్దుల్లోనూ (ఉగ్రవాదులు చొరబడొచ్చన్న అనుమానంతో).. అప్రమత్తంగానే ఉన్నామన్నారు. ఎల్వోసీలో భూములున్న రైతులను అటువైపు వెళ్లేందుకు అనుమతిస్తున్నామని.. సరిహద్దు గ్రామాలను ఖాళీ చేయించటం లేదన్నారు. బారాముల్లాలో ఉగ్రవాద ఘటనతో చొరబాట్లపై నిఘా తీవ్రం చేశామన్నారు. కాల్పులకు తెగబడిన పాక్.. సరిహద్దుల్లో 48 గంటల్లో పాక్ 8 సార్లు కాల్పుల ఉల్లంఘనకు పాల్పడింది. భారత పోస్టులతోపాటు గ్రామస్తులపైనా షెల్లింగ్స్‌తో దాడులు చేసింది. అఖ్నూర్, నౌషేరా, రాజౌరీ సెక్టార్లతోపాటు పంజాబ్, గుజరాత్, రాజస్తాన్ రాష్ట్రాల సరిహద్దుల్లోనూ ఈ కాల్పులు జరిగాయి. వీటిని భారత బలగాలు తిప్పికొట్టాయి. సోమవారం రాత్రి సౌజియన్, షాపూర్-కెర్నీలలో పాక్ జరిపిన కాల్పుల్లో పలు దుకాణాలు ధ్వంసం కాగా.. ఐదుగురు పౌరులు గాయపడ్డారు. కాగా, ఆదివారం గుజరాత్ తీరంలో భారత సముద్రజలాల్లోకి వచ్చిన ఓ బోటులోని 9 మంది పాకిస్తానీలను భారత తీర గస్తీ దళం అదుపులోకి తీసుకుంది. మంగళవారం పంజాబ్‌లోని అమృత్‌సర్ జిల్లాలో రావి నదిలో ఓ పాకిస్తాన్ ఖాళీ బోటును భద్రతా దళం గుర్తించింది. రావినదిలో నీటి ప్రవాహం పెరగటంతో.. పాక్‌వైపునుంచి పడవ కొట్టుకొచ్చినట్లు భావిస్తున్నారు. త్రివిధ దళాలు సిద్ధమే.. పాక్‌పై మెరుపుదాడి చేసేందుకు సిద్ధంగా ఉన్నామని ఎయిర్ చీఫ్ మార్షల్ అరుప్ రాహా తెలిపారు. ఆర్మీ, నేవీ, ఎయిర్‌ఫోర్స్ సిద్ధంగా ఉన్నాయని.. దూకుడుగా వెళ్లాలని కేంద్రం ఆదేశించిన మరుక్షణం మెరుపుదాడి మొదలవుతుందన్నారు. కశ్మీర్‌లో ఉద్రిక్త పరిస్థితులను అదుపులోకి తెచ్చే క్రమంలో పౌరులకన్నా.. జవాన్లకే ఎక్కువ గాయాలయ్యాయని సీఆర్పీఎఫ్ డీజీ దుర్గాప్రసాద్ తెలిపారు. ‘సర్జికల్’పై రాజకీయ దుమారం న్యూఢిల్లీ: పాక్ ఉగ్ర కేంద్రాలపై భారత ఆర్మీ జరిపి సర్జికల్ దాడులపై రాజకీయ దుమారం లేచింది. ఇవి అసత్యమని, రాజకీయ లబ్ధి కోసమే బీజేపీ వీటిని చిత్రీకరించిందని ముంబై కాంగ్రెస్ చీఫ్ సంజయ్ నిరుపమ్ అనగా, దాడులపై ఆధారాలను కేంద్రం బయటపెట్టాలని ఢిల్లీ సీఎం కేజ్రీవాల్ డిమాండ్ చేశారు. దీనిపై కేంద్ర మంత్రి రవిశంకర్ ప్రసాద్ స్పందిస్తూ.. కేజ్రీవాల్ భారత ఆర్మీపై నమ్మకంతో మాట్లాడాలన్నారు. దాడులపై అభ్యంతరం ఉన్నవారు పాక్ పౌరసత్వం తీసుకోవాలని మరో మంత్రి ఉమాభారతి హెచ్చరించారు. సంజయ్ వ్యాఖ్యలకు పార్టీతో సంబంధం లేదని కాంగ్రెస్ పేర్కొంది. భారత గౌరవానికి భంగం కలిగిస్తే సహించబోమని కేంద్ర హోం మంత్రి రాజ్‌నాథ్ సింగ్ తెలిపారు.

నెట్‌లో చూసి.. నొప్పిలేకుండా టెకీ ఆత్మహత్య

04/10/2016: న్యూఢిల్లీ : ఇంటర్‌నెట్.. రెండువైపులా పదునున్న కత్తి. దాన్ని విజ్ఞానానికీ వాడొచ్చు, వినాశనానికీ వాడొచ్చు. కానీ సాఫ్ట్‌వేర్ ఇంజనీర్లు దాన్ని ఏకంగా ఆత్మహత్యల కోసం కూడా వాడేస్తున్నారు. ఢిల్లీలో ఉండే ఓ పాతికేళ్ల వెబ్ ఇంజనీర్.. ఆన్‌లైన్‌లో కార్బన్ మోనాక్సైడ్ తెప్పించుకుని, దాన్ని పీల్చి ఏమాత్రం నొప్పి లేకుండా ఆత్మహత్య చేసుకున్నాడు. శాస్త్రీయ పరిశోధన కోసం తనకు కార్బన్ మోనాక్సైడ్ కావాలని చెప్పి చిన్న సిలిండర్ తెప్పించుకున్న అతడు.. ఓ పెద్ద పాలిథిన్ కవర్ తీసుకుని, అందులో తన ముఖంతో పాటు సిలిండర్‌ను కూడా కలిపి పెట్టుకుని, కింద మొత్తం గట్టిగా మూసేశాడు. అప్పటికే సిలిండర్ వాల్వు తెరిచి ఉంచడంతో అందులోంచి వచ్చిన గ్యాస్ పీల్చి.. నొప్పి తెలియకుండా తక్కువ సమయంలోనే ప్రాణాలు వదిలేశాడు. అనుకోకుండా కార్బన్ మోనాక్సైడ్ పీల్చి చనిపో్వడం సాధారణమేనని, కానీ.. ఇలా కావాలనే ఆ వాయువుతో ఆత్మహత్య చేసుకోవడం మాత్రం ఇదే మొదటిసారని ఎయిమ్స్ ఫోరెన్సిక్ విభాగం అధిపతి ప్రొఫెసర్ సుధీర్ గుప్తా తెలిపారు. అతడు నొప్పి లేకుండా ఆత్మహత్య చేసుకునే విధానాల కోసం ఇంటర్‌నెట్ గాలించినట్లు కూడా ఆ తర్వాత తెలిసింది. అద్దెకు తీసుకున్న ఫ్లాట్‌లోని బాత్రూంలో అతడి శవం పడి ఉండటాన్ని పోలీసులు గమనించారు. ఆ వాయువు ఎలా చంపుతుంది కార్బన్ మోనాక్సైడ్ మనుషులను ఎలా చంపుతుందన్న విషయాన్ని పోస్టుమార్టం నిర్వహించిన వైద్యుడు డాక్టర్ చిత్తరంజన్ బెహరా వివరించారు. ''వాసన, రంగు లేని.. ఏమాత్రం శారీరక ఇబ్బంది కలిగించని వాయువు. ఇది ఆక్సిజన్‌ కన్నా 200 రెట్లు ఎక్కువగా రక్తంలోని హెమోగ్లోబిన్‌తో కలిసిపోతుంది. రక్తంలోని ఆక్సిజన్ బదులు మొత్తం ఇది వ్యాపించి, చివరకు మెదడుకు కూడా ఆక్సిజన్ అందకుండాపోయి.. వెంటనే మరణం సంభవిస్తుంది. తక్కువ స్థలంలో ఎక్కువ గాఢతతో ఈ వాయువు వ్యాపిస్తే.. చాలా తక్కువ సమయంలోనే ప్రాణం పోతుంది. ఈ కేసులో ఇలాగే జరిగింది'' అని ఆయన తెలిపారు.

సర్జికల్‌ స్ట్రైక్స్‌ - ధోవల్‌కు పాక్‌ ఎన్‌ఎస్‌ఏ ఫోన్‌!

03/10/2016: న్యూఢిల్లీ: పీవోకేలో భారత సైన్యం సర్జికల్‌ దాడులతో సరిహద్దుల్లో తీవ్ర ఉద్రిక్తత నెలకొన్న సంగతి తెలిసిందే. ఒకవైపు ఉగ్రవాదులు దాడులతో అలజడి రేపుతుండగా మరోవైపు కాల్పుల ఉల్లంఘన కలకలం రేపుతోంది. ఈ నేపథ్యంలో భారత ప్రభుత్వం ముందుజాగ్రత్త చర్యగా సరిహద్దుల మీదుగా ఉన్న గ్రామాలను ఖాళీ చేయించి.. అక్కడి ప్రజలను సురక్షిత ప్రాంతాలకు తరలిస్తున్న సంగతి తెలిసిందే. భారత్‌-పాకిస్థాన్‌ సరిహద్దుల్లో ఈ ఉద్రిక్తతల నేపథ్యంలో పాక్‌ జాతీయ భద్రతా సలహాదారు (ఎన్‌ఎస్‌ఏ) నసీర్‌ జంజువా భారత భద్రతా సలహాదారు అజిత్‌ ధోవల్‌కు ఫోన్‌ చేసి మాట్లాడారు. ఈ సందర్భంగా సరిహద్దుల్లో ఉద్రిక్తతలు తగ్గించేందుకు ఇద్దరూ అంగీకరించారు. ఈ విషయాన్ని పాక్‌ ప్రధాని నవాజ్‌ షరీఫ్‌ విదేశీ వ్యవహారాల సలహాదారు సర్తజ్‌ అజిజ్‌ తెలిపినట్టు పాక్‌ మీడియా తెలిపింది.

'ఈ రోజుల్లో అలా నడుచుకోవడం కుదురుతుందా'

03/10/2016: మీరట్: 'ఈ రోజుల్లో గాంధీజీ అడుగుజాడల్లో నడవడం కుదురుతుందా. ఇటీవల మన భారత సైన్యం జరిపిన సర్జికల్ స్ట్రైక్స్ నా ప్రశ్నకు సమాధానం ఇస్తాయి. మనం ఒకవేళ గాంధీజీ చూపిన మార్గంలోనే నడిస్తే.. సర్జికల్ దాడులు జరగకూడదు' అని అఖిల భారతీయ హిందూ మహాసభ ఉపాధ్యక్షుడు అశోక్ శర్మ ఇక్కడ గాడ్సే విగ్రహావిష్కరణ సందర్భంగా మాట్లాడారు. ఆదివారం గాంధీ జయంతిని అఖిల భారతీయ హిందూ మహాసభ ధిక్కార్ దివస్గా జరుపుకుంది. ఈ సందర్భంగా మీరట్లోని సంస్థ కార్యాలయంలో గాడ్సే విగ్రహాన్ని ఆవిష్కరించారు. అఖిల భారత హిందూ మహాసభ 2014 లోనే గాడ్సే విగ్రహాన్ని ఏర్పాటుచేయడానికి ప్రయత్నించినప్పటికీ.. పోలీసులు, వివిధ సంఘాలు ప్రతిఘటించడంతో విగ్రహ ఏర్పాటు ప్రక్రియ నిలిచిపోయింది. అయితే.. ఈసారి గాంధీ జయంతి సందర్భంగా హిందూ మహాసభ తన పంతం నెరవేర్చుకుంది. గాంధీజీ అడుగుజాడల్లో నడవడం మానేసి అందరూ గాడ్సేను ఆరాధించడం మొదలుపెట్టాలని ఈ సందర్భంగా అశోక్ శర్మ మాట్లాడారు.

పాక్లో మోదీ స్వచ్ఛభారత్ - సెహ్వాగ్

30/09/2016: ఢిల్లీ : తన బ్యాటింగ్ లాగానే.. ట్విట్టర్ లో కూడా విలక్షణంగా ఉండే మాజీ క్రికెటర్ వీరేంద్ర సెహ్వాగ్.. సర్జికల్ స్ట్రైక్ పై తన దైన శైలి లో స్పందించారు. భారత ప్రధాని నరేంద్రమోదీ ప్రారంభించిన స్వచ్ఛభారత్ కార్యక్రమాన్ని సరిహద్దులు దాటి పొరుగు దేశంలో కూడా మొదలు పెట్టారంటూ ట్వీట్ చేశారు. పాక్ ఆక్రమిత కాశ్మీర్‌లోకి ప్రవేశించిన భారత సైన్యం అక్కడి ఉగ్రవాదుల స్థావరాలపై దాడి చేసిన సందర్భంగా ఆయన ఈ ట్వీట్ చేశారు. ఈ మధ్య కాలంలో తరచు ట్విట్టర్ ద్వారా తన భావాలను బయట పెడుతున్న సెహ్వాగ్ ప్రధాని నరేంద్రమోదీ భారత సరిహద్దులు దాటి పొరుగు దేశంలో స్వచ్ఛ భారత్‌ను మొదలుపెట్టారని అందులో భాగంగానే భారత సైన్యం ఈ దాడులు జరిపిందని తన ట్వీట్‌లో పేర్కొన్నారు.

క్లాస్రూమ్లో అమ్మాయిల జుట్టు పట్టుకుని..

30/09/2016: అమ్మాయిలను జుట్టు పట్టుకుని తిప్పుతూ ఉన్మాదిలా ఊగిపోతూ కొట్టాడు. తలకు దెబ్బ తగిలేలా పలుమార్లు బలంగా కొట్టాడు. చెంపలు వాయించాడు. అమ్మాయిలను గొడ్డును బాదినట్టు బాదాడు. ఇక అబ్బాయిలపైనా ఇదే ప్రతాపం చూపించాడు. దెబ్బలు తిన్న ఈ అమ్మాయిలు, అబ్బాయిలు నేరస్తులేమీ కాదు.. భావి భారత విద్యార్థులు. హోం వర్క్ చేయకపోవడమే వీళ్లు చేసిన నేరం. వీధి రౌడీలా ప్రవర్తించిన ఆ వ్యక్తి టీచర్. హరియాణాలోని కర్నల్లో టీచర్ చేసిన నిర్వాకాన్ని ఓ విద్యార్థి రహస్యంగా వీడియో తీశాడు. కర్నల్లోని ఓ ప్రైవేట్ కోచింగ్ సెంటర్లో టీచర్ విద్యార్థుల పట్ల అమానుషంగా ప్రవర్తించాడు. ఈ టీచర్ను ప్రదీప్ ఆరోరాగా గుర్తించారు. కోచింగ్ సెంటర్ యజమాని కూడా ఇతడే. హోం వర్క్ చేయని 10, ఇంటర్ విద్యార్థులను దారుణంగా కొట్టాడు. క్లాస్లో వెనుక వైపు కూర్చున్న ఓ విద్యార్థి మొబైల్ ఫోన్తో టీచర్ నిర్వాకాన్ని వీడియో తీశాడు. ఈ వీడియో సోషల్ మీడియాలో వైరల్ కావడంతో పాటు ఓ టీవీలో ప్రసారమవడంతో టీచర్పై తీవ్ర విమర్శలు వచ్చాయి. టీవీలో ప్రసారమైన వీడియో ఆధారంగా కేసు నమోదు చేసుకుని విచారణ చేస్తున్నట్టు కర్నల్ ఎస్పీ పంకజ్ నైన్ చెప్పారు. కాగా విద్యార్థులు కానీ వారి తల్లిదండ్రులు కానీ టీచర్పై ఫిర్యాదు చేయలేదు. ప్రదీన్ అరోరా రిటైర్డ్ నేవీ ఉద్యోగి. మెరుగైన ఫలితాలు సాధించేందుకు విద్యార్థులకు ఎలాంటి శిక్షయినా వేయాలని తల్లిదండ్రులు తనకు చెప్పారని వివరణ ఇచ్చాడు.

సైనికులను పరుగులు పెట్టించిన బాలిక

29/09/2016: న్యూఢిల్లీ: భద్రతా సిబ్బందిని 12 ఏళ్ల బాలిక పరుగులు పెట్టించింది. నవీ ముంబైలోని ఉరాన్ నౌకాశ్రయం సమీపంలో అనుమానిత వ్యక్తులను చూశానని చెప్పి హడావుడి చేయడంతో భద్రతా బలగాలు హుటాహుటిన రంగంలోకి దిగాయి. కశ్మీర్ లో ఉడీ ఉగ్రదాడి జరిగిన నాలుగు రోజుల తర్వాత ఈ సమాచారం అందడంతో నేవీ, కోస్ట్ గార్డ్, ఎన్ఎజీ, మహారాష్ట్ర ఏటీఎస్ బలగాలు అణువణువుగా జల్లెడ పట్టాయి. అనుమానాస్పద వ్యక్తులు దొరక్కపోవడంతో ఊపిరి పీల్చుకున్నారు. ఇదంతా బాలిక చేసిన ఆకతాయి పనిగా గుర్తించి ఆమెను మందలించారు. సరదా కోసమే అలా చెప్పానని బాలిక తెలిపింది. మొదటి తప్పుగా భావించి బాలికను పోలీసులు మందలించి వదిలేశారు. ఆమెకు కౌన్సెలింగ్ ఇచ్చి పంపారు. సున్నితమైన విషయాల్లో తప్పుదోవ పట్టించేవిధంగా వ్యవహరించడం వల్లే తలెత్తె పరిణామాలను వివరించారు. భవిష్యత్ ఇలాంటివి పునరావృతం కాకుండా చూసుకోవాలని మందలించారు. సున్నితమైన విషయాల్లో ఆకతాయిగా వ్యవహరించడం మంచిది కాదని భద్రతాదళ అధికారి ఒకరు తెలిపారు. ఇలాంటి పనుల వల్ల ఆందోళన రేగడంతో పాటు రక్షణ బలగాల వనరులు, సమయం వృధా అవుతుందని పేర్కొన్నారు.

ఆమె ఉందని అఫైర్ల సంగతి ఎత్తలేదు

29/09/2016: అమెరికా అధ్యక్ష ఎన్నికల ప్రత్యర్థులు హిల్లరీ క్లింటన్, డొనాల్డ్‌ ట్రంప్‌ల తొలి డిబేట్ పోటాపోటీగా సాగింది. ఈ బిగ్ డిబేట్‌లో తమదైన ప్రణాళికలు వివరించిన హిల్లరీయే ఎక్కువ మార్కులు కొట్టేశారు. ఈ సంగతి పక్కన పెడితే ట్రంప్ వాగ్ధాటి గురించే అమెరికాలో ఆసక్తిర చర్చ మొదలైంది. ప్రచార పర్వంలో విరుచుకుపడుతున్నట్టే ముఖాముఖిలోనూ ఆయన హిల్లరీని ఇబ్బంది పెట్టే వ్యక్తిగత కామెంట్స్ చేస్తారని చాలామంది ఊహించారు. ఎగ్జాంపుల్‌కు ఆమె భర్త బిల్ క్లింటన్ అధ్యక్షుడిగా ఉన్నప్పుడు సాగించిన అఫైర్లను తిరగదోడతారని అనుకున్నారు. అయితే, ఎన్ని విమర్శలు చేసినా ఈ టాపిక్‌ను ట్రంప్ టచ్ చేయలేదు. ఎందుకిలా? ఇదే విషయాన్ని ఫాక్స్ ఛానల్ ట్రంప్‌ను తమ లేటెస్ట్ ఇంటర్వ్యూలో ప్రశ్నించింది. దీనికి ఆయనో ఆసక్తికర సమాధానం ఇచ్చారు. "డిబేట్‌కు హాజరైన వీక్షకుల్లో క్లింటన్స్‌ కుమార్తె ఛెల్సియా ఉంది. ఆమె ముందు బిల్ అఫైర్ల సంగతి తేవడం బాగోదని అనుకున్నాను. ఆ విషయం ప్రస్తావించినంత మాత్రాన లాభం ఉండదని భావించా" అంటూ రెస్పాండ్ అయ్యారు ట్రంప్. ఎలాంటి మొహమాటం లేకుండా నోటికి ఏదొస్తే అది అనేయడం ట్రంప్‌కు అలవాటు. ఈ వైఖరే ఆయనకు గుర్తింపు తీసుకురావడంతో పాటూ వివాదాల్లోకి నెట్టింది. అయితే తాజా డిబేట్‌లో బిల్ క్లింటన్ అఫైర్ల జోలికి వెళ్లకపోవడంతో ఆయన తీరులో ఏమైనా మార్పు వచ్చిందా? అన్న సందేహం కలుగవచ్చు. అబ్బే, నేనెప్పుడూ ఇంతే. నేను మారే ప్రసక్తే లేదన్న.. విషయాన్ని స్పష్టం చేయాలన్న ఉద్దేశంతోనో ఏమో గానీ ట్రంప్ వెనిజులాకు చెందిన మాజీ మిస్ యూనివర్స్ అలీయా మచాడోపై వివాదాస్పద వ్యాఖ్యలు చేశారు. ఆమె ఒళ్లు బాగా చేసింది. ఆమె "మిస్ పిగ్గీ(పంది)" అంటూ తనదైన శైలిలో కామెంట్ విసిరారు.

ఓటేయమంటూ.. గాయని షాకింగ్ ప్రచారం

29/09/2016: న్యూయార్క్ : అమెరికా అధ్యక్ష ఎన్నికల్లో ఓటేయడానికి ప్రజలు ముందుకు రావాలంటూ ప్రముఖ గాయని కేటీ పెర్రీ వినూత్న ప్రచారం చేసింది. నిద్రనుంచి ఎలా లేచినా కూడా అలాగే నేరుగా పోలింగ్ బూత్‌కు వచ్చి ఓట్లు వేయాలని చెబుతూ అందుకోసం ఒక ప్రచార వీడియోను రూపొందించింది. ఇందులో విశేషం ఏమిటంటే.. అందరినీ ఎలా కావాలంటే అలా వచ్చి ఓటేయమని చెబుతూ తాను ఉన్నట్టుండి పూర్తి నగ్నంగా మారిపోతుంది. అదిచూసి అప్పుడే బూత్‌లో ఓటు వేయడానికి వెళ్తున్న ఓ వ్యక్తి కింద పడిపోతాడు. క్యూలో ఉన్నవాళ్లు కూడా ఆశ్చర్యంగా చూస్తుంటారు. అంతలో ఇద్దరు పోలీసులు వచ్చి పెర్రీని తీసుకెళ్లి పోలీసు కారులో కూర్చోబెట్టేస్తారు. దీన్నంతటినీ కలిపి 'ఫన్నీ ఆర్ డై' అనే పేరుతో ఒక వీడియో రూపొందించింది. ఈ విషయంలో తాను రాజ్యాంగాన్ని కూడా చూశానని, అందులో ఫలానా దుస్తుల్లోనే వచ్చి ఓటు వేయాలని ఎక్కడా లేదని ఆమె తెలిపింది. అందువల్ల ప్రజాస్వామ్యంలో మన ఇష్టం వచ్చినట్లు పక్కమీద నుంచి లేచి అలాగే వచ్చి ఓటు వేయొచ్చని అంటోంది. ఇందుకోసం ఆమె రకరకాల దుస్తులు చూసిందట గానీ.. చివరకు బర్త్‌డే సూట్ అయితేనే బాగుంటుందని భావించిందట. ముందుగా నైట్‌గౌన్‌లో పోలింగ్ కేంద్రానికి వచ్చి, తర్వాత అక్కడే ఆ గౌన్ విప్పేసినట్లుగా వీడియో షూట్ చేసి సంచలనం సృష్టించింది. అంతేకాదు, తాను నిద్రపోయేటప్పుడు కూడా నగ్నంగానే పడుకుంటానని చెప్పింది. నగ్నంగా ఓటు వేసే హక్కు తనకున్న విషయం తెలుసని స్పష్టం చేసింది.

ఉత్తర కొరియాకు అమెరికా చెక్

28/09/2016: వాషింగ్టన్ : వరుసపెట్టి అణ్వాయుధాలను పరీక్షిస్తూ.. పంటికింద రాయిలా మారిన ఉత్తర కొరియా అధ్యక్షుడు కిమ్ జోంగ్ ఉన్‌కు కాస్త భయం నేర్పించాలని అమెరికా భావిస్తోంది. దాంతో దక్షిణ కొరియాలో వెంటనే థాడ్ యాంటీ మిసైల్ వ్యవస్థను మోహరించాలని భావిస్తోంది. వీలైనంత త్వరగా వాటిని అక్కడ ఏర్పాటుచేస్తామని అమెరికా విదేశాంగ శాఖ సహాయ మంత్రి డేనియల్ రసెల్ తెలిపారు. యూరోపియన్ యూనియన్ సహా పలు దేశాలతో ఈ విషయమై అమెరికా సంప్రదింపులు మొదలుపెట్టింది. అంతర్జాతీయ బ్యాంకింగ్ లావాదేవీలు నిర్వహించకుండా ఉత్తర కొరియాను అడ్డుకోవాలని వివిధ దేశాలను కోరింది. ఉత్తరకొరియా క్షిపణిపరీక్షల నేపథ్యంలో తాము తప్పనిసరిగా వీలైనంత త్వరలోనే క్షిపణి విధ్వంసక వ్యవస్థను దక్షిణ కొరియాలో ఏర్పాటుచేస్తామని రసెల్ అన్నారు. సెప్టెంబర్ 9వ తేదీన ఐదోసారి అణుపరీక్ష నిర్వహించిన తర్వాత ఉత్తర కొరియాపై ఆంక్షలు విధిస్తామని ఐక్యరాజ్య సమితి హెచ్చరించిన విషయం తెలిసిందే. ఆ తర్వాతే థాడ్ వ్యవస్థ గురించిన ఆలోచన అమెరికాకు వచ్చింది. ఉత్తరకొరియాపై ఆంక్షల విధింపునకు గట్టి మద్దతు ఇచ్చిన చైనా మాత్రం.. థాడ్ క్షిపణి విధ్వంసక వ్యవస్థ ఏర్పాటుకు పూర్తి వ్యతిరేకంగా ఉంది. ఉత్తరకొరియా అణ్వస్త్ర కార్యక్రమాల గురించి చైనా కూడా ఆందోళన వ్యక్తం చేసిందని, అందువల్ల ఆ దేశంపై ఆంక్షలకు తమ మద్దతు కూడా ఉంటుందని చెప్పిందని రసెల్ అన్నారు. అమెరికా, దాని మద్దతుదారులు జపాన్, దక్షిణ కొరియా లాంటి దేశాలు కలిసి ఉత్తరకొరియా ఆదాయ మార్గాలను కత్తిరించే ప్రయత్నాల్లో పడ్డాయి.

దుమారం రేపుతున్న లాలు ఫొటో..

28/09/2016: బిహార్ సీనియర్ జర్నలిస్ట్ రంజన్ హత్య కేసులో నిందితుడిగా ఉన్న జావేద్ భట్ ఆ రాష్ట్ర మంత్రి తేజ్ ప్రతాప్తో కలవడం, ఫొటో దిగడంపై తీవ్ర విమర్శలు రాగా.. ఆర్జేడీ చీఫ్ లాలు ప్రసాద్తో కూడా జావేద్ కలిసున్న ఫొటో తాజాగా బయటకు రావడం దుమారం రేపుతోంది. ఓ వేదికపై కూర్చున్న లాలుతో జావేద్ మాట్లాడుతున్నట్టుగా ఉన్న ఫొటో సోషల్ మీడియాలో వైరల్ అయ్యింది. మంత్రి తేజ్ ప్రతాప్.. లాలు కొడుకన్న విషయం తెలిసిందే. హత్య కేసులో నిందితుడితో తండ్రీకొడుకులు సన్నిహితంగా ఉన్న ఫొటోలు బయటకు రావడంతో వారిపై తీవ్ర విమర్శలు వస్తున్నాయి. ఆర్జేడీ నాయకులు నేరగాళ్లను ప్రోత్సహిస్తున్నారన్న ఆరోపణలు వస్తున్నాయి. కాగా లాలుతో జావేద్ కలిసున్న ఫొటో పాతదని భావిస్తున్నారు. మంత్రి తేజ్ ప్రతాప్తో మాత్రం జావేద్ ఇటీవల కలిశాడు. రంజన్ హత్య కేసులో మరో నిందితుడు కైఫ్తో కలసి జావేద్ మంత్రితో కలిసున్న ఫొటో బయటకు వచ్చింది. దీనిపై మంత్రి వివరణ ఇవ్వాల్సి వచ్చింది. రంజన్ హత్య కేసును సరిగా దర్యాప్తు చేయడం లేదని, సీబీఐతో విచారణ చేయించాలని కోరుతూ ఆయన భార్య ఆశ సుప్రీం కోర్టును ఆశ్రయించింది. ఓ వైపు సీబీఐ నాయకులు ఈ కేసును విచారిస్తుండగా.. లాలు, ఆయన తనయుడుతో నిందితులు కలిసున్న ఫొటోలు బయటకు రావడంతో ఆర్జేడీ నాయకులపై తీవ్ర విమర్శలు వస్తున్నాయి.

టెన్త్ విద్యార్థినిపై మేనమామ పైశాచికం..

27/09/2016: జింద్: తనపై మేనమామ లైంగిక దాడి చేస్తున్నాడని, చంపేందుకు ప్రయత్నిస్తున్నాడని ఫిర్యాదు చేసినా పోలీసులు పట్టించుకోకపోవడంతో పదో తరగతి చదువుతున్న బాలిక ఓ ఎస్పీ ఇంటి ముందుకు వెళ్లి ఆత్మహత్యకు దిగింది. విషం తీసుకొని స్పృహకోల్పోయింది. ప్రస్తుతం ఆ బాలికను ఆస్పత్రికి తరలించారు. బాలిక పరిస్థితి విషమంగా ఉంది. పోలీసులు తెలిపిన వివరాల ప్రకారం.. జింద్ జిల్లాలోని కైతాల్ దయోరా ఖురానా అనే ప్రాంతంలో పదో తరగతి చదువుతున్న బాలిక తన మేనమామ ఇంట్లో ఉండి చదువుకుంటోంది. అయితే, గత కొద్ది రోజులుగా అతడి విచక్షణను మరిచి ఆ బాలిక పై లైంగిక దాడి చేస్తూ వస్తున్నాడు. దీంతో ఆ బాలిక మహిళా పోలీస్ స్టేషన్ ను ఆశ్రయించి ఫిర్యాదు చేసింది. కానీ వారు ఫిర్యాదు నమోదు చేసుకోకపోవడంతోపాటు వెళ్లి పంచాయతీలో తేల్చుకోవాలని చెప్పారు. దీంతో ఆ బాలిక నేరుగా విషయం తీసుకొని వెళ్లి ఎస్పీ ఇంటి ముందు ఆత్మహత్యాయత్నానికి పాల్పడింది. ఈ మేరకు కేసు నమోదు చేసుకున్న పోలీసులు ఆ బాలిక0 మేనమామను అరెస్టు చేసేందుకు ప్రత్యేక టీంను పంపించింది.

తండ్రి కంటే కొడుకే బెటర్!

27/09/2016: లక్నో : ఉత్తరప్రదేశ్‌లోని అధికార సమాజ్‌వాదీ పార్టీలో ఇటీవలి వివాదం తర్వాత నిర్వహించిన సర్వేలో ఆసక్తికరమైన అంశాలు బయటపడ్డాయి. తదుపరి ముఖ్యమంత్రి అభ్యర్థిగా ఎవరుంటే బాగుంటుందన్న ప్రశ్నకు.. ఎక్కువ మంది అఖిలేష్ యాదవ్ పేరే చెప్పారట. ఆయన తర్వాత ఎక్కడో దూరంగా ములాయం సింగ్ యాదవ్ ఉండగా.. తాజాగా పార్టీ రాష్ట్ర అధ్యక్ష పదవి చేపట్టిన శివపాల్ యాదవ్ పరిస్థితి బాగా ఘోరంగా ఉందట. రాష్ట్రంలోని 403 అసెంబ్లీ నియోజకవర్గాలలో మొత్తం 11వేల మంది ప్రజలతో చేసిన సర్వేలో ఈ విషయాలు బయటపడ్డాయి. సీఓటర్ సంస్థ ఇప్పుడు ఎవరు ముఖ్యమంత్రి అభ్యర్థిగా ఉండాలని అడిగితే.. మొత్తం 70.3 శాతం మంది అఖిలేష్ యాదవ్ వైపే మొగ్గు చూపించారు. కేవలం 26.1 శాతం మంది మాత్రమే ములాయం తమ ఛాయిస్ అని చెప్పారు. ముస్లింలలో కూడా 75.6 శాతం మంది అఖిలేష్ అయితే బాగుంటుందని చెప్పగా, ములాయం సింగ్ యాదవ్ వైపు 19.4 శాతం మంది మొగ్గుచూపించారు. ఇతర కులాలు, వర్గాలలో కూడా ములాయం కంటే అఖిలేష్ ఎక్కువ మెజారిటీతోనే ఉన్నారు. ఇక ఇటీవలే అఖిలేష్ యాదవ్‌తో గొడవపడి.. తన పాత పదవులతో పాటు కొత్తగా రాష్ట్ర అధ్యక్ష పదవిని కూడా చేజిక్కించుకున్న శివపాల్ యాదవ్‌కు మాత్రం కేవలం 6.9 శాతం మంది మద్దతు తెలిపారు. సమాజ్‌వాదీ పార్టీ మద్దతుదారుల్లో కూడా 88.1 శాతం మంది పార్టీ పగ్గాలను అఖిలేష్ చేపట్టాలని కోరుకున్నారు. కానీ 38.2 శాతం మంది మాత్రం క్రిమినల్ ఇమేజి నుంచి పార్టీని బయటకు తీసుకొచ్చి దాన్ని సమర్థంగా నడిపించలేకపోతున్నారన్నారు. కుటుంబంలో చెలరేగిన ఈ వివాదం అంతా కేవలం అఖిలేష్‌కు ఓటర్ల సానుభూతి తెచ్చిపెట్టడానికేనని 24.2 శాతం మంది అన్నారు.

సుప్రీం చెప్పినా..నీళ్లు వదలం

22/09/2016: బెంగళూరు: సుప్రీం కోర్టు తీర్పు ఇచ్చినా కావేరి జలాలను తమిళనాడుకు వదలడంపై కర్ణాటక తాత్సారం చేస్తోంది. నీటి విడుదలను మరో 2 రోజులపాటు వాయిదా వేసింది. ఈ విషయంపై చర్చించడానికి ఈ నెల 23న గవర్నరు అనుమతితో ఉభయ సభలను సమావేశ పరచాలని బుధవారం జరిగిన అఖిలపక్ష, మంత్రివర్గ భేటీల్లో కర్ణాటక ప్రభుత్వం నిర్ణయించింది. 23వరకు నీటిని వదలబోమని సీఎం సిద్ధరామయ్య బుధవారం చెప్పారు. ఈ నిర్ణయాన్ని మంత్రి మండలి ఏకగ్రీవంగా ఆమోదించిందన్నారు. కావేరీ జలాలను బుధవారం నుంచి ఈ నెల 27వరకు రోజూ 6 వేల క్యూసెక్కుల చొప్పున విడుదల చేయాలని సుప్రీం మంగళవారం ఆదేశించడం తెలిసిందే. దీంతో.. కర్ణాటక సర్కారు బుధవారమంతా చర్చలు జరిపి పై నిర్ణయానికి వచ్చింది. రాత్రి మంత్రివర్గ సమావేశం నిర్వహించి బాగా పొద్దుపోయాక సిద్ధరామయ్య వివరాలను మీడియాకు చెప్పారు. అఖిలపక్ష భేటీకి బీజేపీ గైర్హాజరైంది. మరోవైపు రాష్ట్రానికి చెందిన బీజేపీ నేతలుజగదీష్‌శెట్టర్, సదానందగౌడ తదితరులు ప్రధాని నరేంద్ర మోదీని కలసి కావేరి విషయంలో కలుగజేసుకోవాలని కోరగా ఆయన నిరాకరించినట్లు సమాచారం.

‘తీవ్రవాదుల తరపున ప్రధాని బహిరంగ ప్రచారం’

22/09/2016: న్యూఢిల్లీ: ఐక్యరాజ్యసమితిలో పాకిస్థాన్ ప్రధాని నవాజ్ షరీఫ్ చేసిన ప్రసంగం గర్హనీయమని బీజేపీ జాతీయ ప్రధాన కార్యదర్శి రాంమాధవ్‌ అన్నారు. నవాజ్ షరీఫ్ చేసిన ప్రసంగం పాకిస్థాన్ అధినేతగా చేసినట్టు లేదని, హిజ్బుల్ ముజాహిద్దీన్ సుప్రీంకమాండర్ గా మాట్లాడినట్టు ఉందని ఘాటుగా వ్యాఖ్యానించారు. బుర్హాన్ వాని వంటి తీవ్రవాద కమాండర్ల తరపున బహిరంగంగా ఆయన ప్రచారం చేస్తున్నారని దుయ్యబట్టారు. పాకిస్థాన్ ను తీవ్రవాద దేశంగా ప్రకటించాలని రాంమాధవ్ డిమాండ్ చేశారు. నవాజ్ షరీఫ్ గురించి, పాకిస్థాన్ ప్రభుత్వం భారత్ చెబుతున్నదంతా వాస్తవేమని ఐక్యరాజ్యసమితిలో షరీఫ్ ప్రసంగం ద్వారా తేలిపోయిందన్నారు. తీవ్రవాదాన్ని పాక్ ప్రోత్సహిస్తోందన్న విషయం మరోసారి రుజువైందన్నారు. ఉడీ ఉగ్రదాడి కుట్రదారులను చట్టం ముందు నిలబెట్టేందుకు దౌత్యపరంగా పాకిస్థాన్ పై ఒత్తిడి తెస్తామన్నారు. ఇందులో భాగంగా ప్రయత్నలు మొదలు పెట్టినట్టు చెప్పారు. ఉడీ ఉగ్రదాడి కుట్రదారులను వదిలిపెట్టే సమస్య లేదని స్పష్టం చేశారు. ఐక్యరాజ్యసమితిలో నవాజ్ షరీఫ్ చేసిన ప్రసంగం హాస్యాస్పదంగా ఉందని కాంగ్రెస్ సీనియర్ నాయకుడు అభిషేక్ సింఘ్వి అన్నారు. ప్రపంచంలోనే అత్యధికంగా తీవ్రవాదాన్ని ఎగుమతి చేస్తూ ఉగ్రవాదులను ప్రశంసించేలా మాట్లాడడం శోచనీయమన్నారు. ఈవిధంగా మాట్లాడడం వల్ల తమ మీద తామే జోక్ విషయాన్ని పాకిస్థాన్ గుర్తించలేకపోతోందని ఎద్దేవా చేశారు.

పెళ్లికూతుళ్లు దొరకడం మరింత కష్టం

22/09/2016: న్యూఢిల్లీ : మన దేశంలో ఇప్పటికే పెళ్లి కాని ప్రసాదులు చాలా మంది ఉన్నారు. పెళ్లికూతుళ్లు దొరకడం ఇబ్బంది అవుతోంది. అయినా మనవాళ్లు మాత్రం ఇంకా అబ్బాయిలే కావాలని, అమ్మాయిలు వద్దని అంటున్నారు. 2011-13 సంవత్సరాల మధ్య ప్రతి వెయ్యి మంది అబ్బాయిలకు 909 మంది అమ్మాయిలు పుడితే, 2012-14 మధ్య ఈ సంఖ్య మరింత తగ్గి 906కు చేరుకుంది. ఈ లెక్కన పెళ్లి చేసుకోవాలనుకున్నా.. అమ్మాయిలు దొరకడం ఇంకా కష్టం అవుతుంది. అమ్మాయిల జననాల్లో ఢిల్లీ పరిస్థితి దారుణంగా ఉంది. గతంలో 887 మంది పుడితే, ఇప్పుడు 876 మందే పుట్టారు. తర్వాతి స్థానంలో యూపీ ఉంది. 2014 సంవత్సరానికి సంబంధించిన శాంపిల్ రిజిస్ట్రేషన్ సిస్టమ్ లెక్కలు తాజాగా విడుదలయ్యాయి. ఉత్తరాది రాష్ట్రాల్లో లింగనిష్పత్తి దారుణంగా ఉందని, తమిళనాడులో కూడా తగ్గుతోందని తెలిసింది. తమిళనాడులో ఇంతకుముందు వెయ్యి మంది అబ్బాయిలకు 927 మంది అమ్మాయిలు పుడితే, ఇప్పుడు 921 మందే పుట్టారు. అంతర్జాతీయంగా చూస్తే ప్రతి వెయ్యి మంది అబ్బాయిలకు 950 లేదా అంతకంటే ఎక్కువ మంది అమ్మాయిలు పుడుతున్నారు. భారత దేశంలో మాత్రం పున్నామ నరకం నుంచి కాపాడేది పుత్రుడేనంటూ అబ్బాయిల కోసం చూడటం ఎక్కువైంది.

అందరూ చూస్తుండగానే..ఢిల్లీలో ఘోరం..

21/09/2016: ఢిల్లీ: ఉత్తర ఢిల్లీ బురారికి చెందిన 21ఏళ్ల కరుణ టీచర్. ఎప్పట్లానే ఈ రోజూ స్కూలుకు బయలుదేరింది. అయితే అదే తన జీవితంలో చివరి రోజు అవుతుందని ఆమె ఏమాత్రం ఊహించలేదు. పొరుగింట్లో ఉండే సురేందర్ రూపంలో మృత్యువు పొంచి ఉందని అనుకోలేదు. రోడ్డుపైకి వచ్చిన కరుణపై ఎక్కణ్ణుంచి వచ్చాడో ఏమో గానీ కత్తితో విచక్షణారహితంగా దాడిచేశాడు సురేందర్. తనలోని కర్కశత్వాన్నంతటినీ ప్రదర్శిస్తూ కరుణను 30 సార్లకుపైగా పొడిచాడు. అంతటితో అతడి ద్వేషం తీరిపోలేదు. రోడ్డు పక్కనే ఉన్న ఓ బండరాయిని తీసుకుని ఆమె తలపై అనేకసార్లు మోదాడు. ఈ హత్యోదంతం అంతా ఏ మారుమూలో, నిర్జన ప్రదేశంలోనో జరిగింది కాదు. నడిరోడ్డుపైనే. అందరూ చూస్తుండగానే ఈ ఉన్మాది కరుణను దారుణంగా హత్యచేశాడు. ఈ ఘాతుకాన్ని అనేకమంది ప్రత్యక్షంగా చూశారు. కానీ, ఏ ఒక్కరూ ఆ అభాగ్యురాలిని ఆదుకునేందుకు ముందుకురాలేదు. సురేందర్ కిరాతకానికి కరుణ బలైపోయింది. 34ఏళ్ల సురేందర్ కు ఇంతకుముందే పెళ్లైంది. విడాకులు కూడా తీసుకున్నాడు. కరుణను చాలాకాలంగా వేధిస్తున్నాడు. కరుణ కుటుంబసభ్యులు ఇతడిపై ఏడాది ప్రారంభంలో కేసు పెట్టినా రాజీపడ్డారు. అందుకే పోలీసులు అతణ్ణి ఏంచేయలేకపోయారు. ఈ ఉదాసీనతను ఆసరాగా తీసుకునే సురేందర్ కరుణ ప్రాణాలు తోడేశాడు.

నా భార్యకు.. ఏడుగురు భర్తలు!

20/09/2016: బెంగళూరు : తన భార్యకు తాను కాక మరో ఏడుగురు భర్తలున్నారని.. అంతమందిని పెళ్లి చేసుకోవడం ద్వారా తనను మోసం చేయడమే కాక, రోజూ కొడుతోందని ఓ భర్త వాపోయాడు. ఆమె బారి నుంచి తనను కాపాడి న్యాయం చేయాలంటూ బెంగళూరులోని కేజీ హళ్లి పోలీసులను ఆశ్రయించాడు. తూర్పు బెంగళూరులోని కేజీ హళ్లి ప్రాంతానికి చెందిన ఇమ్రాన్ అనే వ్యక్తి తన భార్య యాస్మిన్ బానుపై పోలీసులకు ఫిర్యాదు చేశాడు. యాస్మిన్‌కు మగవాళ్లను మోసం చేసే అలవాటు ఉందని, ఆమె తన మీద దాడి చేస్తోందని వాపోయాడు. యాస్మిన్ తమను కూడా పెళ్లి చేసుకుందని షోయబ్, అఫ్జల్ అనే మరో ఇద్దరు పోలీసులకు తెలిపారు. యాస్మిన్ తనను భారీ మొత్తంలో డబ్బు అడిగిందని, ఇవ్వనని చెప్పేసరికి తనను వదిలి వెళ్లిపోయిందని రియల్ ఎస్టేట్ ఏజెంటుగా పనిచేసే అఫ్జల్ పోలీసులకు చెప్పాడు. పోలీసులు ముందుగా ఇమ్రాన్ మీద దాడిచేసి కొట్టినందుకు యాస్మిన్ మీద కేసుపెట్టారు. ఇక ఎనిమిది మంది మగాళ్లను మోసంచేసిన విషయంలో ఆరోపణలను పరిశీలిస్తున్నట్లు చెప్పారు.

'ఆ సీఎంకు చిన్నప్పుడు అన్నీ ఆయనే'

19/09/2016: లక్నో: సమాజ్వాది పార్టీ అధినేత ములాయం సింగ్ యాదవ్ తన రాజకీయాల్లో తీరికలేకుండా ఉండగా ప్రస్తుతం ముఖ్యమంత్రిగా ఉన్న తనయుడు అఖిలేశ్ యాదవ్ ఆలనాపాలనా మొత్తం కూడా సోదరుడు శివ్ పాల్ యాదవ్ చూసుకున్నారట. అఖిలేశ్కు అసలైన గార్డియన్ కూడా ఆయనేనంట. ఉత్తరప్రదేశ్లోని సమాజ్వాది పార్టీలో దేశం మొత్తాన్ని ఆకర్షించేలా రాజకీయ పరిణామాలు చోటుచేసుకున్న విషయం తెలిసిందే. ఈ పరిణామాలకు ప్రధాన కారణం అఖిలేశ్, పినతండ్రి శివపాల్ యాదవ్ లే కారణం. అది కూడా రెండుగా చీలిపోతారా అన్నంతలా పరిణామాలు చోటుచేసుకున్నాయి. ఎట్టకేలకు పార్టీ వ్యవస్థాపకుడు ములాయం సింగ్ యాదవ్ జోక్యంతో వారి మధ్య వివాదం సర్దుమణిగింది. అయితే, అఖిలేశ్, శివపాల్ మధ్య ఉన్నది చాలా గాఢమైన సంబంధం అని తెలిసింది. 1980, 90 దశకాల్లో ములాయం తన రాజకీయాల్లో బిజీబిజీగా ఉండగా అఖిలేశ్ స్కూల్ ఎడ్యుకేషన్, కాలేజీ ఎడ్యుకేషన్ మొత్తం శివపాల్ చేతులమీదుగానే జరిగిందట. హాస్టల్లో చేర్పించడం, అవసరాలు చూడటం, విదేశాలకు వెళ్లేందుకు అనుమతులివ్వడం వగైరా కార్యక్రమాలు మొత్తం శివపాల్ చూసుకున్నారట. అంతేకాదు, అఖిలేశ్ భార్య డింపుల్ కు శివపాల్ భార్య సరళకు చాలా అన్యోన్య సంబంధం ఉందంట. దీంతో వారిమధ్య ఎంతో గాఢమైన అనుభందం ఉందని, ఎలాంటి విభేదాలు వచ్చిన వారిమధ్య అవి నిలబడలేవని చెబుతున్నారు. అఖిలేశ్ పూర్తిస్థాయిలో రాజకీయాల్లోకి వచ్చే సమయం వరకు కూడా అటు తండ్రికిగానీ, పినతండ్రికి కానీ ఏనాడు 'కాదు, కుదరదు' అని చెప్పలేదట. అఖిలేశ్ కూడా వారిద్దరి మధ్య విబేధాలు వచ్చిన తర్వాత అవి కేవలం రాజకీయాల్లో మాత్రమేనని, తమ కుటుంబంలో కాదని ప్రకటించాడంటే నిజంగానే వారి బంధం విడదీయరానిదే అని అనుకోవాల్సిందే.

ఎమ్మెల్యే కొడుకు దారుణం!

17/09/2016: న్యూఢిల్లీ: బిహార్లో దారుణం చోటుచేసుకుంది. తన కారును ఓవర్ టేక్ చేశాడని ఆగ్రహంతంతో ఆర్జేడీ ఎమ్మెల్యే బిరేంద్ర సిన్హా కుమారుడు కునాల్ ప్రతాప్ ఓ యువకుడిని కత్తితో పొడిచాడు. ఔరంగాబాద్ జిల్లాలోని ఓబ్రా అనే ప్రాంతంలో కారులో వెళుతున్న కునాల్ ఓ బైక్పై వెళుతున్న యువకుడిని ఓవర్ టేక్ చేసేందుకు ప్రయత్నించి విఫలమయ్యాడు. దీంతో ఆగ్రహంతో ఊగిపోయిన కునాల్ మరోసారి వేగంగా వెళ్లి అతడిని ఆపేసి దాడి చేసి కొట్టి కత్తితో పొడిచినట్లు ఆరోపణలు నమోదయ్యాయి. కత్తిపోట్లకు గురైన ఆ బాధితుడు తీవ్ర గాయాలతో ఆస్పత్రి పాలయ్యాడు. పరిస్థితి విషమంగా ఉంది. ఈ కేసులో పోలీసులు కునాల్ను అరెస్టు చేశారు. కాగా, ఎమ్మెల్యే బిరేంద్ర ఈ ఘటనపై స్పందిస్తూ తన కుమారుడు ఎవరిపై హత్యాయత్నం చేయలేదని, అతడే తనను తాను కోసుకొని తన కుమారుడిపై ఆరోపణలు చేస్తున్నాడని మండిపడ్డాడు. కునాల్ ను అరెస్టు చేయలేదని, కేవలం వివరణ ఇచ్చేందుకు అతడు పోలీస్ స్టేషన్కు వెళ్లాడని చెప్పారు. తన రాజకీయ చరిత్రను మసకబార్చే కుట్రలో భాగంగా తానంటే గిట్టని వాళ్లు ఈ పనిచేయించి ఉంటారని ఆరోపించాడు. తన కుమారుడు అమాయకుడని తనకు నమ్మకం ఉందని, త్వరలోనే నిజనిజాలు తెలుస్తాయని తెలిపారు.

మళ్ళీ సెల్ఫీలతో కిమ్ కర్దాషియాన్..!

17/09/2016: మియామీః హాలీవుడ్ శృంగార తార, రియాలిటీ టీవీ స్టార్ కిమ్ కర్దాషియాన్ తన నగ్న సెల్ఫీలతో మరోమారు వార్తలకెక్కింది. సోషల్ మీడియా వేదికగా సెల్ఫీలు పోస్టు చేయడంలో పేరొందిన ఆమె.. తాజాగా తన చర్మ సౌందర్యాన్ని ప్రతిబింబించేట్టు తీసుకున్ననగ్న సెల్ఫీలను షేర్ చేసి అభిమానులకు మరింత చేరువయ్యేందుకు ప్రయత్నించింది. ఇటీవల సుమారు 31 కిలోల వరకూ బరువు తగ్గించుకొని మరింత స్లిమ్ గా తయారైన కిమ్... శరీరంపై నూలుపోగు లేకుండా ఓ హోటల్ గదిలో స్వీయ చిత్రాలకు పోజిచ్చింది. అంతేకాక వాటిని సామాజిక మాధ్యమంలో షేర్ చేయడం మరోమారు హాట్ టాపిక్ గా మారింది. ఇన్ స్టాగ్రామ్, ట్విట్టర్ లలో ఆమె పోస్టు చేసిన లేటెస్ట్ ఫోటోల్లో కిమ్.. పూర్తి శాతం నగ్నంగా కనిపిస్తోంది. అయితే కొన్ని శరీర భాగాలను మాత్రం చేతులతో కవర్ చేసిన ఈ సెల్ఫీ సుందరి.. ముఖానికి సెల్ ఫోన్ అడ్డుపెట్టి పాక్షికంగా కనపడేట్లు పోజిచ్చింది. సెక్సీ పోలారాయిడ్ ఫోటోలే తనకు స్ఫూర్తినిచ్చాయని గతంలో కిమ్ కర్దాషియాన్ చెప్పిన విషయం తెలిసిందే. మార్చి నెలలో ఓసారి సోషల్ మీడియాలో తన నగ్న ఫోటోలను షేర్ చేసి హల్ చల్ చేసిన ఈ 35 ఏళ్ళ ముద్దుగుమ్మ.. వార్తల్లో ప్రధానాంశంగా నిలవడంతో.. ఆమె వైఖరి పట్ల సహ నటులు క్లో మోరెట్జ్, బెట్టే మిడ్లర్ సైతం తీవ్ర విమర్శలు చేశారు.

వోల్వో బస్సుకు మంటలు.. చిన్నారి మృతి

16/09/2016: బెంగళూరు : కర్ణాటకలో ఘోరం జరిగింది. హుమ్నాబాద్ ప్రాంతంలో ఒక వోల్వో బస్సులో మంటలు చెలరేగి.. మూడేళ్ల చిన్నారి సజీవ దహనం అయిపోయాడు. పశ్చిమగోదావరి జిల్లా తణుకుకు చెందిన విహాన్ అనే చిన్నారి ఈ ఘటనలో ప్రాణాలు కోల్పోయాడు. ప్రమాదం జరిగే సమయానికి బస్సులో 36 మంది ప్రయాణిస్తున్నారు. వారిలో 8 మంది పిల్లలు ఉన్నారని ప్రమాదానికి సజీవ సాక్షి అయిన ప్రభాకరరెడ్డి 'సాక్షి'కి తెలిపారు. కావేరి ట్రావెల్స్‌కు చెందిన ఈ బస్సు ముందు భాగంలో మంటలు చెలరేగడంతో బస్సు డ్రైవర్, క్లీనర్ మంటలు వచ్చాయని అరుచుకుంటూ దిగి పారిపోయారు. షిర్డీ నుంచి హైదరాబాద్‌కు బయల్దేరిన ఈ బస్సు తెల్లవారుజామున 5.30 గంటల సమయంలో హుమ్నాబాద్ సమీపంలోకి చేరుకున్నప్పుడు ఒక్కసారిగా మంటలు వచ్చాయి. దాంతో ఏం చేయాలో అర్థంకాని స్థితిలో కొంతమంది మాత్రం కిందకు దూకేశారు. దగ్గరలో ఉన్న రాళ్లు తీసుకుని అద్దాలు పగలగొట్టి మిగిలిన వాళ్లను కిందకు తీసుకురావడానికి ప్రయత్నించారు. అందరూ కిందకు వచ్చినట్లు ప్రయాణికులు భావించారు గానీ వాళ్లు దిగే సమయానికి మూడేళ్ల చిన్నారి విహాన్ మాత్రం బస్సులోనే ఉండిపోయాడు. దాంతో ఆ చిన్నారి ప్రాణాలు కోల్పోయాడు. దాంతో అతడి తల్లిదండ్రులు కన్నీరు మున్నీరుగా రోదిస్తున్నారు. ప్రమాదంలో తీవ్రంగా గాయపడిన మరో ముగ్గురిని ఆస్పత్రిలో చేర్పించారు. ప్రయాణికులంతా కట్టుబట్టలతో మిగిలిపోయారు.

సరోగసీ బేబీ అనాథ కావాల్సిందేనా? - సుష్మాస్వరాజ్

14/09/2016: ముంబైః విదేశాంగ మంత్రి సుష్మా స్వరాజ్ బ్రిటిష్ ప్రభుత్వంపై ఆగ్రహం వ్యక్తం చేశారు. భారతదేశంలో సరోగసీ ద్వారా బిడ్డను కన్న బ్రిటిష్ దంపతులు.. ఆ బిడ్డకు పాస్ పోర్ట్ తెచ్చుకోలేకపోవడంపై సీరియస్ అయ్యారు. బిడ్డను బలవంతంగా ఆనాథను చేస్తారా అంటూ తన ట్వీట్ల ద్వారా ప్రశ్నలు సంధించారు. సర్రోగేట్ శిశువు గమ్యం అనాథగా మారడమేనా అంటూ సుష్మాస్వరాజ్ ఆగ్రహం వ్యక్తం చేశారు. వైద్య వీసాతో ముంబైలో ఉన్న క్రిస్, మిచెలే న్యూమన్ దంపతుల వీసా గడువు పెంచినప్పటికీ అది అక్టోబర్ 7 తో ముగియనుంది. అయితే వారికి సరోగసీద్వారా పుట్టిన మూడు నెలల వయసున్న బిడ్డకు మాత్రం గడువులోపు ట్రావెల్ డాక్యుమెంట్లు వచ్చే అవకాశం లేదని ముంబైలోని బ్రిటిష్ కాన్సులేట్ హెచ్చరించింది. దీంతో తమ బిడ్డకు పాస్ పోర్ట్ కోసం ఆ బ్రిటిష్ దంపతులు నానా కష్టాలు పడుతున్నారు. వారి వీసా గడువు ముగిసే లోపు తమ బిడ్డ.. లిల్లీకి పాస్ పోర్ట్ లభించకపోతే ఆమెను అనాథ శరణాలయంలో వదిలేయాల్సిన పరిస్థితి నెలకొంది. ఈ పరిస్థితిపై సుష్మా స్పందించారు. బిడ్డను అనాథను చేస్తారా? అంటూ బ్రిటిష్ అధికారులను ప్రశ్రిస్తూ ట్వీట్ చేశారు. సరోగసీ దంపతులపై బ్రిటిష్ ప్రభుత్వ చర్యలను విమర్శించారు. సంతానంలేని దంపతులు అద్దెగర్భం ద్వారా పిల్లల్ని కనే విధానాన్ని నేషేధిస్తూ కేంద్ర ప్రభుత్వం గత నెల్లో కొత్త సరోగసీ చట్టాన్ని తెచ్చింది. ఈ విధానంవల్ల పెద్ద ఎత్తున వ్యాపారం జరుగుతుందన్న నేపథ్యంలో దీన్ని నిషేధిస్తూ చట్టాన్ని చేసింది. అయితే వాణిజ్య సరోగసీపై నిషేధం విధించేందుకు ముందుగానే న్యూమన్ దంపతులు భారత్ లో సరోగసీ ద్వారా లిల్లీని కన్నారు. లిల్లీ బహుశా భారత్ లో చివరి వాణిజ్య సరోగసీ బిడ్డ అని చెప్పాలి. అయితే లిల్లీ పాస్ పోర్ట్ అప్లికేషన్ జూన్ 3 నుంచే యూకే హోం కార్యాలయంలో ఉన్నా.. ఇప్పటికీ ఆమెకు పాస్ పోర్ట్ లభించలేదు. తాము లిల్లీని తమతో వెంటబెట్టుకొని వెళ్ళేందుకు ఎన్నో రకాలుగా ప్రయత్నిస్తున్నామని, లిల్లీని అనాథను చేసే ఉద్దేశ్యం తమకు ఎంతమాత్రం లేదని న్యూమన్ అంటున్నారు. ఓ సాధారణ డీఎన్ఏ టెస్ట్ లిల్లీకి తండ్రి తానే అని నిరూపిస్తుందని న్యూమన్ తన పిటిషన్ లో ఆశాభావం వ్యక్తం చేశారు.

మరణం సమీపిస్తోందని విమానంలో కేకలు - భయభ్రాంతులకు గురైన ప్రయాణికులు

12/09/2016: లండన్‌: గాల్లో విమానం ప్రయాణిస్తున్న సమయంలో ఒక్కసారిగా చేతికి బేడీలు ఉన్న వ్యక్తి ‘అల్లాహ్‌ అక్బర్‌’.. ‘మరణం సమీపిస్తోంది’ అని బిగ్గరగా కేకలు వేయడంతో ఒక్కసారిగా ప్రయాణికులు భయభ్రాంతులకు గురయ్యారు. ఇంగ్లాండ్‌లోని గాట్విక్‌ నుంచి వెనిస్‌ బయలుదేరిన ఈజీజెట్‌ ఈజెడ్‌వై5263 విమానంలో ఈ ఘటన జరిగినట్లు బ్రిటీష్‌ హోం ఆఫీస్‌ అధికారులు వెల్లడించారు. అక్రమ వలసదారులను తరలిస్తున్న విమానంలో ఈ ఘటన జరిగినట్లు సమాచారం. చేతికి బేడీలు ఉన్న ఆ వ్యక్తి 29 సార్లు అల్లాహ్‌ అక్బర్‌, 17 సార్లు మరణం సమీపిస్తోంది, మనం అందరం చనిపోబోతున్నాం అని తొమ్మిది సార్లు అరిచినట్లు ప్రయాణికులు వెల్లడించారు. అతడి కేకలతో భయపడిపోయిన ప్రయాణికులు, చిన్నారులు ఏడ్వడం ప్రారంభించారు. వెంటనే స్పందించిన అధికారులు అతడ్ని అరవకుండా అదుపు చేశారు.

దావూద్కి కుచ్చుటోపీ పెట్టిన అనుచరుడు

12/09/2016: న్యూఢిల్లీ: అండర్ వరల్డ్ డాన్ దావూద్ ఇబ్రహీం మోసపోయాడు. అది కూడా తన అనుచరుడి చేతిలో. దావూద్ కి నమ్మకస్తుడైన ఖలీక్ అహ్మద్ అనే అనుచరుడు భారీ మొత్తంలో డాన్ డబ్బును దోచేశాడు. దావూద్ భారత్ లో కేవలం ఆయుధాలు, వజ్రాలు, డ్రగ్స్ లను అక్రమంగా రవాణా చేయడమే కాకుండా నల్లధనానికి సంబంధించిన బిజినెస్ లు నడుపుతున్న విషయం తెలిసిందే. ఢిల్లీ, ముంబై తదితర ప్రాంతాల నుంచి నల్లడబ్బును పెద్ద మొత్తంలో పనామా, కెనడా, దుబాయ్, పాకిస్తాన్ లకు హవాలా ద్వారా తరలిస్తున్నాడు. కొద్ది సంవత్సరాల తర్వాత అదే డబ్బును మామూలుగా చలామణి చేయడానికి సహకరిస్తున్నాడు. ఈ ప్రక్రియలో అహ్మద్ ఢిల్లీలోని ఓ వ్యక్తి నుంచి రూ.45 కోట్ల రూపాయల నల్లధనాన్ని డాన్ తరఫున తీసుకోని హవాలా ద్వారా విదేశాలకు తరలించాల్సి వుంది. డబ్బును వ్యక్తి నుంచి తీసుకున్న అహ్మద్ సర్వీసు చార్జీ కింద దావూద్ కు రూ.5 కోట్లు పంపి, మిగిలిన రూ.40 కోట్లతో విదేశాలకు ఉడాయించాడు. భారత నిఘా సంస్థలు కొన్ని అంతర్జాతీయ నంబర్లను ట్యాప్ చేయగా ఈ వివరాలు బయటపడ్డాయి. పాకిస్తాన్ లో దావుద్ అనుచరుడు జబీర్ మోతి అనే వ్యక్తి అహ్మద్ కు ఫోన్ చేసి డీల్ కు సంబంధించిన వివరాలు మాట్లాడినట్లు ఓ అధికారి వెల్లడించారు. దావూద్ పనులను చక్కబెట్టేందుకు అహ్మద్ తరచూ భారత్, షార్జాల మధ్య తిరుగుతుంటాడని తెలిసింది. అహ్మద్ చేసిన పనివల్ల డాన్ ప్రతిష్టకు భంగం కలుగుతుందని, దీనిపై దావూద్ చాలా సీరియస్ గా ఉన్నారని ఆ ఫోన్ కాల్ సారాంశం. అహ్మద్ ను పట్టుకోవడానికి నవంబర్ 26, 2015న దావూద్ అనుచరులు ఇద్దరు ఢిల్లీ నుంచి కెనడా వెళ్లినట్లు నిఘా వర్గాలు తెలిపాయి. అహ్మద్ ప్రస్తుతం మణిపూర్ లో తలదాచుకుంటున్నట్లు నిఘా వర్గాలకు సమాచారం ఉంది. మోసగించిన డబ్బులో సగాన్ని అహ్మద్ పనామా బ్యాంకులో , మిగతా సగం డబ్బును విదేశాల్లో దావూద్ కు ఉన్న వ్యాపారాల్లో తన పేరు మీద పెట్టుబడి పెట్టినట్లు తెలిసింది.

చైనా రాకెట్ ప్రయోగం విఫలం

09/09/2016: బీజింగ్: అత్యంత అడ్వాన్స్ డ్ టెక్నాలజీతో సిద్ధం చేసిన ఓ శాటిలైట్ ను కక్ష్యలో ప్రవేశపెట్టడంలో చైనా విఫలం చెందింది. షాంగ్సీలోని తయ్యువాన్ ఉపగ్రహ ప్రయోగకేంద్రం నుంచి ప్రయోగించిన ఈ రాకెట్ గాలిలోనే పేలిపోయింది. అయితే దీనిపై చైనా ఎలాంటి అధికారిక ప్రకటనా చేయలేదు. చైనా వ్యోమగాములు నడిపై ఓ వెబ్ సైట్ లో ఇందుకు సంబంధించిన ఈ వివరాలను ఉంచారు. చైనా చేసే రాకెట్ ప్రయోగాలు విఫలం చెందడం చాలా అరుదు. 2013లో ఎర్త్ అబ్జర్వేషన్ శాటిలైట్ కూడా ఇలానే కక్ష్యలోకి వెళ్లకముందే పేలిపోయింది. లాంగ్ మార్చ్4సీ రాకెట్ ద్వారా గావోఫెన్-10 ఉపగ్రహాన్ని గురువారం చైనా ప్రయోగించింది. నింగిలోకి వెళ్లిన కొద్ది నిమిషాల్లోనే సాంకేతిక లోపంతో రాకెట్ పేలిపోయింది. ఇందుకు సంబంధించిన చిత్రాలను షాంగ్సీకు చెందిన వారు సోషల్ మీడియాలో ఉంచారు. ప్రపంచంలోనే అత్యంత సురక్షితమైన లాంచింగ్ వెహికల్ గా లాంగ్ మార్చ్ ను చైనా పేర్కొన్న విషయం తెలిసిందే. లాంగ్ మార్చ్ వెహికల్ ద్వారా చైనా సంవత్సరానికి 20కి పైగా ప్రయోగాలు నిర్వహిస్తోంది. ఎర్త్ అబ్జర్వేషన్ కోసం తయారు చేసిన ఈ అత్యాధునిక శాటిలైట్ లను మిలటరీ, పౌర అవసరాలకు చైనా ప్రయోగిస్తోంది. 2020లోగా వీటిని అందుబాటులోకి తెచ్చేందుకు చైనా కృషి చేస్తుండగా తాజా ప్రయోగ విఫలం దాన్ని మరికొంచెం ఆలస్యం చేసే అవకాశం ఉంది. ఈ ఉపగ్రహ ప్రయోగాలు విజయవంతమైతే భూమి మీద ఉన్న ఏ ప్రాంతాన్నైనా హై డెఫినీషన్ క్వాలిటీతో వీక్షించేందుకు అవకాశం కలుగుతుంది. హ్యాక్ ప్రూఫ్ కమ్యూనికేషన్ కోసం చైనా క్వాంటమ్ కమ్యూనికేషన్ ఉపగ్రహాలను ప్రయోగిస్తున్న విషయం తెలిసిందే.

మోదీజీ.. ఇదేనా మీ అచ్చేదిన్‌ - కపిల్‌

09/09/2016: ముంబయి: ప్రముఖ కమెడియన్‌, టీవీ వ్యాఖ్యాత కపిల్‌ శర్మ సంచలన వ్యాఖ్యలు చేశారు. ప్రభుత్వ కార్యాలయంలో లంచం అనే చేదు అనుభవంఎదురవడంతో ఆయన ప్రధానమంత్రి నరేంద్రమోదీ పాలనపై అసంతృప్తి వ్యక్తం చేశారు. వరుస ట్వీట్లతో ప్రభుత్వంపై మండిపడ్డారు. అసలేం జరిగిందంటే.. తన కార్యాలయం పని నిమిత్తం ముంబయిలోని ఓ ప్రభుత్వ కార్యాలయానికి వెళ్లిన కపిల్‌ను అక్కడి అధికారులు లంచం అడిగారట. దీంతో ఈ విషయాన్ని ట్విట్టర్‌ ద్వారా ప్రధాని మోదీ దృష్టికి తీసుకెళ్లారు. ‘ఆదాయ పన్ను కింద గత ఐదేళ్లుగా రూ.15కోట్లు ప్రభుత్వానికి చెల్లిస్తున్నాను. అయినా సరే నా ఆఫీస్‌ను నడిపేందుకు ఇప్పుడు ముంబయిమున్సిపల్‌ కార్పొరేషన్‌కు రూ.5లక్షల లంచం ఇవ్వాలట. మోదీ గారు ఇదేనా మీ అచ్చేదిన్‌?’ అంటూ కపిల్‌ ప్రశ్నించారు.

స్నేహితులతో భార్యను చంపించిన భర్త

08/09/2016: ఝాన్సీ: తన స్మార్ట్ ఫోన్ చూడనీయకుండా లాక్ కోడ్ పెట్టుకుందన్న అక్కసుతో భార్యను అంతమొందిచాడో భర్త. ఉత్తరప్రదేశ్ లోని ఝాన్సీ నగరంలో ఈ ఘటన చోటుచేసుకుంది. పూనమ్ వర్మ అనే మహిళ ఆగస్టు 29న హత్యకు గురైంది. పూనమ్ భర్త వినీత్ కుమార్ స్నేహితులు ఆమెను గొంతు పిసికి హత్య చేసినట్టు పోలీసులు గుర్తించారు. వినీత్ కుమార్ ను అరెస్ట్ చేసి ఇంటరాగేట్ చేయడంతో అసలు విషయం వెల్లడించాడు. తానే హత్య చేయించినట్టు ఒప్పుకున్నాడు. కాన్పూర్ కు చెందిన వినీత్, పూనం.. ఝాన్సీ నగరంలో నివసిస్తున్నారు. మొదట్లో చిన్న ఉద్యోగం చేసిన వినీత్ తర్వాత వ్యాపారంలోకి ప్రవేశించాడు. దీంతో కాన్పూర్-ఝాన్సీ మధ్య తిరుగుతుండేవాడు. గత నెలలో స్మార్ట్ఫోన్ కొనిచ్చినప్పటి నుంచి తన భార్య ప్రవర్తనలో మార్పు వచ్చిందని పోలీసులతో వినీత్ చెప్పాడు. తనను, తమ నాలుగేళ్ల కుమార్తెను నిర్లక్ష్యం చేయడం మొదలు పెట్టిందన్నాడు. ఎవరూ తనఫోన్ ఓపెన్ చేయకుండా లాక్ కోడ్ పెట్టుకుందని వెల్లడించాడు. భార్య ప్రవర్తనపై అనుమానం పెంచుకున్న వినీత్.. ఆమెను అంతమొందించాలని నిర్ణయించుకున్నాడు. తన స్నేహితులు లక్ష్మణ్, కమల్ లకు రూ. 80 వేలు ఇచ్చి పూనమ్ ను హత్య చేయించాడు. ఆ సమయంలో కాన్పూర్ లో ఉండడంతో భార్య హత్యతో తనకు సంబంధం లేదని నమ్మబలికాడు. పోలీసులు తమదైన శైలిలో విచారించడంతో నిజం కక్కాడు.

హీరోయిన్కు ఘోర అవమానం!

08/09/2016: లాస్ ఏంజెలిస్ : ఆధునిక సమాజంలోనూ వర్ణవివక్షకు గురవ్వడం ఎంతో బాధిస్తోందని హాలీవుడ్ సెలబ్రిటీలు ఈ విషయంపై ఆగ్రహం వ్యక్తం చేస్తున్నారు. ఎంతో అభివృద్ధి చెందిన అమెరికాలో సాధారణ వ్యక్తుల మాట దేవుడెరుగును.. కానీ సెలబ్రిటీలు కూడా వర్ణవివక్షకు గురవుతున్నారంటూ హాలీవుడ్ నటి, సింగర్ జెండయ కోలెమన్ అంటోంది. ఇందుకు తానే ప్రత్యక్ష ఉదాహరణ అంటూ తన స్నాప్ చాట్ ఖాతాలో దీనికి సంబంధించిన కొన్ని వీడియోలను పోస్ట్ చేసి నిరసన తెలిపింది. నటి కోలెమన్ ఉత్తర అమెరికాలోని ఓన్స్ సూపర్ మార్కెట్ కు వెళ్లింది. తనకు కావలసిన వస్తువులు కొనుక్కుని బిల్లు కౌంటర్ వద్దకు వెళ్లింది. అయితే అక్కడ ఉన్న ఉద్యోగి కోలెమన్ వాలెట్ తీసి విసిరికోట్టాడు. దీంతో తనకు ఏం చేయాలో కొద్దిసేపు అర్థంకాలేదని వాపోయింది. గిఫ్ట్ కార్డులు కొనేందుకు వెళ్లగా తన రంగు(నలుపు) అయినుందున తనకు అవమానం జరిగిందని వివరించింది. వాలెట్ పడేసి నువ్వు ఇవి కొనేందుకు అర్హురాలివి కాదంటూ వ్యాఖ్యానించిందని, వాలెట్ లో ఎంతో విలువైన వస్తువులు ఉంటాయన్న కనీస అవగాహన కూడా ఆ ఉద్యోగికి లేదంటూ తీవ్రస్థాయిలో మండిపడింది. నల్లజాతీయులకు అవమానాలు చాలా దేశాల్లో జరుగుతున్నాయని స్నాప్ చాట్ వీడియోల రూపంలో తన బాధను అభిమానులు, ఫాలోయర్స్ తో కోలెమన్ పంచుకుంది.

అవగాహన లేక అరెస్టుల పర్వం!

07/09/2016: న్యూఢిల్లీ : సుప్రీంకోర్టు కొట్టివేసిన కొన్ని సైబర్ చట్టాలపై అవగాహనా రాహిత్యంతో ఎంతో మంది జైలు పాలవుతున్నారు. ఈ కారణంగా మూడు వేలకు పైగా అరెస్టులు జరిగి ఆయా కేసుల్లో పలు కేసులు నమోదయ్యాయి. సైబర్ క్రైమ్ చట్టాల్లో సెక్షన్ 66ఏ పై పలుమార్లు అభ్యంతరాలు, పిటిషన్లు వస్తున్న వాటిని పరిశీలించిన అనంతరం గతేడాది మార్చి నెలలో ఈ చట్టాన్ని సీరియస్ గా తీసుకోవద్దని సూచించింది. ఇన్ ఫర్మేషన్ టెక్నాలజీ యాక్ట్ లో భాగంగా కొందరు వ్యక్తులు సోషల్ మీడియాలో ఫొటోలు పోస్ట్ చేయడంతో వారిపై కేసులు నమోదవుతున్నాయి. అయితే తప్పుడు సంకేతాలు ఇస్తున్న వారిపై మాత్రమే చర్యలు తీసుకుంటే మంచిదని సుప్రీంకోర్లు ఈ సెక్షన్ పై స్పష్టతనిచ్చింది. అభ్యంతరకరమైన విషయాలను పోస్ట్ చేస్తే వారిపై మాత్రమే చర్యలు తీసుకోవాలని కానీ, అదే సమయంలో కొన్నిసార్లు భావప్రకటనా స్వేచ్ఛకు భంగం వాటిల్లకుండా చూడాలని గతంలో సర్వోన్నత న్యాయస్థానం పేర్కొంది. అయితే నేషనల్ క్రైమ్ రికార్డ్స్ బ్యూరో (ఎన్సీఆర్బీ) తాజగా వెల్లడించిన నివేదిక ప్రకారం 2015లో 3,137 మంది అరెస్ట్ కాగా, 2014లో 2,423 మందిని పోలీసులు అరెస్ట్ చేసినట్లు వెల్లడైంది. 2015లో ప్రతి 12 గంటలకు నలుగురు వ్యక్తులు అరెస్ట్ అవుతున్నారని తేలింది. ఈ జనవరి నుంచి ఇప్పటివరకూ సైబర్ సెక్షన్ కింద 575 మంది జైళ్లలో గడుపుతున్నారు. ఈ సెక్షన్ కింద ఇంకా అరెస్టులు జరుగుతుండటంపై ఆశ్చర్యానికి లోనైనట్లు సుప్రీంకోర్టు లాయర్ కరుణ తెలిపారు. ఈ చట్టాన్ని తొలగించాలని కోరుతున్న పిటిషనర్లలో ఆమె కూడా ఒకరు.

న్యూయార్క్ ఫ్యాషన్ షోలో సీఎం భార్య!

07/09/2016: మహారాష్ట్ర ముఖ్యమంత్రి దేవేంద్ర ఫడ్నవిస్ సతీమణి అమృత ఫడ్నవిస్ గురువారం న్యూయార్క్ ఫ్యాషన్ వీక్ లో ర్యాంప్ మీద కనిపించనున్నారు. పుణెకు చెందిన ఓ డిజైనింగ్ ఇన్ స్టిట్యూట్ తరఫున ఆమె షోస్టాపర్ గా కనువిందు చేయనున్నారు. బాలికల విద్యను, చేనేత వస్త్రాలను ప్రోత్సహించేందుకు ఆమె ఈ వినూత్న నిర్ణయం తీసుకున్నారు. యువ డిజైనర్ల ప్రతిభను చాటేందుకు పుణెకు చెందిన ఛేసా ఇన్ స్టిట్యూట్ ఆఫ్ డిజైన్ అండ్ టెక్నాలజీ సంస్థ ఈ ఫ్యాషన్ షోను నిర్వహిస్తున్నది. ఈ కార్యక్రమంలో రైతులు, కూలీల పిల్లలు రూపొందించిన చేనేత వస్త్రాలను ప్రదర్శించనున్నారు. ఇండో-వెస్ట్రన్ శైలిలో రూపొందించిన ఓ విశిష్టమైన చేనేత వస్త్రాన్ని ధరించి అమృత ఫడ్నవిస్ ర్యాంప్ మీద కనిపించనున్నారు. 'బాలికల విద్యను ప్రోత్సహించాలన్న సందేశంతో నేను ర్యాంప్ మీద నడవబోతున్నాను. నిజానికి ఈ చేనేత వస్త్రాలను రైతులు, రైతు కూలీల పిల్లలు రూపొందించారు. వారి ప్రతిభను లోకానికి చాటే ఈ కార్యక్రమం గొప్ప వినూత్నమైనది. ఒక బాలికను చదివిస్తే కుటుంబాన్ని చదివించినట్టు అవుతుంది. కుటుంబమంతా విద్యావంతులైతే అప్పుడు దేశం పురోగమిస్తుంది.' అని అమృత ఫడ్నవిస్ మీడియాతో తెలిపారు. గతంలో గిరిజన కళలతో కూడిన చేనేత వస్త్రాలను ధరించి ర్యాంప్ వాక్ చేసిన ఆమె.. ఈసారి యువ డిజైనర్లను ప్రోత్సహించే ఉద్దేశంతోనే ఈ ఈవెంట్ లో పాల్గొంటున్నట్టు తెలిపారు.

ఇరాక్లో కారు బాంబు దాడి.. ఏడుగురు మృతి

06/09/2016: బాగ్దాద్ : ఉగ్రవాదులు కారు బాంబుతో దాడికి పాల్పడటంతో దాదాపు 7 మంది మృతిచెందగా, మరో 15 మందికి తీవ్ర గాయాలయ్యాయి. ఈ ఘటన సోమవారం రాత్రి ఇరాక్ రాజధాని బాగ్దాద్ లో చోటుచేసుకుంది. మృతుల సంఖ్య పెరిగే అవకాశం ఉందని అధికారులు తెలిపారు. గత జూలైలో బాంబు దాడి జరిగి 300కు పైగా ప్రాణాలను బలిగొన్న ఏరియాకు సమీపంలోనే ఈ దుర్ఘటన జరగడం గమనార్హం. సోమవారం అర్ధరాత్రి కారు బాంబు పేల్చివేయడంతో దాదాపు ఏడుమంది వ్యక్తులు దుర్మరణం పాలవ్వగా, 15 మందికి పైగా తీవ్రంగా గాయపడ్డారని తెలిపారు. క్షతగాత్రులను చికిత్స నిమిత్తం అబ్దెల్ మజీత్ ఆస్పత్రికి తరలించి చికిత్స అందిస్తున్నారు. సమీపంలోని కొన్ని షాపులు దగ్ధమయ్యాయి. ఇప్పటివరకూ ఏ ఉగ్రవాద సంస్థ ఈ చర్యకు బాధ్యత వహించలేదని ఇరాక్ అధికారులు వివరించారు. ఐఎస్ఎస్ ఉగ్రసంస్థ గతంలో ఇలాంటి దాడులకు పాల్పడిందని అధికారులు చెప్పారు.

నిరోధ్లో మొబైల్ పెట్టి పావురం వీపుపై కట్టి..

06/09/2016: అది తూర్పు కొలంబియాలోని కాంబిటా జైలు. ఎత్తయిన గోడ.. దానికి కరెంటు సరఫరాతో ఫెన్సింగ్.. జైలు లోపలాబయటా కాపలాదారులు. ఓ రకంగా చెప్పాలంటే చీమ కూడా లోపలికి దూరనివ్వనింత పటిష్టమైన భద్రతగల విశాలమైన జైలు ప్రాంగణం. చుట్టూ ఆహ్లాదకరమైన వాతావరణం. అందులో ఉండేవాళ్లంతా ఏదో ఒక నేరాల్లో ఉన్న ఖైదీలే ముఖ్యంగా బందిపోట్లు.. డ్రగ్స్ బారిన పడిన వారు.. లైంగిక దాడులకు దిగేవారు. సుదీర్ఘకాలం జైలు శిక్షపడితేనే ఖైదీలను ఈ జైలుకు తరలిస్తారు. అలాంటి భద్రతగల జైలులోని ఖైదీకి సహాయం చేసేందుకు ఓ పావురం ఎగిరొచ్చింది. వీపుపై ఓ మొబైల్ ఫోన్.. అందులో ఓ పెన్ డ్రైవ్ మోసుకొచ్చింది. అయితే, దాని ప్రయత్నానికి మధ్యలోనే గండిపడింది. జైలు అధికారుల కంటపడింది. దీంతో ఆ పావురాన్ని తమ చేతుల్లోకి తీసుకున్న జైలు గార్డులు అవాక్కయ్యారు. చాలా పకడ్బందీగా ఓ మొబైల్ ఫోన్ ను, పెన్ డ్రైవ్ను కలిపి అవి వర్షానికి తడవకుండా నిరోధ్లో పెట్టి ప్యాక్ చేసి ఆ పావురం వీపునకు కట్టి పంపించిన తీరుతో ఖిన్నులయ్యారు. పావురానికి అమర్చిన ఆ ప్యాకెట్ను స్మాల్ నెయిల్ కట్టర్ ద్వారా తొలగించి అనంతరం దానిని గాల్లోకి విడిచిపెట్టారు. పరిశీలిన కోసం మొబైల్ను, పెన్డ్రైవ్ను తీసుకెళ్లారు. దీని ప్రకారం జైలు నుంచి సెటిల్ మెంట్లు కూడా జరుగుతున్నాయని వారు కొత్తగా కనుగొన్నారు. ఈ పావురానికి వాటిని ఇచ్చి పంపించినవారికోసం దర్యాప్తు చేస్తున్నారు.

గ్లోబల్ ర్యాంకింగ్లో ఐఐటీలు ఢమాల్

06/09/2016: న్యూఢిల్లీ : ఇండియన్ ఇన్స్టిట్యూట్ ఆఫ్ టెక్నాలజీలు(ఐఐటీలు) గ్లోబల్ ర్యాంకింగ్లో ఢమాల్ మనిపించాయి. క్యూఎస్ వరల్డ్ యూనివర్సిటీ మంగళవారం విడుదలచేసిన 2016-17 ర్యాంకింగ్స్లో ఐఐటీలు తమ స్థానాలను కోల్పోయాయి. ఈ ర్యాంకింగ్లో వరుసగా ఐదో ఏడాది కూడా అమెరికాలోని మసాచుసెట్స్ ఇన్స్టిట్యూట్ ఆఫ్ టెక్నాలజీ(ఎంఐటీ) ప్రపంచంలో బెస్ట్గా నిలిచింది. ఈ ర్యాంకింగ్లో ఇండియాలో అత్యున్నత సంస్థగా మళ్లీ ఇండియన్ ఇన్స్టిట్యూట్ ఆఫ్ సైన్సు బెంగళూరే చోటు దక్కించుకుంది. కానీ టాప్ 150 స్థానం నుంచి మాత్రం ఈ ఇన్స్టిట్యూట్ పడిపోయిందని క్యూఎస్ వరల్డ్ యూనివర్సిటీ ర్యాంకింగ్స్లో వెల్లడైంది. అయితే ఐఐటీ మద్రాసు మాత్రం టాప్ 250 స్థానాన్ని చేధించి, ఐదు స్థానాలు పైకి ఎగబాకినట్టు ర్యాంకింగ్ల్లో తెలిసింది. 10 ఇండియన్ యూనివర్సిటీలో తొమ్మిది 700 ర్యాంకింగ్లో నిలిచాయి. అయితే గతేడాది కంటే ఈ యూనివర్సిటీలు తమ ఈ ర్యాంక్లను కోల్పోయాయి. అకాడమిక్, ఎంప్లాయర్ రిప్యూటేషన్ రెండింటి ర్యాంకింగ్లోనూ ఈ ఇన్స్టిట్యూట్లు పేలవమైన ప్రదర్శన కనబర్చినట్టు ర్యాంకింగ్ రిపోర్టు వెల్లడించింది. వరల్డ్ టాప్ 100 రీసెర్చ్ ఇంపాక్ట్ ర్యాంకింగ్లో కూడా భారత్ నుంచి కేవలం నాలుగు ఇన్స్టిట్యూట్లు మాత్రమే చోటు దక్కించుకున్నట్టు రీసెర్చ్ రిపోర్టు తెలిపింది. భారత్ బెస్ట్ రీసెర్చ్ ఇన్స్టిట్యూషన్గా ఐఐఎస్సీ 11వ స్థానాన్ని ఆక్రమించుకుంది. ర్యాంకింగ్లో పడిపోవడానికి చాలా కారణాలు ప్రభావితం చేశాయని క్యూఎస్ ఇంటిలిజెంట్ యూనిట్ రీసెర్చ్ హెడ్ బెన్ సౌటర్ తెలిపారు. పీహెచ్డీ క్వాలిఫైడ్ రీసెర్చర్లు తక్కువగా ఉండట, ఇతర దేశాలనుంచి పీహెచ్డీ క్వాలిఫైడ్ రీసెర్చర్లను ఇండియా నియమించుకోవడం ర్యాంకింగ్లను ప్రభావితం చేస్తున్నాయన్నారు. ప్రాంతీయ పోటీదారులను ఇండియా పెంచుకుని ఫర్ఫార్మెన్స్ను ఇండియా మెరుగుపరుచుకోవాలని ఈ ర్యాంకింగ్లు సూచిస్తున్నట్టు సౌటర్ తెలిపారు. 2004 నుంచి యూఎస్ ఇన్స్టిట్యూషన్సే ఈ ర్యాకింగ్లో టాప్ 3 స్థానాలను ఆక్రమించుకుంటూ వస్తున్నాయి.

మహిళల ఆగ్రహంతో కారు దిగొచ్చిన రాహుల్

03/09/2016: అమేథి: కాంగ్రెస్ పార్టీ ఉపాధ్యక్షుడు రాహుల్ గాంధీకి సొంత నియోజకవర్గంలోనే చుక్కెదురైంది. తన నియోజకవర్గం అమేథికి వస్తున్న ఆయనను పలువురు మహిళలు ఘెరావ్ చేశారు. తమ దినసరి వేతనాలు పెంచాలని డిమాండ్ చేస్తూ ఆందోళనకు దిగారు. దీంతో ఆయన వెళుతున్న కారులో నుంచి దిగి వారి సమస్యలు విని సమాధానం చెప్పాల్సిన పరిస్థితి ఏర్పడింది. ఈ తరహా ఆందోళనను ఎదుర్కోవడం ఇది రాహుల్ గాంధీకి రెండు రోజుల్లో రెండోసారి. రాహుల్ అమేథి పర్యటనకు వస్తున్నారని తెలుసుకొని గౌరీగంజ్ పట్టణానికి చెందిన మహిళలు ఆయన వచ్చే మార్గంలో వేచి ఉండి ఆయన వచ్చే సమయంలో గట్టిగా నినాదాలు చేస్తూ ప్రకంపనలు సృష్టించారు. పోలీసులు వారిని చెదరగొట్టే ప్రయత్నం చేసినా అది విజయవంతం కాలేదు. కారు ముందుకు వెళ్లలేని పరిస్థితి ఉండటంతో రాహుల్ కారు దిగి వారికి సమాధానం చెప్పే ప్రయత్నం చేశారు. ఈ సమయంలో పలువురు సంధించే ప్రశ్నలకు సమాధానం చెప్పాడు. అంతకుముందు రోజు కాంగ్రెస్ పార్టీ ప్రతినిథి కేఎల్ శర్మను బాధ్యతలనుంచి తప్పించడంపై ఆగ్రహం వ్యక్తం చేస్తూ పలువురు అతడి మద్దతుదారులు ధర్నాలు నిర్వహించిన విషయం తెలిసిందే.

ఒబామాకు అరుదైన గౌరవం

03/09/2016: వాషింగ్టన్: అమెరికా అధ్యక్షుడు బరాక్ ఒబామాకు అరుదైన గౌరవం దక్కింది. ఇటీవల గుర్తించిన అరుదైన జాతికి చెందిన చేప పేరులో 'ఒబామా' చేర్చాలని శాస్త్రవేత్తలు నిర్ణయించారు. అయితే ఈ గౌరవం ఆయనకు ఊరికే దక్కింది కాదు. గతవారం హవాయ్లోని ఓ మెరైన్ సాంక్షుయరీ విస్తీర్ణం పెంచుతూ ఒబామా నిర్ణయం తీసుకున్నారు. ఈ నిర్ణయంతో సాంక్షుయరీ విస్తీర్ణం గతంలో కంటే నాలుగింతలు పెరుగుతోంది. అంతేకాదు.. ప్రపంచంలోనే పెద్ద మెరైన్ సాంక్షుయరీగా అది రికార్డులకెక్కింది. దీంతో జంతు శాస్త్రవేత్తల సంతోషానికి అవధులు లేకుండా పోయాయి. దీంతో ఇటీవల గుర్తించిన ఇంకా పేరుపెట్టని చేపకు ఒబామా పేరును చేర్చుతున్నట్లు వారు వెల్లడించారు. హవాయ్లోని పపహనౌముకాకియా మెరైన్ సాంక్షుయరీలోనే శాస్త్రవేత్తలు ఈ చేపను కనుగొన్నారు. ఈ చేపకున్న మరో విశేషం ఏమిటంటే.. ఒబామా ప్రచార సింబల్కు దగ్గరగా ఈ చేపపై కొన్ని గుర్తులున్నాయట. సముద్ర జీవులను రక్షించడానికి ఒబామా తీసుకున్న నిర్ణయానికి గుర్తుగా ఆయనకు ఈ గౌరవమిస్తున్నట్లు శాస్త్రవేత్తలు తెలిపారు. అన్నట్లు ఓ చేపకు ఒబామా పేరునుపెట్టడం ఇదే తొలిసారికాదు. గతంలోనూ టెనెస్సీ నదిలో కనుగొన్న ఓ చేపకు ఇథియోస్టోమా ఒబామా అనే పేరుపెట్టారు.

టర్కీ సంచలన నిర్ణయం

03/09/2016: అంకారా : పెళ్లి వేడుకలపై జరుగుతున్న దాడుల నేపథ్యంలో టర్కీ సంచలన నిర్ణయం తీసుకుంది. హంగు ఆర్భాటాలతో బయట జరిగే వేడుకలపై ఆ దేశ ప్రభుత్వం నిషేధం విధించింది. భద్రతా కారణాల కోసం బహిరంగ వివాహాలను రద్దు చేస్తున్నట్టు టర్కీ అంతర్గత వ్యవహారాల మంత్రిత్వ శాఖ వెల్లడించింది. కొత్తగా ప్రభుత్వం తీసుకొచ్చిన భద్రతా చర్యలు.. టర్కీ వ్యాప్తంగా బహిరంగంగా వివాహాలు, ఎంగేజ్మెంట్ కార్యక్రమాలపై నిషేధం విధిస్తున్నట్టు జిన్హువా న్యూస్ ఏజెన్సీ రిపోర్టు చేసింది. ఇండోర్ వివాహాలు నిర్వహించే వారుకూడా ముందస్తుగా అధికారులకు తెలుపాలని, భద్రతా దళాలు తాము ముందు జాగ్రత్త చర్యలు తీసుకుంటామని పేర్కొన్నారు. టర్కీ ప్రభుత్వం తీసుకున్న ఈ చర్యలను పాటించని వారిపై దుష్ప్రవర్తన చట్టం కింద జరిమానా విధించనున్నట్టు అధికారులు తెలిపారు. గత నెలలో గేసియెంట్ప్ నగరంలో జరిగే స్ట్రీట్ వెడ్డింగ్లో ఆత్మాహుతి దాడి జరిగింది. ఈ దాడి నేపథ్యంలో భద్రతా చర్యలను బలోపేతం చేస్తూ ప్రభుత్వం ఈ నిర్ణయం ప్రకటించింది. ఆ దాడిలో 34 చిన్నారులతో పాటు 56 మంది మృతిచెందగా., 100 మంది గాయాలు పాలయ్యారు. ఈ ఆత్మాహుతి దాడి వెనుక ఇస్తామిక్ స్టేట్(ఐఎస్) హస్తమున్నట్టు అధికారులు పేర్కొన్నారు.

పేదలను పార్టీలోకి తీసుకురండి

01/09/2016: న్యూఢిల్లీ: సమాజంలోని పేదలు, అణగారిన వర్గాల వారిని పార్టీలోకి తీసుకురావటంపై దృష్టి కేంద్రీకరించాలని ప్రధానమంత్రి నరేంద్రమోదీ బీజేపీ రాజ్యసభ సభ్యులకు పిలుపునిచ్చారు. ‘‘మీరు ఏ రాష్ట్రాల నుంచి వచ్చారో.. ఆ రాష్ట్రాల అంశాలను మీరు లేవనెత్తాలి. సమాజంలోని అన్ని వర్గాల వారినీ.. ప్రత్యేకించి పేదలు, అణగారిన వర్గాలను పార్టీతో కలుపుకోవటంలో మీరు సమర్థవంతమైన పాత్ర పోషించాలి’’ అని ఆయన పేర్కొన్నారు. ప్రభుత్వ, పార్టీ ఎజెండాను ప్రజల్లోకి తీసుకెళ్లటం లక్ష్యంగా జరిగిన బీజేపీ కీలక అంతర్గత సమావేశాల్లో చివరిగా బుధవారం ఢిల్లీలో పార్టీ రాజ్యసభ సభ్యుల సమావేశంలో మోదీ ముగింపు ప్రసంగం చేశారు. ఎంపీలకు విశిష్ట గుర్తింపుతో కూడిన వేదికను పార్టీ అందించిందంటూ.. కొత్త రంగాల నుంచి ప్రజలను పార్టీలోకి తీసుకు వచ్చేందుకు వారు కృషి చేయాలని ప్రధాని పిలుపునిచ్చినట్లు కేంద్రమంత్రి రవిశంకర్‌ప్రసాద్ మీడియాకు తెలిపారు. పార్టీకి చెందిన 52 మంది రాజ్యసభ సభ్యులంతా హాజరైన ఈ సమావేశంలో అంతకుముందు బీజేపీ అధ్యక్షుడు అమిత్‌షా, రాజ్యసభ నాయకుడు, ఆర్థికమంత్రి అరుణ్‌జైట్లీ, కేంద్రమంత్రి ఎం.వెంకయ్యనాయుడు కూడా ప్రసంగించారు. గత లోక్‌సభ ఎన్నికల్లో పార్టీ ఓడిపోయిన ఒక్కో లోక్‌సభ స్థానాన్ని పార్టీకి చెందిన ఒక్కో రాజ్యసభ సభ్యులు దత్తత తీసుకోవాలని.. వచ్చే ఎన్నికల్లో ఆయా స్థానాల నుంచి పార్టీ అభ్యర్థులు గెలుపొందేలా నియోజకవర్గాలను అభివృద్ధి చేయాలని అమిత్‌షా సూచించారు.

రాష్ట్రంలో 5 ఓడీఎఫ్ పట్టణాలు - బహిరంగ మలవిసర్జన రహిత ప్రాంతాలుగా ధ్రువీకరించిన కేంద్రం

30/08/2016: న్యూఢిల్లీ: స్వచ్ఛ భారత్ మిషన్ (అర్బన్) కింద రాష్ట్రంలోని ఐదు పట్టణాలు బహిరంగ మల విసర్జన రహిత (ఓడీఎఫ్) ప్రాంతాలుగా ధ్రువీకరణ పొందాయి. థర్డ్ పార్టీ వెరిఫికేషన్ ప్రక్రియలో సిద్దిపేట, షాద్‌నగర్, సూర్యాపేట, అచ్చంపేట, హుజూర్‌నగర్‌లను ఓడీఎఫ్ ప్రాంతాలుగా నిర్ధారించినట్లు కేంద్ర పట్టణాభివృద్ధి శాఖ ప్రకటించింది. ఓడీఎఫ్ కోసం భువనగిరి పట్టణం చేసిన ప్రతిపాదనను తిరస్కరించింది. అయితే దీనిని మరోసారి తనిఖీ చేస్తామని వెల్లడించింది. పట్టణ ప్రాంతాలలో స్వచ్ఛ భారత్ మిషన్ పురోగతిని కేంద్రపట్టణాభివృద్ధి శాఖ మంత్రి ఎం.వెంకయ్య నాయుడు సోమవారం ఢిల్లీలో సమీక్షించారు. ఓడీఎఫ్ గుర్తింపు కోసం ఇటీవల దేశవ్యాప్తంగా 11 పట్టణాలు ప్రతిపాదనలు పంపుకోగా.. క్వాలిటీ కౌన్సిల్ ఆఫ్ ఇండియా ద్వారా కేంద్ర పట్టణాభివృద్ధి శాఖ తనిఖీ చేయించింది. అందులో తెలంగాణలోని ఐదు పట్టణాలు సహా 10 పట్టణాలను ఓడీఎఫ్‌గా ధ్రువీకరించింది. మొత్తంగా దేశవ్యాప్తంగా 7 రాష్ట్రాల్లోని 141 పట్టణాలు బహిరంగ మల విసర్జన రహిత పట్టణాలుగా గుర్తింపుకోసం ప్రతిపాదించాయి. దీంతో ఆయా పట్టణాలలో థర్డ్ పార్టీ తనిఖీలు చేస్తున్నారు. పరిశీలన పూర్తయిన కొద్దీ.. నిర్ధారణను జారీ చేస్తున్నారు. రాష్ట్రంలోని గజ్వేల్, ఇబ్రహీంపట్నం, జగిత్యాల, మధిర, సత్తుపల్లి, సిరిసిల్ల కూడా ఓడీఎఫ్ హోదా కోసం ప్రతిపాదించాయని కేంద్ర పట్టణాభివృద్ధి శాఖ తెలిపింది. రాష్ట్రాల నుంచి కేంద్ర పట్టణాభివృద్ధి శాఖకు అందుతున్న నివేదికలను బట్టి.. వచ్చే ఏడాది నాటికి 974 నగరాలు, పట్టణాలు బహిరంగ మల విసర్జన రహితంగా మారనున్నాయి. అందులో ఏపీకి చెందిన 112 పట్టణ ప్రాంతాలు, తెలంగాణలోని 37 పట్టణాలు ఉన్నాయి. ఓడీఎఫ్ గుర్తింపు ఇలా.. థర్డ్ పార్టీ వెరిఫికేషన్ ప్రొటోకాల్ ప్రకారం ఓడీఎఫ్ గుర్తింపు కోసం ముందుగా వార్డులు, పట్టణం స్వయంగా ఓడీఎఫ్‌గా ప్రకటించుకుని కేంద్ర పట్టణాభివృద్ధి శాఖకు నివేదిక అందించాలి. తర్వాత 30 రోజుల్లో ఆ శాఖ తనిఖీ చేయిస్తుంది. సేవా స్థాయి అంచనా (నిర్మాణం, గృహ లభ్యత, కమ్యూనిటీ, ప్రజా మరుగుదొడ్లు), స్వతంత్ర పరిశీలనల అంచనా ఆధారంగా నిర్ధారణ ప్రక్రియ కొనసాగుతుంది. నగరం లేదా పట్టణంలో కనీసం ఒక మురికివాడలో, పాఠశాల, ప్రభుత్వ మార్కెట్ లేదా మతపరమైన స్థానంలో, నివాస ప్రాంతం, బస్టాండ్, రైల్వేస్టేషన్‌లలో తనిఖీలు చేస్తారు. 5 లక్షల కంటే తక్కువ జనాభా ఉన్న నగరంలో కనీసం 9 చోట్ల, 5 లక్షల కంటే అధిక జనాభా ఉన్న నగరాల్లో కనీసం 17 చోట్ల పరిశీలన జరుపుతారు. రోజు మొత్తంగా ఏ సమయంలో కూడా ఒక వార్డ్‌లోగానీ, పట్టణంలోగానీ ఒక్కరు కూడా బహిరంగ మల విసర్జన చేయకపోతే బహిరంగ మల విసర్జన రహిత ప్రాంతంగా నిర్ధారిస్తారు.

ముక్కులు బద్దలయ్యేలా పిడిగుద్దులు

29/08/2016: లండన్: అదొక స్పానిష్ రిసార్ట్. సెలవుల సందర్భంగా కుప్పలు కుప్పలుగా బ్రిటిషర్లు సేద తీరేందుకు వస్తారు. చక్కగా ఎంజాయ్ చేసి పీకలదాక తాగి ఆట విడుపు కార్యక్రమాల్లో తల మునకలవుతారు. ఆ రిసార్ట్ అనుకోకుండా ఈ వీకెండ్లో రెజ్లింగ్ రింగ్గా మారింది. అక్కడి వచ్చిన ఇద్దరు బ్రిటన్ వ్యక్తులు కుస్తీ ఫైటింగ్కు దిగారు. తమ చుట్టూ ఉన్నవారు ఉత్సాహ పరుస్తుండగా ముక్కుమొఖం చూడకుండా రక్తాలు వచ్చేలా కొట్టుకున్నారు. ఈ వీడియోను కొంతమంది ఆన్ లైన్లో పెట్టగా అది కాస్తా వైరల్ గా మారడంతోపాటు ఆ ఇద్దరిని పోలీసులు అరెస్టు కూడా చేశారు. ఆ వీడియోలో ఉన్న ప్రకారం ఇద్దరు వ్యక్తులు భయంకరంగా ఒకరపై ఒకరు దాడి చేసుకున్నారు. తమ దుస్తులు చింపేసుకున్నారు. రెండు నిమిషాలపాటు జరిగిన ఈ ఫైటింగ్ లో ఒక వ్యక్తి ముక్కుబద్దలై రక్తం కారగా మరొ వ్యక్తి ముఖానికి గాయాలయ్యాయి. ఇదిలా ఉండగా, ఇప్పటి వరకు లైవ్ లో తాము చూసిన అద్భుతమైన ఫైట్ ఇదే అంటున్నారు.

శిశువుకు జన్మనిచ్చిన ఐదో తరగతి విద్యార్థిని - గర్భిణి అని తెలిసి గోప్యంగా పాఠశాలకు పంపిన తల్లిదండ్రులు

29/08/2016: మండ్య : మలె మహాదేశ్వర బెట్ట (కొండ) ప్రాంతంలో ఐదో తరగతి బాలిక (14) తాను చదువుతున్న పాఠశాలలోనే ఆడ శిశువుకు జన్మనిచ్చి సంఘటన ఆలస్యంగా వెలుగులోకి వచ్చింది. వివరాలు... చామరాజనగర జిల్లాలోని మలెమహాదేశ్వర బెట్ట వద్ద ఉన్న పాఠశాలలో ఐదో తరగతి చదువుతున్న బాలిక ఇక్కడి సమీపంలోని సాంఘిక సంక్షేమ హాస్టల్లో ఉంటోంది. కొంతకాలంగా చదువుకు దూరంగా ఉన్న బాలిక ఇటీవల జూన్ 16న తిరిగి పాఠశాలలో చేరింది. శుక్రవారం ఉదయం హాస్టల్ నుంచి స్కూల్‌కు వచ్చిన బాలిక మధ్యాహ్నం సమయంలో తీవ్రంగా బాధపడుతుండటంతో సహచరులు ఉపాధ్యాయురాలికి తెలిపారు. వెంటనే ఆమె ఆయాతో కలిసి బాత్‌రూంకు తీసుకెళ్లారు. కొద్ది సేపటికే బాలిక ఆడ శిశువుకు జన్మనిచ్చింది. అనంతరం ఉపాధ్యాయురాలు వెంటనే ఈవిషయాన్ని పాఠశాల ప్రిన్సిపాల్, విద్యాశాఖ అధికారులకు సమాచారం చేరవేశారు. బాలికను హుటాహుటిన సమీపంలోని ఆస్పత్రికి తరలించారు. విషయం తెలుసుకున్న బాలిక తల్లిదండ్రులు ఆస్పత్రికి చేరుకున్నారు. తమ కుమార్తె గర్భ దాల్చిన విషయం తెలుసునని, ఈ విషయం తెలిస్తే పాఠశాలలో చేర్చుకోరని తాము ఈ విషయం చెప్పలేదని తెలిపారు. తమ కుమార్తెను ఆమె మేనమామ ప్రేమిస్తున్నానని, ఇలా గర్భవతిని చేశాడని ఈ విషయం ఎవరితో చెప్పవద్దని తమ కుమార్తె కోరిందని వారు అధికారులకు తెలిపారు. ప్రస్తుతం తల్లి, పిల్ల ఆరోగ్యంగా ఉన్నారని వైద్యులు తెలిపారు.

అమెరికాకు త్వరగా వెళ్లాలంటే..

29/08/2016: న్యూఢిల్లీ: ఇండియా నుంచి అమెరికాకు విమానయానంలో భారీ మార్పులు చోటుచేసుకోబోతున్నాయి. ప్రస్తుత ప్రయాణ సమయం కంటే మూడు గంటలు త్వరగా వెళ్లొచ్చు. ఎలాగంటే..భారత రాజధాని ఢిల్లీ నుంచి అమెరికాలోని శాన్ ఫ్రాన్సిస్కో నగరానికి వెళ్లే ఎయిర్‌ఇండియా విమానాలు త్వరలోనే కొత్తదారిలో ప్రయాణించనున్నాయి. ఢిల్లీ నుంచి తూర్పుదిశగా ఎగరనున్న విమానాలు ఫసిఫిక్ మహాసముద్రం మీద నుంచి అగ్రరాజ్యానికి చేరుకోనున్నాయి. ప్రస్తుతం ఢిల్లీ నుంచి శాన్ ఫ్రాన్సిస్కో వెళ్లే అన్ని ఎయిర్ ఇండియా విమానాలు టేకాఫ్ అయిన తర్వాత పశ్చిమదిశగా అట్లాంటిక్ మహాసముద్రం మీదనుంచి వెళుతున్నాయి. ఇంధనం ఆదాపై దృష్టి సారించిన ఏఐ ఈ మేరకు చేసిన ప్రతిపాదనలకు డెరైక్టర్ జనరల్ ఆఫ్ సివిల్ ఏవియేషన్(డీజీసీఏ) నుంచి కూడా ఆమోదం లభించింది. విమానాలు ఢిల్లీ నుంచి తూర్పుదిశకు (పసిఫిక్ వైపుకు) వెళ్లడం వల్ల అమెరికాకు దూరం 1,400 కి.మీ పెరుగుతుంది. అయితే పసిఫిక్ ప్రాంతంలో ఉండే వాతావరణ పరిస్థితుల కారణంగా ఇంధనం, ప్రయాణ సమయం కలిసివస్తాయని అధికారులు చెబుతున్నారు. విమానాలు ఢిల్లీ నుంచి పశ్చిమ దిశలో (అట్లాంటిక్ మీదుగా) ప్రయాణించినప్పుడు.. ఎదురుగాలి బలంగా వీస్తుందని, కొన్నిసార్లు గంటకు 24 కి.మీ వేగంతో గాలులు వీస్తాయని పేర్కొన్నారు. అంటే విమాన వేగం గంటకు 800 కిలోమీటర్లు అనుకుంటే వాస్తవేగం మాత్రం 776 కిలోమీటర్లే ఉంటుందని, ఈ కారణంగా ఇంధన వినియోగం అధికంగా ఉంటుందని.. మొత్తంగా ఎక్కువ ఖర్చవుతుందని అధికారులు చెప్పారు. అదే తూర్పుదిశగా( పసిఫిక్ మీదుగా) వెళ్లేటప్పుడు.. గాలులు విమానం ప్రయాణించే దిశలోనే గంటకు 138 కి.మీ వేగంతో వీస్తాయని, విమానం గంటలకు 800 కి.మీ వేగంతో ప్రయాణిస్తుందనుకుంటే వాస్తవవేగం గంటకు 938 కి.మీ ఉంటుంది’ అని సీనియర్ పైలట్ ఒకరు చెప్పారు. పాత మార్గంతో పోలిస్తే కొత్త దారిలో గమ్యాన్ని త్వరగా చేరుకోవచ్చని, వేసవిలో అయితే ఒక గంట ముందు, శీతాకాలంలో అయితే మూడు గంటల ముందుగానే శాన్ ఫ్రాన్సిస్కోకు చేరుకోవచ్చుని తెలిపారు. ప్రస్తుతం ఢిల్లీ-శాన్‌ఫ్రాన్సిస్కో మధ్య నడపడానికి బోయింగ్ 777-200 ఎల్‌ఆర్ విమానాన్ని ఎయిర్ ఇండియా వాడుతోంది. ఈ విమానం గాలిలో ఎగరడానికి గంటకు 9,600 లీటర్ల ఇంధనం అవసరం. పసిఫిక్ మీదుగా వెళ్తామన్న ఎయిర్ ఇండియా ప్రతిపాదనకు డీజీసీఏ (డెరైక్టర్ జనరల్ ఆఫ్ సివిల్ ఏవియేషన్) ఆగస్టులోనే ఆమోదం తెలిపింది. నవంబరు నుంచి విమానాలు కొత్త మార్గంలో రాకపోకలు సాగిస్తాయి. ఢిల్లీ-శాన్‌ఫ్రాన్సిస్కో మార్గంలో ఎయిర్‌ఇండియా ప్రస్తుతం మూడు విమానాలు నడుపుతుండగా, నవంబరు నుంచి ఈ సంఖ్యను ఆరుకు పెంచనుంది.

'ముస్లిం మహిళలకు మేం వడ్డించం'

29/08/2016: ప్యారిస్ : ఫ్రాన్స్ రాజధాని ప్యారిస్ శివార్లలో ఉన్న ఓ రెస్టారెంటు ఇద్దరు ముస్లిం మహిళలకు వడ్డించకపోవడంతో ఒక్కసారిగా అక్కడ ఆగ్రహావేశాలు వెల్లువెత్తి నిరసనలకు దారితీసింది. ''ఉగ్రవాదులు ముస్లింలు, ముస్లింలంతా ఉగ్రవాదులు'' అని బురఖాలలో వచ్చిన ఇద్దరు మహిళలకు చెబుతున్నట్లుగా ఉన్న వీడియో సోషల్ మీడియాలో వైరల్గా మారింది. ట్రెంబ్లే ప్రాంతంలోని లీ సెనాకిల్ రెస్టారెంటులో ఈ ఘటన చోటుచేసుకుంది. దీనిపై నిరసనలు వెల్లువెత్తడంతో తమ రెస్టారెంటు ముందు గుమిగూడిన వారికి రెస్టారెంటు క్షమాపణలు తెలిపింది. ప్రస్తుతం వివిధ దేశాల్లో ఉన్న ఉద్రిక్త పరిస్థితుల కారణంగానే తాను కూడా ఆందోళన చెందానని, ఫ్రెంచి బీచ్‌లలో బుర్కినీలు వేసుకున్న మహిళల గురించి జరుగుతున్న వివాదాలు కూడా అందుకు కారణమని రెస్టారెంటు యజమాని చెప్పారు. గత నవంబర్‌లో బాటాక్లాన్ సాంస్కృతిక కేంద్రంలో జరిగిన ఉగ్రదాడిలో తన స్నేహితుడు ఒకరు మరణించారని, దాని ప్రభావం కూడా తనపై ఉందని తెలిపారు. జాతి వివక్ష ఉన్న వ్యక్తులు పెడితే తాము తినబోమని ఆ మహిళల్లో ఒకరు చెప్పగా, జాతివివక్ష ఉన్నవాళ్లు ప్రజలను చంపరని రెస్టారెంటు యజమాని వారికి సమాధానం ఇచ్చారు. అయితే, ఇలాంటి వివాదాలను తాము సహించబోమని, దీనిపై విచారణకు ఆదేశించామని ఫ్రెంచి మంత్రి లారెన్స్ రోసిగ్నాల్ చెప్పారు.

గుండెను పిండేస్తున్న విషాద చిత్రం

27/08/2016: న్యూయార్క్: వివాహం చేసుకునే సమయంలోనే జీవితాంతం కలిసుండాలని ఆ నూతన దంపతులతో ప్రమాణం చేయిస్తారు. విడాకులప్పుడు.. అనూహ్య మరణం సమయంలో మాత్రమే ఈ ప్రమాణానికి ప్రాణం పోతుంది. ఆ సమయంలో కూడా ఆ రెండు గుండెల్లో ఏదో ఒకటి నీరుగారుస్తుంది. కానీ, పైన పేర్కొన్న రెండు సంఘటనలు లేకుండానే దాదాపు దశాబ్దాలుగా కలిసుంటున్న భార్యాభర్తలు విధి ఆడిన వింత ఆటతో దూరం కావాల్సి వస్తే.. ఏక్షణం కన్నుమూస్తారో తెలియని వయసుకొచ్చేసరికి వారిద్దరిని వేర్వేరు చేసి ఉంచాల్సి వస్తే.. ఆ వృద్ధ దంపతుల బాధను ఎవరైనా అంచనా వేయగలరా.. ఈ సంఘటన లండన్ లో చోటుచేసుకుంది. వాల్ఫ్రమ్ గోట్స్ చాక్(83), అనిత(81) అనే వాళ్లు ఓ వృద్ధ దంపతులు. వారిద్దరు జర్మనీలో 1954లో కలుసుకున్నారు. అనంతరం వివాహం చేసుకున్నారు. అక్కడి నుంచి కెనడాకు వలస వెళ్లారు. దాదాపు 60 ఏళ్లుగా కలిసి ఉంటున్న ఆ భార్యభర్తల కడసారి జీవితంలో అనూహ్య మార్పులు చోటుచేసుకున్నాయి. వాల్ఫ్రర్ కు మతి మరుపు జబ్బు వచ్చింది. పిచ్చిపిచ్చిగా ప్రవర్తించడం మొదలుపెట్టాడు. దీంతో అతడిని తన భార్య నుంచి వేరు చేసి వేరే ప్రత్యేక నర్సింగ్ హోమ్ కు తరలించి చికిత్స అందించాల్సి వచ్చింది. భార్య అనితకు క్యాన్సర్ లాంటి జబ్బు చేసింది. దీంతో కొద్ది రోజుల తర్వాత ఆమెను కూడా వేరే ఆస్పత్రిలో చేర్పించాల్సిన పనిలేదు. ఈ మధ్య ఓ అరగంటపాటు వారిద్దరిని కలిపేందుకు వాల్ప్రమ్ ఉంటున్న కేర్ హోమ్ కు తీసుకెళ్లగా వారిద్దరి మధ్య భావోద్వేగమైన క్షణాలు ఆవిష్కృతమయ్యాయి. వారిద్దరు ఒకరి చేతిలో ఒకరి చేయి వేసుకొని కంటతడిపెట్టారు. దానికి సంబంధించిన ఫొటోను వారి మనవరాలు తీసి ఆన్ లైన్లో పెట్టగా అంతర్జాతీయ దృష్టి పడింది. ప్రస్తుతం వారిద్దరిని ఒకే చోట చేర్చి వైద్యం ఇప్పించే అవకాశం ఉన్న చోటుకోసం వెతుకుతున్నారు.

నడుం విరగగొట్టి.. సంచిలో కుక్కి! - ఒడిశాలో మృతదేహాన్ని తరలించిన తీరు

27/08/2016: బాలాసోర్: ఒడిశాలో మరో అమానవీయ ఘటన జరిగింది. బాలాసోర్ జిల్లాలో సోరో పట్టణం. 80ఏళ్ల అవ్వ సాలామణి బారిక్ బుధవారం రైలు ఢీకొని చనిపోయింది. ఆమె మృతదేహం స్థానిక ఆరోగ్య కేంద్రం వద్ద గంటల తరబడి పడిఉంది. పోస్ట్‌మార్టమ్ కోసం 30 కి.మీ. దూరంలోని జిల్లా ఆస్పత్రికి తరలించాలి. రైల్లో పంపాలని నిర్ణయించారు. ఆరోగ్య కేంద్రం నుంచి స్టేషన్ రెండు కి.మీ. దూరం ఉంది. తరలించే పని ఆస్పత్రి కార్మికులకు అప్పజెప్పారు. ముగ్గురు కార్మికుల్లో ఒకరు మృతదేహంపై నిలబడి నడుము వద్ద కాళ్లతో తొక్కుతూ ఎముకలు విరగగొట్టాడు. మిగతా ఇద్దరూ మృతదేహాన్ని మడతపెట్టి ఒక సంచిలో మూటగట్టి వెదురుబొంగు కు కట్టి దాన్ని భుజాన మోస్తూ బయల్దేరారు. ఈ ఘోరానికి సంబంధించిన వీడియో శుక్రవారం సంచలనం సృష్టించింది. దీనిపై రాష్ట్ర మానవ హక్కుల సంఘం.. రైల్వే, బాలాసోర్ జిల్లా అధికారులను వివరణ అడిగింది. కఠిన చర్యలు తీసుకుంటామని సీఎం చెప్పారు. అంబులెన్స్‌ల కొరత వల్లే ఇటువంటి ఘటనలు జరుగుతున్నాయని.. అన్ని జిల్లాల్లో అంబులెన్స్‌లను అందుబాటులో ఉంచాలని కేంద్రమంత్రి మేనకాగాంధీ పేర్కొన్నారు.

ప్రెస్‌మీట్ చాలు.. ఇక వెళ్లి టీ తాగండి - సీఎం

26/08/2016: శ్రీనగర్ : జమ్ము కశ్మీర్ ముఖ్యమంత్రి మెహబూబా ముఫ్తీకి కోపం వచ్చింది. గతంలో మీరు కశ్మీర్‌లో భద్రతాదళాల మోహరింపును, కర్ఫ్యూల విధింపును వ్యతిరేకించారు కదా అని విలేకరులు ప్రశ్నించినప్పుడు ఆమెకు ఎక్కడ లేని కోపం వచ్చింది. తాను చెప్పదలచుకున్న నాలుగు ముక్కలు చెప్పేసి.. ''థాంక్యూ, ప్రెస్‌మీట్ అయిపోయింది.. ఇక వెళ్లి టీ తాగండి' అని చెప్పి అక్కడి నుంచి వెళ్లిపోయారు. కేంద్ర హోం మంత్రి రాజ్‌నాథ్ సింగ్ సాక్షిగానే ఇదంతా జరిగింది. 2010లో కూడా ఇలాగే హింసాత్మక ఘటనలు చోటుచేసుకున్నప్పుడు మీ విధానం వేరుగా ఉంది కదా అని విలేకరులు పదే పదే ప్రశ్నించడంతో ఆమెకు కోపం వచ్చింది. బుర్హాన్ వనీ ఎన్‌కౌంటర్ అనంతరం రాష్ట్రంలో హింస చెలరేగిన తర్వాత తొలిసారిగా ఆమె మీడియా ముందుకు వచ్చారు. 2010 అల్లర్లను నాటి సీఎం ఒమర్ అబ్దుల్లా సరిగా నియంత్రించలేదని, అందుకే వంద మందికి పైగా మరణించారని మెహబూబా చెప్పారు. ప్రస్తుత ఆందోళనను కేవలం 5 శాతం మంది మాత్రమే సమర్థిస్తున్నారని, మిగిలిన 95 శాతం మంది శాంతినే కోరుకుంటున్నారని అన్నారు. అప్పట్లో బూటకపు ఎన్‌కౌంటర్లు, మానవహక్కుల ఉల్లంఘన, అత్యాచారాలు, హత్యలు.. ఇలాంటివన్నీ ఉన్నాయని, వాటికి వ్యతిరేకంగానే అల్లర్లు జరిగాయని చెప్పారు. ఇప్పుడు ముగ్గురు ఉగ్రవాదులను చంపినందుకు అల్లర్లు చేస్తున్నారని.. జనం రోడ్డుమీదకు వస్తున్నందుకే కర్ఫ్యూ పెట్టామని.. అలంటప్పుడు ప్రభుత్వాన్ని తప్పుపట్టడం ఎందుకని మెహబూబా అడిగారు. ఆర్మీక్యాంపుల మీద దాడి జరిగినప్పుడే వాళ్లు కాల్పులు జరుపుతున్నారని.. అమాయకులైన పిల్లలను అనవసరంగా ఎందుకు వీటిలోకి లాగుతున్నారని ప్రశ్నించారు. ఇదే సమయంలో విలేకరులు పదే పదే ప్రశ్నించడంతో తీవ్ర అసహనానికి గురైన ఆమె.. ప్రెస్‌మీట్‌ను అర్ధంతరంగా ముగించి, ''ఇక చాలు, వెళ్లి టీ తాగండి' అని చెప్పారు.

ఎట్టకేలకు మాజీ సీఎం భార్య ఇల్లు ఖాళీ

23/08/2016: న్యూఢిల్లీ: అత్యంత నాటకీయ పరిణామాల మధ్య జమ్మూకశ్మీర్ మాజీ ముఖ్యమంత్రి ఒమర్ అబ్దుల్లా మాజీ భార్య పాయల్ అబ్దుల్లా సోమవారం రాత్రి ప్రభుత్వ నివాసం ఖాళీ చేశారు. ఢిల్లీ హైకోర్టు ఉత్తర్వుల కాపీతో జమ్మూకశ్మీర్ ఎస్టేట్ అధికారి సోమవారం సాయంత్రం 4.10 గంటల ప్రాంతంలో లుటెన్స్ జోన్ లోని పాయల్ నివసిస్తున్న బంగాళా వద్దకు వచ్చారు. గేటు తాళం తీయాలని కోరగా అక్కడ కాపలాగా ఉన్న ఇండో టిబెటన్ బోర్డర్ పోలీసులు(ఐటీబీపీ) తిరస్కరించారు. దీంతో ఎస్టేట్ అధికారి తుగ్లక్ రోడ్డు పోలీస్ స్టేషన్ వెళ్లి సాయం కోరారు. 4.50 గంటల ప్రాంతంలో ఢిల్లీ పోలీసులు, మున్సిపల్ యంత్రాంగం కలిసి కశ్మీర్ అధికారులు బంగ్లా దగ్గరకు వచ్చారు. గేటు తాళం తీయాలని ఐటీబీపీ ఇన్ఛార్జిని మరోసారి ఎస్టేట్ అధికారి కోరారు. అయినా ఐటీబీపీ సిబ్బంది వినిపించుకోలేదు. దీంతో ఢిల్లీ పోలీసులు ఏసీపీకి సమాచారం అందించారు. ఆయన ఆదేశాల మేరకు 5.30 గంటల ప్రాంతంలో గేటు తాళం బద్దలుగొట్టి ఇంటిలోపలికి ప్రవేశించారు. ఆ సమయంలో పాయల్ ఇంట్లో లేరు. 5.54 గంటలకు ఇంటికి వచ్చిన పాయల్ మీడియాతో ఏమీ మాట్లాడకుండానే లోపలికి వెళ్లిపోయారు. ఆరున్నరకు పాయల్ తరపు న్యాయవాది అమిత్ ఖేమ్కా బయటకు వచ్చి మీడియాతో మాట్లాడారు. పాయల్ వస్తువులను పోలీసులు బయటకు విసిరేశారని చెప్పారు. పాయల్ తో పోలీసులు అనుచితంగా ప్రవర్తించారని, సామాన్లు సర్దుకునే సమయం కూడా ఇవ్వలేదని ఆరోపించారు. రాత్రి 10.20 గంటల ప్రాంతంలో రెండు కార్లలో తన సామానుతో పాయల్ ఇళ్లు ఖాళీ చేసి వెళ్లారు. 10.40 గంటలకు ఖాళీ చేసిన ఇంటికి అధికారులు కొత్త నేమ్ ప్లేట్ తగిలించారు.

ప్రపంచ రికార్డుకోసం 17 నెలల గర్భిణి ....!

22/08/2016: చైనాః వినూత్న కార్యక్రమాలు చేపట్టడంలోనూ, అందర్నీ ప్రత్యేకంగా ఆకర్షించడంలోనూ చైనావాసులు ముందుంటారు. ప్రపంచ రికార్డులు సాధించడంలోనూ వారికి వారే సాటి. అయితే తాజాగా ఓ మహిళ తాను 17 నెలల గర్భిణినని, ప్రపంచ రికార్డుకు అర్హురాలినంటూ క్లైమ్ చేయడం సంచలనంగా మారింది. సాధారణంగా ఉండే తొమ్మిది నెలల గర్భం.. కొందర్లో అరుదుగా పది నెలలు కూడా ఉండే అవకాశం ఉంది. అయితే 17 నెలలు గర్భంతో ఉన్నానంటూ ఆమె చెప్తున్న వివరాలు నిజమే అయితే.. వరల్డ్ రికార్డు ఆమెను వహించినట్లే... చైనా హునాన్ ప్రావిన్స్, తియాన్సింగ్ నగరానికి చెందిన వాంగ్ షి అనే మహిళ... బహుశా గిన్నిస్ రికార్డును సాధించే అవకాశం కన్పిస్తోంది. రికార్డుకోసం ప్రత్యేకంగా ఆమె ఏ ప్రయత్నాలు చేయకపోయినా... గత సంవత్సరంలో గర్భం ధరించిన ఆమె.. 17 నెలల పాటు ప్రసవం కాకుండా గర్భిణిగానే ఉండిపోవడం.. దీర్థకాలం గర్భాన్ని ధరించిన మహిళగా రికార్డు సృష్టించే సూచనలు కనిపిస్తున్నాయి. లెక్క ప్రకారం 2015 నవంబర్ నెలలో వాంగ్ షి కి ప్రసవం కావాల్సి ఉండగా.. డ్యూ డేట్ దాటి ఎనిమిది నెలలు పూర్తయిన తర్వాత ఎట్టకేలకు ఆమె.. ఆగస్టు 18న బిడ్డకు జన్మనిచ్చింది. అయితే ఆమె గర్భంలో ప్లాసెంటా (మాయ) సరిగా పెరగకపోవడంతోనే అంతకాలంపాటు ప్రసవం కానట్లు తెలుస్తోంది. 2015 ఫిబ్రవరి నెలలో గర్భాన్ని ధరించిన వాంగ్ షి.. తొమ్మిది నెలల తర్వాత ప్రసవం కాకపోవడంతో ఆస్పత్రికి వెళ్ళింది. అయితే ఆమె గర్భంలో ప్లాసెంటా ఇంకా పూర్తిగా వృద్ధి చెందలేదని, ప్రసవానికి కొంత సమయం పడుతుందని ఆమెను పరీక్షించిన వైద్యులు తెలిపారు. ప్లాసెంటా ప్రీవియాగా పిలిచే సమస్యవల్ల ఆమెకు తొమ్మిది నెలలు దాటినా ప్రసవం అయ్యే సూచనలు కనిపించడం లేదని చెప్పారు. డ్యూడేట్ దాటిపోవడంతో ఆందోళనలో పడ్డ వాంగ్ సహా.. ఆమె భర్త.. ప్రతి ఏడునుంచీ పది రోజులకోసారి చెకప్ కోసం ఆస్పత్రికి వెడుతూనే ఉన్నారు. అనంతరం 14 నెలలు గర్భం ఉన్నసమయంలో ఓసారి ప్రసవానికి సిద్ధమైన వాంగ్ ను వైద్యులు వారించారు. ఆమె ఇంకొంతకాలం ప్రసవంకోసం వేచి చూడాల్సి ఉందని, సి-సెక్షన్ ఆపరేషన్ చేయడానికి తగినంతగా 'ఫీటస్' వృద్ధి చెందలేదని తెలిపారు. ఆగస్టు 18న విజయవంతంగా బిడ్డకు జన్మనిచ్చిన వాంగ్... అంతకు ముందు నెల రోజుల క్రితం తన బాధను మీడియాముందు వ్యక్తపరచింది. ఇంతకాలంపాటు గర్భిణిగా ఉండటం ఎంతో సిగ్గుగా ఉందని, అంతేకాక అధిక నెలలు మోయడంతో కేవలం చెకప్ ల కోసం 1,500 డాలర్ల వరకూ ఖర్చు కూడా అధికంగానే అయ్యిందని వాపోయింది. సాధారణంగా గర్భానికి ముందు 52.2 కిలోల బరువుండే తాను.. 26 కేజీలు పెరిగి 78 కేజీలకు చేరుకున్నానని, ఇక తనకు భరించే శక్తి లేదంటూ ఆందోళన చెందింది. కానీ ఎటువంటి ఇతర సమస్యలు లేకుండా ఆరోగ్యంగానే ఉండటంతో చివరికి ఆగస్టు 18న 3.8 కేజీల బరువున్న ఆరోగ్యకరమైన బిడ్డను ప్రసవించింది. 1945 సంవత్సరంలో ఆమెరికాకు చెందిన బ్యూలా హంటర్ అనే మహిళ.. 375 రోజుల సుదీర్ఘ గర్భంతో ఉన్నట్లు ఆధారాలు తెలుపుతున్నాయని, వాంగ్ కు 2015 లో ప్రసవం కావాల్సినట్లు వైద్యులు ఇచ్చిన రికార్డులు ఆధారంగా ప్రభుత్వం సర్టిఫికెట్ జారీచేస్తే..వాంగ్ షి గత రికార్డును తిరగరాసినట్లేనని పీపుల్స్ డైలీ వెల్లడించింది. అయితే వాంగ్ షి 17 నెలల గర్భంతో ఉన్నట్లు పూర్తిశాతం రికార్డులు లేవని, డ్యూ డేట్ కు ముందు ఆమె ఆస్పత్రిలో చెకప్ చేయించుకున్నట్లు ఆధారంకోసం పరిశీలిస్తున్నామని చెంగ్ షా కు చెందిన ఓ ఫిజిషియన్ తెలిపారు.

అర్ధరాత్రి మహిళ సాహసం

22/08/2016: అర్ధరాత్రి పూట ఏదైనా ప్రమాదం జరిగితే సాధారనంగా అటువైపు వెళ్లేవాళ్లు మనకు ఎందుకొచ్చిందిలే అని ఊరుకుంటారు. కనీసం గాయపడిన వాళ్లను చూసే ప్రయత్నం కూడా చేయరు. కానీ రస్ అల్ ఖైమా ప్రాంతంలో మాత్రం ఆస్ట్రియాకు చెందిన ఓ మహిళ అద్భుతమైన సాహసం ప్రదర్శించింది. తీవ్రంగా గాయపడిన అరబ్ యువతిని తక్షణం కారులోంచి బయటకు తీసి, ప్రాథమిక చికిత్స చేసి.. తర్వాత వైద్య బృందానికి తెలిపింది. దాంతో ఆ అరబ్ యువతి ఘోర ప్రమాదం నుంచి సజీవంగా బయటపడింది. రస్ అల్ ఖైమాలోని ఓ ఫస్ట్ క్లాస్ హోటల్‌లో పనిచేసే సబ్రినా హొవోస్కీ అనే ఆస్ట్రియన్ మహిళ ప్రదర్శించిన ఈ ధైర్య సాహసాలకు గాను ఆమెను సత్కరించి, పురస్కారం అందజేసినట్లు ఆ ప్రాంత పోలీసు అధికారి అబ్దుల్లా ఖమీస్ అల్ హదీదీ తెలిపారు. బాధితురాలు కారు నడుపుతూ స్టీరింగ్ మీద నియంత్రణ కోల్పోయిందని.. కారు పలుమార్లు బోల్తా పడి హమారా మాల్ ఎదురుగా పడిపోయింది. ఆ దగ్గర్లోనే ఉన్న సబ్రినా వెంటనే ఆమె వద్దకు పరుగున వెళ్లి కారులోంచి బయటకు లాగి, ఆమెకు అత్యవసరంగా చేయాల్సిన చికిత్స చశారు. అనంతరం సెంట్రల్ ఆపరేషన్స్ రూంకు ఫోన్ చేశారు. ఆమె అంత తక్షణం స్పందించడం వల్లే అరబ్ యువతి ప్రాణాలు దక్కినట్లు పోలీసులు తెలిపారు. సమాజంలో అందరూ ఆమె మార్గంలో నడిచి, పరస్పర సామాజిక బాధ్యతను చూపించాలని అల్ హదీదీ అన్నారు. సబ్రినా వెంటనే స్పందించకపోతే బాధితురాలు మరణించి ఉండేదని ఆయన అన్నారు.

దీపపై ట్వీట్ చేసినందుకు లైంగికంగా వేధించారు!

17/08/2016: జైపూర్: భారత జిమ్నాస్ట్ దీపా కర్మాకర్‌పై ట్వీట్ చేసినందుకు ఓ జైపూర్ యువతికి చేదు అనుభవం ఎదురైంది. ఆమె ఫొటోలను ఆన్‌లైన్‌లో సర్క్యులేట్ చేయడమే కాకుండా లైంగికంగా హింసిస్తామని బెదిరిస్తూ ఆమెకు బెదిరింపులు వెల్లువెత్తాయి. ఈ బెదిరింపుల నుంచి తనను కాపాడాలని ఆమె విదేశాంగమంత్రి సుష్మాస్వరాజ్, కేంద్రమంత్రి మేనకా గాంధీ, రాజస్తాన్ సీఎం వసుంధరారాజేకు ఆన్‌లైన్‌లో విజ్ఞప్తి చేయడంతో పోలీసులు రంగంలోకి దిగారు. ఆమెను ఆన్‌లైన్‌లో వేధించిన వారిపై సైబర్‌ కేసు నమోదుచేశారు. ఐటీ చట్టం సెక్షన్‌ 67, 66 డీ కింద కేసులు నమోదుచేశారు. ఐపీ అడ్రస్‌ల ఆధారంగా నిందితులను పట్టుకునేందుకు ప్రయత్నిస్తున్నట్టు జైపూర్ పోలీసు కమిషనర్ సంజయ్ అగర్వాల్ తెలిపారు. ఒలింపిక్స్ వాల్ట్ విభాగంలో ఫైనల్‌లో దీపా కర్మాకర్ పాల్గొంటున్న నేపథ్యంలో గత ఆదివారం రాత్రి 26 ఏళ్ల యువతి ట్వీట్ చేసింది. 'డేత్ వాల్ట్ గా పేరొందిన ప్రోడోనోవా విన్యాసాలు చేయడం ధనిక దేశాల జిమ్నాస్ట్‌లకు చాలా సులువు. వారికి మంచి మౌలిక వసతులు, మెరుగైన శిక్షణ, అన్నీ వారికి అందుబాటులో ఉంటాయి. కానీ ఈరోజు దీప ఒలింపిక్స్ పతకం కోసం తన ప్రాణాలకు పణంగా పెట్టబోతున్నది. ఏ దేశంలోనైనా మెడల్ కన్నా ప్రాణం విలువైనది' అని ఆమె పేర్కొంది. అయితే దేశాన్ని ఉద్దేశించి 'డ్యామ్‌' అన్న పదాన్ని వాడినందుకు ఆమెను తప్పుపడుతూ.. లైంగికంగా దాడులు చేస్తామని కొందరు నికృష్టులు ఆన్‌లైన్‌లో పోస్టులు పెట్టారు. ఆమె ఫొటోలను వ్యాప్తి చేశారు. ఈ నేపథ్యంలో కేసు నమోదుచేసుకున్న పోలీసులు బాధితురాలిని విచారించారు. ఈ సందర్భంగా ఆ పదం ఎందుకు వాడారని పోలీసులు కూడా అడిగారని, అది భారత్‌ ను ఉద్దేశించి తాను వాడలేదని చెప్పడంతో వారు ఆ విషయాన్ని వదిలిపెట్టారని బాధితురాలు తెలిపింది.

హీరోపై అభిమానాన్ని ఇలా చూపాడు!

13/08/2016: ముంబై: తమ అభిమాన హీరో సినిమా విడుదలైతే ఫ్యాన్స్ కు పండగే. తమ అభిమానాన్ని ఒక్కొక్కరు ఒక్కో విధంగా ప్రదర్శిస్తుంటారు. బాలీవుడ్ హీరో హృతిక్ రోషన్ తాజా చిత్రం 'మొహంజోదారో' విడుదల సందర్భంగా ఓ అభిమాని వినూత్నంగా ఆదరణ ప్రదర్శించాడు. తన ఫేవరేట్ హీరో హృతిక్ సినిమా రెండేళ్ల విడుదల కావడంతో రాహుల్ రాజ్ అనే అభిమాని సందడి చేశాడు. అక్కడితో ఆగకుండా ఏకంగా తానొక్కడే 70 టిక్కెట్లు కొనేశాడు. మార్నింగ్ షోకు 70 టిక్కెట్లు తీసుకుని హృతిక్ రోషన్ తన వీరాభిమానాన్ని చాటుకున్నాడు. టిక్కెట్లతో రాహుల్ రాజ్ ఉన్న ఫొటోను మరో అభిమాని ట్వీట్ చేశాడు. అయితే రాహుల్ రాజ్ ఎక్కడి వాడు అనే వివరాలు వెల్లడించలేదు. పీరియాడిక్ యాక్షన్ డ్రామాగా తెరకెక్కిన 'మొహంజోదారో' సినిమా శుక్రవారం విడుదలైంది. 'లగాన్' డైరెక్టర్ అసతోశ్ గోవారికర్ దరకత్వం వహించిన ఈ సినిమాలో హృతిక్ సరసన పూజా హెగ్డే నటించింది. కాగా, సల్మాన్ ఖాన్ 'సుల్తాన్' సినిమా విడుదలైనప్పుడు కూడా ఓ అభిమాని ధియేటర్ లోని టిక్కెట్లులన్నీ తీసుకుని అందరి దృష్టిని ఆకర్షించాడు. తన భార్యను ఇంప్రెస్ చేయడానికి అతడు ఈ పనిచేశాడు.

ఎంపీ భార్య వింత ఫిర్యాదు!

13/08/2016: ఆగ్రా: తప్పిపోయిన మంత్రి ఆజాంఖాన్ పశువులను వెతికి పట్టుకున్న ఉత్తరప్రదేశ్ పోలీసులకు మరో బాధ్యత నెత్తిన పడింది. ఈసారి కుక్కను వెతకాల్సిన పరిస్థితి వచ్చింది. తమ పెంపుడు కుక్క తప్పింపోయిందని బీజేపీ ఆగ్రా ఎంపీ రామశంకర్ కథిరియా భార్య మృదుల పోలీసులకు ఫిర్యాదు చేశారు. బీజేపీ ప్రధాన కార్యదర్శి అనిల్ చౌదరి, పార్టీ కార్యకర్తలతో కలిసి శుక్రవారం ఎస్పీకి ఫిర్యాదు చేశారు. తమ కుక్కను గుర్తు తెలియని దుండగులు మూడు రోజుల క్రితం ఎత్తుకుపోయారని ఫిర్యాదులో పేర్కొన్నారు. హరి పర్వత్ పోలీస్ స్టేషన్ లో ఈ మేరకు ఫిర్యాదు నమోదు చేశారు. తమ పెంపుడు కుక్క నలుపు రంగులో ఉంటుందని, లాబ్రడర్ జాతికి చెందినదని మృదుల తెలిపారు. అరుదైన, ఖరీదైన కుక్కని.. అంతకుమించి తమ కుటుంబంలో సభ్యురాలని పేర్కొన్నారు. మంత్రి ఆజాంఖాన్ పశువులను వెతికిపట్టుకున్న పోలీసులు తమ కుక్కను ఎందుకు వెతికి పెట్టకూడదని ఆమె ప్రశ్నించారు. ఆగ్రా యూనివర్సిటీలో హిందీ ప్రొఫెసర్ గా పనిచేస్తున్న ఆమె తనకు కేటాయించిన ఇంటిలో కుటుంబ సభ్యులతో కలిసి ఉంటున్నారు.

ఉతకాల్సిన పనిలేదు

11/08/2016: ఎంత ఖరీదైన దుస్తులైనా ఒకటిరెండు సార్లు వేసుకున్నాక ఉతకాల్సిందే. లేకపోతే దుస్తులు మాసిపోవడమే కాకుండా.. చెమట పట్టి దుర్వాసన వస్తుంటాయి. అందుకే కొన్ని రోజులు ఎక్కడికైనా వెళ్లాలనుకుంటే.. అందుకు సరిపడ దుస్తులు తీసుకెళ్లాల్సి ఉంటుంది. దీంతో లగేజీ మోత ఎక్కువైపోతుంది. అయితే ఈ టీషర్టు మాత్రం అలా కాదు. దీన్ని ఎన్ని రోజులైనా ఉతకాల్సిన పనిలేదట. దుర్వాసన రాకుండా శుభ్రంగా ఉంటుందట. కెనడాకి చెందిన స్టార్టప్‌ సంస్థ ‘అన్‌బౌండ్‌’ ఈ రకం దుస్తులను రూపొందించింది. మెరినో జాతి గొర్రెల నుంచి తీసిన ఉన్నికి మన్నిక అధికంగా ఉంటుంది. బ్యాక్టీరియాను చంపే గుణం కలిగి ఉంది. సాధారణంగా చెమట నూలులో ఇంకిపోయి బ్యాక్టీరియా చేరే అవకాశం ఉంటుంది. కానీ ఈ మెరినో ఉన్ని చెమటను దరిచేరనియదట. దీంతో చెమట బయటే ఆవిరైపోతుంది. అలా దుర్వాసన రాకుండా నివారిస్తుంది. అందుకే దీన్ని ఎప్పుడూ ఉతికే అవసరం ఉండదు. ఒక్కసారి ధరించి కొన్ని వారాలపాటు ఉండొచ్చు. ఈ దుస్తులను మార్కెట్లోకి తీసుకొచ్చే ముందు ప్రయోగాత్మకంగా వీటిని ధరించి 46రోజులపాటు ఉతక్కుండా ఉన్నారట. అయినా ఆ టీషర్టు శుభ్రంగా ఉందట. దీంతో ఈ నూలుతో టీషర్టులు.. అండర్‌వేర్‌.. సాక్సులు రూపొందించి మార్కెట్లోకి తీసుకొచ్చారు. వేసవి సమయంలో తేలికగా.. గాలి తగిలేలా ఉండటంతోపాటు.. చలికాలంలో వెచ్చదనాన్ని ఇస్తాయట. బట్టలు ఉతకలేక చికాకుపడే బ్యాచిలర్‌ బాబులకు ఇది గుడ్‌ న్యూసే కదా!

ఎన్నికల్లో ఓడిపోతే.. పెళ్లి చేసుకుంటా!

11/08/2016: ఇంఫాల్ : ఎన్నికల్లో పోటీ చేస్తానని, కానీ ఒకవేళ ప్రజలు తనను తిరస్కరిస్తే మాత్రం పెళ్లి చేసుకుని జీవితంలో స్థిరపడిపోతానని పోరాటయోధురాలు ఇరోం షర్మిలా చాను చెప్పారు. ఈశాన్య రాష్ట్రాలలో సైనికదళాల ప్రత్యేకాధికారాల చట్టాన్ని ఉపసంహరించాలన్న డిమాండుతో 16 ఏళ్లుగా చేస్తున్న దీక్షను ఆమె ఇటీవలే విరమించిన విషయం తెలిసిందే. మణిపూర్‌లో వచ్చే సంవత్సరం జరిగే ఎన్నికల్లో పోటీ చేస్తానని, పెళ్లి కూడా చేసుకుంటానని షర్మిల ఇంతకుముందు చెప్పారు. ప్రజలు తన కొత్త వ్యూహాన్ని పట్టించుకోకపోయినా, తనను అవమానించినా అది తన జీవితంలో కొత్త అధ్యాయానికి కారణం అవుతుందని చెమర్చిన కళ్లతో ఆమె వ్యాఖ్యానించారు. ప్రస్తుతం ఆమె హార్లిక్స్‌తో పాటు గంజి తీసుకుంటున్నారు. షర్మిలకు మంగళవారం బెయిల్ మంజూరైనప్పుడు కోర్టు పరిసరాల్లో ఆమె బోయ్ ఫ్రెండు డెస్మండ్ కోటిన్హో మాత్రం ఎక్కడా కనిపించలేదు. ప్రస్తుత ముఖ్యమంత్రి ఓక్రమ్ ఇబోబి సింగ్ ప్రాతినిధ్యం వహిస్తున్న తౌబల్ నియోజకవర్గంలోనే తాను 2017 ఎన్నికల్లో పోటీ చేయనున్నట్లు ఇరోం షర్మిల చెప్పారు. అయితే, సాయుధదళాల ప్రత్యేకాధికారాల చట్టంపై పోరాటాన్ని ఆపేయడానికే ఆమెను రాజకీయాల్లోకి దించేందుకు ప్రభుత్వం కుట్ర పన్నిందని ఇంతకుముందు సేవ్ షర్మిల అనే ప్రచారాన్ని చేపట్టిన కొంతమంది అంటున్నారు.

చెప్పింది 17కోట్లు.. ఉన్నవి 130కోట్లు - ఆప్‌ ఎమ్మెల్యే అక్రమాస్తులు

10/08/2016: దిల్లీ: ఆమ్‌ ఆద్మీ పార్టీకి చెందిన ఎమ్మెల్యే కర్తార్‌ సింగ్‌ తన్వర్‌ అవినీతి ఆరోపణలు ఎదుర్కొంటున్నారు. 2015 అసెంబ్లీ ఎన్నికల్లో ఆప్‌ తరఫున ఛత్తార్‌పూర్‌ నుంచి గెలిచిన కర్తార్‌ ఇంట్లో ఐటీ శాఖ సోదాల్లో భారీ మొత్తంలో ఆస్తులు బయటపడ్డాయి. అవినీతికి వ్యతిరేకంగా ప్రారంభమైన ఆప్‌ పార్టీలో ఎమ్మెల్యే అయివుండి అక్రమాస్తులు కలిగివుండడం దిల్లీ సీఎం కేజ్రీవాల్‌ను చిక్కుల్లో పడేసేలా ఉంది. కర్తార్‌ ఎన్నికల్లో పోటీ చేసే సమయంలో ఎలక్షన్‌ కమిషన్‌ వద్ద అఫిడవిట్‌లో ప్రకటించిన ఆస్తులు రూ.17.64కోట్లు. అందులో స్థిరాస్తులు రూ.7.69కోట్లు కాగా.. చరాస్తులు రూ.9.95కోట్లు. రూ.72లక్షల విలువ చేసే కార్లు ఉన్నట్లు వెల్లడించారు. కానీ ఐటీ శాఖ దాడుల్లో కర్తార్‌ వద్ద రూ.130కోట్ల విలువైన ఆస్తులు ఉన్నట్లు తేలిందని వార్తలు వస్తున్న సంగతి తెలిసిందే. జులై 27 నుంచి చేస్తున్న దాడుల్లో కర్తార్‌ వద్ద అక్రమాస్తులు రూ.130కోట్లు లభ్యమైనట్లు ఐటీ అధికారులు వెల్లడించినట్లు సమాచారం. ఇప్పటికే అధికారులు రూ.కోటి విలువైన డబ్బు, నగలు సీజ్‌ చేశారు. పెద్ద మొత్తాల్లో లావాదేవీలు నడిపారని, బినామీల పేర్లతో ఆస్తులున్నాయని తెలుస్తోంది. దిల్లీలోని ఛత్తార్‌పూర్‌క చెందిన కర్తార్‌ సివిల్‌ ఇంజనీర్‌. దిల్లీ జల్‌ బోర్డ్‌లో పనిచేశారు. 2005లో ఉద్యోగానికి రాజీనామా చేసి రాజకీయాల్లో చేరారు. మున్సిపల్‌ ఎన్నికల్లో గెలుపొందారు. భాజపా నుంచి 2014లో కర్తార్‌ ఆప్‌లో చేరారు. ఇప్పటికే కేజ్రీవాల్‌ ప్రభుత్వంలోని 12 ఎమ్మెల్యేలపై ఎఫ్‌ఐఆర్‌లు నమోదైన సంగతి తెలిసిందే. తమ ఎమ్మెల్యేలను టార్గెట్‌ చేస్తున్నారని ఆప్‌ కేంద్రంపై విరుచుకుపడుతోంది. కర్తార్‌ ఇంటిపై సీబీఐ సోదాల అంశంపై దిల్లీ ఉప ముఖ్యమంత్రి మనీశ్‌ సిసోడియా స్పందించారు. ఆప్‌ ప్రభుత్వంపై ప్రధాని మోదీ సీబీఐ, దిల్లీ పోలీసులు, ఐబీ, ఈడీతో పాటు ఆదాయపన్ను శాఖ అధికారులను కూడా మోహరింపజేస్తున్నారని విమర్శించారు.

'అందంగా ఉంటుందనే ప్రేమించొద్దు'

10/08/2016: న్యూఢిల్లీ: 'అందంగా ఉంటుందని మాత్రమే కశ్మీర్ ను ప్రేమించకండి.. అక్కడి ప్రజల్ని, వాళ్ల పిల్లల్ని, ఆందోళనల్లో కళ్లు పోయినవారినికి కూడా ప్రేమను పంచండి' అంటూ భావోద్వేగానికి లోనయ్యారు కశ్మీరీ నేత, రాజ్యసభలో కాంగ్రెస్ పక్ష నాయకుడు గులాం నబీ ఆజాద్. గడిచిన 32 రోజులుగా కశ్మీర్ లో అట్టుడుకుతున్న ఆందోళనలపై బుధవారం రాజ్యసభలో చర్చను ప్రారంభించిన ఆయన.. మిగతా భారతీయులలాగే కశ్మీరీలను సమదృష్టితో చూడాలని కేంద్ర ప్రభుత్వాన్ని కోరారు. (కశ్మీర్‌పై పెదవి విప్పిన ప్రధాని మోదీ) '32 రోజుల తర్వాతైన కశ్మీర్ ఆందోళనలపై ఎట్టకేలకు చర్చను అంగీకరించినందుకు ప్రభుత్వానికి ధన్యవాధాలు. కశ్మీర్ భారత్ లో అంతర్భాగమనే నిజం. కానీ అక్కడి ప్రజలతో మనం కలిసిపోయామా?లేదా? అని ఆలోచించుకోవాలి. దాదాపు ప్రతి కశ్మీరీ కుటుంబం ఉగ్రవాద పీడను అనుభవించింది. ప్రస్తుతం అక్కడి పరిస్థితులు అత్యంత సున్నితంగా మారాయి. 32 రోజులుగా కర్ఫ్యూ కొనసాగుతోంది. ప్రజలు ఇబ్బందులు పడుతున్నారు. ఆగ్రహావేశాలకు కారణం ఏదైనా కావచ్చు.. దాన్ని పరిష్కరించే దిశగా కేంద్ర, రాష్ట్ర ప్రభుత్వాలు ప్రయత్నించలేదు. కనీసం ఇప్పుడైనా కశ్మీరీలకు సంఘీభావం తెలపండి. అఖిలపక్షాన్ని పంపి, పరిస్థితులు చక్కబెట్టేందుకు చర్యలు తీసుకోండి. పార్లమెంట్ సమావేశాలు ముగిసేలోపే ఆపని చేస్తే.. కశ్మీరీలకు భరోసా ఇచ్చినవాళ్లం అవుతాం'అని గులాం నబీ ఆజాద్ అన్నారు. తెలంగాణలో మాట్లాడితే ఢిల్లీకి వినబడుతుందా? దళితులపై దాడులు, కశ్మీర్ సమస్యలపై ప్రభుత్వ స్పందన కోసం పార్లమెంట్ లో ఎంపీలు ఆందోళనలు చేస్తోంటే.. ప్రధాని నరేంద్ర మోదీ మాత్రం ఆ సమస్యలపై పార్లమెంట్ లో కాకుండా బయటి సభల్లో స్పందించడమేమిటని ఆజాద్ ప్రశ్నించారు. 'తెలంగాణలో జరిగిన సమావేశంలో మీరు(ప్రధాని) దళితులపై దాడులను ఖండించారు. ఆ మాటలు పార్లమెంట్ వరకు వినబడలేదు. ఆ ప్రకటనేదో ఇక్కడి నుంచే చేస్తే సబబుగా ఉండేది'అని ఆజాద్ వ్యాఖ్యానించారు.

పెళ్లికి ముందు వైద్య పరీక్షలు తప్పనిసరి

10/08/2016: కేకే.నగర్(చెన్నై): పెళ్లికి ముందు స్త్రీ, పురుషులు వైద్యపరీక్షలు తప్పనిసరిగా చేయించుకోవాలని, దీనిపై కేంద్ర, రాష్ట్ర ప్రభుత్వాలు ప్రత్యేక చట్టాన్ని తీసుకురావాలని మద్రాసు హైకోర్టు ఆదేశాలు జారీ చేసింది. చెన్నైకి చెందిన ఓ యువతి దాఖలు చేసిన పిటిషన్‌లో తన భర్తకు బ్లడ్ కేన్సర్ ఉందని, పెళ్లికి ముందే అతనికి ఈ వ్యాధి ఉన్న విషయాన్ని దాచి తనకు 2014లో వివాహం జరిపించారని తెలిపింది. అతనితో కలిసి జీవించడం ఇష్టం లేని తాను విడాకులు కోరుతూ చెన్నై కుటుంబ సంక్షేమ కోర్టులో పిటిషన్ దాఖలు చేసినట్లు పేర్కొంది. ఈ పిటిషన్ విచారణలో ఉండగా నా భర్త తమకు విడాకులు మంజూరు చేయొద్దని మరొక పిటిషన్ దాఖలు చేశారని తెలిపింది. ఈ రెండు పిటిషన్లపై ఈ న్యాయస్థానంలో విచారణ జరుగుతోందని, రెండు కేసులను కలిపి ఒకే న్యాయస్థానంలో విచారణ జరపడంపై ఆదేశాలు జారీచేయాలని కోరింది. ఈ పిటిషన్‌పై న్యాయమూర్తి కృపాకరన్ సోమవారం విచారణ జరిపి తీర్పు ఇచ్చారు. అందులోని వివరాలు 24 సంవత్సరాల యువతిని మోసంచేసి వివాహం చేసినట్లు అభియోగం మోపింది. ఈ కేసులో సమర్పించిన ఆధారాలను బట్టి చూస్తే యువతి మోసానికి గురైనట్లు తెలుస్తోంది.. అందువలన ఆమె కోరినట్లు విడాకులు మంజూరు చేస్తున్నాం.. కుటుంబ సంక్షేమ కోర్టుకు ఈ కేసు పంపితే జాప్యం జరిగే అవకాశం ఉండడం వల్ల విడాకులను వెంటనే మంజూరు చేస్తున్నామని తెలిపారు. వివాహానికి ముందు తల్లిదండ్రులు నిజాలను తెలియజేయాలి. వివాహం చేసుకునే ముందు దంపతులయ్యే ప్రతి ఒక్కరూ వైద్య పరీక్షలు చేసుకోవాలని న్యాయమూర్తి ఉత్తర్వులు జారీ చేశారు.

ప్రధాని కార్యదర్శి వేతనం రూ.2 లక్షలు

09/08/2016: న్యూఢిల్లీ: ప్రధానమంత్రి కార్యాలయంలో పనిచేసే అధికారుల జీతాలను ప్రజలందరికీ తెలిసేలా పీఎంవో వెబ్‌సైట్‌లో ఉంచారు. సమాచార హక్కు చట్టం ప్రకారం పీఎంవో ఈ చర్యలు తీసుకుంది. పీఎంవోలోని ఉద్యోగులందరిలో సీనియర్ ఐఏఎస్ అధికారి భాస్కర్ ఖుల్బీ అత్యధికంగా నెలకు రూ.2.01 లక్షల వేతనం అందుకుంటున్నారు. ప్రధాని ముఖ్య కార్యదర్శి నృపేంద్ర మిశ్రా, జాతీయ భద్రతా సలహాదారు అజిత్ దోవల్, ప్రధాని అదనపు ముఖ్య కార్యదర్శి పీకే మిశ్రా నెలకు రూ. 1,62,500 వేతనంతో పాటు పెన్షన్ అందుకుంటున్నారు. అత్యధిక వేతనం తీసుకుంటున్న వీరంతా రిటైర్డ్ సివిల్ సర్వీస్ అధికారులే.

సోనియా, రాహుల్ దిగ్బ్రాంతి

09/08/2016: న్యూఢిల్లీ: అరుణాచల్ ప్రదేశ్ మాజీ ముఖ్యమంత్రి కలిఖో పుల్ మృతి పట్ల కాంగ్రెస్ పార్టీ అధ్యక్షురాలు సోనియా గాంధీ, ఉపాధ్యక్షుడు రాహుల్ గాంధీ దిగ్బ్రాంతి వ్యక్తం చేశారు. కలిఖో పుల్ అకాలమరణం బాధ కలిగించిందని పేర్కొన్నారు. ఆయన కుటుంబ సభ్యులకు సానుభూతి తెలిపారు. ఆయన ఆత్మకు శాంతి చేకూరాలని ప్రార్థించారు. కలిఖో పుల్ అరుణాచల్ ప్రదేశ్ కు తీరని లోటు అని మాజీ సీఎం నబమ్ తుకీ అన్నారు. ఈ కష్టకాలంలో పుల్ కుటుంబానికి కాంగ్రెస్ పార్టీ అండగా ఉంటుందని భరోసాయిచ్చారు. కలిఖో పుల్ మృతి తనను తీవ్ర దిగ్బ్రాంతికి గురి చేసిందని కాంగ్రెస్ నాయకుడు నినొంగ్ ఎరింగ్ వ్యాఖ్యానించారు. ఆయన ఎందుకు ఆత్మహత్య చేసుకున్నారో అర్థం కావడంలేదన్నారు. సీఎం నివాసంలోనే పుల్ ఉంటున్నారని, ఒంటరితనం కారణంగా ఆయన ఆత్మహత్యకు పాల్పడివుండొచ్చని పేర్కొన్నారు. చివరిసారి ఆయనతో మాట్లాడినప్పుడు రాష్ట్రం పట్ల సానుకూలంగా మాట్లాడారని, అరుణాచల్ ప్రదేశ్ ప్రజలు మరోసారి తనను ముఖ్యమంత్రిగా ఎన్నుకుంటారన్న ఆశాభావాన్ని పుల్ వ్యక్తం చేశారని చెప్పారు.

శివకాశి గుండెల్లో చైనా ‘పేలుళ్లు’!

08/08/2016: చెన్నై: శివకాశి బాణసంచా తయారీదారుల్లో చైనా పెట్టిన ‘చిచ్చు’ ఇంకా ఆరలేదు. ఈ ఏడాది దీపావళికి బాణసంచా తయారీ సీజన్‌ మొదలైనప్పటికీ ఆర్డర్లు మాత్రం ఆశించిన స్థాయిలో రాలేదు. తయారీ మందకొడిగా మొదలై అదే స్థాయిలో కొనసాగుతోంది. గత సంవత్సరం దీపావళికి చైనా బాణసంచా వల్ల ఇక్కడి తయారీదారులు, కార్మికులు తీవ్రంగా నష్టపోయారు. ఈ సారి కూడా తమకు అదే చేదు అనుభవాలు ఎదురవుతాయనే ఆందోళన వారిలో నెలకొంది. దీపావళి పేరు చెప్పగానే చిన్నాపెద్ద తేడా లేకుండా అందరికీ ముందుగా గుర్తుకు వచ్చేది బాణసంచా. వీటి తయారీలో తమిళనాడులోని శివకాశికి జాతీయ స్థాయిలో ప్రత్యేక స్థానం ఉంది. దేశంలోని దాదాపు ఎనభై శాతం బాణసంచా అవసరాలను శివకాశిలోని పరిశ్రమలు తీర్చడమే అందుకు ప్రధాన కారణం. విరుదునగర్‌ జిల్లాలోని శివకాశి, దాని పరిసర ప్రాంతాల్లో సుమారు 780 బాణసంచా తయారీ పరిశ్రమలు ఉన్నాయి. వీటి ద్వారా ప్రత్యక్షంగా, పరోక్షంగా 5 లక్షల మంది కార్మికులు ఉపాధి పొందుతున్నారు. సంవత్సరానికి రూ.3 వేల కోట్ల వ్యాపార లావాదేవీలు ఇక్కడ జరుగుతాయి. దేశంలోకి రెండేళ్ల క్రితం చైనా బాణసంచా రావడంతో శివకాశికి కోలుకోలేని దెబ్బ తగిలింది. తక్కువ ధరకు చైనా బాణసంచా లభించడంతో అధిక లాభం కోసం వ్యాపారులు, డబ్బు ఆదా కోసం వినియోగదారులు సైతం వాటిపైనే మొగ్గుచూపారు. ఆ బాణసంచాలో ప్రమాదకరమైన రసాయనాలు వినియోగించారని, వీటి వల్ల 30 రెట్లు అధికంగా వాతావరణానికి హాని కలుగుతుందనే ఆరోపణలు వినిపించాయి. వీటి విక్రయాలను అడ్డుకోవడానికి ప్రభుత్వం సైతం ప్రయత్నించింది. కొందరు అక్రమంగా మార్కెట్లోకి తీసుకొచ్చారు. ఈ కారణంగా ఆర్డర్లు లేక ఉత్పత్తిదారులు, ఉపాధి లేక కార్మికులు కష్టనష్టాలను చవిచూశారు. ప్రస్తుత సంవత్సరం శివకాశిలో తయారీ సీజన్‌ ప్రారంభమైన నేపథ్యంలో గత అనుభవాలు వారిని వెంటాడుతూనే ఉన్నాయి. పొరుగు రాష్ట్రాల వ్యాపారులేరీ!? ఈ ఏడాది బాణసంచా తయారీ, మరోవైపు వ్యాపార లావాదేవీలు శివకాశిలో ప్రస్తుతం జరుగుతున్నాయి. పొరుగు రాష్ట్రాల నుంచి ఆర్డర్లు, వ్యాపారులు మాత్రం ఆశించిన స్థాయిలో కనిపించడం లేదు. ఆర్డర్ల మేరకు మాత్రమే తయారీ చేపట్టడంతో ఉత్పత్తి తక్కువస్థాయిలో ఉంది. చైనా బాణసంచా మళ్లీ దేశంలోకి వచ్చి ఉండొచ్చనే అనుమానాలు వ్యక్తమవుతున్నాయి. గత సంవత్సరం దీపావళికి కొద్ది రోజుల ముందు అధికారులు మెరుపుదాడులు నిర్వహించి చైనా బాణసంచా విక్రయాలు అరికట్టడానికి చర్యలు చేపట్టారు. అప్పటికే తమకు నష్టం జరిగిందని శివకాశి వ్యాపారులు వాపోతున్నారు. పండుగకు రెండు, మూడు నెలల ముందు నుంచే ప్రత్యేక బృందాలతో నిఘా ఉంచితే మార్కెట్‌లోకి చైనా బాణసంచా చొరబడే అవకాశమే ఉండబోదని చెప్పారు. ఫలితంగా తమకు ఆర్డర్లూ పెరుగుతాయని ఆశాభావం వ్యక్తం చేస్తున్నారు. చైనా బాణసంచాను బహిరంగ మార్కెట్లో వ్యాపారులు విక్రయించకుండా... వాటిని గోదాములకు పరిమితం చేసి అధికారుల కళ్లుగప్పేందుకు కొందరు ప్రయత్నిస్తున్నారని వారు ఆరోపిస్తున్నారు. గోదాములపై మెరుపు దాడులు చేపట్టాలని డిమాండ్‌ చేస్తున్నారు. దీపావళి సమీపిస్తున్న నేపథ్యంలో 5 లక్షల మంది కార్మికుల భవిష్యత్తునూ అధికారులు దృష్టిలో ఉంచుకోవాలని కోరుతున్నారు.

'భారత్ తో అణుయుద్ధం తప్పదు'

08/08/2016: కరాచీ: కశ్మీర్ అంశంపై భారత్ తో అణుయుద్ధం తప్పదని హిజ్బుల్ ముజాహిదీన్ నేత సయీద్ సలాహుదీన్ హెచ్చరించారు. కశ్మీర్ పోరాటానికి అన్నివిధాల మద్దతు ఇవాల్సిన బాధ్యత పాకిస్థాన్ పై ఉందని పేర్కొన్నారు. పాకిస్థాన్ అండగా నిలిస్తే రెండు దేశాల మధ్య అణుయుద్ధం వచ్చే అవకాశముందన్నారు. కశ్మీర్ ప్రజలు రాజీ పడడానికి సిద్ధంగా లేరని, నాలుగో ప్రపంచ యుద్ధం రానుందని జోస్యం చెప్పారు. ప్రపంచం, పాకిస్థాన్ మద్దతు ఇవ్వకపోయినా, ఐక్యరాజ్య సమితి తన కర్తవ్యం నిర్వహించకపోయినా కశ్మీర్ ప్రజలు తమ చివరి రక్తపు బొట్టు వరకు పోరాడాలని సలాహుదీన్ పిలుపునిచ్చారు. సాయుధ యుద్ధం చేయడం తప్ప ప్రత్యామ్నాయం లేదని కశ్మీర్ ప్రజలు నిర్ణయానికి వచ్చారని వెల్లడించారు. మోదీ ప్రభుత్వం ముక్తి ప్రసాదించకపోతే అణచివేతకు గురవుతున్న కశ్మీర్ ప్రజలు సాయుధ తిరుగుబాటు చేస్తారని చెప్పారు. కశ్మీర్ అంశాన్ని అంతర్జాతీయ సమాజం విస్మరించినా, పాకిస్థాన్ ప్రయత్నాలు ఫలించకపోయినా, భారత్ వేధింపులు ఆపకపోయినా.. ఇండియా మూల్యం చెల్లించుకోక తప్పదని సలాహుదీన్ హెచ్చరించారు.

అంత విషాదంలో సెల్ఫీ దిగిన మంత్రి

06/08/2016: రాయ్‌గఢ్‌: మహారాష్ట్రలో కుప్పకూలిన వంతెన వద్ద సెల్ఫీ తీసుకుని ఆ రాష్ట్ర గృహనిర్మాణ శాఖ మంత్రి ప్రకాశ్‌ మెహతా చిక్కుల్లో పడ్డారు. ముంబయి-గోవా రహదారిపై మహద్‌ వద్ద బ్రిటిష్‌ కాలం నాటి పురాతన వంతెన సావిత్రి నది ఉద్ధృతికి కుప్పకూలిన సంగతి తెలిసిందే. నదిలో దాదాపు 50 మంది గల్లంతవ్వగా , సహాయక సిబ్బంది ఇప్పటి వరకూ 14 మృతదేహాలను వెలికి తీశారు. దుర్ఘటన జరిగిన ప్రాంతాన్ని బుధవారం ముఖ్యమంత్రి దేవేంద్ర ఫడణవీస్‌, ప్రతిపక్ష నేత రాధాకృష్ణ విక్కీ పాటిల్‌ సందర్శించారు. వారితో పాటు వచ్చిన ప్రకాశ్‌ మెహతా సెల్ఫీ తీసుకోవడంతో ఆయనపై విమర్శలు వెల్లువెత్తుతున్నాయి. అలాగే దుర్ఘటన గురించి మీడియా ప్రకాశ్‌ను ప్రశ్నిస్తూ.. ఈ విషయం మీకు చాలా ఆలస్యంగా తెలిసిందా అని అడగడంతో ప్రకాశ్‌ ఓ టీవీ ఛానల్‌ ప్రతినిధితో దురుసుగా ప్రవర్తించినట్లు సమాచారం. దీంతో మీడియా ప్రతినిధులు మంత్రికి వ్యతిరేకంగా ఆందోళన చేస్తున్నారు. మంత్రి ప్రకాశ్‌ సెల్ఫీ తీసుకోవడాన్ని ప్రతిపక్ష కాంగ్రెస్‌ పార్టీకి చెందిన నేతలు తీవ్రంగా విమర్శిస్తున్నారు. ఆయన రాజీనామా చేయాలని డిమాండ్‌ చేస్తున్నారు. ప్రకాశ్‌ మెహతా ప్రవర్తన ప్రభుత్వం పనితీరుకు అద్దం పడుతోందని ఎన్సీపీ విమర్శించింది.

పుస్తకం చదివితే.. ఉగ్రవాది అనుకున్నారు

06/08/2016: లండన్‌: ఓ యువతి విమానంలో తన మానాన తాను పుస్తకం చదువుకుంటుంటే ఉగ్రవాదేమోనన్న అనుమానంతో పోలీసులు ఆమెను అదుపులోకి తీసుకుని విచారించారు. ఇంగ్లాండ్‌లో చోటుచేసుకుంది ఈ ఘటన. వివరాల్లోకెళితే.. ఫైజా షాహీన్‌ అనే ఓ బ్రిటిష్‌ ముస్లిం యువతి యూకే నేషనల్‌ హెల్త్‌ సర్వీస్‌లో పనిచేస్తోంది. మానసిక సమస్యలతో బాధపడుతున్న యుక్తవయసు పిల్లలు తీవ్రవాదంవైపు ఆకర్షితులు కాకుండా చూసే కార్యక్రమంలో ఆమె పనిచేస్తోంది. ఇటీవలే వివాహమైన ఆమె హనీమూన్‌ కోసం టర్కీ వెళ్లివస్తుండగా ఈ సంఘటన జరిగింది. ప్రయాణంలో తనతో తెచ్చుకున్న ఓ పుస్తకం చదువుతూ కూర్చుంది షాహీన్‌. ఆ పుస్తకం పేరు సిరియా ఆర్ట్‌ బుక్‌. అది చూసిన థామ్సన్‌ ఎయిర్‌వేస్‌ విమాన సిబ్బంది ఫైజా పై అధికారులకు ఫిర్యాదు చేశారు. విమానం ఇంగ్లాండ్‌లో ల్యాండవగానే ఎయిర్‌పోర్ట్‌ అధికారులు ఫైజాను అదుపులోకి తీసుకుని 15 నిమిషాల పాటు ప్రశ్నించారు. ఈ విషయాన్ని ఫైజా మీడియాకు వివరిస్తూ.. పాస్‌పోర్ట్‌ కంట్రోల్‌ రూం వద్ద క్యూలో నిలబడి ఉన్న తనను అక్కడే ఉన్న ఓ ఎయిర్‌పోర్ట్‌ అధికారి కన్నార్పకుండా గమనిస్తూనే ఉన్నాడని.. తాను అదేం పట్టించుకోకుండా అక్కడి నుంచి వెళుతుంటే ఇద్దరు పోలీసులు వచ్చి పాస్‌పోర్ట్‌ చూపించమన్నారని చెప్పింది. ఒక్క నిమిషం పాటు తనకేం అర్థంకాక అసలు జరిగిందేంటో చెప్పమని ఫైజా పోలీసులను ప్రశ్నించింది. విమానంలో సిరియా పుస్తకం చదువుతుంటే ఉగ్రవాదేమోనన్న అనుమానంతో విచారణ జరుపుతున్నామని పోలీసులు చెప్పారు. పుస్తకం చదివితేనే ఉగ్రవాదని అనుమానించి ఈ విధంగా విచారణ జరిపారని ఇది సమంజసం కాదని ఈ ఘటన చాలా బాధ కలిగించిందని ఫైజా వాపోయింది. ఉగ్రదాడులు ఎక్కువవుతున్న నేపథ్యంలో సెక్యూరిటీ పెంచడం మంచి విషయమే కానీ మరీ ఇలా సిరియా గురించి పుస్తకం చదివినంత మాత్రాన ఉగ్రవాదనుకుని పోలీసులకు ఫిర్యాదు చేయడం సరైన పద్ధతి కాదని మండిపడింది ఫైజా. ఈ సంఘటనపై స్పందిస్తూ అక్కడి లేబర్‌ పార్టీ ఎంపీ కీత్‌ వాజ్‌ అప్రమత్తంగా ఉండడంలో తప్పులేదు కానీ అత్యుత్సాహం పనికిరాదన్నారు. థామ్సన్‌ ఎయిర్‌వేస్‌ సిబ్బంది తమ తొందరపాటుకు క్షమాపణ చెప్పాలన్నారు.

అల్లా అన్నందుకు ఫ్లైట్ దించేశారు!

06/08/2016: పారిస్: పారిస్, ఇతర ఉగ్రదాడుల నేపథ్యంలో ఇటీవల 'ఇస్లామోఫోబియా' పెరిగిపోయింది. ముఖ్యంగా విమానప్రయాణాల్లో ఇది ఒకింత ఎక్కువైందనే చెప్పాలి. తాజాగా పారిస్ నుంచి అమెరికాలోని సిన్సినాటీకి వెళ్తున్న ఓ పాకిస్తానీ-అమెరికన్ జంటకు ఇదే తరహాలో చేదు అనుభవం ఎదురైంది. తమ పదో పెళ్లిరోజు సందర్భంగా పారిస్లో సంతోషంగా గడిపి తిరిగి అమెరికా వెళ్తుండగా.. అమెరికాకు చెందిన డెల్టా ఎయిర్లైన్స్ సిబ్బంది వారిని ఫ్లైట్ దించేశారు. బాధితులు నజియా మీడియాతో తెలిపిన వివరాల ప్రకారం.. తన భర్త ఫైజల్లో ఆమె పారిస్ నుంచి సిన్సినాటీ వెళ్లే విమానంలో ప్రయాణానికి సిద్ధంగా ఉంది. ఫ్లైట్ మరికాసేపట్లో బయలుదేరుతుందనగా.. హిజాబ్ ధరించిన ఆమెపై విమాన సిబ్బంది అనుమానం వ్యక్తం చేశారు. దీనికి తోడు ఫైజల్కు చెమట రావడం గమనించిన విమానసిబ్బంది వారిపై మరింత అనుమానంతో పైలట్కు ఈ విషయాన్ని తెలిపినట్లు ఆమె వెల్లడించింది. దీంతో.. మీరు లగేజీతో పాటు విమానం నుంచి బయటకు వెళ్లాలని సిబ్బంది కోరారని ఆమె వెల్లడించింది. తాము 'అల్లా' అనడం వల్లనే విమానసిబ్బంది ఫ్లైట్ నుంచి దించేశారని ఆమె ఆరోపించింది. ఈ చర్యను కేవలం ఇస్లమోఫోబియాగా నజియా వెల్లడించింది. అనంతరం వారిని ఫ్రెంచ్ పోలీస్ అధికారి విచారించాడని, వారి పారిస్ టూర్ గురించి ప్రశ్నించిన అధికారి.. ఎలాంటి సమస్యా లేదని తెలిపినట్లు నజియా పేర్కొంది. ఈ చర్యపై ముస్లిం సంఘాలు తీవ్రంగా మండిపడుతున్నాయి. డెల్టా ఎయిర్లైన్స్ సిబ్బందిపై కౌన్సిల్ ఆన్ అమెరికన్ ఇస్లామిక్ రిలేషన్(సీఏఐఆర్) సంబంధిత అధికారులకు ఫిర్యాదు చేసింది. అయితే.. దీనిపై డెల్టా ఎయిర్లైన్స్ సమాధానమిస్తూ.. 'తమ సంస్థలో ప్రయాణికులపట్ల ఎలాంటి వివక్షతకు తావు లేదు' అని ప్రకటించింది.

రక్తమోడుతున్న ఫిలిప్పీన్స్ వీధులు

05/08/2016: మనీలా: ఫిలిప్పీన్స్ వీధులు రక్తసిక్తం అవుతున్నాయి. రోడ్లపై కాళ్లు, చేతులు కట్టేసి పడేసిన వాళ్లు, మొఖం నిండా టేపులు అతికించి ఉన్న వాళ్లు, చొక్కాలు రక్తసిక్తమైన వాళ్లు, అవయవాల నుంచి రక్తమోడుతున్న వాళ్లు, హత్యకు గురైన వాళ్లు వీధుల్లో ఎక్కడ చూసినా కనిపిస్తున్నారు. ఈ దృశ్యాలు స్థానిక పత్రికలతోపాటు పలు అంతర్జాతీయ పత్రికల మొదటి పేజీలో ప్రముఖంగా కనిపిస్తున్నా ఫిలీప్పీన్స్ అధ్యక్షుడు రోడ్రిగో డ్యూటర్‌టీ వైఖరిలో ఎలాంటి మార్పులేదు. రోడ్డుపై హత్యకు గురైన భర్తను అక్కున చేర్చుకొని ఏడుస్తున్నా ఓ యువతి హృదయవిదారక దృశ్యాన్ని చూసినా ఆయనకు ఏ మాత్రం సానుభూతి కలగలేదు. పైగా ఆ దృశ్యాన్ని ఆయన తన హెచ్చరికకను ప్రచార అస్త్రంగా వాడుకున్నారు. ‘నీవు చావదల్చుకోలేనప్పుడు, నీవు గాయపడదల్చుకోనప్పుడు, మత గురువులనుగానీ మానవ హక్కుల సంఘాలనుగానీ నమ్ముకోకు. వారెవరూ నీ ప్రాణాలను రక్షించలేరు’ అంటూ హెచ్చరించారు. వీధుల్లో ఈ రక్తపాతానికి బాధ్యుడు ఆయనే. దేశంలో డ్రగ్ మాఫియాను అంతం చేసేందుకు చట్టాన్ని చేతుల్లోకి తీసుకోమని దేశ పౌరులను ఆదేశించిందీ ఆయనే.దేశంలోని మానవ హక్కుల సంఘాలతోపాటు అంతర్జాతీయ సమాజం నుంచి విమర్శలు వెల్లువెత్తుతున్నా దేశాధ్యక్షుడు డ్యూటర్‌టీ వైఖరిలో మార్పు రావడం లేదు. ఇప్పటికీ డ్రగ్ అనుమానితుల హత్యలను బహిరంగంగానే ప్రోత్సహిస్తున్నారు. ‘మీ చర్యలను రెట్టింపు చేయండి, అవసరమైతే మూడింతలు చేయండి.ఆఖరి డ్రగ్ డీలరు లొంగిపోయేవరకు, జైల్లో పెట్టేవరకు లేదా భూస్థాపితం చేసే వరకు మనం విశ్రమించకూడదు’ అంటూ పౌరులను రెచ్చగొట్టే ఉపన్యాసాలు ఇస్తున్నారు. డ్రగ్ మాఫియా గురించి వింటేనే తనకు చెప్పలేనంత కోపం వస్తోందని, తాను ఎప్పుడూ ఇంతేనని, మేయర్‌గా ఉన్నప్పుడు కూడా ఇంతో కోపంతో వ్యవహరించానని తాజాగా చెప్పారు.జూన్ 30వ తేదీన దేశాధ్యక్షుడిగా బాధ్యతలు స్వీకరించిన తొలిరోజునే ఆయన దేశంలోని డ్రగ్ మాఫియాను సమూలంగా నిర్మూలిస్తానని శపథం చేశారు. వీలైతే డ్రగ్ డీలర్లును పోలీసులకు పట్టిమ్మన్నారు. చేతిలో తుపాకి ఉంటే, అక్కడికక్కడే కాల్చేయమని ప్రజలకు పిలుపునిచ్చారు. హత్య చేసిన వారిపై ఎలాంటి చర్యలు తీసుకోకుండా తాను చూసుకుంటానని అభయమిచ్చారు. కానీ ఈ పిలుపు కారణంగా డ్రగ్ మాఫియా పేరిట అమాయకుల హత్యలు కూడా జరుగుతున్నాయని మానవ హక్కుల సంఘాలు గొడవ చేస్తున్నా ఆయన పట్టించుకోవడం లేదు. ఆయన అధికారంలోకి వచ్చిన జూన్ 30వ తేదీ నుంచి ఆగస్టు ఒకటవ తేదీ వరకు 465 మంది హత్యలకు గురయ్యారు. తన భర్త అమాయకుడని, ఆటో నడుపుకుంటూ జీవిస్తున్నాడని, ఆయన్ని అన్యాయంగా హత్య చేశారంటూ జెన్నీలిన్ ఒలాయ్‌రెస్ హృదయవిదారకంగా విలిపించినా దృశ్యం కూడా ఆయన్ని కదలించలేక పోయింది. ఆయన కారణంగా ఇప్పుడు దేశంలో చట్టరహిత భయానక పరిస్థితులు ఏర్పడుతున్నాయి.

ముందంజలో హిల్లరీ.. వెనుకబడుతున్న ట్రంప్

05/08/2016: న్యూయార్క్: అమెరికా అధ్యక్ష ఎన్నికల్లో డెమొక్రటిక్ పార్టీ అభ్యర్థి హిల్లరీ క్లింటన్ దూసుకుపోతున్నారు. రిపబ్లికన్ పార్టీ అభ్యర్థి డొనాల్డ్ ట్రంప్ కంటే ఆమె ముందున్నట్టు తాజా సర్వే వెల్లడించింది. ట్రంప్ కంటే హిల్లరీ 15 శాతం అధికంగా ఓట్లు సాధించే అవకాశముందని మెక్క్లత్చీ-మారిస్ట్ నిర్వహించిన జాతీయ సర్వేలో స్పష్టమైంది. హిల్లరీకి 48 శాతం, ట్రంప్ కు 33 శాతం ఓట్లు వచ్చే అవకాశముందని వెల్లడించింది. న్యూయార్క్ కు చెందిన మారిస్ట్ ఇన్స్స్టిట్యూట్ ఫర్ పబ్లిక్ ఒపీనియన్ గత నెలలో నిర్వహించిన సర్వేలో హిల్లరీ-ట్రంప్ 42-39 శాతం ఓట్లు సాధిస్తారని తేలింది. ట్రప్ కంటే హిల్లరీ 9 శాతం ఓట్లు అధికంగా పొందుతారని వాల్ స్ట్రీట్ జర్నల్/ఎన్బీసీ న్యూస్ సర్వే వెల్లడించింది. హిల్లరీయే ముందంజలో ఉన్నట్టు పలు సర్వేలు పేర్కొన్నాయి. ఇప్పటివరకు వెల్లడైన జాతీయ సర్వేలను బట్టి చూస్తే ట్రంప్ కంటే హిల్లరీ 6.8 శాతం పాయింట్ల సగటుతో ఆధిక్యంలో ఉన్నారని రియల్ క్లియర్ పాలిటిక్స్ అనే సంస్థ తెలిపింది.

ప్రమాద స్థలికి 100 కి.మీ దూరంలో మృతదేహం

04/08/2016: ముంబై: ముంబై-గోవా హైవేలో సావిత్రి నదిపై వంతెన కూలిన ఘటనలో మరో మృతదేహం లభ్యమైంది. ఘటనా స్థలికి 100 కిలోమీటర్ల దూరంలో ఓ బస్సు డ్రైవర్ మృతదేహం గుర్తించారు. మంగళవారం అర్థరాత్రి సమయంలో వంతెన కూలిపోవటంతో నాలుగు బస్సులు, రెండు కార్లు గ్లల్లంతైన విషయం తెలిసిందే. గల్లంతైన వాహనాలను గుర్తించేందుకు 300 కేజీల మాగ్నెట్ సహాయంతో గాలిస్తున్నారు. సహాయక చర్యల్లో నేవీ గజ ఈతగాళ్లు పాల్గోంటున్నారు. ఈ ఘటనలో మొత్తం 22 మంది గల్లంతైనట్లు అధికారులు వెల్లడించారు. అయితే.. రాత్రి వేళలో వంతెన కొట్టుకుపోవడంతో హైవేపై వెళ్తున్న వారు ఎంత మంది నదిలో పడిపోయారనే విషయం స్పష్టంగా తెలియటం లేదు. ఇప్పటి వరకు ముగ్గురి మృతదేహాలు లభించాయి. కూలిన బ్రిడ్జి 1928లో నిర్మించింది.

లండన్‌లో దుండగుడి బీభత్సం

04/08/2016: లండన్‌: సెంట్రల్‌ లండన్‌లో బుధవారం రాత్రి దుండగుడు బీభత్సం సృష్టించాడు. కత్తితో విచక్షణారహితంగా దాడికి పాల్పడ్డాడు. దుండగుడి దాడిలో ఓ మహిళ మృతిచెందగా, మరో ఆరుగురికి గాయాలయ్యాయి. క్షతగాత్రులను ఆసుపత్రికి తరలించి చికిత్స అందిస్తున్నారు. ఘటన అనంతరం నిందితుడిని అదుపులోకి తీసుకుని విచారిస్తున్నట్లు మెట్రోపాలిటన్‌ పోలీసులు తెలిపారు. నిందితుడికి ఉగ్రవాదులతో సంబంధాలున్నాయా అన్న కోణంలో కూడా పోలీసులు దర్యాప్తు చేస్తున్నారు. నిందితుడికి సంబంధించిన పూర్తి సమాచారం పోలీసులు ఇంకా వెల్లడించలేదు.

ఇక దేశమంతా ఒకటే పన్ను! - ‘జీఎస్‌టీ’కి రాజ్యసభ ఆమోదం కొత్త చరిత్రకు శ్రీకారం

04/08/2016: దేశంలో భారీ పన్ను సంస్కరణలకు పెద్దల సభ ఓకే రాజ్యాంగ (122వ సవరణ) బిల్లుకు 203 ఓట్లతో ఆమోదం కాంగ్రెస్ సహా ప్రధాన పార్టీల మద్దతు.. అన్నాడీఎంకే వాకౌట్ రాష్ట్రాల ఆదాయ నష్టాన్ని పూర్తిగా భర్తీ చేయాలన్న పార్టీలు బిల్లుకు సర్కారు 4 సవరణలు ప్రతిపాదన.. ఆమోదం మళ్లీ లోక్‌సభకు బిల్లు.. ఆమోదించాక రాష్ట్రాల అసెంబ్లీలకు జీఎస్‌టీ బిల్లుపై రాజకీయ ఏకాభిప్రాయం కోసం మేం కృషి చేశాం. బిల్లులోని భాష, అంశాలపై ఏకగ్రీవం లేకపోయినా సాధ్యమైనంత మేరకు ఏకాభిప్రాయం ఉంది. ఉత్తమ అంశాలను బిల్లులో చేర్చాం. ఈ కొత్త వ్యవస్థ దేశాన్ని ఒకే ఆర్థిక విపణిగా మారుస్తుంది. - అరుణ్‌జైట్లీ న్యూఢిల్లీ: భారతదేశ ఆర్థిక చరిత్రలో సరికొత్త అధ్యాయానికి తెరలేచింది. వివిధ రకాల రాష్ట్ర, స్థానిక పన్నులను తొలగించి.. వాటి స్థానంలో దేశవ్యాప్తంగా ఏకైక ఏకీకృత పన్నుగా.. వస్తువులు, సేవల పన్ను (జీఎస్‌టీ)ను ప్రవేశపెట్టాలన్న చరిత్రాత్మక నిర్ణయానికి రాజ్యసభ బుధవారం ఆమోదం తెలిపింది. స్వాతంత్య్రానంతరం దేశంలో అత్యంత భారీ పన్ను సంస్కరణ ఇది. అంతేకాదు.. జీఎస్‌టీ అమలుతో ప్రపంచంలో భారతదేశం అతి పెద్ద ఉమ్మడి మార్కెట్‌గా మారుతుంది. రాజ్యాంగం ప్రకారం.. ఎక్సైజ్ సుంకం వంటి పన్నులు విధించేందుకు కేంద్రానికి, చిల్లర అమ్మకం పన్నులు వసూలు చేసేందుకు రాష్ట్రాలకు అధికారం ఉంటుంది. ఆ పన్నుల స్థానంలో ఏకీకృతమైన జీఎస్‌టీని అమలు చేయటానికి వీలు కల్పించేందుకు.. రాజ్యాంగ (122వ సవరణ) బిల్లు - 2014ను పెద్దల సభ ఆమోదించింది. జీఎస్‌టీకి సంబంధించి పలు అంశాలపై నాటి, నేటి అధికార, విపక్షాల మధ్య విభేదాలతో నాలుగేళ్లుగా పెండింగ్‌లో ఉన్న ఈ కీలక పన్ను సంస్కరణల బిల్లుకు.. అన్నా డీఎంకే మినహా కాంగ్రెస్ సహా అన్ని పక్షాలూ పెద్దల సభలో మద్దతు ప్రకటించాయి. అన్నా డీఎంకే ఈ బిల్లును పూర్తిగా వ్యతిరేకించింది. జీఎస్‌టీ అమలుపై దాదాపు ఏడు గంటల పాటు చర్చించిన అనంతరం జరిగిన ఓటింగ్‌లో బిల్లుకు అనుకూలంగా 203 ఓట్లు రాగా.. వ్యతిరేకంగా ఒక్క ఓటు కూడా పడలేదు. సహకార సమాఖ్య విధానానికి జీఎస్‌టీ ఉదాహరణగా నిలుస్తుందని.. అందరం కలిసి ఇండియాను కొత్త ప్రగతి శిఖరాలకు తీసుకెళతామని ప్రధాని మోదీ హర్షం వ్యక్తంచేశారు. ప్రతిపక్షాల సంఖ్యా బలం ఎక్కువగా ఉన్న ఎగువసభలో.. జీఎస్‌టీ బిల్లుపై చర్చ సందర్భంగా అధికార, విపక్షాల మధ్య అరుదైన సామరస్యం కనిపించటం విశేషం. ఆర్థికమంత్రి అరుణ్‌జైట్లీ ఈ బిల్లును ప్రవేశపెడుతూ.. ఇటీవలి చరిత్రలో దేశంలో అత్యంత ముఖ్యమైన పన్ను సంస్కరణలకు సంబంధించిన బిల్లు ఇదని పేర్కొన్నారు. వివిధ రాజకీయ పార్టీల మధ్య విస్తృత ఏకాభిప్రాయం తర్వాత దీనిని తీసుకువచ్చినట్లు చెప్పారు. ఈ సందర్భంగా సభలో సభ్యులందరూ బల్లలు చరుస్తూ హర్షం తెలిపారు. జీఎస్‌టీ రేటుపై 18 శాతం పరిమితి విధించాలని చర్చలో కాంగ్రెస్ సహా పలు పార్టీలు కోరగా.. పన్ను రేటును సాధ్యమైనంత తక్కువగానే ఉంచుతామని జైట్లీ తన సమాధానంలో పేర్కొన్నారు. అయితే ఎంత పరిమితి ఉంటుందన్న విషయంపై ప్రతిపక్షాలు పట్టుపట్టినా ఏమీ చెప్పలేదు. కేంద్ర ఆర్థికమంత్రి, 29 రాష్ట్రాల ప్రతినిధులతో కూడిన జీఎస్‌టీ మండలి ఈ పన్ను రేటును నిర్ణయిస్తుందన్నారు. చర్చలో ఎవరేమన్నారంటే... చిన్న వ్యాపారులను మినహాయించాలి: ఎస్‌పీ ‘‘ఈ బిల్లును మేం అంగీకరించనప్పటికీ.. దేశ ప్రగతికి మేం అవరోధంగా ఉన్నామని మమ్మల్ని నిందించరాదన్న కారణంతో దీనికి మా పార్టీ మద్దతిస్తోంది. ఎన్‌డీఏ ఎప్పుడు ఏ బిల్లు తెచ్చినా దేశాన్ని భారీ మలుపుతిప్పేస్తున్నట్లు వాళ్లు భావన కల్పిస్తుంటారు. కానీ మీ పాత బిల్లులు ఏమయ్యాయి? నల్లధనం సంగతేమిటి? ప్రభుత్వ ఉద్దేశం చెడు ఉద్దేశం.. పన్నులు పెంచటమే ఉద్దేశం. దేశంలో ద్రవ్యోల్బణం ఉండరాదని కోరుకుంటున్నట్లు మీరు చెప్తారు. మరి 18 శాతం వంటి తక్కువ పన్ను రేటును ఇప్పుడే ఎందుకు నిర్ధారించరు? చిన్న వ్యాపారులు జీఎస్‌టీని వ్యతిరేకిస్తున్నారు. రూ. 10 లక్షల లోపు టర్నోవర్ ఉండే వ్యాపారులను జీఎస్‌టీ నుంచి మినహాయించాలని మేం డిమాండ్ చేశాం. ఆహార ఉత్పత్తులపై కూడా జీఎస్‌టీ ఉంటుందా? అలాగైతే ధరలు పెరుగుతాయి’’ అని సమాజ్‌వాది పార్టీ నేత నరేశ్ అగర్వాల్ చెప్పారు.

ఐసీయూలో సోనియా గాంధీ!

04/08/2016: న్యూఢిల్లీ : కాంగ్రెస్ అధినేత్రి సోనియా గాంధీ ఐసీయూలో చికిత్స పొందుతున్నారు! మంగళవారం నాడు వారణాసి రోడ్డుషోలో పాల్గొన్న తర్వాత మధ్యలోనే వెనుదిరిగిన సోనియా ప్రస్తుతం న్యూఢిల్లీలోని సర్ గంగారాం ఆస్పత్రిలోని ఇంటెన్సివ్ కేర్ యూనిట్‌లో చికిత్స పొందుతున్నట్లు ఆస్పత్రి వర్గాలు తెలిపాయి. తొలుత ఢిల్లీలోని ఆర్మీ ఆస్పత్రిలో ఆమెకు చికిత్స చేయించగా, అక్కడి నుంచి ఎస్ఆర్‌జీహెచ్‌కి తరలించారు. ఇమె ఇప్పటికీ డీహైడ్రేషన్, ఎలక్ట్రొలైట్‌ల అసమతౌల్యంతో బాధపడుతున్నారు. వారణాసి ర్యాలీలో పాల్గొన్న సమయంలో సోనియాగాంధీ పడిపోవడంతో ఆమె మోచేయి కూడా విరిగినట్లు చెబుతున్నారు. బుధవారం మధ్యాహ్నం 1.30 గంటల సమయంలో ఆమెను సర్ గంగారాం ఆస్పత్రికి తీసుకొచ్చారని, పల్మనాలజిస్టు డాక్టర్ అరూప్ బసు, ఆయన బృందం ఆమెకు చికిత్స చేస్తున్నారని ఆస్పత్రి వర్గాలు తెలిపాయి. ప్రస్తుతం ఆమె పరిస్థితి నిలకడగానే ఉందని, పరీక్షలు నిర్వహిస్తున్నారని ఆస్పత్రి విడుదల చేసిన ఓ ప్రకటనలో చెప్పారు. అయితే, ప్రస్తుతం ఐసీయూలో చికిత్స పొందుతున్న సోనియాగాంధీ ఈ వారంలో మాత్రం ఆస్పత్రి నుంచి బయటకు వచ్చే పరిస్థితి లేదని తెలుస్తోంది. ప్రత్యేక విమానంలో ఆమెను వారణాసి నుంచి ఢిల్లీకి తరలించినప్పటి కంటే ఇప్పుడు ఆమె పరిస్థితి చాలా మెరుగుపడిందని, ఆర్మీ ఆస్పత్రికి తీసుకొచ్చేసరికి ఆమె బాగా మత్తుగా ఉన్నారని.. అసలు మాట కూడా రాలేదని తెలిసింది. రాహుల్ గాంధీ, ప్రియాంకా గాంధీ కూడా సోనియా వెంటే ఉంటున్నారు. అల్లుడు రాబర్ట్ వాద్రా కూడా ఆస్పత్రికి వచ్చి అత్తను పలకరించి వెళ్లారు.

తల్లీకూతుళ్లపై గ్యాంగ్ రేప్ - డాక్టర్, పోలీసుల అమానుషం

03/08/2016: బులంద్షహర్: 'కనీసం సాధారణ రోగుల్లానైనా మమ్మల్ని చూడలేదు. నా ఒంటినిండా గాయాలున్నాయి. నా కూతురికేమో విపరీతమైన రక్తస్రావం. అమ్మా.. ఏదో ఒకటి చెయ్యండమ్మా లేకుంటే నా బిడ్డ చనిపోతుందని డాక్టర్ కు మొరపెట్టుకున్నా. కానీ ఆమె మమమల్ని పట్టించుకోలేదు. మాపై సామూహిక అత్యాచారం జరిగిందని చెబితే ఆ డాక్టర్ నమ్మలేదు. పైగా, నోరుమూసుకొని వెళ్లి ఆ మూలన కూర్చోండని కసిరింది'.. ఇదీ.. ఉత్తరప్రదేశ్ లోని బులంద్ షహర్ లో గ్యాంగ్ రేప్ కు గురైన మహిళ ఇచ్చిన వాంగ్మూలం. దేశవ్యాప్తంగా సంచలనం సృష్టించిన ఆ పాశవిక ఘటనకు సంబంధించి ఘోరవాస్తవాలు ఒకొక్కటిగా వెలుగులోకి వస్తున్నాయి. ప్రస్తుతం ఆసుపత్రిలో చికిత్స పొందుతున్న బాధితురాళ్లలో కూతురు ఇంకా షాక్ నుంచి తేరుకోలేదు. తల్లి తమకు జరిగిన అవమానంపై కుమిలిపోతున్నది. నోయిడాకు చెందిన టాక్సీడ్రైవర్ తన కుటుంబంతో కలిసి శుక్రవారం రాత్రి షాజహాన్ పూర్ (యూపీ) బయలుదేరగా.. ఢిల్లీకి 65 కిలోమీటర్ల దూరంలో కాన్పూర్ హైవేపై గల బులంద్ షహర్ వద్ద దుండగులు కారును అటకాయించి, లోపల ఉన్నవారిని బయటికిలాగి, పొలాల్లోకి తీసుకెళ్లి పురుషులను చెట్లకు కట్టేసి, తల్లి, 14 ఏళ్ల కూతురిపై అఘాయిత్యానికి పాల్పడ్డారు. రాత్రి 1:30కు దారుణం జరిగితే తెల్లవారి 5:30కు గానీ పోలీసులు స్పందించలేదని బాధితురాలి కుటుంబసభ్యుడు చెప్పాడు. 'రెండు గంటలు నరకం చూపించి దుండగులు వెళ్లిపోయిన తర్వాత కట్లు ఊడదీసుకుని, అరగంటపాటు పోలీస్ హెల్ప్ లైన 100కు ఫోన్ చేస్తూనే ఉన్నా. కానీ నంబర్ బిజీ అని సమాధానం వచ్చింది. తర్వాత మా వాళ్లను ప్రభుత్వ ఆసుపత్రికి తీసుకెళ్లా. అక్కడి మహిళా డాక్టర్ మమ్మల్ని పట్టించుకోలేదు. తెల్లవారాకగానీ పోలీసులు మా దగ్గరికి రాలేదు. వాళ్లు కూడా మా కుటుంబీకులపై అత్యాచారం జరిందంటే నమ్మలేదు. నాటకాలాడుతున్నామన్నట్లు మాట్లాడారు' అని బాధిత మహిళ మరిది మీడియాకు వివరించారు. తమపై జరిగిన అకృత్యం అందరికీ తెలిసిపోయినందుకు సిగ్గుపడుతున్నామని, మళ్లీ నోయిడా వెళ్లి తలెత్తుకుని తిరగలేమని బాధితమహిళ మంగళవారం మీడియా ముందు ఆవేదన వ్యక్తం చేసింది. తన కూతురు ఇంకా షాక్ నుంచి తేరుకోలేదని, ఆమె గురించి తామంతా కుమిలిపోతున్నామని పేర్కొంది. దోషులను పట్టుకుని ఉరి తీయాలని, లేకుంటే తామే ఉరివేసుకుని చనిపోతామని దగ్ధస్వరంతో రోదించింది. కాగా, పోలీసులు అదుపులోకి తీసుకున్న అనుమానితుల్లో ముగ్గురిని బాధిత కుటుంబీకులు గుర్తుపట్టారని, మరో ఐదుగురు ఇంకా పరారీలోనే ఉన్నారని బులంద్ షహర్ పోలీసులు తెలిపారు.

ఆమెను బలిపశువును చేశారు - రాహుల్‌

02/08/2016: దిల్లీ: గుజరాత్‌ ముఖ్యమంత్రి ఆనందీబెన్‌ పటేల్‌ రాజీనామా అంశంపై కాంగ్రెస్‌ ఉపాధ్యక్షుడు రాహుల్‌గాంధీ స్పందించారు. ఆమెను బలిపశువును చేశారని రాహుల్‌ అభిప్రాయపడ్డారు. గుజరాత్‌లో ఏర్పడిన ఉద్రిక్త పరిస్థితులకు రెండేళ్ల ఆనందీబెన్‌ పాలన కారణం కాదని, 13ఏళ్ల మోదీ పాలన వల్లే ఈ పరిస్థితులు ఎదురయ్యాయని విమర్శించారు. ఆమె త్యాగం భాజపాను కాపాడలేదంటూ రాహుల్‌ ట్వీట్‌ చేశారు. మరోవైపు దిల్లీ ముఖ్యమంత్రి అరవింద్‌ కేజ్రీవాల్‌ కూడా ఈ విషయంపై స్పందించారు. ‘ఆనందీబెన్‌ రాజీనామా చేయడానికి కారణం.. గుజరాత్‌లో ఆమ్‌ఆద్మీ పార్టీ వేగంగా విస్తరించడమే. భాజపా ఈ విషయంలో భయపడుతోంది’ అంటూ కేజ్రీవాల్‌ ట్వీట్‌ చేశారు. 75ఏళ్లు నిండుతున్న తనను పదవీ బాధ్యతల నుంచి తప్పించాలని భాజపా నాయకత్వానికి ఆనందీబెన్‌పటేల్‌ ఫేస్‌బుక్‌ ద్వారా విజ్ఞప్తి చేసిన విషయం తెలిసిందే. ఇటీవల జరిగిన పటేల్‌ ఆందోళన, దళితుల ధర్నా ఘటనలతో ప్రభుత్వంపై తీవ్రస్థాయిలో వ్యతిరేకత ఏర్పడింది. మరోవైపు వచ్చే ఏడాది అసెంబ్లీ ఎన్నికలు జరగనున్న నేపథ్యంలో ఆనందీబెన్‌ రాజీనామా చర్చనీయాంశంగా మారింది.

మోదీ నియోజకవర్గంలో సోనియా ప్రచారం

02/08/2016: వారణాసి: కాంగ్రెస్‌ అధినేత్రి సోనియా గాంధీ నేడు ఉత్తరప్రదేశ్‌లో ప్రచారం ప్రారంభించారు. వచ్చే ఏడాది యూపీలో అసెంబ్లీ ఎన్నికలు జరగనున్న నేపథ్యంలో ప్రచారానికి ఆమె శ్రీకారం చుట్టారు. ప్రధాని నరేంద్ర మోదీ నియోజకవర్గమైన వారణాసిలోనే ఆమె ప్రచారం మొదలు పెట్టడం విశేషం. విమానాశ్రయం నుంచి సోనియా గాంధీ కాన్వాయ్‌తో పాటు వేలాది మంది కాంగ్రెస్‌ కార్యకర్తలు జెండాలతో బైక్‌ ర్యాలీ నిర్వహించారు. సోనియా గాంధీ పలుచోట్ల రోడ్‌షోలో పాల్గొన్నారు. మోదీ సొంత నియోజకవర్గంలో కాంగ్రెస్‌ బలాన్ని చాటుకోవడానికే సోనియా తొలి ప్రచార కార్యక్రమానికి వారణాసిని ఎంచుకున్నట్లు తెలుస్తోంది. మోదీ ప్రధానిగా నియమితులయ్యాక సోనియాగాంధీ వారణాసికి వెళ్లడం ఇదే తొలిసారి. సోనియా ఈరోజు సాయంత్రం అక్కడి కాశీ విశ్వనాథుడి ఆలయానికి వెళ్లనున్నారు. ఆమెతో పాటు యూపీ కాంగ్రెస్‌ ముఖ్యమంత్రి అభ్యర్థి షీలా దీక్షిత్‌, ఏఐసీసీ ప్రధాన కార్యదర్శి గులాం నబీ ఆజాద్‌, యూపీసీసీ చీఫ్‌ రాజ్‌బబ్బర్‌, పార్టీ సీనియర్‌ నేతలు ప్రమోద్‌ తివారీ, సంజయ్‌ సింగ్‌లు ఉన్నారు. ఉత్తరప్రదేశ్‌లో గత 27ఏళ్లుగా కాంగ్రెస్‌కు అధికారం దక్కలేదు. వచ్చే ఎన్నికల సందర్భంగా రాష్ట్రంలో అభివృద్ధి లోపించిందనే అంశంపైనే కాంగ్రెస్‌ ప్రత్యేకంగా దృష్టి సారించి ప్రచారం చేయనుంది.

రాజ్యసభలో మహిళా ఎంపీ కన్నీరుమున్నీరు

01/08/2016: న్యూఢిల్లీ/చెన్నై : అన్నాడీఎంకే పార్టీకి చెందిన మహిళా ఎంపీ రాజ్యసభలో కన్నీరుమున్నీరయ్యారు. ఢిల్లీ విమానాశ్రయంలో డీఎంకే ఎంపీ తిరుచ్చి శివను చెంప మీద ఎడాపెడా కొట్టిన ఆమె.. తన ప్రాణాలకు ముప్పుందని, తమిళనాడులో తనకు రక్షణ లేదని, అందువల్ల రక్షణ కల్పించాలని కోరుతూ రాజ్యసభలో కన్నీరుపెట్టారు. శనివారం నాడు ఢిల్లీ విమానాశ్రయంలో ఇద్దరు ఎంపీలు గొడవపడి, కొట్టుకున్న తర్వాత.. పార్టీ అధినేత్రి జయలలిత వద్దకు వెళ్లి ఆమె జరిగిన విషయం గురించి చెప్పారు. అయితే.. పార్టీ పరువును బజారుకు ఈడ్చారంటూ ఆమెను పార్టీ నుంచి సస్పెండ్ చేయడమే కాక, ఎంపీ పదవికి కూడా రాజీనామా చేయాలని జయలలిత ఆదేశించినట్లు విశ్వసనీయ సమాచారం. (చదవండి: డీఎంకే ఎంపీకి చెంపదెబ్బలు) అదే విషయాన్ని ఆమె పరోక్షంగా రాజ్యసభలో కూడా ప్రస్తావించారు. తన ప్రాణాలకు ముప్పుందని, తనకు ఉన్న రాజ్యాంగబద్ధమైన పదవి నుంచి రాజీనామా చేయాల్సిందిగా బలవంతం చేస్తున్నారని.. అయితే తాను మాత్రం రాజీనామా చేసేది లేదని ఆమె సభలో చెప్పారు. విమానాశ్రయంలో జరిగిన చిన్న గొడవను డీఎంకే ఎంపీ అనవసరంగా పెద్దది చేశారని, సోషల్ మీడియాలో కూడా తన పరువు తీసేలా వ్యవహరించారని అన్నారు. మహిళా ఎంపీ అయిన తనను ఇలా వేధిస్తుంటే ఇక తమకు రక్షణ ఎక్కడ ఉంటుందని అడిగారు. తమిళనాడులో తనకు రక్షణ లేనందున తగినంత భద్రత కల్పించాలని కోరారు.

‘గ్రాఫీన్’తో స్వచ్ఛమైన నీరు!

01/08/2016: అసలే వర్షాకాలం.. స్వచ్ఛమైన నీరు తాగకపోతే రోగాలు ఖాయం. ఎంతో జాగ్రత్తగా ఉంటే తప్ప వాటినుంచి తప్పించుకోలేం. ప్రతిసారి నీటిని వేడిచేసుకుని, వడపోసుకుని తాగాలంటే కుదరదు కదా! ఈ సమస్య నుంచి తప్పించేందుకు అమెరికాలోని వాషింగ్టన్ యూనివర్సిటీ శాస్త్రవేత్త ఎస్.శ్రీకాంత్ ఓ వినూత్న పద్ధతిని ఆవిష్కరించారు. అత్యద్భుత లక్షణాలున్న పదార్థంగా పరిగణిస్తున్న గ్రాఫీన్ ఆక్సైడ్, బ్యాక్టీరియా ఉత్పాదిత సెల్యూలోజ్‌తో నీటి శుద్ధీకరణ సులువుగా జరుగుతుందని ఆయన చెబుతున్నారు. గ్రాఫీన్ ఆక్సైడ్ పొరపై సూర్యరశ్మి పడినప్పుడు అక్కడ ఉండే నీరు ఆవిరవుతుందని, దిగువన ఉన్న నీటిని పైకి తీసుకొచ్చేందుకు సెల్యులోజ్ ఉపయోగపడుతుందని వివరించారు. దీంతో అతితక్కువ వేడితో నీటిని పొరలుపొరలుగా ఆవిరిచేసి శుద్ధమైన నీటిని సేకరించవచ్చని తెలిపారు. సెల్యులోజ్ బయోఫోమ్, గ్రాఫీన్ ఆక్సైడ్ పొరలను అతి చౌకగా తయారు చేసుకోవచ్చు కాబట్టి నీటి శుద్ధీకరణ కూడా చౌకగా జరుగుతుందని పేర్కొన్నారు.

ధ్యానంకోసం విరామం తీసుకోనున్న కేజ్రీవాల్‌

29/07/2016: దిల్లీ: ఓ వైపు ముఖ్యమంత్రిగా బాధ్యతలు, మరోవైపు కేంద్రంతో తరుచుగా వాగ్వాదాల మధ్య నిత్యం బిజీగా ఉండే దిల్లీ సీఎం అరవింద్‌ కేజ్రీవాల్‌ అప్పుడప్పుడు తన ఆరోగ్యంపై ప్రత్యేక శ్రద్ధ పెడతారు. ఇప్పటికే దగ్గు చికిత్స కోసం బెంగళూరులో నాచురోపతి వైద్యం తీసుకున్న కేజ్రీవాల్‌.. తాజాగా ధ్యానంపై శిక్షణ తీసుకోనున్నారు. టీవీలు, వార్తలకు దూరంగా 12 రోజుల పాటు ధ్యానం కోసం కేటాయించారు. నాగ్‌పూర్‌లోని మెడిటేషన్‌ సెంటర్లో కేజ్రీవాల్‌ ఆగస్టులో 12 రోజుల పాటు విపసన ధ్యానం శిక్షణ తీసుకోనున్నట్లు ఆమ్‌ ఆద్మీ పార్టీ వర్గాలు వెల్లడించాయి. ఇందుకోసం ఈనెల30 న మెడిటేషన్‌ సెంటర్లో పేరు నమోదు చేసుకోనున్నారు. ఆత్మస్థైర్యాన్ని దెబ్బతీసే విధంగా ప్రత్యర్థులు ఎలాంటి ఘాటు విమర్శలు చేసినా.. నిగ్రహం కోల్పోకోకుండా ఉండేందుకు విపసన ధ్యానం చక్కగా ఉపయోగపడుతుంది. ఈ పన్నెండు రోజుల పాటు ఉప ముఖ్యమంత్రి మనిశ్‌ సిసోడియా ప్రభుత్వ బాధ్యతలు చేపడతారు. కేజ్రీవాల్‌ గతంలోనూ విపసన ధ్యానంపై శిక్షణ తీసుకున్నారు. 2014 లోక్‌సభ ఎన్నికల ప్రచారం తర్వాత కొన్ని రోజుల పాటు కేజ్రీవాల్‌ విరామంలో ఉన్నారు. ఈ ఏడాది జనవరిలో నాచురోపతి ట్రీట్‌మెంట్‌ కోసం పదిరోజుల పాటు బెంగళూరులోని ఇనిస్టిట్యూట్‌లో చేరిన విషయం తెలిసిందే.

'నా పేరు మోయినాల్.. నేను భారతీయుడినే'

29/07/2016: కోల్కతా: తాను భారతీయుడినే అని నిరూపించుకునేందుకు ఓ వ్యక్తి నానా ఇబ్బందులు పడాల్సి వచ్చింది. ఈ క్రమంలో జైలుకు కూడా వెళ్లాల్సి వచ్చింది. తన తరుపున ఉన్న న్యాయవాది మధ్యలో మోసం చేసి వెళ్లిపోవడంతో దాదాపు జీవితాంతం జైలులోనే ఉండిపోవాల్సిన పరిస్థితి ఏర్పడింది. అయితే, ఓ స్వచ్ఛంద సంస్థ జోక్యం చేసుకోవడంతో అతడికి తిరిగి విముక్తి కలిగింది. సుప్రీంకోర్టు జోక్యంతో తిరిగి తాను భారతీయుడినే అని నిరూపించుకునే అవకాశం వచ్చింది. ఇది మోయిన్ మొల్లా అనే ఓ వ్యక్తి కథ. మోయినాల్ అనే వ్యక్తి నిరక్షరాస్యుడు. వీరిది బెంగాల్ కు చెందిన ముస్లిం కుటుంబం. బార్పెట్టా ప్రాంతంలో ఉంటున్నారు. 1998లో ఇల్లీగల్ మైగ్రాంట్ టిటర్మినేషన్ ట్రిబ్యునల్స్ లో అక్రమ వలసలకు సంబంధించి మూడు కేసులు నమోదయ్యాయి. ఇందులో మోయినాల్ ను కూడా చేర్చారు. దీంతో అతడు కూడా ఫారినర్స్ ట్రిబ్యునల్ మెట్లు ఎక్కాల్సి వచ్చింది. అయితే, అతడి తల్లిదండ్రులకు భారత పౌరసత్వం ఉందని, ట్రిబ్యునల్ ముందు హాజరుకావాల్సిన పనిలేదని అంతకుముందు ఉన్న ఓ లాయర్ అతడితో చెప్పడంతో ఎన్నోమార్లు ట్రిబ్యునల్ వద్దకు వెళ్లే వెనుదిరిగాడు. ఆ తర్వాత ట్రిబ్యునల్ వైపు వెళ్లలేదు. దీంతో అతడిని ఫిబ్రవరి 16, 2010లో ఓ పారినర్ గా ట్రిబ్యునల్ గుర్తించింది. అ‍ప్పుడు అసలు విషయం తెలుసుకున్న మోయినాల్ వెంటనే తన తరుపున న్యాయవాదిపై కేసు వేశాడు. అయినా హైకోర్టు ఆ పిటిషన్ ను కొట్టి వేయడంతోపాటు అతడిని అదుపులోకి తీసుకోవాలని చెప్పింది. దీంతో పోలీసులు అరెస్టు చేసి గోల్పారాలోని డిటెన్షన్ క్యాంపులో పడేశారు. వాస్తవానికి మోయినాల్ పూర్వీకులు భారతీయ పౌరసత్వం ఉన్నవారే. స్వాతంత్ర్యం వచ్చినప్పటి నుంచి వారి కుటుంబీకులు ఇక్కడ ఓటు కూడా వేస్తున్నారు. అంతేకాదు.. స్వాతంత్ర్యానికి పూర్వమే వారి పేరిట భూముల కొనుగోళ్ల పత్రాలు కూడా ఉన్నాయి. అయితే, అతడు నిరక్షరాస్యుడు అవడం మూలంగా వాటన్నింటిని చూపించలేకపోయాడు. తప్పుడు సలహా విని ట్రిబ్యునల్ ముందుకు వెళ్లి ఆధారాలు సమర్పించలేకపోయాడు. ఫలితంగా జైలుకు వెళ్లాల్సిన పరిస్థితి వచ్చింది. ఈ విషయం తెలుసుకున్న ఓ స్వచ్ఛంద సంస్థ అతడికి సంబంధించిన అన్ని ఆధారాలు సేకరించడంతోపాటు.. చుట్టుపక్కలవారి నుంచి విరాళాలు వసూలు చేసి అతడి తరుపున సుప్రీంకోర్టు మెట్లెక్కింది. ఈ పిటిషన్ స్వీకరించిన సుప్రీంకోర్టు నాలుగు వారాల్లో ఫారినర్స్ ట్రిబ్యునల్ ముందుకు వెళ్లి తన పౌరసత్వాన్ని నిరూపించుకోవచ్చని చెప్పడంతో ఇక మోయినాల్ సంకెళ్లు తెగినట్లయింది. ఇలా ఎంతో మంది నిరక్షరాస్యులు తమ టెక్నికల్ సపోర్ట్ లేకుండా అనవసరంగా జైలుపాలు అవ్వుతున్నారని మోయిన్ తరుపు న్యాయవాది, స్వచ్ఛంద సంస్థ పేర్కొన్నాయి. అంతకుముందు మైగ్రాంట్స్ గా గుర్తించి భారతీయ సభ్యత్వం ఇచ్చిన ఇల్లీగల్ మైగ్రాంట్ టిటర్మినేషన్ ట్రిబ్యునల్స్(ఐఎండీటీ)ని రద్దు చేయడమే మోయినాల్ సమస్యకు ప్రధాన కారణంగా నిలిచింది.

మోదీకి ప్రాణహాని?

29/07/2016: న్యూఢిల్లీ: ప్రధానమంత్రి నరేంద్ర మోదీకి ప్రాణ హాని ఉందని ఇంటెలిజెన్స్ ఏజెన్సీలు, స్పెషల్ ప్రొటెక్షన్ గ్రూప్(ఎస్పీజీ) లు జాతీయ భద్రతా సలహాదారు అజిత్ దోవల్ కు హెచ్చరికలు జారీ చేశాయి. వచ్చే నెల స్వతంత్ర దినోత్సవ వేడుకల సందర్భంగా ప్రధానమంత్రిపై దాడి జరగవచ్చచ్చనే బలమైన సమాచారంతో ఈ విషయాన్ని భద్రతా అధికారులు దోవల్ దృష్టికి తీసుకెళ్లారు. ఎర్రకోటపై ప్రధాని మాట్లాడే సమయంలో కచ్చితంగా బుల్లెట్ ప్రూఫ్ ఎన్ క్లోజర్ ను ఉపయోగించాలని సూచించినట్లు సమాచారం. ప్రమాద సూచికలు బలంగా ఉండటం వల్ల ప్రధాని కచ్చితంగా బుల్లెట్ ప్రూఫ్ ఎన్ క్లోజర్ ను వినియోగించాలని భద్రతా అధికారులు కోరారు. ప్రధానిమంత్రిగా పదవి చేపట్టిన రెండేళ్ల కాలంలో మోదీ బుల్లెట్ ప్రూఫ్ ఎన్ క్లోజర్ ను వినియోగించకుండా దేశ ప్రజలను ఉద్దేశించి ప్రసగించిన విషయం తెలిసిందే. కేవలం కశ్మీర్ కల్లోలం, బోర్డర్లలో చొరబాటుదారులు పెరుగుతుండటమే కాకుండా ప్రధానిని టార్గెట్ చేసేందుకు డ్రోన్లు కూడా ఉపయోగించే అవకాశం ఉందని తమకు సమాచారం ఉందని ఓ సీనియర్ అధికారి తెలిపారు. కేంద్ర ఇంటెలిజెన్స్ ఈ మేరకు ఎస్పీజీ, యాంటీ టెర్రర్ యూనిట్లను కొద్దివారల క్రితం అలర్ట్ చేసినట్లు చెప్పారు. ఆగష్టు 15న వరుసదాడులు లేదా ఆత్మాహుతి దాడి జరిగే అవకాశాలు ఎక్కువగా ఉన్నాయని వివరించారు. ఆల్-ఖైదా, ఐసిస్ లు ఆర్మీ, పోలీసుల చెక్ పోస్టులపై దృష్టిపెట్టాయని, ఈ నేపథ్యంలో గతంలో ఎన్నడూ లేనంతగా భద్రతను కట్టుదిట్టం చేశారని ఆయన చెప్పారు. భారత మాజీ ప్రధాని ఇందిరా గాంధీ హత్య అనంతరం బుల్లెట్ ప్రూఫ్ ఎన్ క్లోజర్ ద్వారా ప్రధాని దేశప్రజలను ఉద్దేశించి మాట్లాడటం ఆనవాయితీగా మారింది. 2014లో ఈ ట్రెండ్ ను బ్రేక్ చేసిన మోదీ బుల్లెట్ ప్రూఫ్ ఎన్ క్లోజర్ లేకుండా ప్రసంగం చేశారు. దీంతో ఒక్కసారిగా ఆశ్చర్యానికి గురైన సెక్యూరిటీ ఏజెన్సీలు ప్లాన్-బీని అమలు చేశాయి. ఎర్రకోటలోని నలువైపుల నుంచి స్పాటర్స్ ను అంచెలంచెలుగా ఉంచి ప్రధానికి భద్రతను కల్పించారు. ఈ ఏడాది ఇప్పటికే పలుమార్లు డ్రిల్స్ నిర్వహించిన భద్రతా దళాలు ప్రధానిని ఏ షార్ట్, లాంగ్ రేంజ్ వెపన్ లకు చేరువ కాకుండా ఉండేలా నిర్దిష్ట ప్రదేశాల్లో స్పాటర్స్, కమాండోలను ఉంచనున్నారు. ప్రధానికి దగ్గరలో ఉంటూ భద్రత కల్పించే కార్డన్ కు ప్రత్యేక శిక్షణ ఇస్తారు. ఐసిస్, ఆల్-ఖైదా, లష్కర్-ఈ-తోయిబా(ఎల్ఈటీ), జైషే-ఈ-మొహమ్మద్ లే కాకుండా హిజ్బుల్ ముజాహిద్దీన్, హర్కత్-ఉల్-జిహాదీ-ఇస్లామీలు మోదీని టార్గెట్ చేసినట్లు నిఘా వర్గాలు గుర్తించాయి. గత ఏడాది కూడా మోదీ బుల్లెట్ ప్రూఫ్ ఎన్ క్లోజర్ లేకుండా స్పీచ్ ఇవ్వడం, ఎలైట్ ఎస్పీజీ, ఇంటిలిజెన్స్ బ్యూరో, సెక్యూరిటీ ఏజెన్సీలను ఒకింత కలవరపాటుకు గురిచేసింది. దీని తర్వాత కోటకు ఒక కిలోమీటర్ పరిధిలో ఉన్నభవనాల్లో కమాండోలు స్వాధీనం చేసుకోవాలని నిర్ణయించుకున్నాయి. గత ఏడాది దాదాపు 5000 మంది ఎస్పీజీ, ఐబీ, పారామిలటరీ, ఢిల్లీ పోలీసులు, డ్రోన్లు ఎర్రకోటకు రక్షక కవచంగా ఉన్నాయని సమాచారం.

విమానంలో ఐసీస్ అనుకూల నినాదాలు

28/07/2016: ముంబై: దుబాయ్ నుంచి కొచ్చి వెళుతున్న ఇండిగో విమానంలో గురువారం ప్రయాణికుల మధ్య ఘర్షణ చోటుచేసుకుంది. దీంతో విమానాన్ని దారి మళ్లించి ముంబైలో దించారు. ప్రయాణికుల్లో కొందరు ఐసీస్కు అనుకూలంగా నినాదాలు చేసినట్లు తెలుస్తోంది. ఆ సమయంలో విమానంలో మొత్తం 89 మంది ప్రయాణికులు ఉన్నారు. నినాదాలు చేసిన ప్రయాణికులను భద్రతా సిబ్బంది అదుపులోకి తీసుకుని విచారిస్తున్నారు. దీంతో రెండు గంటలు ఆలస్యంగా విమానం కొచ్చి బయలుదేరింది. దీనికి సంబంధించిన మరింత సమాచారం తెలియాల్సి ఉంది.

కొడుకును పోలీసులకు పట్టిచ్చిన అమ్మ!

28/07/2016: అహ్మదాబాద్: జైలు నుంచి తప్పించుకుని వచ్చిన కొడుకును స్వయంగా తల్లి పోలీసులకు అప్పగించిన అరుదైన ఘటన గుజరాత్ లో చోటుచేసుకుంది. హత్య కేసులో అరెస్టైన ప్రవీణ్ ధావల్(20) అనే యువకుడు ఈనెల 24న సర్దార్ నగర్ పోలీస్ స్టేషన్ నుంచి పారిపోయాడు. దీంతో జయరాజసిన్హా అనే కానిస్టేబుల్ ను ఉన్నతాధికారులు సస్పెండ్ చేశారు. తప్పించుకున్న ప్రవీణ్ కోసం పోలీసులు గాలింపు చేపట్టారు. అనూహ్యంగా అతడి తల్లి ఆశాబెన్ తిరిగి ప్రవీణ్ ను పోలీసులకు పట్టిచ్చింది. జైలు నుంచి తప్పించుకున్న తర్వాత డబ్బులు కావాలని తల్లికి ప్రవీణ్ ఫోన్ చేశాడు. డబ్బులు ఇస్తానని చెప్పి పోలీసులకు సమాచారం అందించింది. పోలీసులు వచ్చి అతడిని మళ్లీ అరెస్ట్ చేశారు. తమ ఇంటి పక్కనే నివసిస్తున్న వ్యక్తిని హత్య చేసిన కేసులో ప్రవీణ్ తో అతడి కుటుంబ సభ్యులపైనా పోలీసులు నమోదు చేశారు. తమ ఇంటికి నిప్పుపెట్టాడన్న కోపంతో పొరుగింటాయనను వీరు హత్య చేసినట్టు ఆరోపణలు ఎదుర్కొంటున్నారు. ఈ కేసులో ప్రవీణ్ తో పాటు అతడి తల్లి ఆశాబెన్, తండ్రి పురుషోత్తం, తమ్ముడు ప్రతాప్, బావ, సోదరిని పోలీసులు అరెస్ట్ చేశారు. జూలై 22న బెయిల్ పై ఆశాబెన్, ఆమె కుమార్తె విడుదలయ్యారు. హత్య కేసులో నిందితురాలిగా ఉన్నప్పటికీ తాము చట్టానికి కట్టుబడి ఉంటామని ఆశాబెన్ తెలిపింది. క్షణికావేశంలో చేసిన తప్పును సరిదిద్దుకోవాలని భావిస్తున్నామని చెప్పింది. అందుకే జైలు నుంచి పారిపోయిన తన కొడుకును పోలీసులకు అప్పగించానని వెల్లడించింది.

గ్యాంగ్ రేప్ బాధితురాలిని పెళ్లాడిన రైతు

27/07/2016: చండీగఢ్‌: సామూహిక అత్యాచారాలు, పరువు హత్యలు, లింగ నిష్పత్తిలో భారీ వ్యత్యాసం వంటి ప్రతికూల అంశాలతో వార్తల్లో ఉండే హర్యానాలో ఓ సానుకూల కథనం వెలుగు చూసింది. జింద్ జిల్లాకు చెందిన యువరైతు ఒకరు గ్యాంగ్ రేప్ బాధితురాలికి కొత్త జీవితం ఇచ్చాడు. ఆమెను పెళ్లి చేసుకోవడమే కాకుండా న్యాయపోరాటానికి దన్నుగా నిలిచాడు. లాయర్ కావాలన్న ఆమె ఆకాంక్షను నెరవేర్చేందుకు తనవంతు మద్దతు అందించాడు. జింద్ జిల్లాలోని ఛాతర్ గ్రామానికి చెందిన జితేందర్(29) గతేడాది డిసెంబర్ 4న సామూహిక అత్యాచార బాధితురాలిని పెళ్లాడాడు. తన భార్య చేస్తున్న న్యాయపోరాటానికి అండగా నిలిచాడు. తన భార్యపై అత్యాచారానికి ఒడిగట్టిన నిందితుల్లో తప్పించుకుని తిరుగుతున్న ఒక దుండగుడి అరెస్ట్ కోసం సీఎం మనోహర్ లాల్ ఖట్టర్ జోక్యం చేసుకోవాలని అతడు కోరుతున్నాడు. తన భార్యకు నైతిక మద్దతు అందిస్తూనే ఆమె చదువుకోవడానికి సాయమందిస్తున్నాడు. 'నా భార్య న్యాయవిద్య చదవాలనుకుంటోంది. లాయర్ కావాలన్నది తన లక్ష్యం. అత్యాచార బాధితులకు అండగా నిలవాలనుకుంటోంది. లైంగిక వేధింపుల బాధితుల తరపున పోరాటానికి ఇప్పటికే యూత్ ఎగెనెస్ట్ రేప్ అనే సంస్థను ఏర్పాటు చేశామ'ని జితేందర్ తెలిపాడు. తన భర్త అందిస్తున్న సహాయంతో తన లక్ష్యాలను సాధించగలనన్న విశ్వాసాన్ని జితేందర్ భార్య వ్యక్తం చేసింది. అత్యాచార బాధితురాలిని పెళ్లి చేసుకోవడమే కాకుండా ఆమె లక్ష్యాలకు అండదండలు అందిస్తున్న జితేందర్ ను ఆదర్శప్రాయుడిగా జనమంతా కొనియాడుతున్నారు.

పోలీసులకు షాక్ ఇచ్చిన సీరియల్ కిల్లర్

26/07/2016: పట్నా: బ్యాంకు దొంగతనానికి ప్రయత్నించిన ఓ వ్యక్తిని వైశాలి జిల్లాలో బిహార్ పోలీసులు అరెస్ట్ చేశారు. 'నన్ను ఇంటరాగేట్ చేసి మీ సమయం వృధా చేసుకోవద్దు. గూగుల్ లో సైకో కిల్లర్ అమిత్ అని వెతికితే నా గురించి మొత్తం తెలుస్తోంద'ని పట్టుబడిన వ్యక్తి చెప్పడంతో పోలీసులు షాక్ తిన్నారు. తాము వెతుకుతున్న సీరియల్ కిల్లర్ అతడే అని తెలిసి పోలీసులు అవాక్కయ్యారు. పట్నా, వైశాలి ఇతర జిల్లాల్లో 22 హత్యలు చేసినట్టు అతడిపై ఆరోపణలున్నాయి. 'సైకో సీరియల్ కిల్లర్'గా ముద్రబడిన అవినాష్ శ్రీవాస్తవ అలియాస్ అమిత్ ఆర్జేడీ మాజీ ఎమ్మెల్సీ లలాన్ శ్రీవాస్తవ కుమారుడు. ఢిల్లీలోని జామియా మిలియా ఇస్లామియా యూనివర్సిటీలో ఎంసీఏ చదివాడు. పలు అగ్రశేణి ఐటీ సంస్థల్లో పనిచేశాడు. 2003లో అతడి తండ్రి హత్యకు గురైయ్యాడు. తన తండ్రి హత్యతో సంబంధం ఉన్న పప్పుఖాన్ అనే వ్యక్తి చంపిన తర్వాత అమిత్ సీరియల్ కిల్లర్ గా మారిపోయాడు. పప్పు ఖాన్ శరీరంలోకి అమిత్ 32 బుల్లెట్లు దించాడని, తన తండ్రి హత్యకు కారకులైన మరో నలుగురిపై దాడి చేశాడని వైశాలి ఎస్పీ రాకేశ్ కుమార్ వెల్లడించారు. బాలీవుడ్ సినిమా 'గ్యాంగ్ ఆఫ్‌ వాసేపూర్-2' సినిమా క్లైమాక్స్ ప్రేరణతో తన తండ్రిని హత్యచేసిన వారిపై ప్రతీకారం తీర్చుకున్నానని పోలీసులతో అమిత్ చెప్పాడు. 60వ దశకంలో ముంబైని వణికించిన సీరియల్ కిల్లర్ రామన్ రాఘవ్ పేరు కూడా అతడు ప్రస్తావించాడు. వైశాలిలో సెంట్రల్ బ్యాంకులో దొంగతనం చేసేందుకు ప్రయత్నిస్తూ ఆదివారం అమిత్ పోలీసులకు పట్టుబడ్డాడు.

అందుకే రాజీనామా చేశా - సిద్ధూ

26/07/2016: అమృత్‌సర్‌: పంజాబ్‌ నుంచి తనను దూరంగా ఉండమన్నందుకే రాజ్యసభ ఎంపీ పదవికి రాజీనామా చేశానని మాజీ క్రికెటర్‌, మాజీ ఎంపీ నవజ్యోత్‌సింగ్‌ సిద్ధూ వెల్లడించారు. రాజీనామా తర్వాత తొలిసారి ఆయన మౌనాన్ని వీడి మీడియా ముందుకు వచ్చారు. సిద్ధూ ప్రసంగం ఆయన మాటల్లోనే.. * భాజపా నన్ను పంజాబ్‌ నుంచి దూరం చేసే ప్రయత్నం చేసింది. * నేను పంజాబ్‌ కోసం పనిచేస్తాను, అన్నింటికంటే ‘రాష్ట్ర ధర్మమే’ గొప్పది. * పంజాబ్‌ కన్నా నాకు ఏ రాజకీయ పార్టీ ఎక్కువ కాదు. నాకు ఓటు వేసిన ప్రజలను వదిలేయలేను. * నవజ్యోత్‌సింగ్‌ సిద్ధూ తన మూలాలను ఎలా వదులుకుంటాడు. పంజాబ్‌ నా ఇల్లు. * ఇక్కడి ప్రజలను ఎలా వదులుకుంటాను. ఇక్కడ నుంచి నేను నాలుగు సార్లు ఎంపీగా గెలిచాను. మొదటి సారి అంటే సెలబ్రిటీని కాబట్టి గెలిచానుకోవచ్చు.. తర్వాత నేను ప్రజలకు చేసిన మంచి వల్లే గెలిచాను. * నాలుగు సార్లు గెలిచిన తర్వాత పంజాబ్‌ నుంచి దూరంగా ఉండమన్నారు. ఎందుకు అని నేను అడిగాను. నేను ఏం తప్పు చేశానని ప్రశ్నించాను. * భాజపా ఇలా చేయడం మొదటిసారి అయితే.. పొరపాటు అని వదిలేసేవాడిని. కానీ ఇది మూడు లేదా నాలుగో సారి. * 2014 లోక్‌సభ ఎన్నికల్లో హరియాణాలోని కురుక్షేత్ర నుంచి, లేదంటే పశ్చిమ దిల్లీ నుంచి పోటీ చేయమన్నారు. నేను అంగీకరించలేదు. నేను ఎల్లప్పుడూ పంజాబ్‌, అమృత్‌సర్‌లకే సేవ చేయాలనుకుంటున్నాను. నవజ్యోత్‌ ప్రస్తుతం ఎంపీ పదవికి రాజీనామా చేశారు కానీ భాజపా నుంచి రాజీనామా చేయలేదు. ఆయన భాజపాను వీడి ఆమ్‌ ఆద్మీ పార్టీలో చేరతారని వూహాగానాలు ఉన్న సంగతి తెలిసిందే. అయితే సిద్ధూ మీడియా సమావేశంలో ఈ అంశంపై స్పష్టత ఇవ్వలేదు. భాజపాను వీడే అంశంపైనా, ఆప్‌లో చేరే అంశంపైనా ఏమీ మాట్లాడలేదు. విలేకరులు ఆప్‌లో చేరే అంశంపై ప్రశ్నించినప్పటికీ ఆయన సమాధానం చెప్పడానికి నిరాకరించారు. దీంతో ఈ విషయంలో ఇంకా సందిగ్ధత వీడలేదు. ఆయన భార్య నవజ్యోత్‌ కౌర్‌ మాత్రం తాను భాజపాను వీడేది లేదని గతంలోనే స్పష్టం చేసిన సంగతి తెలిసిందే.

కశ్మీరీలతో ఉద్విగ్న బంధం - రాజ్‌నాథ్ ఆకాంక్ష పాక్ పద్ధతి మార్చుకోవాలని ధ్వజం

25/07/2016: శ్రీనగర్ : జమ్మూ కశ్మీర్ ప్రజలతో కేంద్రం ఉద్విగ్న సంబంధాలను కోరుకుంటోందని కేంద్ర హోం మంత్రి రాజ్‌నాథ్ సింగ్ అన్నారు. కశ్మీర్‌లో పరిస్థితులను సాధారణ స్థాయికి తీసుకురావడానికి సహకరించాలని కశ్మీరీలను కోరారు. ఘర్షణల నేపథ్యంలో శ్రీనగర్, అనంతనాగ్‌లలో రెండు రోజులపాటు రాజ్‌నాథ్ పర్యటించారు. సీఎం మెహబూబా ముఫ్తీ, విపక్ష నేషనల్ కాన్ఫరెన్స్‌తో చర్చించారు. అనంతరం రాజ్‌నాథ్ ఆదివారం మీడియాతో మాట్లాడుతూ, భారత అంతర్గత వ్యవహారాల్లో జోక్యం చేసుకుంటున్న పాక్ తన పద్ధతి మార్చుకోవాలని హితవు పలికారు. సాధ్యమైనంత వరకు పెల్లెట్ గన్స్‌ను వాడకుండానే ఆందోళనకారులను నియంత్రించాలని భద్రతా దళాలను ఆదేశించినట్లు రాజ్‌నాథ్ తెలిపారు. కశ్మీర్ యువత ఆయుధాలు చేతబట్టేలా పాక్ పురిగొల్పుతోందని, దీన్ని విడనాడాలని సీఎం మెహబూబాఅన్నారు. కశ్మీర్ ఘర్షణల్లో గాయపడి చికిత్స పొందుతున్న వారిలో ఆదివారం మరో ఇద్దరు మరణించారు.

బీజేపీ, టీడీపీ, కాంగ్రెస్ కుమ్మక్కు - ప్రత్యేక హోదా బిల్లుపై విజయసాయిరెడ్డి

23/07/2016: న్యూఢిల్లీ : ఏపీకి ప్రత్యేక హోదాపై ప్రైవేట్ మెంబర్ బిల్లు రాజ్యసభలో ఆమోదం పొందకుండా బీజేపీ, టీడీపీ, కాంగ్రెస్‌లు కుట్ర పన్నాయని వైఎస్సార్‌సీపీ ఎంపీ వి.విజయసాయిరెడ్డి ఆరోపించారు. ఆయన శుక్రవారం ఢిల్లీలో మీడియాతో మాట్లాడారు. ‘‘బీజేపీ, టీడీపీ, కాంగ్రెస్ పార్టీలు కుమ్మక్కయ్యాయి. ఎలాగైనా బిల్లును రానివ్వకూడదనే ఉద్దేశంతో సభా కార్యక్రమాలకు అంతరాయం కలిగించాయి. ఏ పార్టీ సభ్యుడైతే బిల్లును ప్రవేశపెట్టాడో.. ఆ పార్టీ సభ్యులు కూడా నినాదాలు చేసి అంతరాయం కలిగించారు. బిల్లును పొడిగించి లబ్ధి పొందాలని కాంగ్రెస్ చూస్తోంది. ఏపీకి ప్రత్యేక హోదాను కల్పించాలన్న సదుద్దేశం బీజేపీ, టీడీపీ, కాంగ్రెస్ పార్టీల్లో కనిపించడం లేదు. ప్రత్యేక హోదాపై అప్పటి ప్రధానమంత్రి రాజ్యసభలో ప్రకటన చేశారు. ఒక చట్టానికి సంబంధించి ప్రధానమంత్రి, మంత్రి చేసిన ప్రకటన కూడా ఆ చట్టంలో ఒక భాగం అవుతుంది. ప్రత్యేకంగా ఒక నిబంధనను పొందుపరచకపోయినా ఆ చట్టాన్ని అర్థం చేసుకునేందుకు వారు ఏం మాట్లాడారనే దాన్ని కోర్టులు పరిగణనలోకి తీసుకుంటాయి. న్యాయస్థానాలు తప్పనిసరిగా న్యాయం చేస్తాయి. ప్రత్యేక హోదా బిల్లుకు మేం తప్పనిసరిగా మద్దతు ఇస్తాం. రాష్ట్రానికి ప్రత్యేక హోదా కోసం రెండేళ్లుగా పోరాడుతున్నాం. కాంగ్రెస్, టీడీపీ లాగా మేం డ్రామాలు ఆడడం లేదు. చిత్తశుద్ధితో పోరాటం సాగిస్తున్నాం. కోర్టుకు వెళ్లయినా సరే హోదా సాధిస్తాం. మిగిలిన పార్టీకు చిత్తశుద్ధి లేదు. ప్రత్యేక హోదా కోసం ఎవరు ఏ కార్యక్రమం చేపట్టినా వైఎస్సార్‌సీపీ మద్దతు ఇస్తుంది’’ అని స్పష్టం చేశారు. వారి రాజకీయం బయటపడింది ప్రత్యేక హోదాపై రాజ్యసభలో జరిగిన పరిణామాలతో టీడీపీ, బీజేపీ రాజకీయం బయటపడిందని సీపీఎం జాతీయ ప్రధాన కార్యదర్శి సీతారాం ఏచూరి విమర్శించారు. శుక్రవారం ఆయన మీడియాతో మాట్లాడారు.

మహిళా మంత్రిని ‘చెత్త’ అన్న రేణుకాచౌదరి!

23/07/2016: న్యూఢిల్లీ : పార్లమెంటులో నేతల మధ్య దూషణల పర్వం శ్రుతి మించుతోంది. కాంగ్రెస్ పార్టీకి చెందిన ఇద్దరు సీనియర్ నేతలు తన పట్ల అసభ్య పదజాలం ఉపయోగించారని కేంద్ర మంత్రి హర్ సిమ్రత్ కౌర్ బాదల్ ఆరోపించారు. రేణుకా చౌదరి, జైరాం రమేష్ ఇద్దరూ తనను చెత్త అన్నారని.. శుక్రవారం నాడు సభ వాయిదా పడిన తర్వాత ఇదంతా జరిగిందని ఆమె చెప్పారు. తనపట్ల అసభ్యంగా ప్రవర్తించినందుకు వీళ్లిద్దరిపైనా రాజ్యసభలో సభాహక్కుల ఉల్లంఘన నోటీసు ఇస్తానని తెలిపారు. ఆమ్ ఆద్మీ పార్టీ ఎంపీ భగవంత్ మన్ సోషల్ మీడియాలో పెట్టిన వీడియో వల్ల పార్లమెంటు భద్రతకు ముప్పు ఉంటుందన్న అంశంపై తాను మాట్లాడబోతుండగా జైరాం రమేష్, రేణుకా చౌదరి ఇద్దరూ అడ్డుపడ్డారని ఆమె చెప్పారు. వాళ్లిద్దరూ చాలా మొరటుగా ప్రవర్తించారని.. అసలు రాజ్యసభలో సభ్యత్వం లేకుండా ఆ సభలోకి ఎలా వస్తారని అడిగారని అన్నారు. నిజానికి బాదల్ లోక్సభ ఎంపీయే అయినా.. మంత్రి కాబట్టి పార్లమెంటు ఉభయ సభల్లోనూ మాట్లాడేందుకు ఆమెకు అర్హత ఉంటుంది. అయితే.. రేణుకా చౌదరి మాత్రం తనపై వచ్చిన ఆరోపణలను ఖండించారు. బాదల్ చేసేదంతా రాజకీయ డ్రామా అని కొట్టిపారేశారు. అసలు కచరా అనే పదం ఆమెకు ఎక్కడి నుంచి వినిపించిందని ప్రశ్నించారు. తాను ఇంగ్లీషులో మాట్లాడాను తప్ప హిందీలో కాదని అన్నారు. ఆమెకు వినికిడి లోపం అయినా ఉండాలి లేదా ఇంగ్లీషు అయినా రాకపోవాలని వ్యాఖ్యానించారు. వాళ్లు పంజాబ్లో ఓడిపోతున్నారని.. అందుకే ఓట్ల కోసం ఈ రాజకీయ డ్రామా చేస్తున్నారని అన్నారు.

మా నాన్నతో పోట్లాడతా - ట్రంప్ కుమార్తె

22/07/2016: క్లీవ్ లాండ్: తన తండ్రికి ఎటువంటి వర్ణ వివక్ష లేదని డొనాల్డ్ ట్రంప్ కుమార్తె ఇవాంక అన్నారు. క్లీవ్‌లాండ్‌లో జరిగిన రిపబ్లికన్ పార్టీ జాతీయ సదస్సులో నాలుగో రోజు ఆమె ప్రసంగించారు. అమెరికా అధ్యక్ష అభ్యర్థిగా ప్రజలే ఆయనను ఎన్నుకున్నారని ఆమె వ్యాఖ్యానించారు. దేశం కోసం, ప్రతిభను గుర్తించేందుకు తన తండ్రి నిరంతరం ప్రయత్నిస్తూ ఉంటారని చెప్పారు. 'మా నాన్నకు వర్ణవివక్ష లేదు. లింగ సమానత్వం పాటిస్తారు. ప్రతి ఒక్కరి అభిప్రాయాలను శ్రద్ధగా వినడం వల్లే ఆయన విజయవంతమైన వ్యాపారవేత్తగా ఎదిగారు. స్వప్నాలను సాకారం చేయడానికి ఆయన నిరంతం శ్రమిస్తుంటార'ని ఇవాంక చెప్పారు. కార్మిక, బాలల చట్టాలను ఆయన మెరుగు పరుస్తారన్న నమ్మకాన్ని వ్యక్తం చేశారు. 'సమాన వేతనాల కోసం ఆయన పోరాడతారు. ఆయనతో నేను పోరాడతా'నని పేర్కొన్నారు. కాగా, రిపబ్లికన్ పార్టీ అభ్యర్థిత్వాన్ని వినమ్రంగా అంగీకరిస్తున్నట్టు డొనాల్డ్ ట్రంప్ ప్రకటించారు.

ఎంపీగా నటిస్తూ.. సెక్స్ రాకెట్ నడిపాడు!

22/07/2016: న్యూఢిల్లీ : దేశ రాజధానిలో భారీ సెక్స్ రాకెట్ గుట్టును పోలీసులు రట్టుచేశారు. అది కూడా ఆదాయపన్ను శాఖ అధికారులు అందించిన సమాచారంతో కావడం విశేషం. ఈ కేసులో ప్రధాన నిందితుడు ప్రితీంద్రనాథ్ సన్యాల్ (62)ను అరెస్టు చేశారు. అతగాడు ఒక ఎంపీగా నటిస్తూ.. ఈ సెక్స్ రాకెట్ నడపడం విశేషం. ఇందుకోసం ఆ ఎంపీ లెటర్ హెడ్లను ఫోర్జరీ చేశాడు. దాదాపు నెల రోజుల క్రితం సన్యాల్ ఇంట్లో ఆదాయపన్ను శాఖ అధికారులు సోదాలు చేసినప్పుడు అతడితో పాటు ఉజ్బెకిస్థాన్కు చెందిన ఓ మహిళ ఉండటంతో అధికారులకు అనుమానం వచ్చింది. వాళ్లు పోలీసులకు ఉప్పందించారు. అరెస్టయిన సన్యాల్తో పాటు ఉజ్బెక్ మహిళ అందించిన సమాచారం ఆధారంగా రిటైర్డ్ కల్నల్ అజయ్ అహ్లావత్ను అదుపులోకి తీసుకుని ప్రశ్నించి వదిలేశారు. కానీ ఇప్పుడా కల్నల్ కనిపించడం లేదు. తనను పెద్దమనుషుల వద్దకు పంపేవారని, వాళ్లలో పెద్ద పెద్ద వ్యాపారవేత్తలు, ఆయుధ డీలర్లు, రాజకీయ నాయకులు, ఆర్మీ ఆఫీసర్లు కూడా ఉండేవారని ఉజ్బెక్ మహిళ తెలిపింది. సన్యాల్ ఇంటిమీద దాడి చేసినప్పుడు పోలీసులకు ఫోర్జరీ చేసిన ఎంపీల లెటర్‌హెడ్లు కూడా దొరికాయి. ఉత్తరప్రదేశ్ రాష్ట్రానికి చెందిన సమాజ్వాదీ పార్టీ ఎంపీ నరేష్ అగర్వాల్లా నటించి.. ఉన్నతాధికారులతో పనులు చేయించుకునేవాడు. దక్షిణాసియా దేశాలకు చెందిన పలువురు మహిళల పాస్పోర్టుల కాపీలు, ఫోన్ నంబర్లు కూడా ఆ ఇంట్లో ఉన్నాయి. సన్యాల్ ఫోన్ మెసేజిలలో విదేశీ మహిళలతో అతడు సాగించిన ఆర్థిక లావాదేవీల వివరాలున్నాయని డీసీపీ ఈశ్వర్ సింగ్ చెప్పారు. ఆదాయపన్ను శాఖ అధికారులు సోదాలు చేసినప్పుడు ఉజ్బెక్ మహిళ తాను అనుభవిస్తున్న నరకాన్ని వాళ్లకు వివరించి, తనను కాపాడాల్సిందిగా కోరింది. దాంతో వాళ్లు పోలీసులకు విషయం చెప్పారు. చివరకు మొత్తం రాకెట్ వ్యవహారాన్ని బయటకు లాగిన పోలీసులు.. సన్యాల్ మీద ఐపీసీ సెక్షన్లు 370, 370ఎ, 341, 342, 419, 120బి కింద కేసులు పెట్టారు. అతడిని కోర్టులో ప్రవేశపెట్టి రిమాండుకు తరలించారు.

బాతుకు విగ్రహం కట్టించారు!

22/07/2016: ఇంటర్నెట్‌డెస్క్‌ ప్రత్యేకం: సాధారణంగా ప్రజాదరణ కలిగిన నేతలు.. మహోన్నతమైన వ్యక్తుల గౌరవార్థం.. జ్ఞాపకార్థం విగ్రహాలు ఏర్పాటు చేస్తుంటారు. కొంత మంది కుటుంబసభ్యులను మర్చిపోలేక విగ్రహాలను ఏర్పాటు చేసుకోవడం గురించి విన్నాం. కానీ ఇంగ్లాండ్‌లోని ఓ వూరిలో.. సరస్సులో ఉండే బాతుకు ప్రజలందరూ కలిసి విగ్రహం ఏర్పాటుచేసి నివాళులర్పించడం చూసి అందరూ ఆశ్చర్యపోయారు. ఇంగ్లాండ్‌లోని రిటిల్‌ నగరంలోని ఓ సరస్సులో గాడ్‌ఫ్రే అనే బాతు ఉండేది. తాజాగా స్థానికులు పెంచుకున్న బాతులను ఈ సరస్సులో వదిలేయగా.. అవి గాడ్‌ఫ్రేను గాయపర్చాయట. కొద్ది రోజుల్లోనే గాయాల కారణంగా బాతు మృతి చెందింది. దీంతో స్థానికులంతా కలిసి విరాళాలు సేకరించి బాతుకు విగ్రహం నిర్మించారు. ఆ వూరి ప్రజలకు గాడ్‌ఫ్రేతో రెండు దశాబ్దాలకు పైగా అనుబంధం ఉందట. ఎవరైనా ఆ సరస్సు దగ్గర ఫొటో దిగితే.. గాడ్‌ఫ్రే ఎక్కడ ఉన్నా వెంటనే పరుగెత్తుకుంటూ వచ్చి ఫొటోకు ఫోజిచ్చేదట. అంతేకాదు.. రాత్రులు ఆ సరస్సులో తిరుగుతూ.. పెట్రోలింగ్‌ చేసేదట. చాలా మంది దాన్ని చిన్నప్పటి నుంచి చూస్తూ పెరగడంతో.. ఆ బాతు అంటే అక్కడి వారికి ఇష్టం ఏర్పడింది. ఇన్నాళ్లు కళ్ల ముందు సరదాగా గడిపిన గాడ్‌ఫ్రే మరణించే సరికి.. దాని జ్ఞాపకార్థం సరస్సు ఒడ్డునే విగ్రహాన్ని ఏర్పాటు చేసి ప్రజలందరూ ఘనంగా నివాళులర్పించారు.

మా ఆయనకు అమ్మాయిల పిచ్చి!

21/07/2016: ముంబై : షీనా బోరా హత్యకేసులో ప్రధాన నిందితుడు పీటర్ ముఖర్జియా విషయంలో సంచలన విషయాలు వెలుగులోకి వచ్చాయి. వాటిని కూడా అతడి మాజీ భార్య షబ్నమ్ సింగ్ తెలిపారు. పీటర్ ముఖర్జియాకు వయసులో ఉన్న అమ్మాయిలంటే పిచ్చి అని ఆమె చెప్పారు. ‘‘పీటర్కు అసలు నైతిక విలువలు అనేవి లేవు. అతడి చుట్టూ ఎప్పుడూ వయసులో ఉన్న అమ్మాయిలు ఉండాల్సిందే. లేట్ నైట్ పార్టీలంటే అతడికి చాలా ఇష్టం. అతడి జీవితంలో చాలామంది మహిళలున్నారు. అసలు అందుకే నేను విడాకులు తీసుకున్నాను’’ అని ఆమె పోలీసు విచారణలో వెల్లడించారు. ఆమె చాలా కాలం క్రితమే ఈ విషయాలను సీబీఐకి చెప్పినా, ఇన్నాళ్ల పాటు ఆ ప్రకటన కాపీలను రహస్యంగా ఉంచారు. వాటిని ఇటీవలే పీటర్ తరఫు న్యాయవాది మిహిర్‌ ఘీవాలాకు, ఇంద్రాణి ముఖర్జియా తరఫు న్యాయవాది గంజన్ మంగ్లాకు అప్పగించారు. కాగా, షబ్నమ్ సింగ్ వెల్లడించిన విషయాల్లో ఈ కేసుకు సంబంధం లేని మరో అంశం కూడా ఉంది. అయితే.. ఆ విషయం బయటకు వస్తే సంబంధిత వ్యక్తి పరువు ప్రతిష్ఠలు మంటగలుస్తాయని అంటున్నారు. పీటర్ గురించి సంచలన విషయాలు వెల్లడించడంతో షబ్నమ్ సింగ్కు భద్రత కల్పించాలని ప్రత్యేక కోర్టు జడ్జి హెచ్ఎస్ మహాజన్ ఆదేశించారు. తాను ఇంగ్లండ్లో ఉన్నప్పుడు.. పీటర్ తన ఇంటికి వస్తానన్నాడని, అప్పుడు వేరే అమ్మాయితో వచ్చాడని ఆమె చెప్పారు. ఆ వచ్చిన మహిళను తన గర్ల్ఫ్రెండ్గా పరిచయం చేశాడని.. ఆమె పేరు ఇంద్రాణి అని తన వాంగ్మూలంలో తెలిపారు. అప్పుడే ‘నువ్వు బాగుపడవు’ అని పీటర్తో అన్నానన్నారు. ఇంద్రాణి గత చరిత్ర గురించి తెలిసి కూడా పీటర్ ఆమెను పెళ్లి చేసుకున్నట్లు ఆ తర్వాత తెలిసిందని చెప్పారు.

ప్రజల్ని విడదీస్తోంది - మోదీ ప్రభుత్వంపై సోనియాగాంధీ ధ్వజం

21/07/2016: న్యూఢిల్లీ : ‘దేశంలోని ప్రజాస్వామిక సంస్థలను అస్థిరపరుస్తోంది. ప్రజలను విడదీస్తోంది. తన సంకుచిత ఆలోచనలను ప్రజలపై రుద్దేందుకు పార్లమెంటులో తనకున్న బలాన్ని ఒక లెసైన్సుగా ఉపయోగిస్తోంది’ అంటూ కాంగ్రెస్ అధ్యక్షురాలు సోనియాగాంధీ కేంద్రంలోని మోదీ ప్రభుత్వంపై ధ్వజమెత్తారు. పార్లమెంటు వర్షాకాల సమావేశాల నేపథ్యంలో బుధవారం నిర్వహించిన కాంగ్రెస్ పార్లమెంటరీ పార్టీ భేటీలో ఆమె ప్రసంగించారు. మోదీ సర్కారును దగాకోరుగా అభివర్ణించారు. దళితులు, ఆదివాసీల హక్కుల్ని కాలరాస్తోందని మండిపడ్డారు. గుజరాత్‌లోని ఉనాలో దళితుల్ని దారుణంగా హింసించడాన్ని ప్రస్తావించారు. ఈ ప్రభుత్వ హయాంలో కొనసాగుతున్న ‘సామాజిక భయోత్పాతాని’కి గుజరాత్ ఘటన ఉదాహరణ అన్నారు. ప్రధాని తరచూ విదేశీ యాత్రలు చేస్తున్నప్పటికీ, అంతేసమానంగా ప్రపంచ నేతలను కలుస్తున్నప్పటికీ, ఆకస్మిక జన్మదినోత్సవ శుభాకాంక్షలు తెలియజేస్తున్నప్పటికీ విదేశాంగ విధానంలో నెలకొన్న అసంబద్ధతకు సర్కారు ఏవిధంగా సమాధానమిస్తుందని ప్రశ్నించారు. కశ్మీర్ లోయలో నెలకొన్న అశాంతియుత పరిస్థితులను ప్రస్తావిస్తూ.. లోయలో ఇటీవలి సంఘటనలు విషాదకరమని, ఇవి దేశానికి తీవ్ర ప్రమాదకరంగా పరిణమించాయన్నారు. హింసకు దిగుతుండడం వెనుకున్న కారణమేంటో మనం అవలోకన చేసుకోవాల్సిన అవసరముందన్నారు.

ఆమె రాజీనామాను తిరస్కరించిన ట్రంప్

21/07/2016: వాషింగ్టన్: రిపబ్లికన్ అమెరికా అధ్యక్ష అభ్యర్థి డొనాల్డ్ ట్రంప్ భార్య మెలానియాకు కాపీ స్క్రిప్ట్ అందించిన మెరిడిత్ మెకైవర్ క్షమాపణ చెప్పారు. అంతేకాదు తన పదవిని వదులుకునేందుకు సిద్ధపడ్డారు. అయితే ఆమె రాజీనామాను ట్రంప్ తిరస్కరించారని వాల్ స్ట్రీట్ జర్నల్ వెల్లడించింది. 'ఇది నా తప్పు. మెలానియా, ట్రంప్ నా కారణంగా విమర్శల పాలయ్యారు. మిషెల్ ఒబామా కూడా ఇబ్బంది పడాల్సి వచ్చింద'ని మెరిడిత్ పేర్కొన్నారు. క్లీవ్‌లాండ్‌లో రిపబ్లికన్ పార్టీ జాతీయ సదస్సులో సోమవారం మెలానియా ప్రసంగించారు. 2008లో ఒబామా భార్య మిషెల్ చేసిన ప్రసంగం నుంచి మెలానియా కాపీ కొట్టారని విమర్శలు పోటెత్తాయి. ట్రంప్ ఎన్నికల ప్రచారంలో కీలకంగా వ్యవహరిస్తున్న ఆమె స్టాఫ్ రైటర్ గా పనిచేస్తున్నారు. ట్రంప్ కు చిరకాల మిత్రురాలైన మెరిడిత్ కు ఆయన కుటుంబంతోనూ సన్నిహిత సంబంధాలున్నాయి. అయితే మిషెల్ అంటే మెలానియా చాలా ఇష్టమని మెరిడిత్ వెల్లడించారు.

వేరే ఇంటి డోర్ కొట్టి ప్రాణాలు పోగోట్టుకున్నాడు

19/07/2016: మసాచుసెట్స్: బాగా తాగిన ఓ టీనేజీ యువకుడు తన స్నేహితుడి ఇంటికి కాకుండా మరో ఇంటికి వెళ్లి డోర్ కొట్టిన కారణంగా ప్రాణాలు కోల్పోయాడు. ఆ ఇంటి యజమాని భయపడిపోయి తుపాకితో కాల్పులు జరపడంతో ఆ బుల్లెట్లు కాస్త ఆ యువకుడి పొట్టలోకి దూసుకెళ్లి చనిపోయాడు. ఈ ఘటన మసాచుసెట్స్ లోని చికాపీ అనే ప్రాంతంలో చోటుచేసుకుంది. పూర్తి వివరాల్లోకి వెళితే.. చికాపీలో ఇద్దరు యువకులు మద్యాహ్న సమయంలోనే ఫుల్లుగా తాగేశారు. అనంతరం తన స్నేహితుడి ఇంటికి వెళ్లాలని నిర్ణయించుకున్నారు. మద్యం మత్తులో స్నేహితుడి ఇంటి తలుపును కాకుండా జెఫ్రీ లావెల్ (42) అనే వ్యక్తి ఇంటి డోర్ ను కొట్టారు. అందులో ఓ పదిహేనేళ్ల యువకుడు పదేపదే డోర్ ను తన్నడంతో ఆ డోర్ కు ఉన్న అద్ధం ఒకటి పగిలిపోయింది. దీంతో ఆ ఇంటి యజమాని జెఫ్రీ దోచుకోవడానికి వచ్చిన అగంతకులేమో అని భ్రమపడి అవతలి వైపునుంచే కాల్పులు జరిపాడు. దీంతో బుల్లెట్లు కాస్త ఆ యువకుడి పొట్టలోకి దూసుకెళ్లాయి. అతడిని ఆస్పత్రికి తీసుకెళ్లగా అక్కడే ప్రాణాలు కోల్పోయాడు. అయితే, అతడు చేసిన పొరపాటును జడ్జి తప్పుబట్టారు. తలుపుకొట్టినంత మాత్రాన అవతలి వ్యక్తిపై అలా నిర్ణయానికి ఎలా వస్తారని, కాల్పులెలా జరుపుతారని అన్నారు. ఏదేమైనా ఇద్దరి కుటుంబాల్లో విషాదం నిండిపోవడం కొంత బాధాకరం అని చెప్పారు. కాగా, జెఫ్రీ ఫేస్ బుక్ పేజీల్లో అతడికి తుపాకులు అంటే బాగా పిచ్చి అన్నట్లుగా ఉంది.

భాజపా ఎంపీ సిద్ధూ రాజీనామా - ఆప్‌ సీఎం అభ్యర్థిగా అవకాశం?

18/07/2016: దిల్లీ: సీనియర్‌ భాజపా నేత, ఎంపీ నవజ్యోత్‌ సింగ్‌ సిద్ధూ నేడు రాజ్యసభకు రాజీనామా చేశారు. సిద్ధూ రెండు నెలల క్రితమే నామినేటెడ్‌ ఎంపీగా రాజ్యసభకు ఎంపికయ్యారు. ఆయన రాజీనామాను రాజ్యసభ చైర్మన్‌ ఆమోదించారు. సిద్ధూ ఆమ్‌ ఆద్మీ పార్టీలో చేరనున్నట్లు సమాచారం. ఆప్‌ ముఖ్యమంత్రి అభ్యర్థిగా సిద్ధూను ప్రకటించే అవకాశం ఉన్నట్లు భావిస్తున్నారు. మాజీ క్రికెటర్‌, గతంలో అమృత్‌సర్‌ లోక్‌సభ ఎంపీ అయిన సిద్ధూను 2014 లోక్‌సభ ఎన్నికల్లో అరుణ్‌ జైట్లీ కోసం అక్కడి నుంచి తప్పించారు. ఆ స్థానం నుంచి జైట్లీ పోటీ చేసి ఓడిపోయిన సంగతి తెలిసిందే. సిద్ధూ 2004 నుంచి 2014 వరకు అమృత్‌సర్‌ ఎంపీ. ఆయన భార్య నవజ్యోత్‌ కౌర్‌ సిద్ధూ కూడా భాజపా సీనియర్‌ నేత, పంజాబ్‌ అసెంబ్లీ ఎమ్మెల్యే.

మరింత రెచ్చిపోతున్న చైనా - దక్షిణ చైనా సముద్రంలో కొంతభాగం మూసివేత..

18/07/2016: వివాదాస్పద దక్షిణ చైనా సముద్రంపై గుండుగుత్తగా తన ఆధిపత్యం చాటాలని భావిస్తున్న చైనా మరో ముందడుగు వేసింది. సైనిక విన్యాసాలు నిర్వహించేందుకు ఈ సముద్రంలో కొంత భాగాన్ని మూసివేస్తున్నట్టు ప్రకటించింది. దక్షిణ చైనా సముద్రంపై చైనాకు ఎలాంటి హక్కులు లేవని అంతర్జాతీయ ట్రిబ్యునల్ తీర్పు వెలువరించిన కొద్దిరోజుల్లోనే చైనా ఈ చర్యకు దిగడం గమనార్హం. సముద్రంలోని ఆగ్నేయ దీవి ప్రావిన్స్‌లో సైనిక విన్యాసాలు నిర్వహించేందుకు సోమవారం నుంచి గురువారం ఈ ప్రాంతాన్ని మూసివేస్తున్నట్టు చైనాకు చెందిన హైనాన్ మారిటైమ్ అడ్మినిస్ట్రేషన్ తెలిపింది. అయితే, ఇవి ఏరకమైన సైనిక కార్యక్రమాలు అనేది వివరించలేదు. చైనా నేవీగానీ, రక్షణశాఖగానీ దీనిపై స్పందించలేదు. దక్షిణా చైనా సముద్రంపై వివాదాన్ని సామరస్య ధోరణిలో పరిష్కరించేందుకు, రెండు దేశాల ఆర్మీల మధ్య సంప్రదింపులను పెంచేందుకు అమెరికా నేవీ టాప్ అడ్మిరల్ చైనాలో పర్యటిస్తున్న నేపథ్యంలోనే డ్రాగన్ ఈ చర్యకు దిగడం గమనార్హం. అపార వనరులు, సహజ సంపదకు నెలవైన దక్షిణా చైనా సముద్రంలో చైనాకు ఎలాంటి చారిత్రక హక్కులు లేవని హేగ్ లోని అంతర్జాతీయ ట్రిబ్యునల్ ఉత్తర్వులు ఇచ్చినప్పటికీ.. ఈ ఉత్తర్వులు బేఖాతరు చేస్తూ చైనా తన ధిక్కార ధోరణిని చాటుతున్న సంగతి తెలిసిందే.

కాంగ్రెస్‌ నేతలను కలిసిన జైట్లీ

16/07/2016: దిల్లీ: జీఎస్‌టీ బిల్లును ఆమోదింపజేసేందుకు కేంద్ర ఆర్థిక మంత్రి అరుణ్‌జైట్లీ, పార్లమెంటరీ వ్యవహారాల శాఖ మంత్రి అనంత్‌కుమార్‌లు ఈరోజు పలువురు కాంగ్రెస్‌ సీనియర్‌ నేతలతో సమావేశమయ్యారు. గులాం నబీ ఆజాద్‌, ఆనంద్‌ శర్మలతో చర్చించి వస్తుసేవల బిల్లు (జీఎస్‌టీ) ఆమోదించేందుకు సహకరించాలని కోరారు. వర్షాకాల సమావేశాలు జులై 18న ప్రారంభం కానున్న నేపథ్యంలో జైట్లీ కాంగ్రెస్‌ నేతలను కలిశారు. ఈసారి సమావేశాలు కేవలం 20 రోజులే జరగనున్నాయి. జీఎస్‌టీ బిల్లుకు సంబంధించి చాలా లోతుగా చర్చించామని.. తమ పార్టీ నాయకులతో చర్చించి నిర్ణయం తీసుకుంటామని సమావేశం అనంతరం గులాం నబీ ఆజాద్‌ వెల్లడించారు. జీఎస్‌టీ బిల్లు చాలా కాలంగా రాజ్యసభలో పెండింగ్‌లో ఉంది. ఈసారైనా బిల్లును ఆమోదింపజేయాలని ప్రభుత్వం ప్రయత్నిస్తోంది.

సామాన్యులకు 'అందని ద్రాక్ష'..!

15/07/2016: జపాన్ః మనకు అందని ఎత్తులో ఉన్న ఏ విషయానికైనా 'అందని ద్రాక్ష' సామెతను ఉదహరిస్తుంటాం. కానీ జపాన్ లోని ఓ దుకాణందారుడు నిజంగా సామాన్యులకు అందని ద్రాక్షనే తన దుకాణంలో ప్రదర్శనకు పెట్టాడు. ఓ అరుదైన జాతికి చెందిన ద్రాక్షపళ్ళ గుత్తిని ఏకంగా లక్షల రూపాయలు వెచ్చించి వేలంలో దక్కించుకోవడమే కాదు... వాటిని తన దుకాణంలో ప్రదర్శనకు ఉంచి వచ్చినవారికి రుచి చూపించి ఇప్పుడు జపాన్ లోనే వార్తల్లో వ్యక్తిగా మారాడు. పాశ్చాత్య ప్రపంచంలో అరుదైన వైన్ కు ఎటువంటి గుర్తింపు ఉంటుందో అలాగే జపాన్ లో అరుదైన, ప్రత్యేకత కలిగిన పళ్ళను కొనుగోలు చేయడం, వినియోగించడం వారి హోదాకు గుర్తుగా భావిస్తారు. అదే నేపథ్యంలో జపాన్ లోని ఓ కిరాణా దుకాణం యజమాని రూబీ రోమన్ జాతికి చెందిన ద్రాక్షపళ్ళ గుత్తిని సుమారు 8 లక్షల రూపాయలకు వేలంలో దక్కించుకున్నాడు. అది తనకు గౌరవంగా భావించడమే కాదు... అలా లక్షలు పోసి కొన్న ద్రాక్షను ప్రదర్శనకు పెట్టి, అందరికీ ఉచితంగా రుచి చూపించాడు. ఆస్పత్రులను సందర్శించేప్పుడు, వివాహాలు, వేడుకల సందర్భాల్లో నాణ్యత కలిగిన, అరుదైన, రుచికరమైన పళ్ళను అందించడం జపాన్ సంప్రదాయాల్లో ఒక భాగమే కాక, హోదాగా కూడా భావిస్తారు. అందుకే అక్కడ అటువంటి ఖరీదైన పళ్ళను అమ్మేందుకు ప్రత్యేక దుకాణాలు కూడ ఉంటాయి. ప్రత్యేక పద్ధతుల్లో పండించిన, ఉత్పత్తి చేసిన పళ్ళ జాతులను ఆ యా దుకాణాల్లో అందుబాటులో ఉంచుతారు. అటువంటి పళ్ళను కొని, ఇతరులకు బహుమతిగా ఇవ్వడం కొనుగోలుదారులు సైతం హోదాగా భావిస్తారు. ఈ సీజన్ లో ప్రత్యేకంగా పండించిన రూబీ రోమన్ జాతికి చెందిన 30 ద్రాక్ష పళ్ళను కొన్నవాళ్ళలో జపాన్ లోనే తకమారూ కొనీషీ మొదటివాడు. పింగ్ పాంగ్ బంతుల సైజులో ఉన్న ఆ ద్రాక్ష.. నిజంగా రూబీ రోమన్ రత్నాల్లా ఉన్నాయని తెగ సంబరపడిపోతున్నాడు. అందుకే తాను సుమారు 8 లక్షల రూపాయలను వెచ్చించానని, తన దుకాణంలో ప్రదర్శనకు ఉంచి, అందరికీ రుచి చూపిస్తున్నానని గర్వంగా చెప్తున్నాడు. జపాన్ సముద్ర తీరంలోని ఇషికవ ప్రాంతంలో ఈ రూబీ రోమన్ జాతిని ఫిజిమోరీ వెరైటీ విత్తనాలతో మొదటిసారి 1992 లో పండించారు. ఈ ద్రాక్ష ఒక్కోటి కనీస బరువు 20 గ్రాములు ఉండటంతోపాటు, రసంలో 18 శాతం చక్కెర పాళ్ళు కలిగి ఉంటుంది. ఈ అరుదైన జాతి ద్రాక్షను మొదటిసారి 2008 లో జపాన్ పండ్ల మార్కెట్లో వేలానికి పెట్టారు. అయితే అప్పట్లో నిజంగానే అందని ద్రాక్ష పుల్లన అన్నట్లుగా దాని ధర కూడ ప్రపంచంలోని ద్రాక్ష పళ్ళ మార్కెట్లలోనే అత్యధిక ధర పలికింది. అంతేకాదు అత్యంత అరుదైన, ఖరీదైన ద్రాక్షగా కొత్త రికార్డు సృష్టించింది. అయితే వేలంలో రూబీ రోమన్ ద్రాక్షను పొందటం నాకెంతో ఆనందంగా ఉందని, ప్రత్యేక గౌరవం లభించినట్లుగా ఉందని కొనిషీ చెప్తున్నాడు. తన దుకాణానికి వచ్చిన కొనుగోలుదారులు రుచి చూడటంతోపాటు, కొందరు ఇతర వ్యాపారులు శాంపిల్ గా కూడ ఈ ద్రాక్షను తీసుకెళ్ళారని చెప్తున్నాడు. ఒక్కోటి సుమారు 25 వేల రూపాయల ఖరీదు చేసే ఆ పళ్ళను కొనిషీ జనానికి ఎలా ఉచితంగా ఇచ్చాడో తెలియదు కానీ, అతడి దుకాణం దగ్గర శాంపిల్స్ కోసం, రుచికోసం జనం క్యూ కట్టడం మాత్రం పెద్ద ఈవెంట్ గా మారిపోయింది. పత్రికలు, మీడియా లో ప్రత్యేక వార్తా కథనం అయిపోయింది. కాగా మార్కెట్లోకి కొత్తగా వచ్చిన అరుదైన జాతి ద్రాక్షను అందరికీ పరిచయం చేసి, తన అమ్మకాలను పెంచుకొనేందుకు సదరు వ్యాపారి ఆ మార్గం ఎంచుకొన్నాడా అన్న అనుమానం కూడా కలుగుతోంది.

రూ.4కోట్ల విలువైన కెటమైన్ స్వాధీనం

15/07/2016: చెన్నై : చెన్నై విమానాశ్రయంలో భారీ మొత్తంలో మాదక ద్రవ్యాలను కస్టమ్స్ అధికారులు స్వాధీనం చేసుకున్నారు. నిషేధిత ఉత్ప్రేదిక పదార్థమైన 'కెటమైన్‌' డ్రగ్‌ను అధికారులు శుక్రవారం ఉదయం సీజ్ చేశారు. స్వాధీనం చేసుకున్న కెటమైన్ మాదకద్రవ్యం విలువ సుమారు రూ.4కోట్లు ఉంటుందని అంచనా. ఇందుకు సంబంధించి ఇంతియాజ్ అలీ అనే వ్యక్తిని అరెస్ట్ చేశారు. విమానాశ్రయంలో దిగిన ఇతగాడి ప్రవర్తన అనుమానాస్పదంగా ఉండటంతో సందేహించిన అధికారులు, అతడి వద్ద సోదా చేయగా నాలుగు కోట్ల రూపాయలను విలువచేసే కెటమైన్ పట్టుబడింది. కేసు నమోదు చేసిన అధికారులు విచారణ జరుపుతున్నారు. ఇందుకు సంబంధించి పూర్తి వివరాలు తెలియాల్సి ఉంది.

రైల్వే బడ్జెట్ కు చరమగీతం?

15/07/2016: న్యూఢిల్లీ : 92 ఏళ్ల క్రితం నాటి నుంచి ఆనవాయితీగా కొనసాగుతూ వస్తున్న ప్రత్యేక రైల్వే బడ్జెట్ కు ఎన్డీయే ప్రభుత్వం చరమగీతం పాడనుందా..? అంటే అవుననే అనిపిస్తోంది. రైల్వే బడ్జెట్ ను సాధారణ బడ్జెట్ లో విలీనం చేయాలని కోరుతూ రైల్వే శాఖ మంత్రి సురేష్ ప్రభు, ఆర్థిక మంత్రి అరుణ్ జైట్లీకి లేఖ రాశారు. 92 ఏళ్ల నాటి నుంచి వస్తున్న ప్రత్యేక బడ్జెట్ ను సాధారణ బడ్జెట్ లో కలపడాన్ని సురేష్ ప్రభు ప్రతిపాదించారని సీనియర్ రైల్వే మంత్రిత్వ శాఖ అధికారులు చెప్పారు. జూన్ లోనే ఆర్థిక మంత్రికి ఈ లేఖను పంపించారని, ఇంకా అరుణ్ జైట్లీ నుంచి ఎలాంటి సమాధాన రాలేదని అధికారులు పేర్కొన్నారు. నీతి ఆయోగ్ సభ్యుడు వివేక్ డేబ్రోయ్ ఈ విలీనాన్ని మొదట ప్రతిపాదించిన అనంతరం, రైల్వేశాఖ సమాధానం కోరుతూ గత నెల ప్రధానమంత్రి కార్యాలయం ఈ లేఖను పంపింది. ఈ నిర్ణయంపై సానుకూలంగా స్పందిస్తూ.. ఆర్థికమంత్రికి ఈ లేఖను రైల్వే శాఖ పంపించింది. అయితే దీనిపై ఇంకా తుది నిర్ణయం ప్రకటించలేదు. ఈ నేపథ్యంలో 2017-18 రైల్వే బడ్జెట్ లేదా 2016-17 బడ్జెట్, రైల్వేకు తుది బడ్జెట్ కానుందని అధికారులు చెప్పారు. ఈ విలీన ప్రతిపాదనతో, మొత్తం ఆర్థిక భారం ఇక నుంచి ఆర్థిక మంత్రి చేతులోకి వెళ్లనుంది. అయితే ఈ విలీనానికి సంబంధించి గత కొంతకాలంగా చర్చలు జరుగుతున్నాయి. ప్రస్తుతం ప్యాసెంజర్ సెగ్మెంట్ లో రైల్వే రూ. 34,000కోట్ల నష్టాలను భరిస్తుంది. రాబడులు సైతం పతనమవుతున్నాయి.

బాలికలకు 50 ఏళ్లు నిండినవారే చెప్పాలంట!

14/07/2016: గుర్గావ్: ఉపాధ్యాయ వృత్తిలో ఉ‍న్నవారు అక్కడక్కడ విద్యార్థినుల విషయంలో తప్పులు చేస్తున్నారంటే విన్నాంగానీ.. ఉపాధ్యాయులు నిజంగానే వారిపట్ల తప్పులు చేస్తారనే గట్టి నమ్మకంలో హర్యానా ప్రభుత్వం మునిగినట్లుందని తెలుస్తోంది. ఎవరికీ లేని కొత్త ఆలోచనను పుట్టిస్తోంది. ఆ రాష్ట్ర ప్రభుత్వం తీసుకున్న నిర్ణయమే ఇందుకు ఉదాహరణగా కనిపిస్తోంది. సాధారణంగా ఉపాధ్యాయ వృత్తిలో బదిలీలు ఉంటాయి. ఈ బదిలీల విషయంలో కొన్ని నిబంధనలు ఉండటం సహజంగానీ, ఇంత వయసు ఉన్నవాళ్లనే ఫలానా స్కూళ్లకు పంపించాలన్న నిబంధన ఎక్కడా లేదు. కానీ, హర్యానా ప్రభుత్వం మాత్రం ఒక ఆశ్చర్యకరమైన నిర్ణయాన్ని తీసుకుంది. అదేంటంటే, 50 ఏళ్ల కంటే తక్కువ వయసున్నవారిని బాలికల మాధ్యమిక పాఠశాలలకు పంపించేది లేదంట. 50 ఏళ్ల పై బడిన వారు మాత్రమే మాధ్యమిక పాఠశాలల్లో విద్యాబోధన చేసేందుకు అర్హులు అంటూ కొత్త నిబంధన తీసుకొచ్చింది. అది 2016-17నుంచి అమలు కానుందని స్పష్టం చేసింది. వారు పేర్కొన్న నోటిఫికేషన్ ప్రకారం 2016 జూన్ 30లోపు 50 ఏళ్లు నిండిన వారు మాత్రమే బాలికల మాధ్యమిక పాఠశాలలకు బదిలీ చేసేందుకు అర్హులు అంట. ఈ నిర్ణయం పట్ల అక్కడ ఉపాధ్యాయులంతా అవాక్కయ్యారు. ప్రభుత్వ నిర్ణయంపట్ల పెద్ద మొత్తంలో విమర్శలు కూడా వెల్లు వెత్తుతున్నాయి. ’హార్యానా విద్యాశాఖమంత్రి రామ్ బిలాస్ శర్మ ఒక ప్రకటన విడుదల చేస్తూ ’ఏ ఉపాధ్యాయుడు గత జూన్ 30నాటికి 50 ఏళ్లు పూర్తి చేసుకోడో అతడికి బాలికల మాధ్యమిక పాఠశాలలకు బదిలీ వెళ్లే అర్హత లేదు. ఒక వేళ అతడు అలాంటి పాఠశాలను ఎంచుకున్నా అనుమతించబోం’ అని పేర్కొన్నారు.

స్థానిక పార్టీలకు ఈసీ షాక్

14/07/2016: ముంబై: మహారాష్ట్ర ఎన్నికల సంఘం బుధవారం ఎంఐఎంతో సహా 191 స్థానిక పార్టీల రిజస్ట్రేషన్‌ను రద్దు చేసింది. ఆదాయ పన్ను రిటర్నులు, తనిఖీ చేసిన ఖాతాల వివరాలు సమర్పించకపోవడమే కారణమని తెలిపింది. వేటు పడిన పార్టీల్లో ఆర్‌పీఐ-కోబ్రాగడే ఫ్యాక్షన్, తెలుగు రాష్ట్రాల నుంచి లోక్‌సత్తా, యూపీకి చెందిన పీస్ పార్టీలున్నాయి. ప్రస్తుతం 359 పార్టీలు కమిషన్ వద్ద రిజిస్ట్రేషన్ చేయించుకున్నాయి. వీటిలో 17 గుర్తింపు పొందినవి ఉన్నాయి. అవసరమైన పత్రాలు సమర్పించని 326 పార్టీలకు నోటీసులు పంపామని కమిషనర్ జేఎస్ సహారియా చెప్పారు. గడువు పొడిగించినా, పలుమార్లు విజ్ఞప్తి చేసినా ఈ 191 పార్టీల నుంచి స్పందన రాలేదని అన్నారు. స్థానిక ఎన్నికల్లో పోటీచేయాలనుకునే పార్టీలు రాష్ట్ర ఎన్నికల కమిషన్ వద్ద రిజిస్ట్రేషన్ చేయించుకోవడం తప్పనిసరి. ముంబై మహానగర ఎన్నికలు, ఇతర స్థానిక ఎన్నికలకు సన్నద్ధమవుతోన్న ఎంఐఎంకు ఈ పరిణామం ఎదురు దెబ్బే. ఎన్నికల నియమావళిని అనుసరించి కొన్ని లోపాలు జరిగిన మాట వాస్తవమేనని పార్టీ అధ్యక్షుడు అసదుద్దీన్ ఒవైసీ అన్నారు.

సీఎం అభ్యర్థిగా కేజ్రీవాల్ సతీమణి?

14/07/2016: న్యూఢిల్లీ: ప్రభుత్వ ఉద్యోగాన్ని వదులుకున్న ఢిల్లీ ముఖ్యమంత్రి అరవింద్ కేజ్రీవాల్ సతీమణి సునీత.. ఆమ్ ఆద్మీ పార్టీ(ఆప్)లో చేరతారని ప్రచారం జరుగుతోంది. 'ఆప్'లో ఆమె ఉన్నత పదవి చేపడతారన్న ఊహగానాలు కూడా వినవస్తున్నాయి. ఈ వార్తలను 'ఆప్' నేతలు కొట్టిపారేశారు. వారసత్వ రాజకీయాలకు తమ పార్టీ వ్యతిరేకమని, 'ఆప్'లో సునీత చేరకపోవచ్చని సీనియర్ నాయకులు పేర్కొన్నారు. అయితే అసెంబ్లీ ఎన్నికలు జరగనున్న రాష్ట్రాల్లో కేజ్రీవాల్ తో కలిసి ఆమె ప్రచారం నిర్వహించే అవకాశం ఉందన్న వార్తలను తోసిపుచ్చలేదు. 'ఆప్' రాజ్యాంగం ప్రకారం ఒకే కుటుంబం నుంచి ఇద్దరు ఎన్నికల్లో పోటీ చేయడానికి వీలులేదు. పార్టీ ఉన్నత పదవుల్లోనూ ఒకే కుటుంబానికి ఇద్దరికి స్థానం ఉండదు. ఎన్నికలు జరగనున్న పంజాబ్, గోవాలో సునీతను ముఖ్యమంత్రిగా ప్రకటించే అవకాశముందని వచ్చిన వార్తలను ఆప్ నేతలు ఖండించారు. ప్రతిభ గల అభ్యర్థులను పార్టీ కార్యనిర్వాహక కమిటీ అంగీకారంతో సీఎం అభ్యర్థిగా ప్రకటిస్తామని చెప్పారు. ప్రభుత్వ ఉద్యోగం నుంచి స్వచ్ఛంద విరమణ సునీత వ్యక్తిగత నిర్ణయమని స్పష్టం చేశారు. 1993 ఐఆర్ఎస్ బ్యాచ్కు చెందిన 51 ఏళ్ల సునీత ఆదాయపన్ను శాఖలో దాదాపు 22 ఏళ్ల పాటు పనిచేశారు.

నీళ్లకు రానివ్వలేదని ఓ మహిళ ఒంటి చేత్తో..

13/07/2016: లక్నో: ఆ మధ్య తన భార్యకోసం ఓ భర్త ఏకంగా బావి తవ్వగా తనకు నీళ్లు తీసుకుపోయేందుకు అగ్రకులాల వారు అనుమతించలేదని ఓ గిరిజన మహిళ ఒంటిచేత్తో బావిని తవ్వేసింది. ఇప్పుడు ఆ బావి 40 కుటుంబాలకు దాహార్తిని తీరుస్తోంది. ఉత్తరప్రదేశ్లోని బుందేల్ ఖండ్ అనే ప్రాంతంలో కస్తూరి అనే గిరిజన మహిళ ఉంది. అక్కడ దుద్ది అనే గ్రామంలో ఓ 40 గిరిజన కుటుంబాలు ఉన్నాయి. అక్కడే అగ్రకులాలవారిగా చెప్పుకునే వారు కూడా ఉన్నారు. అయితే, ఆ గ్రామంలో ఉన్న నీటిపంపు వద్దకు వెళ్లిన ప్రతిసారి ఆ అగ్ర కులస్తులు వారిని అవమానించేవారు. ఎంతో బ్రతిమాలితే తప్ప నీళ్లు ఇచ్చేవారు కాదు. కొన్నిసార్లు ఖాళీ కుండతోనే తిప్పిపంపించేవారు. కొద్ది రోజులపాటు ఈ అవమానం బరించిన కస్తూరి ఇక తాను ఆ ఊర్లో ఉండబోనని ఊరి బయట అటవీ ప్రాంతంలో ఓ గుడిసె నిర్మించుకుంది. అయితే, ఆమె నిర్ణయాన్ని పిల్లలు తప్పుబట్టారు. అయితే, తనకు గౌరవం ముఖ్యమని చెప్పిన కస్తూరి కొద్ది రోజులపాటు వర్షానికి పడి బండ రాళ్లపై నిలిచిపోయిన నీళ్లను ఉపయోగించుకుంది. ఆ తర్వాత స్వయంగా భావిని తవ్వి ఇప్పుడు ఎలాంటి సమస్య లేకుండా బతుకుతూ అందిరితో శబాష్ అనిపించుకుంటోంది.

'మోదీజీ డాక్టర్ల బృందాన్ని పంపండి'

13/07/2016: జమ్మూకశ్మీర్: కశ్మీర్ లోయలో కొనసాగుతున్న అల్లర్లలో తీవ్రంగా గాయపడిన కొందరు యువకులు తమ కంటి చూపును కోల్పోయే ప్రమాదం ఉందని జమ్మూకశ్మీర్ మాజీ ముఖ్యమంత్రి ఒమర్ అబ్దుల్లా పేర్కొన్నారు. బుధవారం కశ్మీర్ అశాంతిపై.. ప్రధానమంత్రి నరేంద్రమోదీ, ముఖ్యమంత్రి మెహబూబా ముఫ్తీలను లక్ష్యంగా చేసుకొని ఆయన వరుస ట్వీట్లు చేశారు. గాయపడిన యువకులకు వైద్య సేవలు అందించడానికి మోదీ డాక్టర్ల బృందాన్ని పంపించాలని ఆయన కోరారు. కేరళ కొల్లాం ఆలయంలో అగ్నిప్రమాదం సంభవించినప్పుడు.. మోదీ డాక్టర్ల బృందాన్ని వెంట తీసుకెళ్లిన విషయాన్ని ఆయన ఈ సందర్భంగా ప్రస్తావించారు. ఇప్పుడు కూడా ప్రధాని కంటి డాక్టర్ల బృందాన్ని కశ్మీర్ లోయకు పంపాలని ఆయన కోరారు. భద్రతా బలగాలు జరిపిన కాల్పుల్లో 1200 మందికి పైగా యువత తీవ్రంగా గాయపడ్డారని వారికి సరైన వైద్యం అందటంలేదని ఒమర్ పేర్కొన్నారు.

ఆయన రెచ్చగొడుతుంటే, నిద్రపోతున్నారా?

13/07/2016: లక్నో: ఇస్లాం మత బోధకుడు జకీర్ నాయక్ రెచ్చగొట్టే ప్రసంగాలు చేస్తుంటే నిఘా వర్గాలు నిద్రపోతున్నాయా అని ఉత్తర ప్రదేశ్ సమాజ్ వాది పార్టీ అధ్యక్షుడు అబు అజ్మీ ప్రశ్నించారు. ఒకవేళ తీవ్రవాదులను జకీర్ నాయక్ ప్రోత్సహిస్తుంటే ఆయనపై చర్యలు తీసుకోకుండా దేశంలోని అధికారులంతా ఏమైపోయారని ఆయన నిలదీశారు. ఇస్లాంలోని వివిధ విశ్వాసాలు గల ప్రజల మనోభావాలను వెల్లడిస్తున్నందుకే ఆయనపై బురద చల్లుతున్నారని ఆరోపించారు. 'జకీర్ నాయక్ 25 ఏళ్లుగా మత బోధకుడిగా ఉన్నారు. తీవ్రవాదులకు ఆయన ప్రేరణ ఇస్తుంటే ఇంతకాలం ఎందుకు ఆయనపై చర్య తీసుకోలేదు. ఎందుకు దర్యాప్తు చేపట్టలేదు. సుప్రీంకోర్టు రిటైర్డ్ జడ్జితో విచారణ జరిపింది. అప్పటి వరకు ఆయనకు వ్యతిరేకంగా మీడియా విచారణ ఆపాల'ని అబు అజ్మీ పేర్కొన్నారు. హేతువాదులు నరేంద్ర దలోల్కర్, గోవింద్ పన్సారే, ఎంఎం కుల్బర్గీ హత్యలకు కారణమైన సనాతన సంస్థను నిషేధించాలని ఆయన డిమాండ్ చేశారు.

రాజ్‌నాథ్‌ అమెరికా పర్యటన వాయిదా

12/07/2016: దిల్లీ: జమ్ముకశ్మీర్‌లో ఉద్రిక్త పరిస్థితులు కొనసాగుతున్న దృష్ట్యా కేంద్ర హోం మంత్రి రాజ్‌నాథ్‌ సింగ్‌ అమెరికా పర్యటన వాయిదా వేసుకున్నారు. వచ్చే వారం రాజ్‌నాథ్‌ అమెరికాలో భారత్‌, అమెరికా దేశాల భద్రతకు సంబంధించి చర్చల్లో పాల్గొనేందుకు వెళ్లాల్సి ఉంది. కశ్మీర్‌లో హిజ్బుల్‌ ముజాహిదీన్‌ ఉగ్రవాది బుర్హాన్‌ను భద్రతా బలగాలు మట్టుబెట్టడంతో కశ్మీర్‌లో ఆందోళనలు కొనసాగుతున్న కారణంగా, జులై 18 నుంచి వర్షాకాల సమావేశాలు ప్రారంభమవుతున్నందున పలు సమావేశాలతో బిజీ షెడ్యూల్‌ ఉందని.. రెండు కారణాలతో అమెరికా పర్యటన వాయిదా వేసినట్లు హోం శాఖ వర్గాలు వెల్లడించాయి. రాజ్‌నాథ్‌సింగ్‌ అమెరికా పర్యటన సెప్టెంబరులో ఉండొచ్చని.. తేదీలు ఖరారు కాలేదని అధికారులు తెలిపారు. కశ్మీర్‌లో ఆందోళనలపై రాజ్‌నాథ్‌ వరుసగా పలువురు కేంద్ర మంత్రులతో చర్చలు జరుపుతున్నారు. ప్రతిపక్ష కాంగ్రెస్‌ పార్టీ అధినేత్రి సోనియా గాంధీతో కూడా ఆయన నిన్న ఈ విషయంపై మాట్లాడారు. కశ్మీర్‌లో సాధారణ పరిస్థితులు తీసుకొచ్చే ప్రయత్నాల్లో భాగంగా జమ్ముకశ్మీర్‌ మాజీ సీఎం ఒమర్‌ అబ్దుల్లాతోనూ చర్చించారు. ఇవాళ కేబినెట్‌ సమావేశంలో ప్రధాని నరేంద్ర మోదీకి కశ్మీర్‌ పరిస్థితుల గురించి వివరించనున్నారు. మోదీ ఆఫ్రికా పర్యటన ముగించుకుని సోమవారం అర్థరాత్రి భారత్‌ చేరుకున్నారు.

ఉత్తరప్రదేశ్ లో కాంగ్రెస్కు షాక్!

12/07/2016: న్యూఢిల్లీ: ఉత్తరప్రదేశ్ను 'హస్త'గతం చేసుకోవాలని చూస్తున్న కాంగ్రెస్ పార్టీకి అసెంబ్లీ ఎన్నికల ముందే షాక్ తగిలింది. యూపీ పీసీసీ అధ్యక్షుడు నిర్మల్ ఖాత్రి తన పదవికి రాజీనామా చేశారు. ఆయన తన రాజీనామా లేఖను పార్టీ అధ్యక్షురాలు సోనియాగాంధీకి పంపినట్లు సమాచారం. నిర్మల్ ఖాత్రి రాజీనామాను హైకమాండ్ ఆమోదించినట్లు తెలుస్తోంది. గత మూడు రోజులుగా ఢిల్లీలోనే ఉన్న నిర్మల్ ఖాత్రి తన రాజీనామాపై స్పందించేందుకు ఫోన్ కాల్స్కు కూడా అందుబాటులో లేరు. కాగా ఆయన రాజీనామా చేసిన వార్తలను ఖాత్రి సన్నిహితులు ధ్రువీకరించారు. అయితే ఖాత్రి రాజీనామాపై ఆయన కానీ, పార్టీ అధిష్టానం కానీ ఎలాంటి అధికారిక ప్రకటన చేయలేదు. నిర్మల్ ఖాత్రి జూన్లోనే తన పదవికి రాజీనామా చేస్తున్నట్లు వార్తలు వచ్చినా, అప్పట్లో వాటిని ఆయన ఖండించారు. కాగా యూపీ నూతన సారధి కోసం కాంగ్రెస్ హైకమాండ్ వెతుకలాట ప్రారంభించింది. అసెంబ్లీ ఎన్నికల నేపథ్యంలో బ్రాహ్మణ కమ్యూనిటీకి చెందిన నేతకు పీసీసీ పగ్గాలు ఇచ్చేందుకు పార్టీ యోచిస్తోంది. ఈ సందర్భంగా యూపీలో పది నుంచి పన్నెండు శాతం దాకా ఉన్న బ్రాహ్మణ వర్గానికి దగ్గర అవ్వాలని చూస్తోంది. ఇక యూపీలో పూర్వ వైభవం కోసం కాంగ్రెస్ పార్టీ తన ప్రయత్నాలను ముమ్మరం చేస్తోంది. 403 అసెంబ్లీ స్థానాలు ఉన్న యూపీలో కాంగ్రెస్ ఇప్పుడు 28 స్థానాలకే పరిమితమైంది. అంతేకాకుండాగత లోక్సభ ఎన్నికల్లో కాంగ్రెస్ బొక్కబోర్లా పడిన విషయం తెలిసిందే. 80 సీట్లకుగానూ కాంగ్రెస్ పార్టీ కేవలం రెండు సీట్లతో సరిపెట్టుకోవాల్సి వచ్చింది. రాయ్ బరేలీలో సోనియా, అమేథిలో రాహుల్ మాత్రమే విజయం సాధించారు. మరోవైపు ఉత్తర ప్రదేశ్ అసెంబ్లీ ఎన్నికల్లో ఆ పార్టీ ప్రచార బాధ్యతలు స్వీకరించేందుకు ప్రియాంకా గాంధీ వాద్రా దాదాపుగా అంగీకరించారు. క్రమంగా పార్టీ ప్రాభవం తగ్గుతున్న నేపథ్యంలో యూపీ ఎన్నికల ప్రచార బాధ్యతలను ప్రియాంకా గాంధీ స్వీకరించాల్సిందేనని ఇటు కార్యకర్తలతో, పార్టీ నేతలు డిమాండ్ చేస్తున్న విషయం తెలిసిందే. దాదాపు 150 ర్యాలీల్లో ఆమె పాల్గొనేలా రూట్ మ్యాప్ ఇప్పటికే సిద్ధమైపోయింది. అలాగే యూపీ సీఎం అభ్యర్థిపై కూడా పార్టీ మల్లాగుల్లాలు పడుతోంది.

జాబ్ మానేశాడు.. కోటీశ్వరుడయ్యాడు!

12/07/2016: జైసల్మేర్: ఎవరైనా ప్రభుత్వ ఉద్యోగం ఇస్తామంటే కావాలంటూ లక్షల మంది పరుగులు పెడతారు. కానీ, ఓ ప్రభుత్వ ఉద్యోగి మాత్రం జాబ్ వదిలేసి వ్యవసాయం చేస్తున్నాడు. వినడానికి వింతగా ఉన్న ఇది నిజం. ఉద్యోగంలో తనకు సంతృప్తి లేదని భావించిన రాజస్థాన్ కు చెందిన ఓ ప్రభుత్వ ఉద్యోగి ప్రస్తుతం ఏడాదికి కోట్ల రూపాయలు ఆర్జిస్తున్నాడు. ఆ వివరాలిలా ఉన్నాయి... హరీష్ ధండేవ్ రాజస్థాన్ లో ఓ ప్రభుత్వ ఉద్యోగి. ఆయన తండ్రి వ్యవసాయదారుడు. రైతు కుటుంబం నుంచి వచ్చినవాడు కావడంతో ఉద్యోగంతో సంతృప్తి చెందక జాబ్ మానేశాడు. ఓసారి ఢిల్లీకి వెళ్లిన అతడు అక్కడ ఎన్నో విషయాలు చూశానని, అదే తన జీవితంలో టర్నింగ్ పాయింట్ అంటున్నాడు. ప్రస్తుతం అతడు తన 120 ఎకరాల పొలంలో అలోవెరా పండిస్తున్నాడు. అలాగని కాస్తా కూస్తో సంపాదిస్తున్నాడనుకుంటే మనం పప్పులో కాలేసినట్లే. ఎందుకుంటే హరీష్ వార్షిక ఆదాయం రూ.1.5 కోట్ల నుంచి 2 కోట్లు. నాటురెలో అగ్రో అనే కంపెనీని స్థాపించాడు. అలోవేరా పండించి పతంజలి ఫుడ్ ప్రొడక్ట్ లిమిటెడ్ సంస్థకు సరఫరా చేస్తున్నాడు. ఆ కంపెనీ వారు అలోవేరా జ్యూస్ తయారీ కోసం హరీష్ నుంచి సరుకు కొనుగోలు చేస్తుంది. తన పంటకుగానూ కోట్ల రూపాయలు ఆర్జించడంతో పాటు మరెందరికో ఉపాధి కల్పిస్తూ అందరికీ ఆదర్శంగా నిలిచాడు. థార్ ఎడారి ప్రాంతంలో వీటి ఉత్పత్తి అధికంగా ఉంటుంది. తన స్వస్థలం, వ్యవసాయక్షేత్రం ఆ సమీప ప్రాంతాల్లోనే ఉండటం కూడా హరీష్ కు కలిసొచ్చింది. అలోవెరాకు దేశంలోనే కాదు అంతర్జాతీయ మార్కెట్లోనూ భారీగా డిమాండ్ ఉంటుంది.

చిక్కుల్లో చిదంబరం తనయుడు కార్తి

05/07/2016: చెన్నై : కాంగ్రెస్ సీనియర్ నేత, కేంద్ర ఆర్థికశాఖ మాజీ మంత్రి చిదంబరం కుమారుడు కార్తి చిదంబరం చిక్కుల్లో పడ్డారు. ఎయిర్ సెల్, మ్యాక్సీస్ ఒప్పందాల వ్యవహారంలో ఆయనకు ఎన్ఫోర్స్మెంట్ డైరెక్టరేట్ సమన్లు జారీ చేసింది. ఎయిర్ సెల్, మ్యాక్సీస్ ఒప్పందంలో జరిగిన ఆర్థిక లావాదేవీలకు సంబంధించిన అన్ని డాక్యుమెంట్లతో కార్తి చిదంబరం మంగళవారం ఉదయం ఈడీ కార్యాలయంలో హాజరు కావాలని ఆదేశించింది. కాగా 2006 సంవత్సరంలో మాక్సిస్‌ సంస్థ అక్రమంగా ఎయిర్‌ సెల్ లో 80 కోట్ల రూపాయల పెట్టుబడి పెట్టేందుకు అప్పటి ఆర్థికమంత్రి చిదంబరం ప్రత్యేక చొరవ తీసుకొని అనుమతిచ్చారని ఆరోపణలు ఉన్న విషయం తెలిసిందే. దీనిపై ఇప్పటికే కార్తి చిదంబరంపై మనీ లాండరింగ్ కేసు నమోదు చేసిన ఎన్ఫోర్స్మెంట్ డైరెక్టరేట్, ఆదాయపన్ను శాఖతో కలిసి అతడి ఆస్తులపై కూడా సోదాలు నిర్వహించిన విషయం తెలిసిందే.

యూపీ బాధ్యతలకు ప్రియాంక సై!

05/07/2016: న్యూఢిల్లీ: ఉత్తరప్రదేశ్ ఎన్నికల ప్రచార బాధ్యతలకు కాంగ్రెస్ పార్టీ అధినేత్రి సోనియా గాంధీ కుమార్తె ప్రియాంక గాంధీ దాదాపు అంగీకరించినట్లు సమాచారం. ఆమె యూపీ ఎన్నికల్లో ప్రత్యక్షంగా పనిచేయడం ద్వారా కాంగ్రెస్ పార్టీకి మరింత మైలేజ్ వస్తుందని, పార్టీకి విజయం కలిసొస్తుందని ఇప్పటికే వ్యూహకర్తలు చెప్పిన నేపథ్యంలో అందుకు ఆమె సూచాయగ అంగీకరించినట్లు పార్టీ వర్గాల సమాచారం. అధికారిక ప్రకటన కూడా త్వరలోనే వెల్లడి కానుందట. గతంలో రాయ్ బరేలీ, అమేథీలో తల్లి సోనియా, సోదరుడు రాహుల్ గాంధీతో కలిసి ఎన్నికల ప్రచారం నిర్వహించిన విషయం తెలిసిందే. కానీ, ఈ సారి ఆ బాధ్యతల విస్తరణకు ఆమెకు అంగీకరించాలని పార్టీ నుంచి వ్యూహకర్తల నుంచి గత కొద్ది రోజులుగా డిమాండ్ వస్తోంది. మరో కొద్ది నెలల్లో దేశంలోనే అతిపెద్ద రాష్ట్రం అయిన ఉత్తర ప్రదేశ్‌లో అసెంబ్లీ ఎన్నికలు జరగనున్న విషయం తెలిసిందే. 2017లో జరగనున్న ఈ అసెంబ్లీ ఎన్నికల్లో ఎక్కువ సీట్లు గెలుచుకోవడమే లక్ష్యంగా ఇక్కడి కాంగ్రెస్ పార్టీ యూపీ వ్యవహరాల ఇన్‌చార్జిగా గులాం నబీ ఆజాద్‌ను నియమించి ఏఐసీసీ కీలక నిర్ణయం తీసుకున్న విషయం తెలిసిందే. ఆయన ఇటీవల పదేపదే ప్రియాంకతో భేటీ అవడం కూడా దాదాపు ప్రియాంక రాకడ ఖరారైనట్లేనని తెలుస్తోంది.

ఒకేరోజు ఇద్దరు మాజీ అధ్యక్షుల మృతి

04/07/2016: నేడు ప్రపంచాన్ని శాసిస్తున్న అగ్రరాజ్యం అమెరికా. శాస్త్ర సాంకేతిక రంగాలతో పాటు ఆర్థికంగా ఎంతో అభివృద్ధి చెందిన అమెరికా కూడా ఒకప్పుడు బ్రిటీష్ పాలిత దేశమే. అనేక దేశాల్ని తన అధీనంలోకి తెచ్చుకుని, అరాచక పాలన సాగించిన బ్రిటన్.. అమెరికాలోనూ అదే తంతు కొనసాగించింది. బ్రిటన్ రాచరికపు పాలనలో ఏళ్ల తరబడి మగ్గిన అమెరికా కూడా స్వాతంత్య్రం కోసం పోరాడాల్సి వచ్చింది. బ్రిటన్ పాలనపై అమెరికా తొందరగానే మేల్కొని, పోరాడడంతో చివరకు 1776 జూలై 4 న స్వతంత్ర దేశంగా మారింది. స్వాతంత్ర్య దినోత్సవాన్ని పుర‌స్క‌రించుకుని అమెరికా వాసులు ఒక రోజు ముందుగానే సంబ‌రాలు మొద‌లుపెట్టారు. పెద్ద పెద్ద భవంతులను లైట్లతో అలంకరించి వేడుకలకు సిద్ధమయ్యారు. సరిగ్గా అదే రోజు ఇద్దరు అధ్యక్షుల మరణం.. అయితే దేశ స్వాతంత్ర్యం కోసం పోరాడిన అగ్ర నేతలకే అమెరికా అధ్యక్ష పీఠం దక్కిందన్న విషయం అందరికీ తెలిసిందే. అగ్రరాజ్యానికి మొదటి అధ్యక్షుడిగా జార్జ్ వాషింగ్టన్ ఎన్నియ్యారు. రెండో అధ్యక్షుడిగా జాన్ ఆడమ్స్, మూడో అధ్యక్షునిగా థామస్ జెఫర్ సన్ ఎన్నికై అమెరికాకు విశిష్ట సేవలు అందజేశారు. ఈ నేతల చావులోనూ కాస్త పోలికలు ఉండటం మనం గమనించాలి. అదేంటంటే.. అమెరికాకు స్వాతంత్య్రం వచ్చిన సరిగ్గా 50 ఏళ్ల తర్వాత ఒకే రోజు(1826 జూలై 4)న మాజీ అధ్యక్షులు జాన్ ఆడమ్స్(రెండో అధ్యక్షుడు), జెఫర్ సన్‌(మూడో అధ్యక్షుడు) ఇద్దరూ మరణించారు. స్వాతంత్ర్య దినోత్సవం రోజు అమెరికా వాసులు వీరిని స్మరించుకుంటారు.

మా అమ్మాయిని లాక్కెళ్లి గొంతు కోశాడు

04/07/2016: న్యూఢిల్లీ: దేశ రాజధాని ఢిల్లీ శివారులో ఘోరం జరిగింది. 20 ఏళ్ల యువకుడు 16 ఏళ్ల అమ్మాయిపై అత్యాచారయత్నం చేశాడు. అమ్మాయి ప్రతిఘటించినందుకు గొంతుకోసి చంపేందుకు ప్రయత్నించాడు. కుటుంబ సభ్యులు తెలిపిన సమాచారం మేరకు వివరాలిలా ఉన్నాయి. తూర్పు ఢిల్లీలో యమున ఖదర్ ప్రాంతంలో నివసిస్తున్న బాధితురాలు బహిర్భూమి కోసం వెళ్లగా, నిందితుడు ఆమె వెంటపడ్డాడు. ఈ విషయాన్ని బాధిత బాలిక కుటుంబ సభ్యులు గుర్తించారు. నిందితుడు తమ కుమార్తెపై అత్యాచారయత్నం చేశాడని, ఆమె అడ్డుకోవడంతో 100 మీటర్ల దూరం ఈడ్చుకెళ్లి గొంతు కోసి పరారయ్యాడని బాధితురాలి తండ్రి చెప్పాడు. కుటుంబ సభ్యులు ఆమెను లాల్ బహుదూర్ శాస్త్రి ఆస్పత్రికి తరలించారు. ఆమెకు ప్రాణాపాయం తప్పింది. ఉత్తరప్రదేశ్కు చెందిన నిందితుడు గతంలో బాధితురాలి ఇంటి పక్కన ఉండేవాడు. ఆర్నెళ్ల క్రితం బాధితురాలిని వేధించినట్టు కుటుంబ సభ్యులు చెప్పారు. అయితే ఈ విషయాన్ని సీరియస్గా తీసుకోకపోవడం వల్లే మళ్లీ దాడిచేశాడని బాధితురాలి బంధువులు వాపోయారు. పోలీసులు కేసు నమోదు చేసి నిందితుడిని అరెస్ట్ చేశారు.

రేపే కేం‍ద్ర కేబినెట్ పునర్వ్యవస్థీకరణ

04/07/2016: న్యూఢిల్లీ: ప్రధాని నరేంద్ర మోదీ కేంద్ర కేబెనెట్ను పునర్వ్యవస్థీకరించనున్నారు. మంగళవారం ఉదయం 11 గంటలకు ముహూర్తం ఖరారు చేశారు. ఈ నెల 7న మోదీ నాలుగు దేశాల పర్యటనకు ఆఫ్రికా వెళ్లనున్నారు. ఈలోపే కేబినెట్లో మార్పులు చేర్పులు చేయనున్నారు. వచ్చే ఏడాది ఉత్తరప్రదేశ్ అసెంబ్లీ ఎన్నికలు జరగనున్న నేపథ్యంలో కేంద్ర కేబినెట్లో ఆ రాష్ట్రానికి ప్రాధాన్యం ఇచ్చే అవకాశముంది. ప్రస్తుతం ఖాళీగా ఉన్న శాఖలను భర్తీ చేయనున్నారు. అసోం ముఖ్యమంత్రిగా బాధ్యతలు చేపట్టడంతో శర్వానంద్ సోనోవాల్ కేంద్ర క్రీడల శాఖ మంత్రి పదవికి రాజీనామా చేశారు. క్రీడల శాఖతో పాటు మరికొన్ని శాఖలకు మంత్రులు లేరు. వీటిని భర్తీ చేయడంతో పాటు కొందరు మంత్రుల శాఖలను మార్చే అవకాశముందని భావిస్తున్నారు.

సురక్షితంగా బయటపడ్డ బందీలు

02/07/2016: ఢాకా: బంగ్లాదేశ్ రాజధాని ఢాకాలోని రెస్టారెంట్లో ఉగ్రవాదుల చెరలో ఉన్న బందీలను విడిపించేందుకు భద్రత దళాలు చేపట్టిన ఆపరేషన్ ముగిసింది. భద్రత దళాలు బందీలందరినీ సురక్షితంగా కాపాడాయి. భద్రత దళాలు ఆరుగురు ఉగ్రవాదులను హతమార్చి, మరో ఏడుగురిని అదుపులోకి తీసుకున్నాయి. శుక్రవారం రాత్రి గుర్తుతెలియని సాయుధులు ఢాకాలోని హోలి ఆర్టిసాన్ రెస్టారెంట్లోకి చొరబడి అక్కడున్నవారిని బంధించిన సంగతి తెలిసిందే. ఉగ్రవాదుల దాడిలో ఇద్దరు పోలీసులు మరణించారు. సైనిక ఆపరేషన్ దాదాపు 11 గంటల పాటు కొనసాగింది. ఉగ్రవాదుల చెరలో ఉన్న 18 మంది బందీలను రక్షించారు. బంగ్లాదేశ్లో హై ఎలర్ట్ ప్రకటించారు. పోలీసులు కూంబింగ్ కొనసాగిస్తున్నారు. ఢాకాలోని భారతీయులు క్షేమంగా ఉన్నారని భారత విదేశీ వ్యవహారాల శాఖ వెల్లడించింది. ఈ దాడి చేసింది తామేనని ఇస్లామిక్ స్టేట్, అల్ ఖైదా ఉగ్రవాదులు వేర్వేరుగా ప్రకటించారు. విదేశీయులే లక్ష్యంగా ఉగ్రవాదులు రెస్టారెంట్పై దాడికి పాల్పడ్డారు.

'టెంపరేచర్ పెరగగానే ఆయనకు ఫారిన్ టూర్'

02/07/2016: గోరఖ్పూర్: కాంగ్రెస్ పార్టీ ఉపాధ్యక్షుడు రాహుల్ గాంధీపై బీజేపీ జాతీయ అధ్యక్షుడు అమిత్ షా తీవ్ర విమర్శలు చేశాడు. దేశంలో వేడిపెరగగానే రాహుల్ దేశం విడిచిపెట్టి వెళ్లిపోతాడని అన్నారు. 'దేశంలో ఉష్ణోగ్రతలు పెరగగానే రాహుల్ బాబా విదేశాలకు వెళ్లిపోతాడు. అలాంటాయని బీజేపీ పరిపాలన రికార్డును అడుగుతాడు' అంటూ వ్యంగ్యంగా వ్యాఖ్యానించారు. గోరఖ్ పూర్ లోని బస్తీలో పార్టీ కార్యకర్తలతో సమావేశమైన ఆయన మాట్లాడుతూ ఎస్పీని, బీఎస్పీని మట్టికరిపించి 2017 ఎన్నికల్లో బీజేపీకి అధికారం కట్టబెట్టాలని ప్రజలకు విజ్ఞప్తి చేశాడు. రెండు పార్టీలను చెత్తబుట్టలో వేయాలని, ఆ పార్టీల వల్ల ఇప్పటి వరకు రాష్ట్రం అభివృద్ధికే నోచుకోలేదని చెప్పారు. కేంద్రంలో కాంగ్రెస్ పార్టీ అధికారంలోకి రావడానికి ఎస్పీ, బీఎస్పీ నే కారణం అన్నారు. నేరస్తులు, మాఫియానే ఎస్పీ ప్రభుత్వాన్ని డామినేట్ చేస్తున్నాయని చెప్పారు.

పోలీస్ రిక్రూట్మెంట్కు డ్రగ్స్తో..!

01/07/2016: చండీగఢ్: హర్యానా రాష్ట్రంలో పోలీస్ కానిస్టేబుల్ ఉద్యోగాల భర్తీకి నిర్వహిస్తున్న పరీక్షలలో అభ్యర్థులు సులభమైనదారులను అన్వేషిస్తూ మృత్యు ఒడిలోకి చేరుతున్నారు. కురుక్షేత్రలో నిర్వహిస్తున్న ఫిజికల్ టెస్ట్లో వారం రోజుల వ్యవధిలో ఇరవై ఏళ్ల యువకులు ముగ్గురు మృతిచెందారు. వీరంతా మోతాదుకు మించి ఉత్ప్రేరకాలు తీసుకోవటం వలనే మృతి చెందారనే అనుమానాలు వ్యక్తమౌతున్నాయి. మరో 400 మంది యువకులు సైతం ఫిజికల్ టెస్ట్ సమయంలో తీవ్ర అస్వస్థతకు గురికావడం ఆందోళన కలిగిస్తుంది. కురుక్షేత్ర సివిల్ ఆసుపత్రి చీఫ్ మెడికల్ ఆఫీసర్ ఎస్కే నైన్ మాట్లాడుతూ.. చాలా మంది విద్యార్థులు ఫిజకల్ టెస్ట్ సమయంలో మూర్చతో పడిపోయారు. చనిపోయిన విద్యార్థులు డ్రగ్స్ ఓవర్డోస్ మూలంగానే మృతిచెందారనే అనుమానాలున్నాయి. దీనికి సంబంధించిన పోస్టుమార్టం నివేదిక రావాల్సి ఉంది' అని తెలిపారు. రన్నింగ్, ఇతర ఫిజికల్ టెస్ట్లలో అర్హత సాధించేందుకు అభ్యర్థులు కొన్ని నెలల ముందు నుంచే ప్రాక్టీస్ చేయాల్సి ఉన్నా.. కొందరు మాత్రం అలా చేయకుండా ఎలాగైనా పాస్ కావాలి అనే ఉద్దేశంతో ఉత్ప్రేరకాలను ఆశ్రయిస్తున్నట్లు తెలుస్తోంది. డాక్టర్ల ప్రిస్క్రిప్షన్తో మాత్రమే ఇవ్వాల్సిన కొన్ని మందులను సైతం అభ్యర్థులు ఈజీగా మార్కెట్లో పొందుతున్నారనే విమర్శలున్నాయి.

నన్ను వాడుకుని.. మరొకరిని పెళ్లాడాడు

01/07/2016: రాంచీ: జార్ఖండ్ బీజేపీ అధ్యక్షుడు తాల మరాండీ కొడుకు మున్నా మరాండీ తనను శారీరకంగా వాడుకుని, మరో అమ్మాయిని పెళ్లి చేసుకున్నాడని ఓ అమ్మాయి ఆరోపించింది. పెళ్లి చేసుకుంటానని నమ్మంచి, మున్నా రెండేళ్లకుపైగా తనను శారీరకంగా వాడుకుని మోసం చేశాడని గొడ్డా జిల్లా కోర్టులో బాధితురాలు ఫిర్యాదు చేసింది. మున్నా తనతో స్నేహంగా ఉండేవాడని, ఓ మొబైల్ ఫోన్ను కానుకగా ఇచ్చాడని ఆమె తెలిపింది. మున్నా తనను పెళ్లి చేసుకుంటానని చెప్పి, మాటతప్పాడని ఆరోపించింది. జార్ఖండ్ మహిళ కమిషన్కు కూడా ఆమె ఫిర్యాదు చేసింది. మున్నాకు నోటీసు జారీ చేస‍్తామని మహిళ కమిషన్ సభ‍్యులు తెలిపారు. మున్నా గత మంగళవారం 11 ఏళ్ల మైనర్ అమ్మాయిని వివాహం చేసుకున్నట్టు వార్తలు వచ్చాయి. ఈ పెళ్లి రిసెప్షన్కు జార్ఖండ్ ముఖ్యమంత్రి రఘువర్ దాస్ హాజరుకావాల్సి ఉన్నా రద్దు చేసుకున్నారు. మున్నా నిర్వాకంపై విచారణ చేయాలని ప్రతిపక్షాలు డిమాండ్ చేయగా, అధికార బీజేపీ ఈ విషయంపై పెదవి విప్పలేదు. బాధితురాలి ఫిర్యాదు మేరకు మున్నాపై ఎఫ్ఐఆర్ నమోదు చేశారు.

'నేను నోరు తెరిస్తే.. దేశం వణుకుద్ది'

01/07/2016: ముంబై: నెల క్రితం వరకూ మహారాష్ట్ర సర్కారులో మంత్రిగా పనిచేసి, ఆరోపణల కారణంగా పదవికి రాజీనామా చేసిన ఏక్ నాథ్ ఖడ్సే గురువారం వివాదాస్పద వ్యాఖ్యలు చేశారు. తన సొంత నియోజకవర్గంలో కార్యకర్తలతో నిర్వహించిన సమావేశంలో మాట్లాడిన ఆయన.. తాను గొంతు విప్పితే భారతదేశం మొత్తం గజగజ వణుకుతుందన్నారు. ఎన్నికల్లో పార్టీ విజయానికి, శివసేనతో పార్టీ కలవడానికి తానే కారణమని చెప్పారు. లేకపోతే సేనకు చెందిన నాయకుడే రాష్ట్రంలో సీఎం అయ్యేవారని అన్నారు. అండర్ వరల్డ్ డాన్, ప్రస్తుతం పాకిస్తాన్ లో నివసిస్తున్న దావూద్ ఇబ్రహీం నుంచి ఫోన్ కాల్స్, ల్యాండ్ డీల్స్ తదితర వివాదాల్లో ఖడ్సే చిక్కుకున్న విషయం తెలిసిందే. ఈ విషయాలపై ప్రతిపక్ష కాంగ్రెస్, ఎన్సీపీలు ఒత్తిడి పెంచడంతో దేవేంద్ర ఫడ్నవీస్ ప్రభుత్వం జ్యుడీషియల్ విచారణకు ఆదేశించింది. కాగా, ఖడ్సేకు దావూ్ద్ తో ఎప్పటినుంచో సంబధాలు ఉన్నాయనే ఆరోపణలున్నాయి. ఈ నేపథ్యంలో ఆయన దేశాన్ని వణికించే సమాచారం తన వద్ద ఉందని చెబుతుండటం ఆసక్తి రేపుతోంది. ఈ వ్యాఖ్యలపై స్పందించిన ఎన్సీపీ, కాంగ్రెస్ ల అధికార ప్రతినిధులు ఖడ్సేను వెంటనే కస్టడీకి తీసుకోవాలని డిమాండ్ చేశారు.

ఫిర్యాదులపై పది రోజుల్లోగా స్పందించండి - అధికారులకు ప్రధాని మోదీ ఆదేశం

30/06/2016: దిల్లీ: వివిధ టిక్కెట్ల బుకింగ్‌, హోటల్‌ రిజర్వేషన్ల విషయంలో పెద్దయెత్తున పేరుకున్న ప్రజా ఫిర్యాదులపై ప్రధాన మంత్రి నరేంద్ర మోదీ స్పందించారు. వీటన్నింటిపై పది రోజుల్లోగా నివేదిక సమర్పించాలని సంబంధిత అధికారులను ఆదేశించారు. బుధవారం జరిగిన క్రియాశీల పాలన, సత్వర అమలు (ప్రగతి) సమావేశంలో ప్రజా సాధకబాధకాలపై స్పందనలను మోదీ సమీక్షించినట్లు ప్రధాన మంత్రి కార్యాలయం (పీఎంవో) వెల్లడించింది. ఈ-కామర్స్‌లో వెల్లువెత్తుతున్న ఫిర్యాదులపై తీసుకుంటున్న చర్యలతోపాటు, జాతీయ వినియోగదారుల సహాయవాణి (హెల్ప్‌లైన్‌) సామర్థ్యం పెంపు చర్యలను మోదీకి అధికారులు వివరించారు. మరోవైపు రహదారులు, రైల్వే, విద్యుత్తు, బొగ్గు, గనుల విభాగాల్లోని కీలక మౌలిక సదుపాయాల ప్రాజెక్టుల పురోగతినీ మోదీ సమీక్షించారు. తెలంగాణ ప్రధాన కార్యదర్శితోనూ చర్చ దేశ వ్యాప్తంగా సౌరశక్తితో నడిచే మంచినీటి పంపుల ఏర్పాటునూ మోదీ సమీక్షించారు. 208 మెగావాట్ల సామర్థ్యం కలిగిన పంపులను ఇప్పటివరకూ ఏర్పాటుచేసినట్లు అధికారులు ఆయనకు వివరించారు. తెలంగాణ సహా ఝార్ఖండ్‌, పంజాబ్‌, ఛత్తీస్‌గఢ్‌, గుజరాత్‌, ఉత్తర్‌ప్రదేశ్‌ ప్రధాన కార్యదర్శులతో వివిధ అంశాలపై ఆయన చర్చలు జరిపారు. వరద ముప్పు ఎదుర్కొనేందుకు ముందుగానే ప్రభావిత ప్రాంతాలను గుర్తించాలని వారికి మోదీ సూచించారు. ఎప్పటికప్పుడు పరిస్థితులను అంచనావేస్తూ, ప్రభావ తీవ్రతను తగ్గించేందుకు కృషి చేయాలని చెప్పారు. మోదీపై పుస్తకాన్ని నిషేధించడానికి నిరాకరించిన కోర్టు అహ్మదాబాద్‌: మోదీపై కాంగ్రెస్‌ నాయకుడు జయేశ్‌ షా రాసిన గుజరాతీ పుస్తకంపై నిషేధం విధించేందుకు ఇక్కడి స్థానిక కోర్టు నిరాకరించింది. ఆ పుస్తకాన్ని నిషేధించాలంటూ దాఖలుచేసిన వ్యాజ్యాన్ని సివిల్‌కోర్టు జడ్జి ఏఎం దవే కొట్టివేశారు. ‘ఫేకూజీ ఈజ్‌ ఇన్‌ దిల్లీ నౌ’ పేరుతో మోదీకి అపకీర్తి తెచ్చేందుకే ఆ పుస్తకం రాశారని, అందువల్ల నిషేధం విధించాలంటూ సామాజికకార్యకర్త నర్సింహ్‌ సోలంకి వ్యాజ్యం దాఖలు చేశారు. ఎన్నికల వాగ్దానాలనునెరవేర్చడంలో మోదీ విఫలమయ్యారంటూ పుస్తకంలో రాసుకొచ్చారు. మోదీ అధికారంలోకి వచ్చి రెండేళ్లే అయిందని, వాగ్దానాలు నెరవేర్చడానికి ఇది తక్కువ సమయమన్నది సోలంకి వాదన. ఈ వాదనలతో ఏకీభవించని న్యాయమూర్తి భారత్‌ ప్రజాస్వామ్య దేశమని, ప్రజలు తమ వ్యక్తిగత అభిప్రాయాలను పుస్తక రూపంలో వ్యక్తీకరించుకోవచ్చంటూ కేసును కొట్టివేశారు.

ఇదొక బంగ్లాదేశ్ బాయ్ జాన్ కథ

30/06/2016: న్యూఢిల్లీ: ఈ ఈద్ పండుగ ఓ ముస్లిం కుటుంబంలో మరింత సంతోషాన్ని తెస్తోంది. ఏడేళ్ల కిందట తప్పిపోయిన సోనూ అనే తమ కుమారుడు కళ్లముందుకొస్తుండటంతో ఆ ఇంట్లో పండుగవాతావరణం రెట్టింపయింది. ఇది కూడా ఓ రకంగా భజరంగీ భాయ్ జాన్లాంటి ఛాయలున్న కథే. కాకపోతే ఈసారి భాయ్జాన్ మాత్రం బంగ్లాదేశీయుడు. బాబు మాత్రం తప్పిపోవడం కాకుండా తప్పించబడ్డాడు. పూర్తి వివరాల్లోకి వెళితే.. ఢిల్లీలోని న్యూ సెమాపురి అనే ప్రాంతంలో మహబూబ్ అనే వ్యక్తి నివసిస్తున్నాడు. అతడికి ఓ రెండుగదుల నివాసం ఉంది. మెకానిక్ గా పనిచేస్తున్న అతడి ఇంట్లోకి అద్దెకు వచ్చిన ఓ మహిళ ధీన పరిస్థితి చూసి ఆమెకు అద్దె లేకుండానే ఓ గది ఇచ్చాడు. తొలుత చిన్నాచితక పనిచేసుకుంటూ ఉంటున్న ఆమె 2009 ఆగస్టు నెలలో మహబూబ్ ఆరేళ్ల కుమారుడు సోనూను ఎత్తుకొని పారిపోయింది. ఆమె కోసం ఎంతగాలించినా ఆచూకీ లభించలేదు. పోలీస్ స్టేషన్లో ఫిర్యాదు చేసినా ఫలితం లేకుండాపోయింది. చాలా కాలంపాటు కేసును విచారించిన పోలీసులు ఇక చేసేది లేక కేసు మూసి వేశారు. తమ పిల్లాడు చనిపోయాడనుకొని బాధపడుతూ మహబూబ్ కుటుంబ సభ్యులు తమను తాము తమాయించుకున్నారు. ఆనందం నింపిన ఒక్క ఫోన్ కాల్.. ఇలా ఉండగా, ఒక రోజు బంగ్లాదేశ్ నుంచి జమాల్ ముసా అనే వ్యక్తి మహబూబాకు ఫోన్ చేశాడు. మీ అబ్బాయి నా వద్దే భద్రంగా ఉన్నాడంటూ ఈ మధ్య ఫోన్ చేశాడు. దీంతో మహబూబ్ కుటుంబంలో ఆనందం వెల్లి విరిసింది. ఇంతకీ జమాల్ ఎవరంటే అతనో మెకానిక్. ఒక రోజు తీవ్రంగా ఓ మహిళ చేతిలో హింసకు గురవుతున్న బాలుడిని చూశాడు. అతడికి జాలేసి దగ్గరకు వెళ్లి కాసేపు మాట్లాడగా.. అసలు విషయం ఆ బాలుడు చెప్పాడు. తాను ఢిల్లీకి చెందిన వాడినని, తనను ఆ మహిళ ఎత్తుకొచ్చిందని చెప్పాడు. దీంతో తీవ్ర భావోద్వేగానికి లోనైన ముసా ఎలాగైనా ఆ బాలుడిని వారి కుటుంబం దరిచేర్చాలనుకున్నాడు. అధికారులను, మీడియాను సంప్రదించి ఒకసారి మహబూబా కుటుంబంతో కలిశాడు. కేంద్ర విదేశాంగమంత్రి సుష్మా స్వరాజ్ కూడా ఈ విషయంలో జోక్యం చేసుకున్నారు. బాలుడి డీఎన్ఏ తన తల్లి డీఎన్ఏతో సరిపోలడంతో ఇక ఆ బాలుడిని తీసుకొచ్చేందుకు రంగం సిద్దమైంది. ఈ రోజు(గురువారం) ఆ బాలుడు తన కుటుంబాన్ని ఏడేళ్ల తర్వాత కలుసుకోనున్నాడు. అలా మహబూబా కుటుంబంలో ముసా సంతోషాన్ని నింపాడు.

గూగుల్‌లో ఇలా జరిగింది..

29/06/2016: అంతర్జాతీయ మహిళా దినోత్సవం మనకు తెలుసు కదా! కానీ అంతర్జాల అన్వేషణా సంస్థ గూగుల్‌ పదిరోజుల కిందట ప్రత్యేకంగా స్త్రీల రోజుని పాటించింది! ఒక్క రోజు కాదు.. రెండు రోజులు. ఎందుకలా.. చేసింది? దీని వెనకో సంఘటన ఉంది. మూడువారాల కిందట గూగుల్‌ మాతృసంస్థ ఆల్ఫాబెట్‌ వాటాదారుల సమావేశం జరిగింది. సహజంగానే ఆ సంస్థ సీఎఫ్‌ఓ రూత్‌ పోరాట్‌ది ఇందులో కీలకపాత్ర. రూత్‌ కేవలం సీఎఫ్‌ఓనే కాదు, అమెరికాలో పేరున్న ఆర్థిక నిపుణురాలు కూడా. సమావేశంలో ఓ వాటాదారు పైకి లేచి ‘ఏమండీ మహిళా(లేడీ) సీఎఫ్‌ఓగారూ..!’ అంటూ ఏదో చెప్పాడు. అందులో తప్పేముందని అంటారా? సీఎఫ్‌ఓలాంటి అత్యున్నత స్థాయిలో ఉన్న ఓ వ్యక్తిని ప్రత్యేకంగా ‘లేడీ’ అని సంబోధించడమంటే అది ఆమె లైంగికత(జెండర్‌)ని పనిగట్టుకుని ప్రస్తావించడమే! అమెరికా సంస్కృతిలో లైంగిక వివక్షగానే పరిగణిస్తారు. దీంతో, రూత్‌కి మద్దతుగా ఉద్యోగులందరూ కలిసి ఈనెల 17, 18 తేదీలని ‘లేడీ డే’గా ప్రకటించారు. ఆ రోజు ప్రపంచవ్యాప్తంగా ఉన్న గూగుల్‌ ఉద్యోగులు చాలాచోట్ల తమ పేరూ, హోదా ముందు ‘లేడీ’ అనేపదాన్ని వాడారు. కేవలం స్త్రీలే కాదు.. మగవాళ్లూ ఆ రోజు ఇలా చేయడమే విశేషం. ఉదాహరణకు ఓ సాఫ్ట్‌వేర్‌ ఇంజినీర్‌ పేరు సంతోష్‌ అనుకోండి.. ‘లేడీ సాఫ్ట్‌వేర్‌ ఇంజినీర్‌ సంతోష్‌’ అంటూ ఆయన తన పేరుని రాసుకున్నారన్నమాట! ఆ రెండు రోజులూ సంస్థ ఫోన్‌ డైరెక్టరీ, ఈమెయిళ్లలోనూ పేర్లన్నీ ఇలాగే కనిపించాయి. అలా నైపుణ్యం, పదవి, ప్రతిభ ఇవన్నీ స్త్రీ, పురుష భేదానికి అతీతమైనవని చెప్పడమే తమ ఉద్దేశమని గూగుల్‌ సిబ్బంది చెప్పకనే చెప్పారు.

మెషిన్గన్లతో మహిళల గస్తీ

29/06/2016: లెబనాన్: లెబనాన్లోని ఖా అనే గ్రామంలో ఇప్పుడు క్రిస్టియన్ మహిళలు మెషిన్ గన్లు చేత బట్టారు. వారికి అనుభవం లేకున్నా తలా ఓ గన్ పట్టుకొని గస్తీ కాస్తున్నారు. చీమ చిటుక్కుమన్నా తమ తుపాకీ ఎక్కుపెడుతున్నారు. అందుకు కారణం సోమవారం ఆ గ్రామంపై ఉగ్రవాదులు విరుచుకుపడటమే. ఖా అనే గ్రామం సిరియా సరిహద్దుకు కొన్ని వందల మీటర్ల దూరంలోనే ఉంది. ఆ గ్రామం మొత్తం క్రిస్టియన్ జనాభాతో నిండి ఉంటుంది. సోమవారం అనుమానిత ఇస్లామిక్ స్టేట్ ఉగ్రవాదులు తొమ్మిది దాడులకు పాల్పడ్డారు. అందులో ఎనిమిది ఆత్మాహుతి దాడులే. ఇందులో ఐదుగురు చనిపోగా 30మందికి పైగా గాయాలపాలయ్యారు. దీంతో ఒక్కసారిగా ఎప్పుడూ ప్రశాంతంగా ఉండే ఆ గ్రామం ఉలిక్కిపడింది. ఓ పక్క లెబనాన్ మిలటరీ మొత్తం ఆ గ్రామంలో దిగినప్పటికీ తాము కూడా సిద్ధం అంటూ అక్కడి క్రిస్టియన్ మహిళలు మెషిన్ గన్లు పెట్టారు. ఆగ్రామం చుట్టుముట్టి అందులోకి అక్రమంగా చొరబడిన 103మంది సిరియాకు చెందిన శరణార్ధులను అదుపులోకి తీసుకున్నారు.

రాజ్యసభ సభ్యునిగా ప్రమాణం చేసిన విజయసాయిరెడ్డి

28/06/2016: న్యూఢిల్లీ : రాజ్యసభ సభ్యునిగా వైఎస్ఆర్ కాంగ్రెస్ పార్టీ నాయకుడు వి.విజయసాయిరెడ్డి మంగళవారం ప్రమాణ స్వీకారం చేశారు. ఆయన చేత రాజసభ్య చైర్మన్, భారత ఉప రాష్ట్రపతి హమీద్ అన్సారీ రాజ్యసభ సభ్యునిగా ప్రమాణం చేయించారు. అలాగే ఆంధ్రప్రదేశ్ నుంచి రాజ్యసభకు ఎన్నికైన కేంద్ర రైల్వే శాఖ మంత్రి సురేష్ ప్రభు కూడా సభ్యునిగా ప్రమాణం చేశారు. తెలంగాణ రాష్ట్రం నుంచి టీఆర్ఎస్ పార్టీ తరఫున ఎన్నికైన డి.శ్రీనివాస్, కెప్టెన్ లక్ష్మీకాంతరావు కూడా ప్రమాణ స్వీకారం చేశారు. ఇటీవల రాజసభ్యకు ద్వైవార్షిక ఎన్నికలు జరిగాయి. ఈ ఎన్నికల్లో ఆంధ్రప్రదేశ్ నుంచి వైఎస్ఆర్ కాంగ్రెస్ పార్టీ తరపున వి విజయసాయిరెడ్డి ఎన్నికైన సంగతి తెలిసిందే. అలాగే రాష్ట్రంలో టీడీపీ మిత్రపక్షమైన బీజేపీ తరపున కేంద్ర రైల్వే శాఖ మంత్రి సురేష్ ప్రభు ఎన్నికైన విషయం విదితమే.

ఫుల్లుగా తాగి ఎస్సై చెంప వాయించింది

28/06/2016: ముంబయి: ఇప్పుడొక వీడియో ఆన్లైన్లో సంచలనం సృష్టిస్తోంది. ఓ యువతి విధుల్లో ఉన్న పోలీసు అధికారిపై చేయి చేసుకుంది. ఈ ఘటన ముంబయిలో చోటుచేసుకుంది. సీసీటీవీ ఫుటేజ్ ప్రకారం ఈ ఘటన ఈ నెల (జూన్)15న జరగగా తాజాగా వెలుగులోకి వచ్చింది. ఈ వీడియోలో చూపిన ప్రకారం మద్యం మత్తులో ఉన్నట్లుగా కనిపిస్తున్న ఓ యువతి నేరుగా వెళ్లి ఓ పోలీసుతో వాదనలు పడటమే కాకుండా అసభ్యంగా తిడుతూ కుర్చీలో ఉన్న అతడిపై పదేపదే చేయిచేసుకుంది. దీంతో ఆ యువతి పక్కనే ఉన్న మరో ఇద్దరు యువకులు ఆమెను నియంత్రించేందుకు ప్రయత్నించారు. కాగా, అసలు ఈ ఘటన ఎందుకు జరిగింది? వారి మధ్యలో జరగుతున్న సంభాషణ ఏమిటీ? ఆ యువతి ఎందుకలా ఎస్సైని కొట్టింది? ఏ పోలీస్ స్టేషన్ పరిధిలో జరిగిందనే వివరాలు మాత్రం ఇంకా తెలియరాలేదు.

'బేటీ బచావో' ఐడియా కేంద్రానిది కాదు.. నాది!

27/06/2016: ఉదయ్ పూర్: దేశంలో అమ్మాయిల సంఖ్యను పెంచేందుకు, ప్రతి ఒక్కరికీ చదువుకునే అవకాశం కల్పించాలని ప్రారంభించిన 'బేటీ బచావో బేటీ పడావో' పథకం టైటిల్ తనదని, కేంద్రం తన అనుమతి లేకుండా దాన్ని ఉపయోగించుకుంటోందని ఓ మహిళా పోలీసు ఆరోపించారు. సమాచార హక్కు చట్టం(ఆర్టీఐ) కింద కేంద్రానికి ఈ టైటిల్ ఎలా వచ్చిందో తెలుసుకునేందుకు దరఖాస్తు చేసుకున్నట్లు ఉదయ్ పూర్ పోలీస్ స్టేషన్ స్టేషన్ హౌస్ ఆఫీసర్ గా పనిచేస్తున్న చేతన భాతి తెలిపారు. ఆర్టీఐ ఇచ్చిన వివరాలు సంతృప్తికరంగా లేవని, అందుకే ఈ విషయంపై ప్రధానికి లేఖ రాసినట్లు చెప్పారు. 'బేటీ బచావో బేటీ పడావో' టైటిల్ తన క్రియేటివిటీ అని, తనను టైటిల్ రూపకర్తగా గుర్తించాలంటూ లేఖలో రాసినట్లు వివరించారు. చరిత్ర, ఇంగ్లీష్ లలో పీజీ పూర్తిచేసిన భాతి మొదట్లో ప్రభుత్వ పాఠశాలలో టీచర్ గా పనిచేసేవారు. ఆ తర్వాత పోలీసు ఉద్యోగం మీద ఆసక్తితో టీచర్ ఉద్యోగానికి రాజీనామా చేసి 20ఏళ్ల క్రితం పోలీసు ఉద్యోగంలో చేరారు. 1999లో తొలిసారి 'బేటీ బచావో బేటీ పడావో'ను పొయెట్రీకి వాడానని, ఆ తర్వాత 2005లో ఓ కార్యక్రమంలో చెప్పినట్లు ఆమె తెలిపారు. పబ్లిసిటీ కోసమో, డబ్బు కోసమో ఈ పని చేయడం లేదని అన్నారు. మహిళా శిశు సంక్షేమ శాఖ, స్కూల్ ఎడ్యుకేషన్ అండ్ లిటరసీలకు పంపిన ఆర్టీఐ సమాధానాలు సరిగా లేవని చెప్పారు. బాలికల సంరక్షణ, అబార్షన్లపై తాను కొన్ని రచనలు చేశానని, రాష్ట్రంలో బాలికల సంరక్షణకు సంబంధించి కొన్ని పోస్టర్లను తయారుచేసి 2002లో అప్పటి ముఖ్యమంత్రి అశోక్ గెహ్లాట్ కు మెయిల్ కూడా చేశానని, కానీ వాటికి ఎలాంటి సమాధానం రాలేదని చెప్పారు. ప్రధానమంత్రి తన వినతిని పరిశీలించి సమాధానం ఇస్తారని భావిస్తున్నట్లు చెప్పారు. కాగా, ప్రధానమంత్రి నరేంద్రమోదీ 2015లో దేశంలో తగ్గిపోతున్న బాలికల సంఖ్యను పెంచేందుకు 'బేటీ బచావో బేటీ పడావో' పథకాన్ని హర్యానాలో ప్రారంభించారు.

ట్రంప్ మీద హిల్లరీదే పై చేయి

27/06/2016: వాషింగ్టన్ : అమెరికా అధ్యక్ష పదవికి ఎవరెవరు పోటీ పడతారో తెలిసిపోయింది. ఇక ఇద్దరిలో ఎవరిది పైచేయి అనే విషయాన్ని నిర్ణయించడానికి చేసిన సర్వేలలో.. డోనాల్డ్ ‍ట్రంప్ కంటే హిల్లరీ క్లింటన్దే పైచేయి అని తేలింది. వాషింగ్టన్ పోస్ట్ - ఏబీసీ న్యూస్ సంయుక్తంగా నిర్వహించిన సర్వేలో డెమొక్రాట్ అభ్యర్థి హిల్లరీకి.. రిపబ్లికన్ అభ్యర్థి డోనాల్డ్ ట్రంప్ కంటే 12 పాయింట్ల ఆధిక్యం కనపడింది. ఈరోజుకు ఈరోజే అధ్యక్ష ఎన్నికలు నిర్వహిస్తే.. తాము హిల్లరీకి ఓటేస్తామని 51 శాతం మంది చెప్పగా, ట్రంప్ తరఫున ఉన్నవాళ్లు 39 శాతం మందేనని తేలింది. ఇక వాల్స్ట్రీట్ జర్నల్ - ఎన్బీసీ న్యూస్ నిర్వహించిన పోల్లో ఇంత ఎక్కువ తేడా లేకపోయినా, అక్కడ కూడా హిల్లరీ క్లింటన్కే ఆధిక్యం దక్కింది. హిల్లరీకి 46 శాతం, ట్రంప్కు 41 శాతం మంది మద‍్దతు కనిపించింది. ఇదే పరిస్థితి చివరి వరకు కొనసాగితే మాత్రం.. వివాదాస్పద వ్యాఖ్యలతో అంతర్జాతీయంగా అందరి దృష్టిని ఆకర్షించిన డోనాల్డ్ ట్రంప్ వైట్ హౌస్ లోకి వెళ్లడం కష్టమేనని విశ్లేషకులు అంటున్నారు. ఇటీవలే ఆయన తన పార్టీ ప్రచార మేనేజర్ను కూడా తొలగించారు. నిధుల సేకరణలో కూడా ట్రంప్ కంటే హిల్లరీ చాలా ముందున్నారు. ఆర్లాండోలోని గే నైట్ క్లబ్బులో కాల్పులు జరిగిన తర్వాత కాల్పులు జరిపిన వ్యక్తిని అభినందిస్తూ ట్రంప్ ట్వీట్ చేయడం కూడా పలువురికి అసంతృప్తి కలిగించింది. ముస్లింలు అమెరికాలోకి రాకుండా అడ్డుకోవాలని కూడా ట్రంప్ పదేపదే చెబుతున్నారు. ట్రంప్ ఇలాంటి తప్పులు చాలా చేశారని, గత కొన్నివారాలుగా ఇలా చేయడం వల్లే వెనకబడ్డారని రిపబ్లికన్ పార్టీ నాయకుడు మిచ్ మెక్ కానెల్ అన్నారు. అయితే ఇంకా నవంబర్ వరకు చాలా సమయం ఉందని, అప్పటికి పరిస్థితులు మారొచ్చని ఆశాభావం వ్యక్తం చేశారు.

మోదీ విఫలమయ్యారు - కేజ్రీవాల్‌

25/06/2016: దిల్లీ: ప్రధాని నరేంద్ర మోదీపై దిల్లీ సీఎం కేజ్రీవాల్‌ మరోసారి విమర్శలు చేశారు. విదేశీ విధానంలో మోదీ పూర్తిగా విఫలమయ్యారని అన్నారు. న్యూక్లియర్‌ సప్లయర్‌ గ్రూప్‌(ఎన్‌ఎస్‌జీ)లో భారత్‌ చేరే అంశంపై నిన్నటి సియోల్‌ సమావేశంలోనూ ఎలాంటి స్పష్టత రాకపోవడంతో కేజ్రీవాల్‌ మోదీపై విమర్శలు చేశారు. మోదీ విదేశీ పర్యటనలకెళ్లి ఏం చేశారని ప్రశ్నించారు. ఎన్‌ఎస్‌జీలో భారత్‌ సభ్యత్వానికి మొదట స్విట్జర్లాండ్‌ మద్దతిస్తున్నట్లు తెలిపి తర్వాత మాట మార్చడంపై కేజ్రీవాల్‌ ఈ విధంగా స్పందించారు. ఇటీవల మోదీ విదేశీ పర్యటనలో స్విట్జర్లాండ్‌ వెళ్లినప్పుడు ఆ దేశాధ్యక్షుడు ఎన్‌ఎస్‌జీలో భారత్‌ సభ్యత్వం ఇచ్చేందుకు అంగీకరించారు. కానీ ఎన్‌ఎస్‌జీ ప్లీనరీ సమావేశంలో మద్దతు ఇవ్వలేదు. దీంతో కొద్ది రోజుల క్రితం మోదీ స్విట్జర్లాండ్‌కు ఎందుకెళ్లినట్లు అని కేజ్రీవాల్‌ ప్రశ్నించారు.

బ్రెగ్జిట్ ఎఫెక్ట్ - సాఫ్ట్వేర్ పరిశ్రమకు ముప్పు?

25/06/2016: లండన్ : యూరోపియన్ యూనియన్ నుంచి విడిపోవాలన్న బ్రిటన్ నిర్ణయం అక్కడ ఉంటున్న భారతీయుల ఉద్యోగాలకు ఎసరు తెస్తుందేమోనన్న భయాలు నెలకొన్నాయి. దాంతోపాటు భారతీయ ఐటీ కంపెనీలకు కూడా కొంతవరకు ముప్పు తప్పదని అంటున్నారు. యూరోపియన్ దేశాల నుంచి బ్రిటన్లోకి వలసలు ఎక్కువయ్యాయన్న ఆందోళనే ‘బ్రెగ్జిట్’ నిర్ణయానికి ప్రధాన కారణం అన్న విషయం తెలిసిందే. అయితే, ఇదే కారణంతో అక్కడున్న భారతీయులకు సైతం ముప్పు లేకపోలేదన్న వాదనలు వినిపిస్తున్నాయి. తమిళనాడుకు చెందిన లోకనాథన్ గణేశన్ యూకేలో ఫ్రీలాన్స్ జర్నలిస్టుగా పనిచేస్తున్నారు. తన కంపెనీ ప్రధాన కార్యాలయం జర్మనీలో ఉండటంతో.. ఇప్పుడు తన ఉద్యోగం ఏమవుతుందో తెలియట్లేదని భయపడుతున్నారు. 2015లో ‍బ్రిటిష్ వనితను పెళ్లాడి ఆయన బ్రిటన్కు వచ్చేశారు. సాఫ్ట్వేర్ ఉద్యోగుల పరిస్థితి కూడా చాలా కష్టంగానే ఉందని, పరిస్థితి ఇంతకుముందులా లేదని లీడ్స్ ప్రాంతంలో ఉండే గణేశన్ చెప్పారు. యూకేకు వలస రావాలన్న ఆశలు ఇక వదులుకోవాల్సిందేనని తెలిపారు. యూరప్, బ్రిటన్లలో ప్రధాన కార్యాలయాలు ఉన్న ఐటీ కంపెనీల మీద కూడా బ్రెగ్జిట్ ప్రభావం గట్టిగానే ఉంటుందని అంటున్నారు. ఉద్యోగాల విషయంలో అనిశ్చితి తప్పదని, యూకేలో తమ కార్యకలాపాలను మూసేసుకోవాలని ఇప్పటికే కొన్ని ఆర్థిక సంస్థలు భావిస్తున్నాయని తృప్తి పటేల్ అనే సాఫ్ట్వేర్ వాలిడేషన్ మేనేజర్ చెప్పారు. భారతదేశ ఐటీ ఎగుమతులలో 17 శాతం వరకు బ్రిటన్కే వెళ్తాయి. దాని విలువ దాదాపు రూ. 6.70 లక్షల కోట్లు!! ఇప్పుడు అక్కడి కంపెనీల కార్యకలాపాలు ఆగిపోతే.. మన సాఫ్ట్వేర్ పరిశ్రమ కూడా ఇబ్బంది పడక తప్పదని అంటున్నారు.

భార్య, ప్రియుడిని నగ్నంగా ఊరేగించి..

25/06/2016: ఉదయ్పూర్: రాజస్థాన్లోని ఉదయ్పూర్ జిల్లాలో దుశ్శాసనపర్వం చోటుచేసుకుంది. భర్తను వదిలి ప్రియుడితో పారిపోయిన మహిళను దారుణంగా అవమానించారు. భర్త, ఆయన కుటుంబ సభ‍్యులు, గామస్తులు కలసి.. గిరిజన తెగకు చెందిన ఆ యువతిని, ప్రియుడిని పట్టుకుని వచ్చి నగ్నంగా ఊరేగించారు. ఆ తర్వాత ఇద్దరినీ అలాగే రెండు రోజుల పాటు కట్టేసి చిత్ర హింసలు పెట్టారు. కొందరు యువకులు వారి ఫొటోలను తీసి సోషల్ మీడియాలో పోస్ట్ చేశారు. కసోటియా గ్రామంలో గత సోమవారం ఈ దారుణం జరిగింది. ప్రభుత్వ కార్యాలయం, స్కూలుకు సమీపంలోనే ఈ సంఘటన జరిగింది. స్కూలు టీచర్లు, వైద్య సిబ్బంది ఈ దృశ్యాలను చూసినా ఎవరూ అధికారులకు ఫిర్యాదు చేయలేదు. యువతి ప్రియుడు లాలూరామ్ కుటుంబ సభ్యులు గ్రామస్తులకు 80 వేల రూపాయలు చెల్లించడంతో రెండు రోజుల తర్వాత అతణ్ని విడిచిపెట్టారు. ఈ విషయం పోలీసుల దృష్టికి వచ్చాక శుక్రవారం బాధిత మహిళను రక్షించారు. మహిళ భర్త, ముగ్గురు మహిళలతో సహా 13 మందిపై కేసు నమోదు చేసి అరెస్ట్ చేశారు. ఆ గ్రామ పట్వారీని జిల్లా ఉన్నతాధికారులు సస్పెండ్ చేశారు. వివరణ ఇవ్వాల్సిందిగా టీచర్లను, వైద్య సిబ్బందిని ఆదేశించారు. ఉదయ్పూర్ ఎస్పీ రాజేంద్ర ప్రసాద్ గోయల్ గ్రామంలో పోలీసు క‍్యాంపు ఏర్పాటు చేశారు.

భారత్‌కు ప్రధాన అడ్డంకిగా మారిన చైనా!

24/06/2016: సియోల్: అణు సరఫరాదారుల బృందం (ఎన్‌ఎస్జీ)లో భారత్‌కు సభ్యత్వం విషయంలో భారత్కు చైనా ప్రధాన అడ్డంకిగా మారింది. 48 దేశాల అణుసరఫరాదారుల బృందంలో ఒకటి రెండు దేశాలు మినహా మిగతా దేశాలన్ని భారత్కు అనుకూలంగా తమ అభిప్రాయాలు వ్యక్తం చేసిట్లు సమాచారం. అయితే చైనా మాత్రం నాన్-ప్రొలిఫరేషన్ ట్రిటీ(ఎన్పీటీ)పై సంతకాలు చేసిన దేశాలకు మాత్రమే ఎన్ఎస్జీలో సభ్యత్వం కలిపించాలనే వాదనను వినిపిస్తూ భారత్కు వ్యతిరేకంగా వ్యవహరిస్తోంది. ఇకపోతే ఎన్పీటీపై సంతకం చేయని మరో దేశం పాకిస్తాన్కు ఎన్ఎస్జీలో సభ్యత్వానికి చైనా సపోర్ట్ చేస్తుండటం విశేషం. ఎన్పీటీపై సంతకం చేయని పాక్కు కూడా ఎన్ఎస్జీలో సభ్యంత్వం కల్పించాలన్న చైనా వాదనను మెజారిటీ దేశాలు వ్యతిరేకిస్తున్నాయి. గతంలో భారత సభ్యత్వానికి అనుకూలం అని తెలిపిన స్విట్జర్లాండ్ కూడా శుక్రవారం..ఎన్పీటీపై సంతకం చేసిన దేశాలకే సభ్యత్వం కల్పించాలనే వాదనను వినిపిస్తుండటం కొంత ప్రతికూల అంశం.

నల్లధనం వెల్లడికి విస్తృతప్రచారం

24/06/2016: దిల్లీ: నల్లధనం వివరాల వెల్లడి కోసం ప్రభుత్వం కల్పించిన పథకానికి విస్తృత ప్రచారం కల్పించాలని ఆదాయపుపన్నుశాఖ అధికారులకు ‘ప్రత్యక్ష పన్నుల కేంద్ర బోర్డు’ (సీబీడీటీ) గురువారం ఆదేశాలు జారీ చేసింది. ఈ మేరకు క్లబ్బులు, సంపన్న మార్కెట్లు, అత్యాధునిక ఉత్పత్తుల షోరూంల వద్ద ‘ఆదాయం వెల్లడి పథకం-2016’ పోస్టర్లను ఏర్పాటు చేయాలని సూచించింది. స్థానిక ఉత్సవాలు, సామాజిక, సాంస్కృతిక కార్యక్రమాల్లోనూ ప్రచారం జరపాలని తెలిపింది. అదేసమయంలో నల్లధనం వెల్లడికి ముందుకొచ్చే వ్యక్తుల వివరాలను గోప్యంగా ఉంచాలని, ఎటువంటి ఇబ్బందులు లేని వాతావరణం కల్పించాలని పేర్కొంది. ఆ వ్యక్తులతో ఆదాయపుపన్ను (ఐటీ)శాఖ ముఖ్య కార్యదర్శి మాత్రమే మాట్లాడాలని స్పష్టంచేసింది. ‘‘నల్లధనం వివరాలను వెల్లడించటానికి ముందుకొచ్చే వ్యక్తులు పలువురు అధికారులను సంప్రదించాల్సి వస్తే వారి వ్యక్తిగతస్వేచ్ఛకు భంగం వాటిల్లే అవకాశం ఉంది’’ అని సీబీడీటీ తన ఆదేశాల్లో పేర్కొంది. ఈ వ్యవహారంలో అవసరమైన సహాయసహకారాలను అందించటం కోసం ఒక అధికారిని ప్రత్యేకంగా నియమించి, ఆదాయపుపన్నుశాఖ కార్యాలయంలో ఒక గదిని కేటాయించాలని తెలిపింది. ఆదాయం వెల్లడి పథకం పురోగతిని బుధవారం సమీక్షించిన అనంతరం రెవెన్యూశాఖ కార్యదర్శి హస్‌ముఖ్‌ అధియా ఐటీ అధికారులకు ఈ ఆదేశాలను జారీ చేశారని సంబంధితవర్గాలు వెల్లడించాయి. పథకాన్ని విజయవంతం చేయటానికి తీసుకునే చర్యలను అత్యున్నతస్థాయిలో పర్యవేక్షిస్తామని ఈ ఆదేశాల్లో పేర్కొన్నారు. ఆదాయపుపన్ను చెల్లింపుదారులతో ప్రత్యక్ష సంబంధాలుండే సీఏలు, వ్యాపార, వాణిజ్య సంఘాలు, న్యాయవాదసంఘాలు, వైద్యులసంఘాలతో ప్రత్యేక సమావేశాలను నిర్వహించాలని అధికారులకు సీబీడీటీ సూచించింది. కేంద్రప్రభుత్వం జూన్‌ 1న ప్రారంభించిన ఆదాయపుపన్ను పథకం ఈ ఏడాది సెప్టెంబర్‌ 30 వరకూ అమల్లో ఉంటుంది. దీనికింద పన్ను, జరిమానా కలిపి మొత్తం 45 శాతం చెల్లించి నల్లధనాన్ని తెల్లధనంగా మార్చుకోవచ్చు.

యువతిని చూస్తున్నాడని కత్తిపోట్లు

23/06/2016: హసన్: బస్టాప్‌లో యువతిని అదే పనిగా చూస్తున్నాడని ఓ యువకుడిని కొందరు చిత క్కొట్టారు. కత్తితో పొడిచారు. పక్కనున్న వారు సాయం చేయకపోగా జరుగుతున్న దాడిని తమ సెల్‌ఫోన్‌లలో చిత్రీకరించారు. మంగళవారం కర్నాటక రాజధాని బెంగళూరుకు 185 కి.మీ. దూరంలోని హసన్‌లో ఈ దారుణం జరిగింది. దనుష్ అనే వ్యక్తి బస్టాండ్‌లో ఓ యువతిని చూస్తుండగా పక్కనున్న ఇద్దరు అతనితో గొడవకు దిగారు. సాయం కోసం ధనుష్ తన సోదరుడు, మరో ఇద్దరు స్నేహితులను పిలిచాడు. రెండు వర్గాల మధ్య గొడవ పెద్దదైంది. తన స్నేహితులు మినహా ఇతరులు అడ్డుకోకపోవడంతో ధనుష్‌పై 20 నిమిషాలు దాడి చేసి కత్తితో పొడిచారు.

నీళ్ల కోసం వెళ్తే తనపట్ల ఎమ్మెల్యే అసభ్యంగా ప్రవర్తించారంటూ కేసు

23/06/2016: న్యూఢిల్లీ : నీళ్ల కోసం వెళ్తే తనపట్ల అసభ్యంగా ప్రవర్తించారంటూ ఆమ్ ఆద్మీ పార్టీ ఎమ్మెల్యేపై ఓ మహిళ ఫిర్యాదు చేసింది. దినేష్ మోహనియా అనే ఈ ఎమ్మెల్యే కార్యాలయానికి వెళ్లినపుడు తనను గుర్తుపట్టేందుకు ఆయన నిరాకరించారని, నీళ్ల సమస్య కోసం అప్పటికే చాలా రోజుల నుంచి తాను ఆయన కార్యాలయానికి వెళ్తూనే ఉన్నానని బాధితురాలు చెప్పారు. నీళ్ల గురించి మరోసారి అడగగానే తనతో పాటు ఇతర మహిళలను నోటికొచ్చినట్లు తిట్టి, తోసేశారని ఆమె చెప్పారు. దినేష్ మోహనియాపై కేసు పెట్టి.. అతడిని అరెస్టు చేయాలని ఆమె డిమాండ్ చేశారు. ఆయన తమను తిట్టి, తోసేయడంతో తాము కూడా అలాగే చేశామని.. ఇక్కడకు తాము కొట్టించుకోడానికి వచ్చామా అని ప్రశ్నించారు. ఈ ప్రాంతంలో నీళ్ల సమస్య తీవ్రంగా ఉందని ఆమె వాపో యారు. దాన్ని పరిష్కరించుకోడానికే ఆయనను కలిశానన్నారు. అయితే, ఇదంతా తనను అప్రతిష్టపాలు చేసేందుకు జరిగిన కుట్ర అని ఎమ్మెల్యే దినేష్ మోహనియా వ్యాఖ్యానించారు. తనమీద ఫిర్యాదుచేసిన మహిళ ఇంతవరకు తన కార్యాలయానికి ఎప్పుడూ రాలేదని, అలా వచ్చినట్లు ఫొటో, వీడియో సాక్ష్యాలు ఏవీ లేవని ఆయన అన్నారు. నీళ్ల మాఫియాను తాము అణిచేయడంతో వాళ్లు తనమీద కక్షగట్టి ఇలా చేస్తున్నారని ఆరోపించారు.

'అమెరికానైనా ఢీకొడతాం'

23/06/2016: సియోల్: తాము జరిపిన రెండు మధ్యంతర మసుదాన్ అణుక్షిపణుల పరీక్షలు విజయవంతం అయ్యాయని ఉత్తర కొరియా అధ్యక్షుడు కిమ్ జాంగ్ ఉన్ అధికారికంగా ప్రకటించారు. ఈ క్షిపణులతో ఫసిపిక్ లోని అమెరికా స్థావరాలను ఢీకొట్టగలమని చెప్పారు. అంతకుముందు జరిపిన ఐదో పరీక్ష విఫలం అవడంతో కిమ్ జాంగ్ ప్రత్యక్ష ఆధ్వర్యంలో ఆరోసారి మసుదాన్ క్షిపణి పరీక్షలు నిర్వహించారు. అయితే, ఈ పరీక్షలు జరిపినట్లుగానీ, లక్ష్యాన్ని ఛేదించినట్లుగానీ పరీక్ష రోజున ఉత్తర కొరియా ప్రకటించలేదు. పరీక్ష పూర్తయిన మరుసటి రోజు మాత్రం అధ్యక్షుడే స్వయంగా ఈ విషయం వెల్లడించారు. నిన్న జరిపిన అణుక్షిపణుల పరీక్షలు గొప్ప కార్యక్రమాలని ప్రశంసించాడు. అణ్వాయుధాలతో కూడా తాము దాడి చేయగలమని మరోసారి వీటిద్వారా నిరూపితమైందని చెప్పారు. 2,500 కిలో మీటర్ల నుంచి 4,000 కిలో మీటర్ల వ్యవధిలో ఎక్కడి నుంచైనా దాడి చేయగలమని, అమెరికాను సైతం ఢీకొట్టగలమని చెప్పాడు.

ఐఎస్లో చేరేందుకు బస్సులో వెళుతుండగా..

22/06/2016: వాషింగ్టన్: అమెరికాలో ఓ పద్దెనిమిదేళ్ల యువకుడిని ఎఫ్బీఐ అరెస్టు చేసింది. ఉగ్రవాద సంస్థ ఇస్లామిక్ స్టేట్లో చేరేందుకు అతడిని ప్రయత్నిస్తున్న క్రమంలో అదుపులోకి తీసుకొని జైలుకు తరలించారు. అక్రమ్ ముస్లే అనే యువకుడు ఇస్లామిక్ స్టేట్ ప్రేరిత సాహిత్యం, ఇతర వస్తువులతో ఇండియానా పోలిస్ నుంచి న్యూయార్క్కు ఓ బస్సులో బయలు దేరాడు. ఇతడిని అనుమానించిన పోలీసులు తనిఖీలు చేయగా అతడు మొరాకో ద్వారా ఇస్లామిక్ స్టేట్ ప్రభావిత ప్రాంతంలోకి అడుగుపెట్టాలని నిర్ణయించుకున్నట్లు తెలిసింది. ఇస్లామిక్‌ స్టేట్కు మద్దతిచ్చేలా ఉన్న మెటీరియల్తో వెళుతుండగా అతడిని పథకం ప్రకారం అరెస్టు చేశారు. ఈ కేసులో అతడికి 20 ఏళ్ల జైలు శిక్ష పడనుంది. దాదాపు రెండు లక్షల యాభైవేల డాలర్ల ఫైన్ కూడా పడనుంది.

కృష్ణానదీ జలాల యాజమాన్య బోర్డు భేటీ

21/06/2016: న్యూఢిల్లీ: కృష్ణానదీ జలాల యాజమాన్య బోర్డు సమావేశం మంగళవారం ఉదయం ఢిల్లీలో ప్రారంభమైంది. ఈ సమావేశానికి కేంద్ర జలవనరుల శాఖ, ఏపీ, తెలంగాణ రాష్ట్రాల ఉన్నతాధికారులు హాజరయ్యారు. ప్రస్తుత సంవత్సరంలో నీటి వినియోగానికి సంబంధించి అనుసరించాల్సిన విధివిధానాలు, ముసాయిదాపై చర్చిస్తారు. తెలంగాణ ఇప్పటికే గతేడాది ముసాయిదాను కొనసాగించాలని కోరుతుంది. బేసిన్ ప్రాజెక్టులన్నింటినీ బోర్డు పరిధిలోకి తేవడంతోపాటు కొత్త ప్రాజెక్టులపై తేల్చాలని ఆంధ్రప్రదేశ్ గట్టిగా వాదించే అవకాశముంది. పోలవరం, పట్టిసీమ, మేడిగడ్డ ప్రాజెక్టులతో పాటు కొత్త ప్రాజెక్టుల ఏర్పాటుపై ఇరు రాష్ట్రాల అధికారులు కేంద్రంతో చర్చించనున్నారు.

అచ్చం పాత తెలుగు సినిమా హీరోలాగే!

21/06/2016: న్యూఢిల్లీ : ఇది అచ్చం పాత తెలుగు సినిమా హీరోలకు ఉన్నలాంటి కథ. హీరో తల్లికి తీవ్రంగా జబ్బు చేస్తుంది. చేతిలో చిల్లిగవ్వ కూడా ఉండదు. తప్పనిసరి పరిస్థితుల్లో తొలిసారి దొంగతనం చేస్తాడు. ఆ తర్వాత పెద్ద గజదొంగగా మారుతాడు. ఢిల్లీలో కూడా ఒక యువకుడు నిజంగానే ఇలాంటి పరిస్థితిలోనే దొంగగా మారాడు. తన యజమానుల ఇంట్లోంచి ఏకంగా రూ. 90 లక్షల విలువైన సొత్తు చోరీ చేశాడు. ఉత్తరప్రదేశ్ లోని బబ్రాల్ గ్రామంలో గల అతడి ఇంట్లో ఢిల్లీ పోలీసులు సోదాలు చేసినప్పుడు.. అతడు అనారోగ్యంతో బాధపడుతున్న తన తల్లి పక్కనే కూర్చుని ఉన్నాడు. అతడిపక్కనే రూ. 90 లక్షల విలువైన బంగారు నగల బ్యాగ్ ఉంది. అతడి పేరు బ్రిజేష్. దక్షిణ ఢిల్లీలోని వసంత విహార్ ప్రాంతంలో ఈనెల 8వ తేదీన తన యజమాని ఇంట్లోంచి 11 డైమండ్ నక్లెస్ లు, 8 డైమండ్ గాజులు, 24 బంగారు చెవిరింగులు, 20 ఉంగరాలు, రూ. 20వేల నగదు తీసుకుని పారిపోయాడు. 16వ తేదీన ఆ ఇంటి యజమానురాలు నమ్రతాకుమారి యూరప్ నుంచి తిరిగి వచ్చేసరికి ఇంట్లో నగలు లేని విషయాన్ని గుర్తించి పోలీసులకు బ్రిజేష్ మీద అనుమానంతో ఫిర్యాదుచేశారు. గతంలో ఇంట్లో పనిచేసిన అతడిని, అతడి పనితీరు నచ్చక ఆమె తీసేశారు. కానీ, ఆమె దేశంలో లేని సమయంలో జూన్ 7 నుంచి 9 వరకు అతడు అక్కడే పనిచేసినట్లు తెలిసింది. దాంతో అతడిమీదే అనుమానం వచ్చింది. సరిగ్గా అతడి తల్లి అనారోగ్యం బారిన పడిన సమయంలోనే ఉద్యోగం కూడా పోయింది. దాంతో డబ్బులు బాగా అవసరమై, తప్పనిసరి పరిస్థితుల్లో అతడు దొంగగా మారాడు. చాలా ఏళ్ల క్రితమే తండ్రి చనిపోవడం, ఇద్దరు తమ్ముళ్లను పెంచే బాధ్యత కూడా అతడిమీదే ఉండటంతో 2015లో ఢిల్లీకి వచ్చి ఇళ్లలో పనిచేయడం మొదలుపెట్టాడు. చివరకు ఇలా దొంగగా మిగిలాడు.

బళ్లలో బాహుబలి! - 320 చక్రాలతో యంత్ర సామగ్రి తరలింపు

20/06/2016: కొత్తూరు(అనకాపల్లి): జాతీయ రహదారిపై ఆదివారం 320 చక్రాల భారీ వాహనం పెద్ద యంత్ర పరికరాలతో తరలివెళ్లింది. కోల్‌కతా నుంచి చెన్నై వెళ్తున్న ఈ 320 చక్రాల భారీ వాహనానికి వెనుక ఏర్పాటు చేసిన మరో మెగా ట్రాలీ సాయంతో తోసుకుంటూ వెళ్లారు. జాతీయ రహదారి అంతా సరిపడే విధంగా వెడల్పు, విద్యుత్తు వైర్లు తగిలే స్థాయిలో ఎత్తు ఉండటంతో ఎటువంటి ఇబ్బందులు కలగకుండా మరో నాలుగు వాహనాల్లో సిబ్బంది రక్షణ చర్యలు తీసుకుంటూ వాహనాన్ని తీసుకువెళ్లారు. వాహనానికి చుట్టూ సుమారు 50 మంది రక్షణ సిబ్బందిని ఏర్పాటు చేశారు. అయినప్పటికీ వాహనం వెళ్లే మార్గంలో ఎక్కడిక్కడ ట్రాఫిక్‌ స్తంభించింది. దీనిని సరిచేయడానికి వెనుక జాతీయ రహదారుల నిర్వహణ వాహనాలూ తరలివెళ్లాయి. ముందెన్నడూ ఈ మార్గంలో ప్రయాణించని స్థాయిలో ఉన్న వాహనం, పైన భారీ యంత్ర సామగ్రి ఉండటంతో జాతీయ రహదారి మీదుగా వెళ్లే వారంతా ఆశ్చర్యంగా దీనిని తిలకించారు. అయితే వాహనం వెనుక వెళ్లే వాహనాల వారు మాత్రం తప్పించడానికి అవకాశం లేక ఇబ్బందులు పడ్డారు. ఈ భారీ వాహనాన్ని అక్కడక్కడ పక్కకు నిలిపి మిగిలిన వాహనాలకు దారి ఇవ్వడంతో వారంతా తప్పించుకు వెళ్లారు.

కూతురికి గుండు చేసి.. ముఖానికి నల్లరంగు పూసి..

20/06/2016: లాహోర్ : అప్పటికే పెళ్లయిన తమ కూతురు ఎవరితోనో లేచిపోయిందని.. ఆమెకు గుండు గీయించి ముఖానికి నల్లరంగు పూసి.. గ్రామ వీధుల్లో ఊరేగించారు ఆమె తల్లిదండ్రులు. పాకిస్తాన్‌లోని పంజాబ్ రాష్ట్రంలో ఈ ఘోరం జరిగింది. వేరే గ్రామానికి చెందిన వ్యక్తిని ప్రేమించి, అతడితో వెళ్లిపోయి పెళ్లి చేసుకున్న యువతి.. వారం రోజుల తర్వాత మళ్లీ తిరిగి వచ్చింది. దాంతో ఆమె తండ్రి, భర్త, సవతి తల్లి కలిసి ఆమెను చిత్రహింసలు పెట్టి, తర్వాత పంచాయతీ వద్ద హాజరుపరిచారు. కుటుంబానికి పరువునష్టం కలిగించినందుకు ఆమెకు ఈ శిక్ష విధించాలని పంచాయతీ పెద్దలు తీర్పు చెప్పారు. దాంతో ఆమె తల్లిదండ్రులు ఆమెకు గుండు గీయించి, ముఖానికి నల్లరంగు పూసి గ్రామంలో ఊరేగించారు. ఈ ఘటనలో యువతి కుటుంబానికి చెందిన 10 మందిపై కేసు నమోదు చేసినట్లు సీనియర్ పోలీసు అధికారి ఎహసాన్ సాదిక్ తెలిపారు. పాకిస్థాన్‌లోని పంజాబ్ రాష్ట్రంలో పరువు హత్యల లాంటివి చాలా ఎక్కువగా జరుగుతుంటాయి. కుటుంబ సభ్యుల ఇష్టానికి వ్యతిరేకంగా పెళ్లి చేసుకున్నారని ఇద్దరు గర్భిణులను గత వారం దారుణంగా హతమార్చారు.

తప్పుగా కాదు...కావాలనే అలా రాశా..

18/06/2016: గుజరాత్: 'ఏనుగు' ఓ మంత్రిగారిని విమర్శలపాలు చేసింది. ఇంతకీ మంత్రివర్యులు చేసిన తప్పేంటనుకున్నారా? ఇంగ్లీష్లో ఏనుగు స్పెల్లింగ్ తప్పుగా రాయటమే. దీంతో అయ్యగారి పరిజ్ఞానానికి సోషల్ మీడియాలో విమర్శలు వెల్లువెత్తుతున్నాయి. ఈ ఘటన గుజరాత్లో చోటుచేసుకుంది. వివరాల్లోకి వెళితే గుజరాత్‌ ప్రభుత్వం చేపట్టిన శాల ప్రవేశోత్సవ్‌ కార్యక్రమంలో భాగంగా ప్రజారోగ్యం, పట్టణాభివృద్ధి, రవాణా శాఖ మంత్రి శంకర్ చౌదరి దీసలోని ఓ ప్రభుత్వ పాఠశాలను సందర్శించారు. ఈ సందర్భంగా విద్యార్థుల ఐక్యూను తెలుసుకునేందుకు ఎలిఫెంట్ స్పెల్లింగ్ను బ్లాక్బోర్డుపై రాశారు. అంతవరకూ బాగానే ఉంది. అయితే ఆయన ELEPHANTకు బదులు ELEPHENT అని రాశాడు. 'A' బదులు 'E' రాశారు. అది కాస్తా సోషల్ మీడియాలో షేర్ అయింది. దీంతో మంత్రి పరిజ్ఞానంపై ట్విట్టర్, ఫేస్బుక్లో ఓ రేంజ్లో జోక్లు పేలడంతో పాటు విమర్శలు వెల్లువెత్తాయి. ఆ విమర్శలపై స్పందించిని మంత్రి శంకర్ చౌదరీ... తప్పు ఒప్పుకోకపోగా పైపెచ్చు పిల్లల పరిజ్ఞానం తెలుసుకునేందుకే స్పెల్లింగ్ తప్పుగా రాసినట్లు చెప్పుకొచ్చారు. కాగా ఎంబీఏ చదివిన శంకర్ చౌదరి ఎలిఫెంట్ స్పెల్లింగ్ తప్పు రాయడాన్ని పలువురు విమర్శిస్తున్నారు. కాగా రాన్‌ధాన్‌పూర్ నియోజకవర్గం నుంచి బీజేపీ తరపున ఎన్నికైన శంకర్ చౌదరి నకిలీ ఎంబీఏ సర్టిఫికెట్ కలిగి ఉన్నారని గుజరాత్ హైకోర్టులో పిటిషన్ దాఖలైన విషయం తెలిసిందే. ఇక 2012లోనూ శంకర్ చౌదరిపై గుజరాత్ అసెంబ్లీలో ఐపాడ్లో అశ్లీల దృశ్యాలు చూశారనే ఆరోపణలు వచ్చాయి. అయితే విచారణ అనంతరం మంత్రి ఐపాడ్లో ఎలాంటి అభ్యంతరకర దృశ్యాలు లేవని ఫోరెన్సిక్ ల్యాబ్ తేల్చింది.

మరికొద్ది రోజుల్లో మరణమృదంగం!

18/06/2016: న్యూఢిల్లీ: కాలచక్రం గతితప్పిందా? మనిషి మనుగడ ప్రమాదంలో పడిందా? సమయానికి ప్రకృతి సహకారం లభించకపోవడం దేనికి సంకేతం? రావాల్సిన 'అచ్ఛే దిన్'.. మనుషులు చచ్చాక వస్తే ఫలితం ఉంటుందా? శాస్త్రవేత్తల అంచనాలను తలకిందులు చేస్తూ, జనంపై కరుణ చూపకుండా, ముఖం చాటేస్తున్న నైరుతి రుతుపవనాల రాక ఇంకెప్పుడు? అవి రాకుంటే, వర్షం కురవకుంటే మరో నాలుగైదు రోజుల్లో దేశవ్యాప్తంగా క్లిష్టపరిస్థితులు ఖాయంగా కనిపిస్తోంది. సాగు సంగతి పక్కనపెడితే, కనీసం తాగునీరైనా దొరకని పరిస్తితి తలెత్తనుంది. దేశంలోని 91 భారీ నీటి ప్రాజెక్టుల్లో నీటి నిలువలు అడుగంటిపోయాయంటూ కేంద్ర జలమండలి(సీడబ్ల్యూసీ) శుక్రవారం విడుదల చేసిన నివేదిక మున్ముందు మోగబోయే మరణమృదంగానికి సూచికలా ఉంది. సీడబ్ల్యూసీ నిర్వహిస్తోన్న 91 భారీ నీటి ప్రాజెక్టుల్లో నీటి లభ్యత జూన్ 16 నాటికి 15 శాతానికి పడిపోయింది. రిజర్వాయర్లలో నీటి నిల్వలు 26.81 బిలియన్ క్యూబిక్ మీటర్ల (బీసీఎం) నుంచి 23.78 బీసీఎంలకు పడిపోయింది. మరో నాలుగైదు రోజుల్లో నైరుతి రుతుపవనాలు వర్షాలు కురిపించకుంటే దేశం దుర్భిక్షపుటంచుల్లోపడే ప్రమాదం ఉందని సీడబ్ల్యూసీ నివేదిక పేర్కొంది. దేశంలోని మిగతా ప్రాంతాలతో పోల్చుకుంటే దక్షిణాదిన నీటి సమస్య తీవ్రంగా ఉందని తెలిపింది. ఐదు దక్షిణాది రాష్ట్రాల్లో సీడబ్ల్యూసీ నిర్వహిస్తోన్న 31 ప్రాజెక్టుల్లో జూన్ 16 నాటికి నీటి నిల్వలు 4.86 బీసీఎంలు (9శాతం నీటి లభ్యత) మాత్రమే ఉండటం శోచనీయం. ఇప్పటికే భారత భూభాగంలోకి ప్రవేశించిన నైరుతి రుతుపవనాలు మదగమనంతో సాగుతుండటంతో వర్షాలు అంతకంతకూ ఆలస్యం అవుతున్నాయి. ఈ కారణంగా గత ఏడాదితో పోల్చుకుంటే 2016 సంవత్సరంలో ఖరీఫ్ సాగు 10 శాతం తగ్గిపోనుదని సీడబ్ల్యూసీ నివేదిక చెప్పింది. సాగుకు వినియోగంగా ఉన్న 93.63 లక్షల హెక్టార్లలో ఈ ఏడాదికిగానూ కేవలం 84.21 లక్షల హెక్టార్లలోనే రైతులు పనులు మొదలుపెట్టినట్లు పేర్కొంది. 2014లో 12 శాతం, 2015లో 14 శాతం లోటు వర్షం కురిసినట్లే ఈ ఏడాది కూడా వర్షాలు తక్కువగా కురిసే అవకాశాలున్నట్లు నివేదికనుబట్టి తెలుస్తోంది. నీటి నిలువలు తగ్గిపోవడంతో ఇప్పటికే కొండెక్కి కూర్చున్న కాయగూరలు, పప్పుదినుసుల ధరలు.. వర్షాలు కురవకపోతే ఇంకా పైపైకి వెళతాయి. అదే జరిగితే దేశంలోని 40 కోట్ల మంది పేదల జీవితాలు అగమ్యగోచరంగా మారే ప్రమాదం ఉంది!

హెయిర్ కటింగ్ కు లక్ష రూపాయలా?

17/06/2016: జెరూసలెం: ఇజ్రాయిల్ ప్రధాని బెంజమిన్ నెతన్యాహూ క్షవరం కోసం అక్షరాలా లక్ష రూపాయలు ఖర్చు చేశారు. బట్టల ఇస్త్రీకి రూ. 15 వేలు, భోజనానికి రూ. 1.25 లక్షలు, ఫర్నీచర్ కోసం రూ. 13 లక్షలు వెచ్చించారు. ఇదంతా ఆయన సొంత సొమ్మనుకుంటే పొరబడినట్టే. ఐక్యరాజ్యసమతి సమావేశాలకు హాజరయ్యేందుకు ఆరు రోజుల పాటు న్యూయార్క్ లో ఉన్న నెతన్యాహూకు అయిన ఖర్చు రూ. 4 కోట్లు. ఆర్టీఐ పిటిషన్ లో ఈ వివరాలు వెలుగు చూశాయి. సచార్ బెన్ మీర్ అనే న్యాయవాది.. నెతన్యాహూ కార్యాలయం, విదేశాంగ శాఖ నుంచి ఈ వివరాలు సేకరించారు. ప్రధాని అమెరికా పర్యటన వ్యయం వివరాల గురించి గత అక్టోబర్ లో నెతన్యాహూ కార్యాలయంను కోరాగా, విదేశాంగ శాఖకు రిఫర్ చేసిందని సచార్ తెలిపారు. మూడు నెలలు వేచి చూడాలని చెప్పడంతో జెరూసలెం కోర్టును ఆశ్రయించినట్టు చెప్పారు. 'ఇది ప్రజాధనం.. అంటే నా డబ్బు. దీన్ని ఎలా ఖర్చు పెడుతున్నారో తెలుసుకునే హక్కు నాకు ఉంది. సామాన్యుల గురించి పట్టించుకోకుండా నెతన్యాహూ, ఆయన భార్య సారా విలాస జీవితం గడుపుతున్నార'ని సచార్ పేర్కొన్నారు. దీనిపై మాట్లాడేందుకు నెతన్యాహూ ప్రతినిధి నిరాకరించారు.

బ్యూటిఫుల్ బాయ్స్ తో పోలీసులకు ఎర

17/06/2016: తరిన్ కోట్: అఫ్ఘనిస్థాన్‌లో పోలీసులపై దాడులకు తాలిబన్ ఉగ్రవాద సంస్థ నీచమైన కార్యక్రమాలకు ఒడిగడుతోందని తాజాగా వెల్లడైంది. దక్షిణ అఫ్ఘనిస్థాన్‌లో ఉరుజ్గాన్ ప్రాంతంలోని పోలీసులను లైంగికపరంగా ఆకర్షించి వారిని చంపడానికి అందమైన బాలురను ఎరగా వినియోగిస్తోంది. అందమైన, గడ్డంలేని బాలురను పోలీసుల ఇలాకాల్లోకి పంపించిన తర్వాత అక్కడి అధికారులు, సిబ్బందిపై విష ప్రయోగం లేదా ఇతర రకాల దాడులు చేయిస్తోంది. ఈ ఏడాది జనవరి నుంచి ఏప్రిల్ వరకూ జరిగిన ఇలాంటి దాడుల్లో వందలాది పోలీసులు మృత్యువాత పడ్డారని అధికారులు తెలిపారు. పోలీసులకు ఉన్న బలహీనతని తాలిబన్ కనిపెట్టి ఈ దాడులు చేయిస్తోందని పోలీస్ అధికారి ఒకరు చెప్పారు. లైంగిక బానిస (బచ్చా బాజీ)గా వచ్చిన ఒక అబ్బాయి ఏడుగురు పోలీసులపై కాల్పులు జరిపి చంపడం తాను చూశానని మటిఉల్లా అనే జవాను తెలిపాడు.

వైద్యుల పదవీ విరమణ వయసు పెంపు

16/06/2016: దిల్లీ: కేంద్ర ఆరోగ్య సేవల్లో ఉన్న వైద్యుల పదవీ విరమణ వయసును ఇప్పుడున్న 62 ఏళ్ల నుంచి 65 ఏళ్లకు పెంచారు. ఈ ప్రతిపాదనకు కేంద్ర మంత్రిమండలి బుధవారం నాటి సమావేశంలో ఆమోదం తెలిపింది. బోధనేతర, ప్రజారోగ్య నిపుణులకు, జనరల్‌ డ్యూటీ వైద్యాధికారులకు ఇది వర్తిస్తుంది. ఆసుపత్రుల్లో రోగుల సేవలకు, వైద్య కళాశాలల్లో విద్యాపరమైన కార్యకలాపాలకు ఈ నిర్ణయం ఉపయోగపడుతుందని కేంద్ర మంత్రి రవిశంకర్‌ ప్రసాద్‌ చెప్పారు. అంతర్జాతీయ ఒప్పందాలకు ఆమోదం సాధారణ కార్మికుల నియామకాల కోసం భారత్‌-సౌదీ అరేబియా మధ్య కుదిరిన కార్మిక సహకార ఒప్పందాన్ని కేబినెట్‌ ఆమోదించింది. దీంతో భారత్‌ నుంచి వెళ్లిన కార్మికులకు.. ముఖ్యంగా నైపుణ్యం లేని, కాస్త నైపుణ్యం ఉన్న, పూర్తి నైపుణ్యం ఉన్నవారికి కూడా ప్రయోజనం కలగనుంది. * అత్యంత విలువైన పాలీ మెటాలిక్‌ సల్ఫైడ్‌ల వెలికితీత నిమిత్తం అంతర్జాతీయ సముద్రగర్భ సంస్థ (ఐ.ఎస్‌.ఎ.)తో 15 ఏళ్ల కాలానికి ఒప్పందం కుదుర్చుకునేందుకు కేబినెట్‌ ఆమోదించింది. హిందూ మహాసముద్రంలో చైనా, కొరియా, జర్మనీలతో పాటు భారత్‌ తరఫునా కార్యకలాపాలకు ఇది వీలు కల్పిస్తుంది. * సులభంగా వ్యాపారం చేసుకునే వాతావరణాన్ని మెరుగుపరిచే లక్ష్యంతో రుణ వసూలు చట్టాలను సవరించే ప్రతిపాదనకు ఆమోదం లభించింది. మొండి బకాయిల సత్వర వసూలుకు ఇది దోహదపడుతుంది. * భారత్‌-కెనడాల మధ్య అంతరిక్ష సహకారానికి, భారత్‌-తైవాన్‌ల నడుమ వివిధ రంగాల్లో సహకారానికి సంబంధించి గతంలో కుదిరిన అవగాహన ఒప్పందాలను కేబినెట్‌ ఆమోదించింది.

నల్లధనంపై ముందడుగు - కేంద్ర ఆర్థికశాఖ అధికారులతో స్విట్జర్లాండ్‌ బృందం చర్చలు

16/06/2016: దిల్లీ: ప్రధానమంత్రి నరేంద్రమోదీ ఇటీవల స్విట్జర్లాండ్‌ పర్యటనలో ఆ దేశాధ్యక్షుడు జోహన్‌ ష్నీడెర్‌-అమ్మన్‌తో జరిపిన సమావేశం నేపథ్యంలో.. నల్లధనంపై ముందడుగు పడనుంది. స్విట్జర్లాండ్‌ బ్యాంకుల్లో నల్లధనాన్ని దాచి ఉంచిన భారతీయుల వివరాల కోసం ఒక భారతీయ అధికారుల బృందం త్వరలో ఆ దేశాన్ని సందర్శించనుంది. నల్లధనంపై సమాచారం దానంతటదే ఎప్పటికప్పుడు వెల్లడయ్యే (ఆటోమేటిక్‌ ఎక్స్‌ఛేంజ్‌ ఆఫ్‌ ఇన్ఫర్మేషన్‌ - ఏఈఓఐ) ఒప్పందంపైనా ఇరుదేశాలు కసరత్తు చేయనున్నాయి. ఈ ఒప్పందం 2018 నుంచి అమల్లోకి రానుంది. స్విట్జర్లాండ్‌ నుంచి వచ్చిన ఉన్నతాధికారుల బృందం కేంద్ర ఆర్థికశాఖ అధికారులతో దిల్లీలో బుధవారం సమావేశమైంది. పలు ద్వైపాక్షిక, పన్ను, ఆర్థిక అంశాలపై ఇరుపక్షాలు విస్తృతంగా చర్చలు జరిపాయి. ఈ సందర్భంగా స్విస్‌ బృందానికి నేతృత్వం వహించిన జాక్వెస్‌ డి వాట్‌విల్లె మాట్లాడుతూ.. స్విట్జర్లాండ్‌లో ఏఈఓఐ అమలుకు అవసరమైన చట్టపరమైన నిబంధనలున్నాయని, 2018 నుంచి మొదలయ్యే ఈ ప్రక్రియ వల్ల స్విట్జర్లాండ్‌లో బ్యాంకుఖాతాలున్న భారతీయుల వివరాలు ఎప్పటికప్పుడు భారత్‌కు తెలుస్తుంటాయని చెప్పారు. సమావేశానంతరం విడుదల చేసిన సంయుక్త ప్రకటనలో ఈ వివరాల్ని తెలియజేశారు. ఏఈఓఐ ఒప్పందానికి తుదిరూపు ఇవ్వటం కోసం ఇరుదేశాల ఆర్థికనిపుణులు సెప్టెంబర్‌లో భేటీ కానున్నట్లు పేర్కొన్నారు.

ఈ ‘విద్యార్థి’ మిమ్మల్ని రీఛార్జ్‌ చేస్తాడు

16/06/2016: చిన్నతనంలో ఆర్థిక సమస్యలు.. ఇతర సమస్యలతో బడి మానేసే వాళ్లు చాలా మంది ఉంటారు. ఆ తర్వాత పెళ్లి.. పిల్లలంటూ కుటుంబ బాధ్యతలు మీదపడి చదువుకు పూర్తిగా దూరమైపోతారు. జీవితంలో స్థిరపడ్డాక కూడా చదవాలనే ఆసక్తి ఉన్న వృద్ధులు కూడా తారసపడుతూనే ఉంటారు. వాళ్లకి చిన్నప్పటిలా స్కూల్‌కి వెళ్లి ఇప్పటి టీనేజీ కుర్రాలతో క్లాస్‌రూంలో కూర్చొడానికి ఇబ్బందిగా ఉంటుంది. అందుకే కొందరు దూర విద్య ద్వారా చదువును కొనసాగిస్తుంటారు. కానీ.. ఈ పెద్దాయన మాత్రం చిన్న పిల్లలతో కలిసి రోజూ స్కూల్‌కెళ్లి పాఠాలు వింటున్నాడు. నేపాల్‌లోని సాంగ్జా జిల్లాకి చెందిన 68ఏళ్ల దుర్గా కమి రోజూ పొద్దునే స్కూల్‌ పిల్లాడిలా యూనిఫాం వేసుకొని.. తల దువ్వుకొని గంట ప్రయాణం చేసి శ్రీ కళ భైరవ్‌ హైయర్‌ సెకండరీ స్కూల్‌కి చేరుకుంటాడు. పదో తరగతి విద్యార్థులతో కలిసి క్లాస్‌రూంలో కూర్చొని శ్రద్ధగా పాఠాలు వింటాడు. అక్కడ అతనికి తోటి విద్యార్థుల నుంచి వెక్కిరింతలు.. అవమానాలు ఉండవు. ఆయన్ని ఆ స్కూల్‌లో అందరూ అభినందిస్తూ గౌరవిస్తారు. వాళ్లే కాదు.. ఆయన గురించి తెలిసిన ప్రతీ ఒక్కరూ అభినందిస్తారు. చదువుకోవాలి అనుకుంటే అందరిలాగే దూర విద్య చేయొచ్చు. వృద్ధాప్యంలోనూ పాఠశాలకు ఎందుకు వెళ్లడమెందుకంటే.. దానికి ఆయన వద్ద రెండు కారణాలు ఉన్నాయి. ఉపాధ్యాయుడిగా స్థిరపడాలనుకున్న దుర్గా చిన్నతనంలోనే చదువుకు దూరమయ్యాడు. ఆ తర్వాత కుటుంబ భారం మోసి.. ఆరుగురి పిల్లల్ని ప్రయోజకుల్ని చేశారు. ఇప్పుడు ఆయనకు చదువుకోవాలనిపించింది. అలాగే ప్రయోజకులైన పిల్లలు తన ఇంటిని వదిలేసి వెళ్లిపోయారు. భార్య కూడా మరణించడంతో ఒంటరివాడైయ్యాడు. ఆ ఒంటరితనాన్ని పొగొట్టుకునేందుకు.. చదువుకోవాలన్న కోరిక తీర్చుకునేందుకు క్రమం తప్పకుండా రోజూ ఇలా పాఠశాలకు వెళ్తున్నాడు. అక్కడ తోటి విద్యార్థులతో పాటు చదువుతూ.. వారితో ఆటలు ఆడుకుంటూ సంతోషమైన జీవితాన్ని గడుపుతున్నాడు. తన ఒంటరితనాన్ని.. బాధల్ని మర్చిపోయేందుకే స్కూల్‌కి వెళ్తున్నానని.. చనిపోయే వరకు చదువును కొనసాగిస్తానని అంటున్నాడు ఈ పెద్దాయన. వయస్సుతో సంబంధం లేకుండా చదువుకోవచ్చన్న అంశాన్ని నిరుపిస్తూ అందరినీ ఆలోచింపజేస్తున్నాడు.

ఆర్లాండో బాధితులకు డిస్నీ విరాళం

15/06/2016: లాస్‌ఏంజిల్స్‌: ఆర్లాండోలోని గే నైట్‌క్లబ్‌ ఘటన బాధితులకు డిస్నీ సంస్థ మిలియన్‌ డాలర్లు విరాళంగా ఇస్తున్నట్లు ప్రకటించింది. అంతేకాకుండా డిస్నీ ఉద్యోగులు ఇచ్చే అదనపు విరాళాలను వన్‌ ఆర్లాండో ఫండ్‌ పేరిట ఇస్తుంది. ఘటన గురించి తెలియగానే తీవ్ర దిగ్భ్రాంతికి గురయ్యామని, బాధితులకు తమ వంతుగా ఈ సహాయం చేస్తున్నామని వాల్ట్‌ డిస్నీ పార్క్‌ అండ్‌ రిసార్ట్‌ చైర్మన్‌ బాబ్‌ చపెక్‌ వెల్లడించారు. దాడిలో ప్రాణాలు కోల్పోయిన వారి కుటుంబాలకు తమ సంతాపాన్ని తెలిపారు. సెంట్రల్‌ ఫ్లోరిడాలోని పబ్లిక్‌ ఏజెన్సీలతో కలిసి డిస్నీ పనిచేస్తుందని.. బాధితులకు తమ మద్దతు ఉంటుందని తెలియజేశారు. గాయపడి చికిత్స పొందుతున్న వారి కోసం తమ కంపెనీ ఐదు ప్రాంతాల్లో రక్తదాన శిబిరాలను ఏర్పాటు చేస్తుందన్నారు. వాళ్ల కుటుంబాలు, స్నేహితులు ఉండేందుకు వసతి కల్పిస్తామని పేర్కొన్నారు. గే నైట్‌క్లబ్‌లో ఒమర్‌ మతిన్‌ అనే దుండగుడు విచక్షణారహితంగా కాల్పులు జరిపిన సంగతి తెలిసిందే. ఈ కాల్పుల్లో 50 మంది ప్రాణాలు కోల్పోగా.. 53 మంది గాయపడి చికిత్స పొందుతున్నారు.

50 వీధి కుక్కల సజీవ దహనం

15/06/2016: చెన్సై: దాదాపు 50కి పైగా వీధికుక్కలను సజీవదహనం చేసిన దారుణ ఘటన నగరానికి చేరువలోని కీజమూరులో చోటు చేసుకుంది. పోలీసులు తెలిపిన వివరాల ప్రకారం గ్రామంలోని కుక్కలు... గొర్రెలు, మేకల మందలపై దాడిచేయడంతో వాటిలో కొన్ని చనిపోయాయి. దీంతో కోపోద్రిక్తులైన గ్రామానికి చెందిన కొంతమంది ఆహారంలో పురుగుల మందు కలిపి కుక్కలకు పెట్టారు. తర్వాత వాటిపై కిరోసిన్ చల్లి తగలబెట్టారు. జంతు ప్రేమికుడు పీ అస్వాత్ ఈ విషయాన్ని వెలుగులోకి తెచ్చారు. విషయం తెలుసుకుని గ్రామానికి చేరుకున్న ఆయన చనిపోయిన కుక్కలకు పూర్తి దహన సంస్కారాలను నిర్వహించారు. మెల్ మరువతూర్ పోలీసు స్టేషన్ లో దీనిపై ఫిర్యాదుచేశారు. గ్రామంలో గొర్రెలు, మేకలకు గాయాలైనట్లు ఏమీ కనిపించలేదని, గ్రామస్థుల్లో కొంతమంది కుక్కలను కావాలనే హతమార్చారని ఆరోపించారు. దీనిపై విచారణ జరిపిన పోలీసులు మురళీ, ముత్తు, మురుగదాస్, జీవాలను అరెస్టు చేశారు. కేసు నమోదు చేసి దర్యాప్తు చేస్తున్నారు.

ప్రపంచంలోనే ఉత్తమ రెస్టారెంట్‌ ఇదే

14/06/2016: న్యూయార్క్‌: ప్రపంచంలోనే అత్యుత్తమ రెస్టారెంట్‌గా ఇటలీకి చెందిన ఆస్టారియా ఫ్రాన్సెస్కానా నిలిచింది. న్యూయార్క్‌లో జరిగిన ప్రపంచంలోనే 50 ఉత్తమ రెస్టారెంట్ల అవార్డుల కార్యక్రమంలో ఆస్టారియా తొలి స్థానం దక్కించుకుంది. గతేడాది మొదటిస్థానంలో నిలిచిన ఎల్‌ సెల్లర్‌ డి కాన్‌ రోకా(స్పెయిన్‌)ను వెనక్కి నెట్టి అవార్డును సొంతం చేసుకుంది. మాసి ప్రముఖ చెఫ్‌ మాసిమో బొటురా ఈ రెస్టారెంట్‌ను నిర్వహిస్తున్నారు. గతేడాది ఆస్టారియా రెస్టారెంట్‌ రెండోస్థానంలో ఉండగా.. 2014, 2013 సంవత్సరాల్లో మూడోస్థానం దక్కించుకుంది. ఈ ఏడాది ఉత్తమ రెస్టారెంట్‌గా ఎంపికవడంతో చెఫ్‌ మాసిమో ఆనందం వ్యక్తం చేశారు. రెస్టారెంట్‌ను అగ్రస్థానంలో నిలిపేందుకు కృషిచేసిన ప్రతి ఒక్కరికీ ధన్యవాదాలు తెలిపారు. కాగా.. ఈ జాబితాలో స్పెయిన్‌కు చెందిన ఎల్‌ సెల్లర్‌ డి కాన్‌ రోకా, న్యూయార్క్‌లోని ఎలెవన్‌ మాడిసన్‌ పార్క్‌ తర్వాతి స్థానాలు దక్కించుకున్నాయి.

కాల్పుల్లో 12మంది మావోయిస్టులు మృతి

14/06/2016: రాయ్‌పూర్‌: ఛత్తీస్‌గఢ్‌లోని కిలంబేచా అటవీప్రాంతంలో మావోయిస్టులు, పోలీసులకు మధ్య ఎదురుకాల్పులు చోటు చేసుకున్నాయి. జిల్లా రిజర్వ్‌గ్రూప్‌, స్థానిక పోలీసులు కలిసి నారాయణ్‌పూర్‌, కొండగావ్‌ జిల్లాలో కూంబింగ్‌ నిర్వహిస్తున్నారు. ఇందులో భాగంగా అటవీ ప్రాంతాల్లోని మావోయిస్టు స్థావరాలపై దాడి చేశారు. నారాయణ్‌పూర్‌ జిల్లాలో పోలీసులు కాల్పులు జరపడంతో.. 12 మంది మావోయిస్టులు మృతి చెందినట్లు అధికారులు భావిస్తున్నారు. మావోయిస్టులు జరిపిన ఎదురుకాల్పుల్లో ఎస్‌ఐ పుష్పరాజ్‌, సబ్‌ఇన్‌స్పెక్టర్‌ అవధ్‌రామ్‌ సాహు, కానిస్టేబుల్‌ వినయ్‌కు గాయాలయ్యాయి. క్షతగాత్రులను వెంటనే చికిత్స నిమిత్తం రాయ్‌పూర్‌ ఆసుపత్రికి తరలించారు. గాయపడిన జవాన్లలో ఒకరి పరిస్థితి విషమంగా ఉన్నట్లు వైద్యులు తెలిపారు. కిలంబేచా అటవీప్రాంతంలో మావోయిస్టుల కోసం కూంబింగ్‌ కొనసాగుతోంది.

ఎన్‌డీఏలోకి ఏడీఎంకే!

14/06/2016: ముఖ్యమంత్రి జయలలిత నేడు (మంగళవారం) ఢిల్లీ పయనం అవుతున్నారు. ఢిల్లీలో ప్రధాని నరేంద్ర మోదీతో భేటీ అవుతున్నారు. ఒక సీఎం పీఎంను కలవడం సాధారణ విషయమే కదా అని తీసిపారేయకండి. ఈ పర్యటన రాజకీయంగా ఎంతో కీలకమైనదనే ప్రచారం జరుగుతోంది. ఎన్‌డీఏ కూటమిలో ఏడీఎంకే చేరేందుకు రంగం సిద్ధమైందనే సమాచారం హల్‌చల్ చేస్తోంది. చెన్నై: తమిళనాడు అసెంబ్లీ ఎన్నికల్లో అన్నాడీఎంకే విజయం సాధించి వరుసగా రెండోసారి అధికారాన్ని కైవసం చేసుకోగా జయలలిత ఆరోసారి ముఖ్యమంత్రిగా బాధ్యతలు చేపట్టారు. ఒక రాష్ట్రంలో ఎన్నికలు ముగిసి అధికారం చేపట్టిన తరువాత ఆ రాష్ట్ర ముఖ్యమంత్రి ఢిల్లీకి వెళ్లి ప్రధానిని మర్యాద పూర్వకంగా కలవడం సహజం. పనిలో పనిగా రాష్ట్ర సమస్యలపై ప్రధానికి వినతి పత్రం సమర్పిస్తారు. ఈ కోవలో ముఖ్యమంత్రి జయలలిత మంగళవారం ఢిల్లీలో ప్రధానిని కలుస్తున్నారు. కేంద్ర ప్రభుత్వం నుంచి రాష్ట్రం ఆశిస్తున్న సహకారంపై తన వెంట వినతిపత్రాన్ని కూడా పట్టుకెళుతున్నారు. కేరళ, కర్ణాటకల నుంచి వాటా జలాల సమస్యను ప్రధానితో ప్రధానంగా ప్రస్తావించనున్నారు. ఇదిలా ఉండగా ఎన్‌డీఏ కూటమిలో ఏడీఎంకే చేరాలని భారతీయ జనతా పార్టీ ఎన్నో ఎంతగానో కోరుతోంది. లోక్‌సభలో ఎన్‌డీఏకు సంపూర్ణమైన బలం ఉన్నా, రాజ్యసభలో బలహీనంగా ఉంది. ఈ సమస్య అనేక బిల్లుల ఆమోదానికి అవరోధంగా మారింది. అన్నాడీఎంకేకు లోక్‌సభ, రాజ్యసభలను కలుపుకుని 50 స్థానా లు ఉన్నాయి. ఎన్‌డీఏకు ఏడీఎంకే బలం తోడైతే కేంద్రం కొత్తగా ప్రవేశపెట్టే అనేక బిల్లులు సునాయాసంగా ఆమోదం పొందగలవని బీజేపీ ఆశపడుతోంది. ఎన్‌డీఏలో చేరకున్నా బీజేపీకి విశ్వసనీయమైన స్నేహితునిగా ఏడీఎంకే వ్యవహరిస్తోంది. అందుకే ఎన్‌డీఏకు ఎదురవుతున్న అనేక సమస్యలపై ఉభయ సభల్లో లోపల వెలుపల కూడా అన్నాడీఎంకే అండగా నిలుస్తోంది. జీఎస్‌టీ బిల్లు మినహా అన్నింటా అమ్మ భరోసా ఇచ్చింది. ఈ పరిస్థితిలో ఎన్‌డీఏలో చేరడం ద్వారా ప్రత్యక్ష మద్దతు ఇవ్వాలని, బీజేపీ పథకాలను అడ్డుకునేందుకు కాచుక్కూచున్న కాంగ్రెస్‌కు బుద్ధి చెప్పాలంటే అన్నాడీఎంకేను చేర్చుకోవడం వల్లనే సాధ్యమని బీజేపీ అధిష్టానం నమ్ముతోంది. అంతేగాక ఎన్‌డీఏ మిత్రపక్షాలైన శివసేన, తెలుగుదేశం పార్టీలను అంతగా నమ్ముకోలేమని కూడా భావిస్తోంది. ఈ పరిస్థితిలో ఎన్‌డీఏలో ఏడీఎంకే చేరినట్లయితే భారత్‌ను అభివృద్ధి పథంలో నడిపించేందుకు ధైర్యంగా ముందుకు సాగవచ్చని ప్రధాని నరేంద్ర మోదీ స్వయంగా నిర్ణయించుకున్నట్లు సమాచారం. 2014 మోదీ ప్రధాని కాగానే జయలలిత ఢిల్లీ వెళ్లి అభినందించి వచ్చారు. ఇటీవల జయలలిత కొత్తగా ముఖ్యమంత్రి బాధ్యతలు చేపట్టిన జయలలితను ఢిల్లీలో మోదీ అభినందించనున్నారు. ఈ నేపథ్యంలో జయలలిత ఢిల్లీలో తనను కలిసినపుడు ఎన్‌డీఏలో చేరాల్సిందిగా మోదీనే నేరుగా కోరడమే కాదు ఒత్తిడి చేసే అవకాశం ఉందని, జయ సైతం నిరాకరించక పోవచ్చని విశ్వసనీయ సమాచారం. నేడు ఢిల్లీకి సీఎం జయలలిత ముఖ్యమంత్రి జయలలిత మంగళవారం ఉదయం 11 గంటలకు ప్రత్యేక విమానంలో చెన్నై నుంచి ఢిల్లీకి బయలుదేరుతున్నారు. ఢిల్లీకి చేరుకోగానే నేరుగా తమిళనాడు భవన్‌లో కొద్దిసేపు విశ్రాంతి తీసుకుంటారు. సాయంత్రం 4.30 గంటలకు ప్రధాని మోదీతో భేటీ అవుతారు. సుమారు గంటసేపు వీరిద్దరూ సంభాషించుకునేలా ఏర్పాట్లు చేశారు. కావేరీ జలాలు, ముల్లైపెరియార్, తమిళ జాలర్లపై శ్రీలంక గస్తీ దళాల దాడులు, కచ్చదీవుల సమస్యలను ప్రధాని వద్ద ప్రస్తావిస్తారు. అలాగే కొత్త విద్యుత్ పథకాలు, మెట్రోరైల్ విస్తరణ పనులకు అవసరమైన నిధులు, రాష్ట్రంలో అమలవుతున్న కేంద్ర ప్రభుత్వ పథకాల అమలును వేగవంతం చేయడం తదితర అంశాలు కూడా వీరిద్దరి చర్చల్లో ప్రస్తావిస్తారని సమాచారం. సీఎంతో పాటూ రాష్ట్ర ప్రభుత్వ ప్రధాన కార్యదర్శి రామమోహన్‌రావు, సీఎం ప్రత్యేక కార్యదర్శి తదితరులు వెళుతున్నారు. ప్రధానితో భేటీ ముగిసిన తరువాత సాయంత్రమే సీఎం తిరుగు ప్రయాణం అవుతారని తెలుస్తోంది.

స్వాధీనానికి ముందే ఆస్తులు అమ్మేసిన మాల్యా

13/06/2016: దిల్లీ: బ్యాంకులకు వేల కోట్ల రూపాయల రుణాలు ఎగవేసి దేశం విడిచి వెళ్లిపోయిన వ్యాపారవేత్త విజయ్‌మాల్యా తనకు సంబంధించిన రెండు విలువైన ఆస్తులను అమ్మేశాడట. మాల్యాకు చెందిన రూ. 1411 కోట్ల విలువైన ఆస్తులను ఇటీవలే ఎన్‌ఫోర్స్‌మెంట్‌ డైరెక్టరేట్‌ జప్తు చేసిన విషయం తెలిసిందే. అయితే స్వాధీనం చేసుకోడానికి ముందే మాల్యా తన ఆస్తులను అమ్మేసినట్లు తెలుస్తోంది. కూర్గ్‌, దానికి సమీపంలో ఉన్న రెండు ఆస్తులను మాల్యా అధిక ధరకు అమ్మేసినట్లు తెలుస్తోంది. అయితే దీనిపై వివరణ ఇచ్చేందుకు ఈడీ నిరాకరించింది. కొనుగోలు దారుల నుంచి మాల్యా డబ్బులు తీసుకున్నాడా లేదా అన్నదానిపై విచారణ చేపట్టినట్లు ఈడీ వెల్లడించింది. మరోవైపు తన ఆస్తులు జప్తు చేయడాన్ని మాల్యా తప్పుబట్టారు. ఎలాంటి విచారణ లేకుండా ఆస్తులను స్వాధీనం చేసుకోవడం ఎంతమాత్రం సరికాదని మాల్యా అన్నారు. పలు బ్యాంకులకు రూ. 9వేల కోట్లు బకాయిలు పడిన మాల్యా.. ఇటీవల దేశం విడిచి వెళ్లిపోయిన విషయం తెలిసిందే. అయితే ఎన్నిసార్లు హెచ్చరించినా మాల్యా భారత్‌కు రాకపోవడంతో ఈడీ ఆయనకు చెందిన రూ.1411 కోట్ల విలువైన ఆస్తులను జప్తు చేసింది.

తెలంగాణ అభివృద్ధే భాజపా లక్ష్యం - అమిత్‌షా

11/06/2016: సూర్యాపేట: గత రెండేళ్ల పాలనలో ప్రజా సమస్యల పరిష్కారంలో మోదీ ప్రభుత్వం పూర్తిగా విజయవంతమైందని భాజపా జాతీయ అధ్యక్షుడు అమిత్‌ షా అన్నారు. నల్గొండ జిల్లా సూర్యాపేటలో నిర్వహించిన ‘వికాస్‌ పర్వ్‌’ బహిరంగ సభలో ఆయన పాల్గొని ప్రసంగించారు. దేశవ్యాప్తంగా ప్రజలతో నేరుగా ప్రధానిని దేశానికి అందించిన ఘనత భాజపాదేనని అమిత్‌ షా అన్నారు. గత ప్రభుత్వాలు అవినీతి, కుంభకోణాల రూపంలో రూ.12లక్షల కోట్లు కొల్లగొట్టాయని ఆరోపించారు. మోదీ ప్రధాని అయ్యాక అవినీతి, కుంభకోణాలు, లంచగొండితనం లేని దేశంలో మార్చగలిగామన్నారు. మోదీ పాలనను ప్రపంచ దేశాలన్నీ కొనియాడుతున్నాయని... అందువల్లే ఆయన ఎక్కడికి వెళ్లినా ఘనస్వాగతం లభిస్తోందన్నారు. గత 60 ఏళ్లలో కాంగ్రెస్‌ దేశానికి ఏం చేసిందో చెప్పాలని అమిత్‌షా డిమాండ్‌ చేశారు. యూపీఏ ప్రభుత్వంలో ఆకాశం, నేల, సముద్రం అనే తేడా లేకుండా అన్నింటిపైనా కుంభకోణాలు చేశారని ఆరోపించారు. గత ప్రధాని ఎక్కడికి వెళ్లినా ప్రసంగం ఒకేలా ఉండేదని ఎద్దేవా చేశారు. మోదీ ప్రభుత్వం చేస్తున్న అభివృద్ధిని చూసి ఓర్వలేకే కాంగ్రెస్‌ పార్టీ విమర్శలు చేస్తోందన్నారు. తెలంగాణ అభివృద్ధికి కృషి కొత్తగా ఏర్పడిన తెలంగాణ రాష్ట్ర అభివృద్ధికి కేంద్ర ప్రభుత్వం కట్టుబడి ఉందని అమిత్‌షా స్పష్టం చేశారు. రాష్ట్రంలో అభివృద్ధి కోసం రూ.90వేల కోట్లు ఇచ్చినట్లు చెప్పారు. తెలంగాణను అభివృద్ధి చెందిన రాష్ట్రంగా తీర్చిదిద్దాలన్నదే భాజపా లక్ష్యమన్నారు. తెలంగాణలో కుటుంబ పాలన కొనసాగుతోందని అమిత్‌ షా ఆరోపించారు. కుటుంబ పార్టీలతో అభివృద్ధి జరగదనే విషయాన్ని ప్రజలు గమనించాలని సూచించారు. తెలంగాణలో ప్రతి గ్రామంలో 24 గంటల విద్యుత్‌ అందుతోందా?, ప్రతి గ్రామానికి రహదారులు నిర్మించారా? ఆస్పత్రులు ఉన్నాయా? ప్రతి చేనుకు నీరు అందుతోందా? యువతకు ఉద్యోగాలు లభిస్తున్నాయా? అని ప్రశ్నించారు. భాజపా అధికారంలో ఉన్న ప్రతిచోట ఈ పనులు జరుగుతున్నాయన్నారు. తెలంగాణ అభివృద్ధి మోదీ నేతృత్వంలోని భాజపాతో సాధ్యమని అమిత్‌ షా పేర్కొన్నారు. రాష్ట్ర సమగ్ర అభివృద్ధి కోసం భాజపా బలోపేతం చేయాలని కోరారు.

పెళ్లి పేరుతో 'పెద్దాయన'ను దోచేశారు

10/06/2016: అహ్మదాబాద్: పెళ్లి చేసుకుంటానని చెప్పి ఓ 50 ఏళ్ల వ్యక్తిని దారుణంగా మోసం చేశారు ముగ్గురు మహిళలు. అయితే పక్కా ప్లాన్ ప్రకారం ఆ ముగ్గురు మహిళలని, మరో వ్యక్తిని పోలీసులు రెడ్ హ్యాండెడ్గా అరెస్టు చేశారు. పూర్తి వివరాల్లోకి వెళితే.. గుజరాత్ లోని రాజ్ కోట్ కు చెందిన పర్సోత్తమ్ మార్వియా అనే వ్యక్తికి 50 ఏళ్లు. అతడికి ఐదుగురు సంతానం కూడా. వారిలో ఇద్దరు కొడుకులు.. ముగ్గురు కూతుర్లు. మూడేళ్ల క్రితం అతడికి భార్య చనిపోయింది. దీంతో కుటుంబ సభ్యులంతా కలసి అతడికి ఓ తోడు కోసం మళ్లీ పెళ్లి చేయాలని నిర్ణయించారు. అందులో భాగంగా పెళ్లి ప్రకటన కూడా ఇచ్చారు. ఇక మంజుల అలియాస్ మోనా వాఘెలా(37), డైసీ మక్వాన్ (45), షీలా క్రిస్టియాన్(54) అనే మహిళలు ఘరానా కిలాడీలు. వీరికి తోడు మైఖెల్ జోసెఫ్(25) అనే మరో మోసగాడు. వీరిలో పర్సోత్తమ్ పరిస్థితి తెలుసుకున్నఅతడికి ఎర వేశారు. గ్యాంగ్లోని షీలా... పర్సోత్తమ్కు మంచి సంబంధం చూసి పెడతానని అహ్మదాబాద్కు రావాలని ఆహ్వానించింది. అక్కడ తొలుత అతడికి ముగ్గురు మహిళలను చూపించింది. అయితే వారిలో ఏ ఒక్కరూ అతడికి నచ్చక వద్దని వెళ్లాడు. మరోసారి ఫోన్ చేసి పిలిపించి ఇద్దరు మహిళలని చూపించింది. ఆ ఇద్దరిలో మంజుల కూడా ఉంది. అయితే, ఆమెను వారిని కూడా అతడు రిజెక్ట్ చేశాడు. ఈసారి మళ్లీ ఫోన్ చేసి ఏకంగా తానే పెళ్లి చేసుకుంటానని ప్రపోజ్ చేసింది షీలా. దీంతో అతడు ఫోన్ పెట్టేయగా మరోసారి ఫోన్ చేసి తాను ఎంతో ప్రేమిస్తున్నానని, తనను పెళ్లి చేసుకోకుంటే లేఖలో అతడి పేరు రాసి చనిపోతానని బెదిరించింది. బెదిరింపులకు భయపడిన అతడు రాజ్ కోట్ నుంచి తిరిగి అహ్మదాబాద్ వచ్చాడు. ఈ సందర్భంగా అతడికి ఓ గదిని ఏర్పాటుచేసి ఇతర సౌకర్యాలు ఏర్పాటు చేసింది. మంచినీళ్లలో మత్తుమందును కలిపి ఇచ్చింది. ఓ మహిళతో కలిసి అసభ్యకరంగా ఉన్నట్లుగా అతడిని ఫోటోలు తీశారు. అనంతరం కిలాడీ మహిళలు... పర్సోత్తమ్ ...వేసుకున్న దుస్తులను కూడా వదిలిపెట్టకుండా దోచుకెళ్లారు. అప్పటి నుంచి బ్లాక్ మెయిలింగ్కు పాల్పడ్డారు. ఆ ఫోటోలు ఇచ్చేయాలంటే 25 లక్షలు ఇవ్వాలంటూ డిమాండ్ చేశారు. చివరకు అయిదు లక్షలు ఇచ్చేందుకు పర్సోత్తమ్ అంగీకరించాడు. ఆ తర్వాత ఈ విషయాన్ని అతడు తన కుటుంబ సభ్యులకు తెలిపాడు. దీంతో వారు పోలీసులన్ని ఆశ్రయించడంతో చాకచక్యంగా ఆ ఘరానా ముఠాను అరెస్టు చేశారు.

స్టూడెంట్స్ కు నగ్న ఫోటోలు పంపిన లేడీ టీచర్...

10/06/2016: న్యూజెర్సీ: గౌరవప్రదమైన ఉపాధ్యాయ వృత్తికి మచ్చ తెచ్చేలా ప్రవర్తించింది అమెరికాలోని న్యూజెర్సీకి చెందిన ఓ లేడీ టీచర్. తాను పనిచేస్తున్న పాఠశాలలోని స్టూడెంట్స్కు తన నగ్న చిత్రాలను పంపి అసభ్యంగా ప్రవర్తించింది. విద్యార్థులను అసభ్య ఫోటోలతో ప్రేరేపించడమే కాకుండా వారితో లైంగిక సంబంధాలు పెట్టుకొని ఇప్పుడు కటకటాలపాలైంది. లిండా హార్డన్(22) గతంలో హేల్డన్ పబ్లిక్ స్కూల్లో టీచర్గా పనిచేసింది. ఆ సమయంలో ఆ స్కూల్లోని పలువురు విద్యార్థులకు తన నగ్న ఫోటోలను పంపడంతో పాటు వారితో లైంగిక సంబంధాలు కొనసాగించింది. మరో యువకుడిని సైతం ఇదే తరహాలో వేధిస్తుండటంతో ఆమెపై కేసు నమైదైంది. ఓ 16 ఏళ్ల విద్యార్థితో పాటు మరో 14 ఏళ్ల విద్యార్థితో ఆమె లైంగిక కార్యకలాపాలు సాగించినట్లు పోలీసుల విచారణలో తేలింది. కేసు విచారణ సందర్భంగా కన్నీళ్లపర్వంతమైన ఆమె న్యాయమూర్తుల ముందు తన నేరాన్ని అంగీకరించింది. దీంతో హార్డన్కు ఐదు సంవత్సరాల జైలు శిక్ష విధిస్తూ న్యాయమూర్తులు తీర్పు వెలువరించారు.

140గంటలు.. ఐదు దేశాలు.. 33,000 కిలోమీటర్లు

07/06/2016: న్యూఢిల్లీ: భారత ప్రధాని నరేంద్రమోదీ మరోసారి తాను దృఢమైన వ్యక్తి అని నిరూపించుకున్నారు. భారత దేశంలోనే కాకుండా విదేశాల్లో సైతం తనదైన ముద్రను వేసుకున్న ప్రధాని నరేంద్రమోదీ మరోసారి తన ప్రత్యేకతను చాటుకున్నారు. 140గంటల్లో ఆయన ఐదు దేశాలు చుట్టేశారు. దాదాపు 33 వేల కిలో మీటర్లు ప్రయాణించారు. ప్రస్తుతం అమెరికాలో ఉన్న మోదీ కేవలం అలుపులేకుండా 140 గంటల్లో ఐదు దేశాలు చుట్టేయడం చెప్పుకోదగిన విషయమే. అంతేకాకుండా, ఈ ఐదు దేశాల్లో ఆయన దాదాపు 45 కార్యక్రమాల్లో పాల్గొన్నారు. 44 గంటలపాటు విమానంలో ప్రయాణించారు. మోదీ తిరిగి ఢిల్లీలో ఈ నెల పదిన ఉదయం 5గంటలకు అడుగుపెట్టనున్నారు. 'ఐదు దేశాలు, 45కు పైగా సమావేశాలు.. అది ఇక్కడ కావొచ్చు.. విదేశాల్లో కావొచ్చు.. నేను దేశం కోసమే పనిచేస్తున్నాను' అని మోదీ గత ఆదివారం దోహాలో చెప్పిన విషయం తెలిసిందే.

ఆ నలుగురు టాపర్స్పై ఎఫ్ఐఆర్

07/06/2016: పట్నా: బీఎస్ఈబీలో టాపర్స్గా నిలిచిన రూబీ రాయ్, సౌరభ్ శ్రేష్ఠ, రాహుల్ కుమార్, శాలినీపై ఎఫ్ఐఆర్ నమోదు అయింది. ఈ వ్యవహారానికి సంబంధించి వైశాలిలోని విషుణ్ రే కళాశాల డైరెక్టర్ పై కూడా పోలీసులు కేసు నమోదు చేశారు. కాగా తాము రాసిన సబ్జెక్టుల గురించి కూడా ఏమాత్రం తెలియకుండా 14మంది టాపర్లుగా నిలిచిన విషయం తెలిసిందే. రాజనీతి శాస్త్రం అంటే వంటలు నేర్పుతారంటూ రూబీ రాయ్ అనే ఓ టాపర్ చెప్పిన వీడియో జాతీయ మీడియాలో హల్‌చల్ సృష్టించింది. పొలిటికల్ సైన్స్ గురించి ఏమాత్రం తెలియని ఆమెకి ఆ సబ్జెక్టులోనే 100కు 91 మార్కులు వచ్చాయి. ఆమెకు మొత్తం 500 మార్కులకు గాను 444 వచ్చినా, అసలు ఎన్ని మార్కులు వచ్చాయో కూడా తెలియదు. కుటుంబ సభ్యుల్లో ఒకరు ఉప్పందించిన తర్వాత కూడా.. 600 వచ్చినట్లు ఆమె చెప్పింది. మరోవైపు సైన్స్ టాపర్ సౌరవ్‌ శ్రేష్ఠ కూడా చిన్నచిన్న ప్రశ్నలకు సమాధానాలు ఇవ్వలేకపోయాడు. అల్యూమినియంను యాక్టివ్ మెటల్ అని చెప్పి, సోడియం, ఎలక్ట్రాన్‌లు అంటే ఏంటో తెలియదన్నాడు. దీంతో ఆర్ట్స్, సైన్స్, కామర్స్ విభాగాల్లో అగ్రస్థానాల్లో నిలిచిన 14 మందికి జూన్ 3వ తేదీన మరోసారి పరీక్ష నిర్వహించారు. అయితే ఈ పరీక్షకు ఆరోగ్యం బాగోలేదనే సాకుతో టాపర్ రుబీ రాయ్ డుమ్మా కొట్టింది. అలాగే తనను ప్రశ్నలు అడిగినా, క్రాస్‌ ఎగ్జామిన్‌ చేసినా ఆత్మహత్య చేసుకుంటానని బిహార్‌ సైన్స్ టాపర్‌ సౌరభ్ శ్రేష్ఠ హెచ్చరించాడు. బిహార్‌ ఇంటర్మీడియట్‌ ఫలితాల్లో సైన్స్ గ్రూప్‌లో టాప్‌ ఐదో ర్యాంకు తెచ్చుకున్న సౌరభ్‌ను 15మంది నిపుణులతో కూడిన ప్యానెల్‌ ఇటీవల ప్రశ్నించింది. అందులో అతడు సమాధానాలు ఇవ్వలేకపోయాడు. రీ-ఎగ్జామినేషన్‌లో విఫలం కావడంతో సౌరభ్‌తోపాటు పలువురు టాపర్ల ర్యాంకులను బిహార్ ప్రభుత్వం రద్దు చేసిన సంగతి తెలిసిందే. రీ-ఎగ్జామినేషన్‌లో టాపర్లు అంతా తేలిపోవడంతో వారి ర్యాంకులు రద్దయ్యాయి. ఈ ఘటనపై బిహార్ ముఖ్యమంత్రి నితీష్ కుమార్ విచారణకు ఆదేశించడంతో పోలీసులు తమ దర్యాప్తును వేగవంతం చేశారు.

'అసలు నన్నెందుకు టార్గెట్ చేస్తున్నారు'

06/06/2016: ఆగ్రా: మథుర అల్లర్ల విషయంలో తాను చేసిన వ్యాఖ్యలను అనవసరంగా రాద్ధాంతం చేశారని బాలీవుడ్ నటి, బీజేపీ ఎంపీ హేమ మాలిని అన్నారు. 'మీడియాతో సహా ప్రతి ఒక్కరూ ఎలాంటి నిజనిజాలు తెలుసుకోకుండా తన చిత్తశుద్ధిని శంకిస్తున్నారు. నన్ను టార్గెట్ చేసుకున్నారు. ఘర్షణలకు సంబంధించిన సమాచారం నాకు తెలియగానే వెళ్లి అధికారులను కలిశాను. అలాగే, బాధితులను కూడా పరామర్శించాను. అక్రమంగా కొందరు వ్యక్తులు స్వాధీనం చేసుకున్న క్వార్టర్స్ విషయంలో చర్యలు తీసుకోవాలని నేను రెండు నెలల కిందట మధుర జిల్లా మెజిస్ట్రేట్ రాజేశ్ కుమార్ను కలిసి చెప్పాను. ఈ విషయంలో ముమ్మాటికి రాష్ట్ర ప్రభుత్వ యంత్రాంగం, అధికారులు విఫలమైనట్లే. ఇలాంటి ఘటన జరగడం దురదృష్టం' అని ఆమె చెప్పారు. జరుగుతున్న హింసను, బాధిత ప్రజల గురించి సమాచారం అందజేయకుండా వాళ్లు(మీడియా-సోషల్ మీడియా) తనను టార్గెట్ చేసుకున్నారని విమర్శించారు. మీడియా ఇలాంటి ఘటనల వెనుక నిజనిజాలు కచ్చితంగా తెలుసుకోవాలని, కానీ, అలా తెలుసుకునే ప్రయత్నం చేయకుండా తనను టార్గెట్ చేయడం సబబుకాదన్నారు. తాను మథుర, బృందావనంకోసం ఎంతో పనిచేస్తున్నానని, అక్కడే ఎక్కువ సమయం గడుపుతున్నానని చెప్పారు.

ఏకే 47 బుల్లెట్లు దిగినా..

06/06/2016: శ్రీనగర్: జమ్మూకశ్మీర్లో ఇద్దరు పోలీసులను నడి రోడ్డుపైనే కాల్చి చంపిన ఉగ్రవాదులు ఓ వీడియోకి చిక్కారు. వారి చేతుల్లో ఆ సమయంలో ఏకే 47 గన్ లతో వీడియోల్లో కనిపించారు. పేలుళ్ల చప్పుళ్లు వినిపించగానే పరుగులు పెట్టినట్లు ఈ వీడియోలో రికార్డయింది. గత శనివారం అనంతనాగ్ జిల్లాలోని ఓ బస్టాండ్ వద్ద ఉన్న పోలీసులపై సాయుధులుగా వచ్చిన ఉగ్రవాదులు కాల్పులు జరిపిన విషయం తెలిసిందే. ఈ కాల్పుల్లో మృతిచెందిన వారిలో ఓ ఎస్సై కూడా ఉన్నారు. ఆ ఘటనను ఓ పాదచారి తన మొబైల్ ఫోన్లో రికార్డు చేశాడు. ఈ వీడియోలో రికార్డయిన ప్రకారం ఓ ఉగ్రవాది బ్లూ షర్ట్ తో భుజాన పెద్ద బ్యాగు వేసుకొని చేతిలో ఏకే 47 గన్ తో ఉండగా మరో ఉగ్రవాది బ్లాక్ పాయింట్.. తిక్ బ్లూ షర్ట్ ఏకే47 గన్ తో కనిపించాడు. తొలుత కాల్పులు జరిపిన వారిద్దరు కిందపడిన పోలీసు అధికారి దగ్గరకు వెళ్లి అతడి రైఫిల్ లాక్కునేందుకు ప్రయత్నించినా అతడు ప్రతిఘటించాడు. ఈ లోగా పోలీసుల కాల్పుల చప్పుళ్లు వినిపించడంతో వారు పారిపోతూ కనిపించారు. ఈ ఉగ్రవాదుల్లో ఒకరిని జునాయిడ్ లష్కరే తోయిబాకు చెందిన జునాయిడ్ మతూగా పోలీసులు గుర్తించారు. మరో ఉగ్రవాదిని గుర్తించేందుకు స్థానికుల సహాయం తీసుకుంటున్నారు. జనరల్ బస్టాండ్ సమీపంలో ఉన్న పోలీసులపై ఒక్కసారిగా ఈ మిలిటెంట్లు కాల్పులు జరిపిన విషయం తెలిసిందే. తీవ్రంగా గాయపడిన ఆ ఇద్దరు పోలీసులను చికిత్స నిమిత్తం ఆస్పత్రికి పంపించగా అప్పటికే వారిద్దరూ మృతి చెందినట్లు వైద్యులు నిర్ధారించారు. మృతులు అసిస్టెంట్ సబ్ ఇన్స్పెక్టర్ బషీర్ అహ్మద్, కానిస్టేబుల్ రియాజ్ అహ్మద్గా గుర్తించారు.

ఈ రోబోలు కంపెనీ ఇస్తాయట!

06/06/2016: రోబోల వాడకంలో చైనీయులు ముందుంటున్నారు. ఉదయాన్నే ఇళ్లు శుభ్రం చేయడం దగ్గర నుంచి రాత్రి మనుషుల్ని నిద్రపుచ్చే వరకు అన్ని పనులకూ రోబోలను వాడేస్తున్నారు. హోటళ్లలో సర్వర్లుగా కూడా రోబోలనే వినియోగిస్తున్నారు. అయితే.. ఇప్పటి దాకా కేవలం ఫుడ్‌ డెలివరీ మాత్రమే చేసే రోబోలు వచ్చాయి. కానీ.. ఇప్పుడు మినిహంగ్‌ జిల్లాలో ఏర్పాటు చేసిన ఓ హోటల్‌లో సర్వర్లుగానే కాదు.. ఒంటరిగా వచ్చిన కస్టమర్లకు కంపెనీ ఇస్తూ.. బోలెడంత వినోదాన్ని పంచుతున్నాయి. చైనాలోని షాంఘై ప్రావిన్స్‌లో ఉన్న ‘ఏ రోబోట్‌ కెఫె’ను పూర్తిగా రోబోట్‌ సర్వీస్‌ థీమ్‌తో ప్రారంభించారు. ఇక్కడ అనేక రకాల రోబోలు కస్టమర్లకు సేవలందిస్తాయి. కొన్ని రోబోలు కస్టమర్ల నుంచి ఆర్డర్‌ తీసుకోని ఫుడ్‌ డెలివరీ చేస్తే.. మరికొన్ని ఒంటరిగా వచ్చే కస్టమర్లకు తోడుగా కూర్చొని కంపెనీ ఇస్తాయి! మరికొన్ని డ్యాన్స్‌.. తైక్వాండో.. జిమ్నాస్టిక్‌ విద్యలు ప్రదర్శిస్తాయి. ఇంకొన్ని ఆటలు ఆడుతూ.. డ్రమ్స్‌ వాయిస్తూ అలరిస్తాయి. అంతేకాదు.. రోబోటిక్‌ సైన్స్‌లో ఆసక్తి ఉన్నవారికి ప్రాథమిక అంశాలను ఈ రోబోలే బోధిస్తాయి. దీంతో చాలా మంది పిల్లలు.. వారి తల్లిదండ్రులు ఈ హోటల్‌కి వచ్చేందుకు ఆసక్తి చూపిస్తున్నారట. స్థానికులతో పాటు.. పర్యాటకులు సైతం ఈ హోటల్‌కి ఆకర్షితులవుతున్నారు. ఇది చూస్తుంటే.. చైనాలో రోబోల వాడకం ఏ స్థాయిలో ఉందో అర్థం చేసుకోవచ్చు.

378 మంది ప్రాణాలు గాల్లో కలిసేవి..!

06/06/2016: కౌలాలంపూర్: మలేషియా ఎయిర్లైన్స్ విమానానికి పెనుముప్పు తప్పింది. ఆదివారం లండన్ నుంచి మలేషియాకు వెళ్తున్న ఎమ్హెచ్1 విమానం, బంగాళాఖాతం మీదుగా ప్రయాణిస్తున్న సమయంలో భారీ కుదుపులకు లోనైంది. సుమారు రెండు నిమిషాల పాటు విమానం అల్లకల్లోలం సృష్టించడంతో అందులో ప్రయాణిస్తున్న 378 మంది ప్రయాణికులకు ప్రాణాలు గాల్లోనే పోయినంతపనైంది. ఈ ఘటనలో చాలా మంది ప్రయాణికులు స్వల్ప గాయాలతో బయట పడటంతో బ్రతుకు జీవుడా అనుకుంటూ ఇళ్లకు చేరారు. ఈ ఘటనకు సంబంధించిన ఫోటోలను ఆ ఫ్లైట్లో తల్లిదండ్రులతో పాటు ప్రయాణించిన హరీత్ అనే 13 ఏళ్ల కుర్రాడు సోషల్ మీడియాలో పోస్ట్ చేశాడు. ఈ ఘటనపై హరీత్ మీడియాతో మాట్లాడుతూ.. విమాన భారీ కుదుపులతో ప్రయాణికులు తీవ్ర ఆందోళనకు గురయ్యారని తెలిపాడు. ప్రయాణికులు అటూ ఇటూ విసిరేసినట్లుగా అయ్యారని, రెండు నిమిషాల అనంతరం సాధారణ స్థితికి రావడంతో అందరూ ఊపిరిపీల్చుకున్నారని తెలిపాడు. ఈ ఘటనలో గాయపడిన వారికి విమానం కౌలాలంపూర్ చేరుకోగానే చికిత్స అందించారు. అధికారులు ఈ ఘటనకు గల కారణాలను తెలుసుకోవడానికి ప్రయత్నిస్తున్నారు. 2014లో ఎమ్హెచ్ 370 విమాన ప్రమాదంలో 225 మంది ప్రయాణికులతోపాటు 12 మంది విమాన సిబ్బంది మొత్తం 237 మంది గల్లంతైన విషయం తెలిసిందే.

మహారాష్ట్ర రెవెన్యూ మంత్రి ఏక్ నాథ్ ఖడ్సే రాజీనామా

04/06/2016: ముంబై : మహారాష్ట్ర ప్రభుత్వంలోనే అత్యంత సీనియర్ మంత్రి అయిన ఏక్‌నాథ్ ఖడ్సే తన పదవికి రాజీనామా చేశారు. శనివారం ఉదయం 11.30 గంటల సమయంలో ముఖ్యమంత్రి దేవేంద్ర ఫడ్నవిస్‌కు వెళ్లిన ఆయన.. తన పదవికి రాజీనామా చేస్తున్నట్లుగా ఓ లేఖను అందించారు. అక్రమ భూకేటాయింపులలో ఆయన పాత్ర ఉందన్న ఆరోపణల నేపథ్యంలో పార్టీ అధిష్ఠానం సీరియస్ అయ్యింది. నేరుగా పార్టీ జాతీయాధ్యక్షుడు అమిత్‌ షా ఈ వ్యవహారంపై ముఖ్యమంత్రి దేవేంద్ర ఫడ్నవిస్‌తో మాట్లాడి, ఈ ఆరోపణలపై సమగ్ర నివేదిక ఇవ్వాలని ఆదేశించారు. దాంతోపాటు దావూద్ ఇబ్రహీం ఫోన్ రికార్డులలో కూడా ఖడ్సే నెంబరు చాలాసార్లు ఉందని ఒక హ్యాకర్ ఆరోపించడం సైతం ఆయన పదవికి ఎసరు తెచ్చింది. ఇటీవల జరిగిన రాష్ట్ర మంత్రివర్గ సమావేశానికి కూడా రెవెన్యూ మంత్రి అయిన ఏక్‌నాథ్ ఖడ్సే డుమ్మాకొట్టారు. గత సోమవారం నుంచి ఆయన తన ఎర్రబుగ్గ కారును కూడా వాడటం మానేశారు. గత ఏప్రిల్ నెలలో ఖడ్సే భార్యకు, అల్లుడికి దాదాపు రూ. 23 కోట్ల రూపాయల విలువైన ప్రభుత్వ భూమిని కేవలం రూ. 3 కోట్లకే ఇచ్చేశారు. అది ప్రభుత్వ భూమి కాదని, ప్రైవేటు వ్యక్తుల నుంచి కొన్నామని.. మార్కెట్ వాల్యూను బట్టి స్టాంప్ డ్యూటీ కట్టామని ఖడ్సే అంటున్నారు.

మరో 15ఏళ్లు ఆయనే ప్రధాని - పాసవాన్‌

02/06/2016: జమ్ము: మరో 15 ఏళ్ల వరకు దేశ ప్రధానిగా నరేంద్ర మోదీయే కొనసాగుతారని, ఈ విషయంలో కాంగ్రెస్‌ అనవసరంగా కంగారుపడొద్దని కేంద్రమంత్రి రామ్‌విలాస్‌ పాసవాన్‌ అన్నారు. ఎన్డీయే పాలన రెండేళ్లు పూర్తయిన సందర్భంగా నిర్వహించిన వేడుకలపై సోనియాగాంధీ మంగళవారం పలు విమర్శలు చేశారు. ఈ నేపథ్యంలోనే భారత్‌లో మోదీ ఓ ప్రధానిగా కాకుండా చక్రవర్తిలా వ్యవహరిస్తున్నారని రాయ్‌బరేలీలో ఆమె చేసిన వ్యాఖ్యలపై పాసవాన్‌ పైవిధంగా స్పందించారు. జమ్ము కశ్మీర్‌లో బ్యూరో ఆఫ్‌ ఇండియన్‌ స్టాండర్డ్స్‌(బీఐఎస్‌) కార్యాలయ శాఖను ప్రారంభించేందుకు వచ్చిన మీడియాతో మాట్లాడారు. అయితే సోనియా అల్లుడు రాబర్డ్‌ వాద్రా ఆస్తులు, తదితర వివాదాస్పద అంశాలపై మాట్లాడేందుకు ఆయన నిరాకరించారు.

సొంత ఫేస్‌బుక్.. అంతలోనే హ్యాకయింది!

01/06/2016: ప్యాంగ్‌యాంగ్ : ఉత్తరకొరియా తాను సొంతంగా రూపొందించుకున్న ఫేస్‌బుక్ అంతలోనే హ్యాకయింది. హ్యాకర్లు దాన్ని ఆఫ్‌లైన్‌లోకి పంపేశారు. దాదాపు ఫేస్‌బుక్‌లాగే కనిపించే మరో సోషల్ మీడియా సైట్‌ను ఉత్తరకొరియాలో సృష్టించారు. దాన్ని ప్రపంచంలో ఎవరైనా యాక్సెస్‌ చేసేలా చూసుకున్నారు. 'పీహెచ్‌పీ డాల్ఫిన్' అనే సాఫ్ట్‌వేర్‌ టూల్ సాయంతో 'బెస్ట్ కొరియా' అనే ఈ సోషల్ నెట్‌వర్కింగ్ సైట్‌ను రూపొందించారు. దాన్ని ఎవరైనా కొనుక్కుని, తమ సొంత ఫేస్‌బుక్ లాంటి నెట్‌వర్క్ ఏర్పాటు చేసుకోవచ్చు. కానీ, కొరియన్లు రూపొందించిన సొంత ఫేస్‌బుక్‌కు డీఫాల్ట్ పాస్‌వర్డ్ ఉండటంతో హ్యాకర్లకు పని చాలా సులభమైంది. ఓ స్కాటిష్ విద్యార్థి దాన్ని హ్యాక్ చేసి, అందులోని ప్రకటనల స్లాట్లన్నింటిలో తన సొంత మెసేజ్ ఒకటి పెట్టేశాడు. ''నేను ఈ సైట్‌ను తయారుచేయలేదు, కేవలం లాగిన్ వివరాలు కనుక్కున్నాను' అనే సందేశం పెట్టి, దాన్ని తన సొంత ట్విట్టర్ అకౌంటుకు లింక్ చేశాడు. దాంతో కొరియన్ల సొంత ఫేస్‌బుక్ కాస్తా బుక్కైపోయింది. ఈ సైట్‌ను ఉత్తర కొరియా సర్వర్‌లో రిజిస్టర్ చేసినా, దాన్ని సరిగ్గా ఎక్కడి నుంచి చేశారు, దాని వెనక ఎవరున్నారన్న విషయాలు మాత్రం తెలియలేదు. అసలు ఉత్తర కొరియాకు సొంత ఫేస్‌బుక్ ఎందుకు సృష్టించాలనుకున్నారో కూడా తెలియరాలేదు. ఆ దేశంలో కేవలం కొన్నివేల మందికి మాత్రమే ఇంటర్‌నెట్ యాక్సెస్ ఉంది. అందులో కూడా ఫేస్‌బుక్ లాంటి పాశ్చాత్య సైట్లు చూసేందుకు వీల్లేదు. చాలా పరిమితులున్నాయి. గత సంవత్సరం దాదాపు పీహెచ్‌పీ డాల్ఫిన్ లాంటి టూల్‌తోనే ఐఎస్ఐఎస్ మద్దతుదారులు తమ సొంత ఫేస్‌బుక్ వ్యవస్థను ఏర్పాటుచేసుకున్నారు. కానీ దాన్ని కూడా హ్యాకర్లు వదిలిపెట్టలేదు. దాంతో కొద్ది రోజులకే అది పడుకుంది.

పెళ్లి చేసుకున్న యువతి కన్య కాదని...

01/06/2016: ముంబై/నాసిక్: శాస్త్రసాంకేతిక పరంగా ఎంతగా పురోగమించినా ఆధునిక సమాజంలో అనాగరిక పోకడలు అక్కడక్కడా వెలుగులోకి వస్తూనే ఉన్నాయి. మహారాష్ట్రలోని నాసిక్ జిల్లాలో తాజాగా బయటపడిన ఉదంతం నవనాగరికుల గుడ్డి నమ్మకాలకు అద్దం పడుతోంది. తాను పెళ్లాడిన యువతి కన్య కాదని 48 గంటల్లోనే వివాహ బంధాన్ని తెంచుకునేందుకు సిద్ధమయ్యాడో పురుషహంకారి. అతగాడికి కులపెద్దలు మద్దతు పలకం గమనార్హం. కన్యత్వ పరీక్షకు వరుడిని ప్రోత్సహించడం కులపెద్దలే పోత్సహిచడం మరింత విడ్డూరం. మే 22న పెళ్లిచేసుకున్న వరుడికి కులపెద్దలు తెల్లని దుప్పటి ఇచ్చారు. రెండు రోజుల రోజుల తర్వాత ఈ దుప్పటిని పెళ్లికొడుకు కులపెద్దలకు తిరిగిచ్చేసాడు. దుప్పటిపై రక్తపు మరకలు లేకపోవడంతో తాను పెళ్లి చేసుకున్న యువతి కన్య కాదని అన్నాడు. దీంతో ఆమెతో వివాహ బంధం తెంచుకునేందుకు అతడికి కులపెద్దలు అనుమతిచ్చారు. బాధితురాలు పోలీసు పరీక్షలకు సిద్ధమవుతూ రన్నింగ్, లాంగ్ జంపింగ్, సైక్లింగ్ ఇతర కసరత్తులు చేస్తోందని సామాజిక కార్యకర్తలు రంజనా గవాండే, కృష్ణా చందగుడే వెల్లడించారు. ఈ విషయం కులపెద్దలకు వివరిస్తామని, సామరస్య పరిష్కారం లభించకుంటే పోలీసులకు ఫిర్యాదు చేస్తామని తెలిపారు.

పల్గాన్‌లో అగ్నిప్రమాదం - 17 మంది మృతి

31/05/2016: ముంబయి: పల్గాన్‌లోని ఆయుధగారం పరిశ్రమలో భారీ అగ్నిప్రమాదం సంభవించింది. సోమవారం అర్ధరాత్రి ఒంటి గంట సమయంలో ఆయుధగారంలో భారీ పేలుడు సంభవించడంతో ఈ ప్రమాదం చోటుచేసుకుంది. రాత్రంతా ఆయుధగారంలో భారీగా మంటలు ఎగిసిపడుతూనే ఉండడంతో భారీగా ఆయుధాలు దగ్ధమయ్యాయి.ప్రమాదంలో 17మంది మృతి చెందగా మరో 19 మందికి తీవ్రగాయలయ్యాయి. మంటలు భారీగా ఎగసిపడుతుండడంతో పరిసర ప్రాంతాల్లోని ప్రజలను సురక్షిత ప్రాంతాలకు తరలించారు. మృతుల్లో ఇద్దరు ఆర్మీ అధికారులు, 15మంది జవాన్లు ఉన్నట్లు సమాచారం. ప్రస్తుతం సహాయక సిబ్బంది మంటల్ని అదుపుచేశారు. రక్షణ మంత్రి మనోహర్‌ పారికర్‌ ఘటనాస్థలిని పరిశీలించనున్నారు.